Karuwar laifuka a Barcelona na dakile yawon bude ido
Asalin hoton, Getty Images
- Marubuci, Daga Guy Hedgecoe
- Sanya sunan wanda ya rubuta labari, Madrid
- An wallafa
Rikici sosai har da shake wani jakada ya yi karin haske a kan karuwar laifuka a birnin Barcelona, abin da ke bai wa mutanen wurin da mahukunta tsoro.
Jakadan kasar Afghanistan da ke kasar Spaniya, Masood Khalili, an far masa da makami inda aka kada shi a ranar Lahadi da dare bayan an sace masa agogo.
A wasu gidaje da ke kusa a ranar Lahadi da dare, wata Bafaranshiya mai shekara 91 ta samu rauni a kanta a lokacin da barayi suka kama sarkar da ke wuyanta.
Wani dan yawan bude ido an masa aiki a asibiti bayan an yi masa fashi a wata unguwa kwanaki biyu da suka wuce.
Shugaban jami'an tsaro na garin Barcelona, Albert Batlle, ya musanta abin da ke faruwa a matsayin wani "babban rikici" alkaluma sun nuna cewa abin ya fara ne gadan-gadan kafin lokacin bazara.
An samu karin yawaitar laifuka da kashi 9 cikin 100 a wata shida na farkon a wannan shekara idan aka kwatanta da shekarar 2018.
Manyan laifuka sun yi sama da kashi 31 cikin 100 a wannan lokacin, wanda a cikin shekara uku ya tashi da kashi 60 cikin 100, fashi kuma ya tashi da kaso 66 cikin 100.
"Lokaci ya yi da zama aminta cewa abin ya fi karfinmu" a cewar Luis Sans, shugaban 'yan kasuwan Passeig de Gràcia.
Asalin hoton, AFP
Birnin mai yawan mutane miliyan 1.6, ya samu masu yawan bude ido miliyan 16 a shekarar da ta gabata.
'Yan sane na yawaitar ziyarar wuraren da masu yawon bude ido suke zuwa kamar su Ramblas boulevard da kuma Ciutat Vella.
