Man United za ta kara da City da Tottenham da Chelsea cikin Oktoba

Ranar Asabar za a ci gaba da wasannin Premier League karawar mako na takwas, bayan hutu da aka yi.

Arsenal ce ta daya a kan teburi mai tazarar maki daya tsakaninta da Manchester City mai maki iri daya da na Tottenham.

Manchester United tana tana ta biyar a kan teburin babbar gasar tamaula ta Ingila da maki 12, bayan cin wasa hudu a kakar nan.

Kungiyar da Erik ten HHag ke jan ragama ta yi canjaras biyu ta ci kwallo takwas aka zura mata takwas a raga kawo yanzu.

United za ta buga wasa tara a cikin watan na Oktoba, inda za ta yi fafata shida a Premier League da yin wasa uku a Europa League.

Cikin watan Oktoba United za ta ziyarci Manchester City a wasan hamayya ranar Lahadi 2 ga watan a karawar Premier.

Cikin wasannin Europa League da kungiyar Old Trafford za ta buga a cikin watan 10, za ta je gidan Nicosia, sannan ta karbi bakuncin kungiyar a wasa na biyu.

Ranar 27 ga watan na OOktoba, United za ta karbi bakuncin FC Sheriff a Ingila, bayan da FC Sheriff ta yi rashin nasara a gida da ci 2-0 a hannun United ranar 15 ga watan Satumba.

Wasu daga cikin wasan hamayya da United za ta buga a Premier a cikin watan nan har da wanda za ta karbi bakuncin Tottenham da wanda za ta je Chelsea.

Karawa da Newcastle United ba zai zo mata da sauki ba, gara wanda za ta yi da West Ham da Everton, wadanda ba sa kokari sosai tun fara kakar bana.

Shin wadanne wasa ne United za ta ci da wanda za ta iya barar da maki?

Wasa tara da United za ta yi cikin watan Oktoba

Premier League Lahadi 2 ga watan Oktoba   

Europa League Alhamis 6 ga watan Oktoba  

Premier League Lahadi 9 ga watan OOktoba

Europa League Alhamis 13 ga watan Oktoba

Premier League Lahadi 16 ga watan OOktoba          

Premier League Laraba 19 ga watan Oktoba            

Premier League Asabar 22 ga watan Oktoba

Europa League Alhamis 27 ga watan Oktoba

Premier League Lahadi 30 ga watan Oktoba