Ubuhindi bwanditse amateka mu kwururutsa Chandrayaan-3 hafi y’impera z’ubumanuko bw’Ukwezi

Inyandiko gusa
Insiguro ya video, Raba igihe Ubuhindi bwururuka neza ku Kwezi
Yatangajwe

"Ubuhindi ubu buri ku Kwezi'' niko umushikiranganji wa mbere w'Ubuhindi Narendra Modi yavuganye ibigumbagumba vyinshi igihe yariko ashikiriza ijambo abahinga bari bakoraniye mu cumba co gukurikirana ingene ico kigendajuru cururuka ku Kwezi.

We asanzwe ari muri Afrika y'Epfo mu nama y'ibihugu bigize Brics. Yavuze mu rurimi rw'igihindi ati ariko umutima n'ubwenge biri kumwe na Chandrayaan-3 nk'uwundi uwari we wese mu gihugu.

Yakeje abahinga ba Isro (ikigo kiraba ivyo mu kirere mu Buhindi) n'abandi Bahindi bose kubera iyo ntambwe ikomeye cane.

People react as they watch a live stream of Chandrayaan-3 spacecraft's landing on the moon, at an auditorium of Gujarat Science City in Ahmedabad, India, on 23 August 2023

Ahavuye isanamu, Reuters

Insiguro y'isanamu, Abantu bari baryohewe cane igihe bariko bararaba ikibirarho ingene Chandrayaan-3 yururuka buke buke ku kwezi
People react as they celebrate the soft landing of the Indian Space Research Organisation's mission Chandrayaan-3 on the Moon's South Pole during the live-streaming, at the Tamil Nadu Science and Technology Centre, in Chennai, India, on 23 August 2023

Ahavuye isanamu, EPA

Gushika ubu ibihugu bine vyonyene kw'isi nivyo bimaze kwururutsa neza ikigendajuru ku Kwezi -Reta Zunze Ubumwe za Amerika, icahoze ari URSS, Ubushinwa n'Ubuhindi.

Ariko, Ubuhindi bubaye ubwa mbere bwururukije ikigendajuru ku mpera z'ubumanuko bw'Ukwezi.

Chandrayaan
Chandrayaan

Kuki barondera kumenya ingene ubumanuko bw'Ukwezi buteye?

Ku bwa Nasa, impera z'ubumanuko bw'Ukwezi zuzuyemwo amayobera menshi, ubuhinga n'ibintu vyinshi vyihishije''.

Hari imanga nyishi zimaze imyaka ama miriyaridi zidashikirwa n'umuco w'izuba, aho ubushuhe bushobora kumanuka gushika kuri degere 248 munsi y'ubusa (-248 Celcius).

Amazi ni imwe mu mvo zituma abahinga barondera kumenye ingene aho hantu hateye.

Skip Ibisomwa cane and continue reading
Ibisomwa cane

End of Ibisomwa cane

Abahinga bibaza ko amazi yiyegeranirije muri izo ntara zo ku mpera ku gihe c'imyaka ama miriyaridi vyoheza bikabaha ibipimo bakihweza bakamenya vyinshi kuri kahise k'amazi ku mibumbe ikukira izuba.