Indege yakorotse ica iragarama muri Somalia
Ahavuye isanamu, ALI HASSAN ALI
Indege yakorotse ica iragarama igihe yariko irururuka ku kibuga c’indege ku mugwa mukuru wa Somalia. Imana yakinze nta n’umwe yapfuye mu bantu barenga 30 bari muri yo.
Videwo iteye ubwoba yafatiwe hafi y’ikibuga c’indege i Mogadishu yerekana umwotsi mwinshi wirabura uva aho iri sanganya ryabereye.
Abajejwe kuzimya imiriro baciye bazimya umuriro wariko uraka, amasanamu y’aho vyabereye akerekana iyi ndege yagaramye, amapine ari hejuru.
Ni indege yegukira ikompanyi Jubba Airways yo muri Somalia, ikaba yari mu rugendo rwo hagati mu gihugu ivuye mu gisagara ca Baidoa ija ku mugwa mukuru, nk’uko abategetsi babivuga.
Ahavuye isanamu, ALI HASSAN ALI
Ingenzi hamwe n’abakozi b’iyo ndege barokowe bose, nk’uko bivugwa n’abakozi b’ikibuga c’indege basubirwamwo n’ibinyamakuru vya reta.
Icateye iri sanganya ntikiramenyekana.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookie n'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
BBC ntibazwa ibivuye ku mbuga ngurukanabumenyi zo hanze
