Yr holl ganlyniadau wedi cael eu cyhoeddi yn etholiad y Senedd, gyda Phlaid Cymru y blaid fwyaf
Plaid Cymru'n ennill 43 sedd, Reform - 34, Llafur - 9, Ceidwadwyr - 7, Y Blaid Werdd - 2, Y Democratiaid Rhyddfrydol - 1
Rhun ap Iorwerth yn dweud bod Plaid Cymru'n barod "i fwrw ymlaen i ffurfio llywodraeth nesaf Cymru"
Y prif weinidog Eluned Morgan wedi colli ei sedd yng Ngheredigion Penfro
Arweinydd Reform yng Nghymru Dan Thomas wedi ennill sedd yn etholaeth Casnewydd Islwyn
Y Blaid Werdd yn ennill eu seddi cyntaf yn y Senedd
Arweinydd y Democratiaid Rhyddfrydol Cymreig, Jane Dodds, yn cadw ei sedd
Dros 50% wedi pleidleisio am y tro cyntaf ar gyfer etholiad i'r Cynulliad neu'r Senedd
16 etholaeth y tro hwn, a 96 AS wedi cael eu hethol am y tro cyntaf drwy system newydd
Yr aelodau sydd wedi eu hethol yw:
Delyth Jewell (Plaid Cymru)
Lindsay Whittle (Plaid Cymru)
Niamh Salkeld (Plaid Cymru)
Llŷr Tomos Powell (Reform)
Catherine Cullen (Reform)
Joshua Kim (Reform)
Nifer y pleidleisiau oedd:
Plaid Cymru – 29,314
Reform – 23,955
Llafur – 7,739
Ceidwadwyr – 3,353
Gwyrddion – 2,447
Dem Rhydd – 1,284
Yr aelodau sydd wedi eu hethol yw:
Cefin Campbell (Plaid Cymru)
Nerys Evans (Plaid Cymru)
Adam Price (Plaid Cymru)
Gareth Beer (Reform)
Carmelo Colasanto (Reform)
Sarah Edwards (Reform)
Nifer y pleidleisiau oedd:
Plaid Cymru – 36,160
Reform – 27,542
Llafur – 6,458
Ceidwadwyr – 5,853
Gwyrddion – 3,832
Dem Rhydd – 1,662
Huw Lewis
Sylwebydd gwleidyddol
Ar raglen ganlyniadau S4C dadleuodd Huw Thomas, prif ymgeisydd Llafur yn etholaeth Caerdydd Penarth, bod anawsterau’r blaid yn dyddio'n ôl i isetholiad Caerffili ym mis Hydref.
Fodd bynnag, o edrych ar batrwm yr arolygon barn mae angen edrych yn ôl dipyn pellach na hynny.
Mae dirywiad yn y gefnogaeth i Lafur wedi bod yn batrwm cyson mewn arolygon yng Nghymru ers dechrau 2023 ac fe welwyd y duedd hon yn magu momentwm yn ystod gwanwyn a haf 2024, sef cyfnod arweinyddiaeth Vaughan Gething.
Wrth ymateb i ddwy sedd Plaid Cymru yng Nghasnewydd Islwyn, yr etholaeth gyntaf i gyhoeddi canlyniad, dywedodd eu cyn-arweinydd yr Arglwydd Dafydd Wigley: “Canlyniad arbennig o dda i Blaid Cymru o ystyried mai yng Nghasnewydd oedd hyn.
"Ia, Casnewydd ac Islwyn - mae’r blaid wedi bod yn eitha’ cryf yn Islwyn dros y blynyddoedd ond ddim felly o gryf yng Nghasnewydd ac mae cael dwy sedd yno, yr un nifer ac mae Reform wedi cael, yn sylfaen arbennig o dda ar gyfer y dyfodol."
Ac wrth i’r blaid ennill dwy sedd arall yn etholaeth Pen-y-bont Bro Morgannwg, ychwanegodd: “Mae Plaid Cymru wedi dod yn blaid credadwy, dwi’n credu bod hynny wedi adeiladu dros y degawdau ers creu’r Cynulliad yn 1999 ac mae hynny diolch i rai sydd wedi gweithio’n galed iawn, iawn yn arbenig dros y blynyddoedd diwetha ‘ma i greu hygrededd yn y blaid.”
Yn siarad am y tro cyntaf wedi iddo gael ei ethol, mae Dan Thomas yn dweud y bydd Reform yn "rhoi pobl Cymru yn gyntaf".
Dywedodd: "Am ddegawdau, mae dinasoedd a chymoedd Cymru, fel Islwyn a Casnewydd, wedi cael eu hanwybyddu, eu gadael lawr a'u hanghofio gan hen bleidiau Cymru.
"Byddwch chi ddim yn cael eich anwybyddu, byddwch ddim yn cael eich gwthio i'r ochr a byddwch ddim yn cael eich galw'n enwau.
"O hyn ymlaen, rydych chi am gael eich cynrychioli gan Reform."
Yr aelodau sydd wedi eu hethol yw:
Mark Jonathan Hooper (Plaid Cymru)
Sarah Rees (Plaid Cymru)
Sarah Cooper-Lesadd (Reform)
Gareth Thomas (Reform)
Andrew R.T. Davies (Ceidwadwyr)
Sarah Murphy (Llafur)
Nifer y pleidleisiau oedd:
Plaid Cymru - 27,407
Reform - 24,602
Ceidwadwyr - 12,464
Llafur - 9,518
Gwyrddion - 4,220
Dem Rhydd - 2,175
Sara Rowlands
Gohebydd BBC Cymru
Natasha Ashgar
Mae yna ddagrau, cofleidio a chymeradwyo gyda chanlyniad cyntaf y dydd yng Nghasnewydd Islwyn.
Roedd Natasha Asghar yn ddagreuol gyda’i theulu cyn cyhoeddi’r canlyniad, o bosib dagrau o ryddhad gan ei bod wedi llwyddo i gadw ei sedd.
Roedd Jayne Bryant, yr unig un o’r Blaid Lafur i lwyddo i ddal gafael ar ei sedd, yn cofleidio pobl o’i chwmpas.
Wrth wneud ei araith fe wnaeth arweinydd Reform Dan Thomas fynnu bod “llais pobl Cymru wedi ei glywed”.
Roedd dathliadau mawr yng nghornel Plaid Cymru gyda Peredur Owen Griffiths a Lyn Ackerman yn ennill 2 sedd.
Gyda'r canlyniad cyntaf wedi cyrraedd, mae'r map etholiadol a threfn y Senedd newydd yn dechrau ffurfio.
Un wedi cyhoeddi, 15 i ddod!
Huw Lewis
Sylwebydd gwleidyddol
Mae hwn yn ganlyniad ysgytwol i’r Blaid Lafur – enillodd y blaid rhwng 40% a 50% o’r bleidlais yn yr ardaloedd hyn yn ôl yn 2021. Heddiw roedd wedi syrthio'n ôl i 14%.
Ar y llaw arall mae gweld Plaid Cymru yn sicrhau dros 30% o’r bleidlais yn syfrdanol.
Etholiad 2026
Dyma'r foment pan glywodd arweinydd Reform yng Nghymru, Dan Thomas ei fod wedi'i ethol i'r Senedd dros Gasnewydd Islwyn.
Dan Thomas, Arweinydd Reform yng Nghymru, sydd yn ennill y sedd gyntaf yn etholiad Senedd Cymru 2026 yn etholaeth Casnewydd Islwyn.
Yr aelodau sydd wedi eu hethol yw:
Dan Thomas (Reform)
Art Wright (Reform)
Peredur Owen Griffiths (Plaid Cymru)
Lyn Ackerman (Plaid Cymru)
Jane Bryant (Llafur)
Natasha Asghar (Ceidwadwyr)
Nifer y pleidleisiau oedd:
Reform - 25,571
Plaid Cymru - 23,069
Llafur - 10,622
Ceidwadwyr - 8,847
Gwyrddion - 5,898
Dem Rhydd - 2,683
