Qarabağ müharibəsi: Humanitar atəşkəs və Gəncəyə hücumlar – baş verənlərin xronogiyası

Azərbaycan Respublikası və Ermənistan Respublikası 18 oktyabr, yerli vaxtla saat 00.00 dan etibarən müvəqqəti humanitar atəşkəsə razılıq veriblər. Azərbaycan Müdafiə Nazirliyi bu gün səhər sübhdən Ermənistan tərəfinin atəşkəsə əməl etməməsilə ilə bağlı məlumat yayıb.

Canlı reportaj

11 Oktyabr 2020Gəncə sakini: "Deyir atəşkəsdir. Bəs, niyə kəsmir bu atəş?"
"Gecə saat 2 idi. Gördüm nəsə səs gəldi. Yatmışdıq özümüz də. İstədim duram gördüm hər şey üstümə tökülüb. Şüşə, taxta, patalok (tavan) hər şey. Oğlum gəldi birtəhər qaldırdı məni yerdən. Çıxmağa yer də tapmırdıq. Deyir atəşkəsdie. Bəs, niyə kəsmir bu atəş? Gəncəni, Tərtəri hər yeri vurur".
Oktyabrın 11-nə keçən gecə raket zərbəsindən evi zərər görmüş Gəncə sakini müxbirimizə müsahibəsində deyir.
Müxbirimiz oradan reportaj hazırlayıb. Burada izləyə bilərsiniz:
Gəncə atəş altında: "Yatmışdıq, istədim duram, gördüm hər şey üstümə tökülüb" - yaralılar danışır
11 Oktyabr 2020"Bu hadisələrə beynəlxalq ictimaiyyət tərəfindən qiymət verilməlidir”, Prezidentin köməkçisi Hikmət Hacıyev bildirib.
“Əminik ki, beynəlxalq ictimaiyyət tərəfindən də bu hal qiymətləndiriləcək və cəzasız qalmayacaq”, Prezidentin köməkçisi Hikmət Hacıyev Gəncədə Baş Prokurorla birgə keçirilən mətbuat konfransında deyib.
O, hadisə ilə bağlı materialların aidiyyati beynəlxalq təşkilatların diqqətinə çatdırılacağını bildirib.
Cənab Hacıyev birifinqdə Ermənistanın “bu hadisədə Azərbaycanda mülki əhaliyə xətər yetirmək və yaxud da ölüm hallarını artırmaqla Azərbaycan xalqını qorxutmaq və çəkindirmək məqsədləri güddüyünü” deyib.
Hikmət Hacıyevin sözlərinə görə, belə “siyasi təxribatlar üçüncü tərəfləri münaqişəyə cəlb etmək, Azərbaycan Silahlı Qüvvələrini Ermənistan ərazisində olan bəzi məntəqələrə zərbələr endirməyə təşviq etmək” məqsədi daşıyır.
“Onlar bundan Azərbaycana qarşı istifadə etmək istəyirlər. Azərbaycan Silahlı Qüvvələri döyüş meydanında, işğal edilmiş ərazilərinin azad olunması istiqamətində keçirilən sülhə məcburetmə əməliyyatı çərçivəsində legitim haqlarından istifadə edərək hərbi hədəfləri sıradan çıxarmaqdadır."
Daha sonra Hikmət Hacıyev Azərbaycan tərəfindən heç bir mülki hədəflərə atəş açılmadığını deyib və əlavə edib:
“Biz erməni xalqı ilə müharibə aparmırıq. Bu müharibə işğalçı, təcavüzkar dövlətlədir. Əgər onlar da silahı yerə qoyarsa, Azərbaycanın işğal olunmuş ərazilərindən çıxarsa, Azərbaycan tərəfi onların Cenevrə Konvensiyası əsasında bütün hüquqlarını təmin etməyə hazırdır. Həmçinin orada yaşayan mülki insanlar bir koridora ehtiyac duyduğu təqdirdə biz onları da humanitar koridorlarla təmin etməyə hazırıq. Bu, yenə də sivil dünya ilə Ermənistan arasında olan fərqi göstərir".
Baş Prokuror Kamran Əliyev hadisəni “terror aktı” adlandırıb.
11 Oktyabr 2020Azərbaycan MN-nin bəyanatı: "Oktyabrın 10-11-də Gəncə, Mingəçevir şəhərləri və 6 rayonun kəndləri atəşə məruz qalıb"
"Oktyabrın 10-u və 11-də müxtəlif saatlarda Gəncə və Mingəçevir şəhərləri, Goranboy, Tərtər, Ağdam, Ağcabədi, Füzuli və Cəbrayıl rayonlarının kəndləri işğalçı ordu tərəfindən atəşə məruz qalıb. Nəticədə xeyli sayda dinc sakin həlak olub və yaralanıb, mülki infrastruktura ciddi ziyan dəyib".
Azərbaycanın Müdafiə Nazirliyinin bazar günü verdiyi bəyanatında belə deyilir.
Qurum "bölgədəki vəziyyətin gərginləşməsinə görə məsuliyyətin tam şəkildə Ermənistanın siyasi və hərbi rəhbərliyinin üzərinə düşdüyünü" bəyan edib.
11 Oktyabr 2020Təcili xəbər, "Yatmışdıq, istədim duram, gördüm hər şey üstümə tökülüb" - yaralılar müxbirimizə bildiriblər, Diqqət: Görüntülər sarsıdıcı ola bilər
Gəncədə olan müxbirimiz şəhərə atılmış raket nəticəsində dağılmış evlərin sakinləri - yaralılar və şahidlərlə danışıb.
O həmçinin dağılmış evlərdə olub, yararsız hala düşmüş evlərin görüntülərini çəkib.
Gəncəyə bu gecə saat 2-də atılan raket nəticəsində 9 nəfər dinc sakin həlak olub və azı 34 nəfər yaralanıb, Baş Prokurorluq bildirib.
Bu gecə Gəncəyə atılan raketlərdən biri çoxmənzilli binaya düşüb.
11 Oktyabr 2020"Görünür, münaqişə təhlükəli yeni mərhələyə keçməkdədir" - BBC News müxbiri
BBC News müxbiri Orla Guerin Gəncədən yazır ki, şəhərinin mərkəzində və ətrafında geniş bir ərazi ziyan çəkib.
O yazır ki, Azərbaycan bu hücumun Dağlıq Qarabağdakı qüvvələr tərəfindən deyil, Ermənistan tərəfindən gəldiyini iddia edir.
"Görünür, münaqişə təhlükəli yeni mərhələyə keçməkdədir", Orla Guerin qeyd edir.
"Azərbaycanın ikinci ən böyük şəhəri olan Gəncədə istifadə olunan silahın parçaları. Raketə bənzəyir. Bu, “atəşkəs” gecəsi baş verib. Azərbaycan da Dağlıq Qarabağ ərazilərini atəşə tutaraq atəşkəsi pozmaqda ittiham olunur", Orla Guerin başqa bir tvitində yazıb.
11 Oktyabr 2020BBC News müxbiri Gəncədə: "Mülki evlər və dükanların vurulduğu ərazidə hər hansı bir hərbi obyekt görmədik"
BBC-nin məşhur müharibə jurnalisti Orla Guerin Gəncədən yazıb ki, "yalnız mülki evlər və dükanların vurulduğu ərazidə hər hansı bir hərbi obyektlərin əlamətini görmədik. Gəncə Azərbaycanın ikinci ən böyük şəhəridir. Dağlıq Qarabağ cəbhəsi xəttindən təxminən 60 km məsafədədir."
11 Oktyabr 2020BBC News müxbiri Gəncədə: "Buradakı mənzərə atəşkəsdən daha çox hərtərəfli müharibəyə bənzəyir"
BBC-nin məşhur müharibə jurnalisti Orla Guerin Twitter-də Gəncədən fotolar paylaşıb.
"Gəncə Azərbaycan Buradakı mənzərə atəşkəsdən daha çox hərtərəfli müharibəyə bənzəyir. Görünür ki, rus vasitəçiliyi ilə edilmiş atəşkəs əvvəldən ölü idi. Demək vacibdir ki, Azərbaycan da Dağlıq Qarabağda atəşkəsi pozmaqda və mülki əraziləri atəşə tutmaqda günahlandırılır."
"Azərbaycanlı qadın Gəncədə 30 illik evinin dağıntıları arasında. O bizə dedi ki, o, erməni analarının da əzab çəkməsini istəmir", o başqa bir tvitində deyir.
11 Oktyabr 2020"Ermənistan humanitar atəşkəs razılığını kobud şəkildə pozmağa davam edir" - Azərbaycan XİN bəyanat yayıb
"Moskva görüşü nəticəsində oktyabrın 10-u, saat 12:00-dan etibarən humanitar atəşkəsə riayət etməklə bağlı razılığın əldə olunmasına baxmayaraq, Ermənistan silahlı qüvvələri bu razılığı kobud şəkildə pozmağa davam edir", Azərbaycan Xarici İşlər Nazirliyi bazar günü bəyanat yayıb.
Bəyanatda bildirilir ki, "humanitar atəşkəsin müəyyən olunduğu vaxtdan dərhal sonra Azərbaycanın Ağdam və Tərtər rayonları Ermənistan silahlı qüvvələri tərəfindən artilleriya atəşinə tutulub".
"Bir neçə saat sonra isə Ermənistan silahlı qüvvələri cəbhənin Hadrut və Cəbrayıl istiqamətlərində hücum cəhdi göstərib", məlumatda vurğulanır.
Azərbaycan XİN-in bəyanatında "Ermənistan silahlı qüvvələrinin humanitar atəşkəs razılığından sonra Gəncəni atəşə tutması" da əksini tapıb:
"Oktyabrın 11-i gecə saatlarında Azərbaycanın ikinci böyük şəhəri olan və cəbhə bölgəsindən xeyli kənarda yerləşən Gəncə şəhəri Ermənistan silahlı qüvvələri tərəfindən raket atəşinə məruz qalıb. Bu hücum nəticəsində 7 mülki şəxs həlak olub, aralarında azyaşlı uşaqlar olmaqla, 34 nəfər yaralanıb".
Azərbaycan Xarici İşlər Nazirliyi həmçinin "Suqovuşan ərazisində erməni əsgərlərinin cəsədlərini yığan və üzərinə aydın şəkildə ağ bayraq sancılan sanitar maşının Ermənistan silahlı qüvvələri tərəfindən atəşə tutulması nəticəsində bir tibbi xidmət qulluqçusunun ağır yaralandığını" da bildirib.
"Dinc insanların və şəhərlərin atəşə tutulmasının barbarlığın növbəti bariz nümunəsi olduğunu" bəyan edən Azərbaycan XİN "Ermənistan rəhbərliyinin atəşkəs çağırışlarının riyakarlıqdan başqa bir şey olmadığını göstərdiyini" vurğulayıb.
Qurum "Ermənistanın bu təcavüzkar əməllərini qətiyyətlə pisləyir və beynəlxalq ictimaiyyəti işğalçı Ermənistanı beynəlxalq hüquqa və beynəlxalq öhdəliklərinə riayət etməyə məcbur etmək üçün qətiyyətli addımlar atmağa çağırıb".
"Bölgədə yaranmış vəziyyətin tam məsuliyyəti Ermənistan siyasi-hərbi rəhbərliyinin üzərindədir", bəyanatda deyilir.
11 Oktyabr 2020Tanınmamış “DQR Prezidenti”: "Atəşkəs rejimi tam müşahidə olunmur"
"Atəşkəs rejimi tam olaraq müşahidə edilmir. Bu səhər nisbətən sakit idi, cəbhədə atışma gedir, ancaq bunu döyüş adlandırmazdım", tanınmamış "Dağlıq Qarabağ Respublikasının Prezidenti" Arayik Harutyunyan deyib.
O bildirib ki, yaxın günlərdə Ermənistana ""Artsax"ın müstəqilliyini" tanımaq üçün müraciət edə bilər.
"Əgər qarşıdakı bir-iki gündə Azərbaycanın münaqişəni sülh yolu ilə həll etməyə hazır olduğunu görməsək, mən Ermənistan hökumətinə Artsaxın müstəqilliyini tanıması üçün müraciət edəcəm".
Azərbaycan Ermənistanın oktyabrın 10-da saat 12.00-da atəşı dayandırmaq razılaşmasına əməl etməməkdə ittiham edir.
Bazar gününə keçən gecə Ermənistan Gəncəni raket zərbələrinə tutub. Azı 7 dinc sakin həlak olub, onlarla yaralı var, yerli rəsmilər açıqlayıblar.
11 Oktyabr 2020Gəncə sakinləri: "Arzu eləyirəm ki, Azərbaycan bu atəşkəsə görə dayanmasın, Qarabağı alsın"
11 Oktyabr 2020Hikmət Hacıyev: "Bu, Azərbaycan xalqına qarşı Xocalı soyqırımından sonra gördüyümüz soyqırım aktıdır"
"Ermənistanın azərbaycanlı mülki əhaliyə qarşı vandalizm və barbarlıq siyasəti davam edir. Bu, Xocalı soyqırımından bəri şahidi olduğumuz Azərbaycan xalqına qarşı bir soyqırım aktıdır", - Azərbaycan Prezidentinin köməkçisi Hikmət Hacıyev twitter səhifəsində yazıb.
11 Oktyabr 2020Gəncə sakini: "Tavan düz beşiyin üstünə töküldü"
"Yaxşı ki, beşikdə yatırtmamışdıq. Tavan düz beşiyin üstünə töküldü".
Evinin tavanı uçmuş Gəncə sakinlərindən biri BBC News Azərbaycancanın müxbirinə belə deyib.
Hadisə yerində olan müxbirimiz deyir ki, "raketin zərbəsi təxminən 500 metrdən artıq ərazidə yerləşən yaşayış binalarına, hazırlıq kursuna, mağazalara zərər vurub".
"Sakinlər inanır ki, bu raketin zərbəsi digərlərinə bənzəmir. Zərbə yaxınlıqdakı binaların demək olar ki, hamısının qapı-pəncərəsini sıradan çıxarıb. Bəzi evlərin divarları çatlayıb. Bəzi evlərin tavanı uçub-təkülüb. Onlarla, bəlkə də yüzlərlə ailəyə zərər dəyib", müxbirimiz bildirir.
11 Oktyabr 2020Təcili xəbər, BBC müxbiri: "Bir qədər əvvəl dağıntılar altından daha bir şəxsin cəsədini çıxardılar"
"Dağıntılar altından daha bir nəfərin cəsədi tapıldı. FHN əməkdaşları təlim görmüş itlərlə birgə axtarış-xilasetmə əməliyyatlarını davam etdirir", BBC-nin hadisə yerində olan müxbiri xəbər verir.
O, bildirib ki, dağıntılar altında başqa şəxslərin qalıb-qalmadığı hələlik məlum deyil.
Müxbirimiz raket zərbəsindən dağılmış binanın ətrafındakı evlərin və ailələrin də zərbədən zərər gördüyünü bildirir.
Prezidentin köməkçisi Hİkmət Hacıyev bir qədər öncə öz twitter səhifəsində "həlak olanların sayının 7-yə, aralarında uşaqların da olduğu ağır yaralı sayının isə 33-ə çatdığını" bildirib.
11 Oktyabr 2020Hikmət Hacıyev: "Ermənistan humanitar yardım altında mülki aviaşirkətlər vasitəsi ilə yeni Smerch raketlərini əldə edib"
"Ermənistan humanitar yardım altında mülki aviaşirkətlər vasitəsi ilə yeni Smerch raketlərini əldə edib", Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev öz Twitter hesabında yazıb.
O, Ermənistanın yardımı aldıqdan sonra "dərhal Mingəçevirdə mülki əhaliyə, mühüm əhəmiyyətə malik enerji infrastrukturuna hücum etdiyini" bəyan edib.
"Sivil dünya ilə Ermənistan arasındakı boşluğu görün”, cənab Hacıyev yazıb.
11 Oktyabr 2020Azərbaycan MN: "Ermənistana məxsus PUA məhv edilib"
Azərbaycan Müdafiə Nazirliyi oktyabrın 11-i səhər saat 08.00 radələrində "Mingəçevir istiqamətində uçuşlar həyata keçirməyə cəhd edən Ermənistana məxsus pilotsuz uçuş aparatının (PUA) Azərbaycanın Hava Hücumundan Müdafiə bölmələri tərəfindən məhv edildiyini" açıqlayıb.
11 Oktyabr 2020Azərbaycan MN: "Gecə bütün cəbhə boyu vəziyyət gərgin sabit olub"
"Oktyabrın 10-dan 11-ə keçən gecə bütün cəbhə boyu vəziyyət gərgin sabit olub", - Azərbaycanın Müdafiə Nazirliyi bazar günü səhər açıqlama yayıb.
Qurum Ermənistan silahlı qüvvələrinin bölmələrinin "humanitar atəşkəs rejiminə əməl etmədiyini" bildirib.
"Ermənistan silahlı qüvvələri itirdikləri mövqeləri geri qaytarmaq məqsədilə canlı qüvvə və döyüş texnikasını cəmləşdirərək yenidən kiçik qruplarla cəbhənin Hadrut və Cəbrayıl istiqamətlərində hücuma keçməyə cəhd göstərib", Müdafiə Nazirliyinin açıqlamasında deyilir.
qurum "gecə ərzində düşmənə atəş zərbəsi vurulmaqla onun bütün hücum cəhdlərinin qarşısının alındığını" açıqlayıb.
"Azərbaycan Ordusunun keçirdiyi fəaliyyətlər nəticəsində cəbhənin müxtəlif istiqamətlərində düşmənin xeyli sayda canlı qüvvəsi, eləcə də 5 ədəd T-72 tankı, 6 ədəd D-20 və D-30 haubitsası, 5 ədəd sursatla dolu yük maşını, 11 ədəd digər avtomobil texnikası, 3 ədəd BM-21 “Qrad” yaylım atəşli reaktiv sistemi, 5 ədəd 2S1 “Qvozdika” özüyeriyən haubitsası, 8 ədəd hava hücumundan müdafiə sistemi və radiolokasiya stansiyası məhv edilib və sıradan çıxarılıb", qurumun məlumatında bildirilib.
Müdafiə Nazirliyi həmçinin "döyüş əməliyyatları nəticəsində Ermənistan ordusunun işğal etdiyi ərazilərdəki əsas qüvvələri və ehtiyatlarına ciddi ziyan vurulduğunu, silah-sursat və yanacağın tükənmək üzrə olduğunu" açıqlayıb.
"Hazırda qoşunlarımız bütün cəbhə boyu əməliyyat üstünlüyünə malikdir", məlumatda deyilir.
11 Oktyabr 2020Gəncə sakinləri: "Uşaqlar çox qorxublar"
"Gecə dik atıldıq, səhərə qədər yata bilməmişik", Gəncə sakinləri BBC News Azərbaycancaya bildirir.
Onlar "uşaqların çox qorxduqlarını" deyirlər.
"Bilmirsən çölə çıxasan, bilmirsən evində qalasan. Nə zaman nə vaxt atacaq məlum deyil", sakinlər danışırlar.
Oktyabrın 11-nə keçən gecə Gəncəyə atılan raketlərdən biri çoxmənzilli binaya düşüb.
"Nəticədə, yaşayış binasına düşən raket binanı tamamilə dağıdıb, bina sakinləri dağıntılar altında qalıb. Əraziyə cəlb olunmuş Fövqəladə Hallar Nazirliyinin müvafiq qüvvələri tərəfindən, ilkin məlumata əsasən, dağıntılar altından xəsarət almış 17 nəfər və 5 nəfərin cəsədi çıxarılıb", Azərbaycan Fövqəladə Hallar Nazirliyi açıqlayıb.
Qurum əməliyyatın davam etdiyini bildirib.
11 Oktyabr 2020"Bu gecə Mingəçevir raket atəşinə məruz qalıb", Azərbaycanın Baş Prokurorluğu bildirir, Qurum "əsas hədəfin" Mingəçevir SES olduğunu açıqlayıb.
"Ermənistanın silahlı qüvvələri ontyabrın 11-i, səhər saat 4 radələrində Cənubi Qafqazın ən böyük istilik elektrik stansiyası olan Mingəçevir Su Elektrik Stansiyasını hədəfə almaqla cəbhə zonasından 100 km-dən artıq uzaqlıqda yerləşən, iri sənaye şəhəri Mingəçevirə raketlər atıb", Aərbaycanın Baş Prokurorluğu bildirir.
Qurum atılan raketlərin Azərbaycan Ordusunun hərbi hava hücumundan müdafiə qüvvələri tərəfindən zərərsizləşdirildiyinin açıqlayıb.
"İşğalçı Ermənistanın silahlı qüvvələri beynəlxalq hüququn norma və prinsiplərini, 1949-cu il tarixli Cenevrə Konvensiyaları və onların Əlavə Protokollarını, habelə 10 oktyabr 2020-ci il tarixdə saat 12:00-dan etibarən elan edilmiş humanitar atəşkəs rejiminin tələblərini pozaraq, Azərbaycanın dinc əhalisini qəsdən hədəfə almaqla yaşayış məntəqələrini və strateji obyektləri ağır artilleriyadan atəşə tutmağa davam edir", Baş Prokurorluğun məlumatında deyilir.
11 Oktyabr 2020Baş Prokurorluq: "Gəncədə çoxmənzilli binanın raket atəşinə tutulması nəticəsində 5 nəfər həlak olub", FHN raket düşmüş binanın tamamilə dağıldığını açıqlayıb.
"Ermənistan silahlı qüvvələrinin Azərbaycanın ikinci böyük şəhəri Gəncənin mərkəzində yerləşən çox mənzilli yaşayış binasını raket atəşinə tutması nəticəsində 5 nəfər həlak olub", Azərbaycanın Baş Prokurorluğu məlumat yayıb.
Qurum "11 oktyabr gecə saat 02:00 radələrində cəbhə zonasından kənarda yerləşən Gəncə şəhərinə atılan raket atəşi nəticəsində 28 nəfərin yaralandığını" açıqlayıb.
Baş Prokurorluq "çoxsaylı mülki infrastruktur obyektlərə külli miqdarda ziyan dəydiyini" bildirir.
"Hazırda hadisə yerində olan prokurorluq əməkdaşları tərəfindən zərərçəkmiş şəxslərin və zərər dəymiş mülki infrastruktur obyektlərin siyahısının dəqiqləşdirilməsi ilə bağlı istintaq-əməliyyat tədbirləri həyata keçirilir", qurum açıqlayıb.
Azərbaycan Fövqəladə Hallar Nazirliyi binanın tamamilə dağıdıldığını açıqlayıb.
11 Oktyabr 2020Azərbaycan MN: "Ermənistanın silahlı qüvvələri Gəncə şəhərini növbəti dəfə atəşə tutub"
Azərbaycan Müdafiə Nazirliyi şənbədən bazar gününə keçən gecə Ermənistanın silahlı qüvvələrinin Gəncə şəhərini növbəti dəfə atəşə tutması ilə bağlı məlumat yayıb.

Qarabağ müharibəsi: Humanitar atəşkəs və Gəncəyə hücumlar – baş verənlərin xronogiyası

Canlı reportaj

11 Oktyabr 2020Gəncə sakini: "Deyir atəşkəsdir. Bəs, niyə kəsmir bu atəş?"

11 Oktyabr 2020"Bu hadisələrə beynəlxalq ictimaiyyət tərəfindən qiymət verilməlidir”, Prezidentin köməkçisi Hikmət Hacıyev bildirib.

11 Oktyabr 2020Azərbaycan MN-nin bəyanatı: "Oktyabrın 10-11-də Gəncə, Mingəçevir şəhərləri və 6 rayonun kəndləri atəşə məruz qalıb"

11 Oktyabr 2020Təcili xəbər, "Yatmışdıq, istədim duram, gördüm hər şey üstümə tökülüb" - yaralılar müxbirimizə bildiriblər, Diqqət: Görüntülər sarsıdıcı ola bilər

11 Oktyabr 2020"Görünür, münaqişə təhlükəli yeni mərhələyə keçməkdədir" - BBC News müxbiri

11 Oktyabr 2020BBC News müxbiri Gəncədə: "Mülki evlər və dükanların vurulduğu ərazidə hər hansı bir hərbi obyekt görmədik"

11 Oktyabr 2020BBC News müxbiri Gəncədə: "Buradakı mənzərə atəşkəsdən daha çox hərtərəfli müharibəyə bənzəyir"

11 Oktyabr 2020"Ermənistan humanitar atəşkəs razılığını kobud şəkildə pozmağa davam edir" - Azərbaycan XİN bəyanat yayıb

11 Oktyabr 2020Tanınmamış “DQR Prezidenti”: "Atəşkəs rejimi tam müşahidə olunmur"

11 Oktyabr 2020Gəncə sakinləri: "Arzu eləyirəm ki, Azərbaycan bu atəşkəsə görə dayanmasın, Qarabağı alsın"

11 Oktyabr 2020Hikmət Hacıyev: "Bu, Azərbaycan xalqına qarşı Xocalı soyqırımından sonra gördüyümüz soyqırım aktıdır"

11 Oktyabr 2020Gəncə sakini: "Tavan düz beşiyin üstünə töküldü"

11 Oktyabr 2020Təcili xəbər, BBC müxbiri: "Bir qədər əvvəl dağıntılar altından daha bir şəxsin cəsədini çıxardılar"

11 Oktyabr 2020Hikmət Hacıyev: "Ermənistan humanitar yardım altında mülki aviaşirkətlər vasitəsi ilə yeni Smerch raketlərini əldə edib"

11 Oktyabr 2020Azərbaycan MN: "Ermənistana məxsus PUA məhv edilib"

11 Oktyabr 2020Azərbaycan MN: "Gecə bütün cəbhə boyu vəziyyət gərgin sabit olub"

11 Oktyabr 2020Gəncə sakinləri: "Uşaqlar çox qorxublar"

11 Oktyabr 2020"Bu gecə Mingəçevir raket atəşinə məruz qalıb", Azərbaycanın Baş Prokurorluğu bildirir, Qurum "əsas hədəfin" Mingəçevir SES olduğunu açıqlayıb.

11 Oktyabr 2020Baş Prokurorluq: "Gəncədə çoxmənzilli binanın raket atəşinə tutulması nəticəsində 5 nəfər həlak olub", FHN raket düşmüş binanın tamamilə dağıldığını açıqlayıb.

11 Oktyabr 2020Azərbaycan MN: "Ermənistanın silahlı qüvvələri Gəncə şəhərini növbəti dəfə atəşə tutub"