Namoonni Itoophiyaatti koronaavaayirasiin irratti argame 11,500 caale

Haguuggii Tamsaasa Kallattii

1. 18 Adooleessa 2020Indiyaatti lakkoofsi namoota haaraa vaayirasichaan qabamanii dabalaa jira, Ayishiwaariyaafi intallishee Covid-19'n qabaman

   Sa'aatii muraasa darban keessatti waa'ee akitarii beekamtuu Ayishiwaariyaa Raayi Baachaan Covid-19'n qabamuufi intalashee waliin hoospitaala seenuu gabaafamaa ture.

   Kan isaanii kun lakkoofsa namoota waliigalaa sa'aatii 24 darbe keessatti galmaa'e 34,884 keessaayyu.

   Sa'aatiidhuma kana keessattis namoonni 671 ta'an koroonaavaayirasiin wal-qabatee lubbuu dhabaniiru.

   Naannoleen kan akka Mahaaraashaatiraa, Taamil Naaduu fi Weesti Beengaal, bakkeen weerarichaaf hedduu saaxilamoo jedhaman cufaniiru.

   Maatii Baachaan ilaallatee oduun jiru - wal'aansa taasifamaafii jiruun fooyya'aa akka jiranidha eejansiin oduu PTI kan gabaase.

   Ayishiwaariyaa dabalatee abbaan warraashee Abisheek, akkasumas soddaanshii Amitaab Baachaanis wal'aansa argachaa jiru.

2. 18 Adooleessa 2020''Lammiileen Iraan miiliyoona 25 tahan Koroonaavaayirasiin qabamaniiru,'' jedhan Rohaaniin

   Pireezidantiin Iraan Hasan Rohaanii, lammiileen Iraan miiliyoona 25 tahan Covid-19'n qabamuufi kanneen biroo miiliyoona 35 tahan ammoo saaxilamoo tahuu dubbatan.

   Ragaan pireezidantichi dhiyeessan kun gabaasa ministeera fayyaarratti hundaa'uun yogguu tahu, biyyattiin siree yaalii dachaa amma jiru akka barbaachisu dubbatan.

   Haga ammaa lakkoofsi namoota qabamanii gabaafamee jiru - 269,440.

   ''Gabaasa kanarratti hundaa'uun yoo haasofne: gabaasichi ummata biyyattii keessaa miiliyoona 25 kan tahan vaayirasichaan qabamaniiru. Kanneen miiliyoona 30 haga 35 tahan ammoo ji'oota dhufaa keessatti qabamu.

   Kana malees gabaasichi namoonni hoospitaalatti ciisanii yaalamuun isaan barbaachisu kan amma jiruun dachaan baayyata,'' jedhaniiru.

   Pireezidanti Rohaanii dabalanii, guyyoota 150 dabran keessa namoonni 14,000 tahan vaayirasii kanaan qabamanii du'aniiru jechuun gabaasicha eeruun dubbataniiru.

3. 18 Adooleessa 2020Naannoon Chaayinaa tokko namoonni 16 Covid-19'n erga qabamanii booda tarkaanfii hatattamaa fudhate

   Anga'oonni Urumqii magaalaa guddittii Naannoo Zhiinjiyaangi, Jimaata kaleessaa magaalattiitti namoonni 16 vaayirasichaan qabamuun erga mirkanaa'ee booda tarkaanfii hatattamaa fudhataniiru.

   Adoolessa keessa namoonni haaraan 17 vaayirasichaan qabamuun yoo mirkanaa'u, mallattoo kan hin agarsiifne kan biroon 11's argamaniiru.

   Namoonni 269 biroon ammoo hordoffiin irratti taasifamaa jiraachuudha Rooyitarsi kan gabaase.

   Akka miidiyaan mootummaa Giloobaal Taayimsi gabaasetti naannoowwan jireenyaa hedduun Kamisa halkan irraa kaasee cufamanii hordofamaa jiru.

   Namoonni naannichatti asiif achi akka sochoo'an hayyamamus, maaskii kaawwachuun dirqama dha.

   Daandiin baaburaa magaalattiis Kamisa darbe cufamee ture.

   Buufata Xiyyaaraa Idil Addunyaa Urumqii Diwooppuutti balalliiwwan 600 ol Jimaatarra akka haqaman taasifameera.

   Hogganaan giddu-gala to'annoofi ittisa dhukkubaa Urumqii Ruyii Baawooliingi akka jedhanitti, ''haalli waliigalaa weerarichi naannicha keessatti qabu kan to'atamuu danda'udha''.

4. 18 Adooleessa 2020Itoophiyaa fi Masriin hidhaa Laga Abbayyaarratti maaliif waliigaluu dadhaban?

5. 18 Adooleessa 2020'Mootummaan Itoophiyaa haala namoota hidhamanii ifatti beeksisuu qaba'

6. 18 Adooleessa 2020'Hanqina qabinsa mirgaa hidhamtootarra gahu hordofaa jirra'

7. 18 Adooleessa 2020Sudaanitti seerotni Shari'aa jijjiiramuu warri morman hiriira bahan

   Sudaanitti mormitoonni seera Shariyaa deeggaran magaalaa guddittii Kaartumitti bahuun seeroonni bu'uura Islaamummaa qaban fooyya'uusaanii morman.

   Biyyattiin guyyootaan dura seerota ciccimoo bu'uura Islaamummaa qaban fooyyeessuushee beeksistee turte.

   Seerota kanneen keessaa namootni Musliima hin taane alkoolii akka hin dhugne kan dhorku ture.

   Kana malees namni amantii dhiise dhagaan tumamee akka ajjeefamu taasifama ture. Adabbiin uummata duratti uuleen dhaanamuus akka haqamu murtaa'ee jira.

   Rifoormiiwwan kunniin kan labsaman erga hoogganaan biyyattii yeroo dheeraa Omaar al-Bashir, mormii hedduun booda aangoorraa bu'anii booda.

   Mormitoonni kunniin seeronni kunneen fooyya'uusaanii daran morman. ''Seeronni Rabbi kaaniin bakka bu'uu hinqaban,'' jechuun sagaleesaanii dhageessisaa turan.

   Kana malees, barreeffamoota ''Sekulaarizimii hin fudhannu,'' qabatanii bahuu ejensiin oduu AFPn gabaaseera.

   Mormitoonni ergaasaanii ministira muummee biyyattii Abdallaa Hamdookitti wayita dabrsan: ''Hamdook, kun Kaartuum malee Niiw Yoork miti,'' jedhaniiru.

   Kaanis suuraa Ministira Haqaa biyyattii Nasraddiin Abdulbarii qabatanii turan - ministira kanatu fooyya'uu seerota kanaa kan labsan.

   Seera haaraa kanaan, dubartoonni ijoollee isaanii waliin imaluuf miseensa maatii dhiira tahe irraa eeyyama gaafachuun isaanirra hin jiraatu.

   Kanneen Musliima hintaane mana dhuunfaasaaniitti alkoolii dhuguun kan heeyyamameef oggaa tahu, Muslimootaaf garuu alkoolii dhuguun ammallee hin heeyyamamne.

   Gabaasa guutuu asii dubbisaa https://bbc.com.im/afaanoromoo/oduu-53384766%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

   18 Adooleessa 2020'Abbaan kee akka as jirtu akka hin barreef isatti hin mul'atin naan jedhan'

8. 18 Adooleessa 2020Qabsaa'aan mirgaa beekamaan Joon Lewiis ganna 80tti du'aan boqotan

   Joon Lewiis umriisaanii guutuu mirgoota siiviiliif kan qabsaawaa turaniifi boodarra bakka bu'aa kongirasii ka turan, ganna 80tti du'aan boqotaniiru.

   Aabba Lewiis namoota 'Big Six' yookaan 'Gurguddoota Jahan' jedhaman keessaa turan.

   Jahan kana keessaa Maartin Lutar King Jr. kan argamu yogguu tahu, hiriira mormii seena-qabeessa Waashingitanitti 1963tti godhame warra qindeessan keessaati.

   Kongirasii biyyattii keessatti, Demokraatota Jiyoorjiyaa, naannawa magaala Atilaantaa bakka bu'uun tajaajilaniiru.

   Muddee 2019 keessa Aabba Lewiis, kaansara gosa 'pancreatic' jedhamu sadarkaa 4ffaarra gaheen miidhamuu isaanii ifoomsanii turan.

   ''Umriikoo guutuu qabsoo keessan ture - walabummaaf, walqixxummaaf, mirgi dhala namaa akka kabajamu.

   Amma garuu qabsoon na mudate kan amma dura na mudate hinturredha,'' jedhan wayita waa'ee dhukkubichaan qabamuu wayita ibsanitti.

   Baroota sosochii mirgoota siiviilii (civil rights movement) keessatti Aabba Lewiis dhaaba barattootaa 'Student Nonviolent Coordinating Committee (SNCC)' hundeessuuniifi dura taa'aa tahuun tajaajilaniiru.

   Hiriira seena-qabeessa Hojiifi Bilisummaarratti Waashingitanitti gaggeeffamerrattis qindeessuun, namoota haasaa godhan keessaa turan.

   Gaafa sanadha Dr. King haasaasaa haalaan beekamaa tahe ''Abjuun Qaba'' (I Have a Dream) jedhamu kan taasise.

   Aabba Lewiis namoota hiriira sanarratti dubbatan keessaa isaan dhumaa turan.

9. 18 Adooleessa 2020Tiraamp lammiileen Ameerikaa maaskii akka kaawwatan hin ajaju jedhan

10. 18 Adooleessa 2020Ya dachaane!, Akkam bultan/ooltan?

    Gabaasa kallattii biraan deebineerra.

    Armaan gaditti gabaasaalee guyyoota darba isin biraan gahaa turre argachuu dandeessu.

    Oolmaa gaarii jenna!

11. 17 Adooleessa 2020Itoophiyaatti sa’aatii 24 darbe namoonni 344 Covid-19n qabamanii 13 du’an

    Itoophiyaatti sa’aatii 24 darbe saamuda 7,407 qoratame keessaa namoonni 344 koronqavaayirasiin yoo qabaman, 13 ammoo dhibee kanaan du’uu Ministeerri Fayyaa beeksiseera.

    Namoota dhibee Covid-19n lubbuu darbe keessaa 9 qorannoo reeffa hawaasa keessaarratti taasifameen kan mirkanaa’e yoo ta’u, 4 ammoo warra wallaansa irra turan keessaati.

    Lakkoofsi waliigalaa namoota koronaavaayirasiin du’anii 163 ta'eera.

    Namoota Covid-19n qabamuun isaanii mirkanaa’e haaraan kun 206 Finfinneerraa, 31 Oromiyaarraa, 29 Tigiraayirraa, 22 Affaarirraa, 15 Somaaleerraa, 14 Dirree Dhawaarraa, 9 Gambeellaarraa, 7 Sidaamaarraa, 7 Harariirraa, 2 Kibbarraa, 2 Amaaraarraati.

    Kan har’aa 86 dabalatee lakkoofsi namoota dhibee kanarraa bayyanatanii ammoo 4,900 qaqqabeera.

    Biyyattii keessatti hanga har’aatti namoota 317,046 koronaavaayirasiif qorataman keessaa 9,147 irratti argamuu gabaasni guyyuu ministeera fayyaa mul’iseera.

12. 17 Adooleessa 2020Lakkoofsi deeggartoota Tiraamp sababii Covid-19n xiqqaataa jira jedhame

    Lammiilee Ameerikaa hedduun haala Tiraamp ittiin Covid-19 to’achuuf socho’aa tureen walqabatee isa irraa fuula garagalfataa jiraachuu sagalee Oduun ‘Washington Post-ABC’ waliitti qabee mullise.

    Nammoonni %60 ta’anis haala pirezidaantiiichi ittiin weeraricha to’ate komataniiru.

    Isaan keessaa kanneen %52 ta’an cimsanii kan mormaniidha.

    Haaluma kanaanis lammiilee Ameerikaa 10 keessaa jaha kan ta’an waan Tiraamp Covid-19 ilaalchisee jedhu hin amannuu jedhaniiru.

    Namoota yaada Tiraamp irratti ejannoo akkasii qaban 10 keessaa sadii amma warra Riippablikaanootaati.

    Pirezidaantii Ameerikaa osuma tatamsa'inni vaayirasichaa garmalee dabalaa jiruu manneen barnootaa akka deebiifamanii banamaniif dhiibbaa taasisuu isaatti qeeqameera.

    Akkasumas, yeroo weeraraa guutuu kana keessatti qondaaltoota fayyaa ummataa tufataa jira jedhuun qeequumsi irratti dhiyaataa jira.

    Jalqaba torban kanaattis, sagaleen biraa Yunvarsitii ‘Quinnipiac’ walitti qabameen kanneen %62 ta’an, Tiraamp yaaliiwwan vaayirasichaa taasifamaa jiran akka miidhe amanu.

    Haata’u malee, kanneen %36 ta’an adeemsa isaa deegaraniiru.

    Kunis erga bara 2017 as sagalee isa gadaanaadha jedhameera.

13. 17 Adooleessa 2020Miseensoonni paarlaamaa Yugaandaa Pirezidaant Museeviinii dhiifama gaafatan

    Gareen miseensoota paarlaamaa Yugaandaa paartii biyya bulchuu pirezidaantii biyyattii Museeviinii biraa deemuun dhiifama gaafata. Miseensonni paarlaamaa kunneenis ‘ejjannoo paartiichaa muraasa’ kanaan dura mormaniif amma pirezidaantichi dhiifama akka taasisuuf gaafatan. Pirezidaantichi walgahii waajjiira isaanii kan Enteebeetti gaggeefame ilaalchisuun suuraalee fuula tiwitara isaaniirratti maxxansaniiru.

    "Koreen jiddugala hojjiiraawwachiifuu paatichaa tokkummaafi naamusa paartiichaatiif hojjachuun gara fuula duraatti miseensoota paarlaamaa kana waliin wal quunnamna,’’ jedhan pirezidaantiin umuruun waggaa 75 kun. Akkasumas, miseensoonni paarlaamaa akka siyaasa sabummaafi eenyummaa dhiisaniif gaafataniiru.

    Yugaandaan filannoo waliigalaa Amajjii 2021’tti gaggeessuuf kan karoorsaa jirtu yoo ta’u, Pirezidaant Museviiniin yeroo jahaffaaf aangoorra turuuf akka dorgaman eegamu.

14. 17 Adooleessa 2020UKn guyyaatti namoota kuma 500 qorachuuf

    Ministirri Mummee biyyattii Booriis Joonsan akka jedhanitti, mootummaan qorannoo Covid-19 fooyyeessuuf hojii cimaa hojjateera.

    Haaluma kanaanis qorannoo guyyaatti gaggeessan parsantaa 100 guddisuun 200,000 gaheera.

    Innis ‘‘UK keessatti namni kamiiyyu, eessattuu mallattoo dhukkubbii qabaannaan turtii tokko malee qoratama,’’ jedhaniiru.

    Garuu waqtii qorraatti deemamaa waan jiruuf qorannoon gaggeeffamu cimee itti fufuu qaba jedhan.

    Kanaafuu ‘‘dandeettii qorannoo guyyaa keenya gara 500,000 guddifna dhuma baatii Onkolooleessaatti,’’ jedhaniiru.

15. 17 Adooleessa 2020Qawwee kilaashiin tokko loon lamaan iddoo itti geeddarame

    Kaaba-Baha Naayijeeriyaa bulchiinsa Zamfaraa jedhamu keessatti saamtota qawwee qabatanii loon, suuqii fi midhaan fa’aa saamaa turan qawwee tokko wayita deebisaan loon lamatu kennameef.

    Bulchaan bulchiinsa Zamfara yakka dhiisanii akka lammii itti gaafatamuummaan itti dhaga’amutti akka jiraatan jajjabeessuuf loon qawween jijjirreef jedhaniiru.

    Saamtonni hawaasatti makaman kun duraan doqdoqqeen deemanii nama saamu, bosona keessa dhokatanii namoota butanii gadhiisisuuf maallaqa gaafata turan.

    Dhiyeenyatti haleellaa qaqqabsisaaniin namoota 21 tu ajjeefame.

    Saamtoonni dhiifama gaafatanii hawaasatti makaman kun qonnaan bultoota jalaa loon saamanii qawwee bitachaa turan.

    Amma qawwee looniin geeddaratu.

    Amma garuu qawwee kilaashii tokko fidaa, loon lama argattuu jennee gaafanne jedhan bulchaan bulchiinsa Zamfaraa Beelloo Matawallee.

    Kuni akka qawwe deebisaan jajjabeessuuf kana raawwanne jedhaniiru. Saamichi kun jalqabame waggoota dheeraan dura qabeenyarratti walmorkii horsiisee bultoota saba Fulaanii jedhamanii fi hawaasa qonnaan bultoota gidduutti tureen akka eegalametu himama.

16. 17 Adooleessa 2020Gaazexeessaan OMN Guyyoo Waariyoo to'annoo jala oole

17. 17 Adooleessa 2020Ameerikaan qoqqobbii meeshaa waraanaa Sudaan Kibbaa 'kaasuu malti'

    Ameerikaan qoqqobbii meeshaa waraanaa fi kaan Sudaan Kibbaa irra keesse kaasuuf hayyamamtuudha yoo haal-dureewwan barbaachisan guutaman jedhan ambaasaaddaarri bara hojii isaanii fixataa jiran Toomaas Husheek.

    Haal-dureewwan kaa'aman keessaa "hamma hokkaraa fi malaammaltummaa xiqqeessuu" kan jedhu ni argama.

    Manni maree nageenyaa Dhaabbata Biyyoota Gamtoomanii Caamsaa darbe qoqqobbii biyyattiirra jiru ganna tokkoof dheeressee ture. Kunis daddabarsa meeshaa waraanaa finnciltootaa dhaabsisuufi.

    Ameerikaan pireezidantii itti aanaa duraanii Taban Deeng Gaay dabalatee aanga'oota olaanoo Sudaan Kibbaa addatti qoqqobdeetti.

18. 17 Adooleessa 2020WHOn weerarri Iboolaa haaraan mul’achuun yaadeessaadha jedhe

    Dhaabbanni Fayyaa Addunyaa(WHO) weerarri dhibee Iboolaa Dimokiraatik Rippaabilik Koongootti deebi’e mul’ate yaadeessadha jedhe.

    Kaaba-Dhiha biyyatti keessatti weerara dhibichaa kan durii caala guddaatu uumame jedhee ibse.

    Weerarri Iboolaa biyyatti keessatti ji’a Waxabajjii erga gabaafamee bulchiinsa Iquweetar jedhamutti namoonni 50 dhibichaan qabaman.

    Namoonni qabaman muraasni iddoo tajaajila wal’aansaallee argachuu rakkisutti argaman.

    Weerarri dhibichaa deddebi’ee ka’uun namoonni 12,000 ji’a lamaan darbanitti talaalamuu daarektirri dhaabbata fayyaa addunyaa damee Afrikaa ibsaniiru.

    Weerarri dhibee kutaalee biyyatti sadii keessatti lubbuu namoota 3,200 galaafate kana Waxabajjii keessa aanga'oonni badeera jedhanii turan.

19. 17 Adooleessa 2020Ispeen sodaa Covid-19f bineensota 100,000 ajjeesuuf