Namoonni Itoophiyaatti koronaavaayirasiin irratti argame 11,500 caale

Haguuggii Tamsaasa Kallattii

1. 13 Adooleessa 2020Miseensonni Paarlaamaa Madagaaskaar lama Covid-19’n du’an

   Miseensonni Paarlaamaa Madagaaskaar lama, tokko itti aanaa mana marichaa fi kan biraan ammoo miseensi mana maree koroonaavaayirasiin qabamanii du’uu isaanii pirezidaantiin biyyattii Andiree Raajolinaa himan.

   Pirezidaantichi itti aantotni biroo 11 fi senaaterootni 14 tahan tahan koroonaavaayirasiin qabamuu himuu isaanii AFP gabaase.

   Mootummaan Madagaaskaar naannoo guddaa biyyichaa magaalaa guddoo Antananarivo of keessatti qabatu deebisee uggura sochii jala galcheera.

   Kunis weerara vaayirasichaa to’achuuf yoo tahu hanga ammaatti namootni 4,578 tahan dhukkuba kanaan qabamaniiru. Namootni 34 tahan ammoo lubbuu dhabaniiru.

2. 13 Adooleessa 2020Afrikaan Kibbaa irra deebiin gurgurtaa alkoolii dhorkite

   Afrikaan Kibbaa weerara koroonaavaayirasii to’achuuf jecha alkoolii gurguruu dhorkuu dabalatee uggura biraas dabarsite.

   Halkan sochiin namaa akka hin jiraannee fi alatti maaskii kaawwachuun dirqama gochuun labsiteetti.

   Pirezidaanti Siiril Raamaafoosaan gurgurtaan alkoolii bara kana yeroo 2ffaaf dhorkame dhiibbaa eegumsa fayyaa biyyaalessaa xiqqeessa jedhan.

   Afrikaa Kibbaatti namootni vaayirasichaan qabaman gara 250,000 caalaa jira.

   Namootni koroonaavaayirasiin du’an ammoo 4,000 ol yoo tahan, mootummaan hanga xumura bara kanaatti namootni 50,000 tahan vaayirasichaan du’uu akka danda’an ibseera.

   Afrikaan Kibbaa biyya ardii Afrikaa irraa weerara vaayirasii kanaan haalaan miidhamte yoo taatu, kutaan biyyaa Gauteng bakka weerarri hamaan itti mudatedha.

3. 13 Adooleessa 2020Addunyaarratti lakkoofsi namoota guyyaa tokkotti Covid-19n qabamanii olaanaan galmaa'e

   Addunyaarratti sa’aatii 24 darban keessa qofa namoonni 230,370 koronaavaayirasiin qabaman jedhe Dhaabbati Fayyaa Addunyaa (WHO).

   Kuni erga weerarri vaayirasichaa mudatee lakkoofsa namoota guyyaa tokkotti qabamanii isa olaanaa ta’ee galmaa’ee jira.

   Iddoon namooti hedduun itti qabaman Ameerikaa yoo ta’u kan hafan akka armaan gadiiti:

   ·Ameerikaa - 142,992

   ·Kibba Baha Eeshiyaa - 33,173

   ·Awurooppaa - 18,804

   ·Afrikaa - 17,884

   ·Baha Mediteraaniyaan - 15,361

   ·Lixa Paasifik - 2,156

   Guyyaadhuma kana duuti namoota 5,285 ta’an yoo galmaa’u irra hedduun Ameerikaa keessatti du’ani.

4. 13 Adooleessa 2020Yooyyaa!

   Akkam jirtu?Gabaasa kallattii biraan deebinee jirra. Waa'ee koronaavaayirasii akkasumas taateewwaan gurguddoo biyya keessaa fi alaa jala buunee fuula kanarratti isin biraan geenya.

   Odeessaalee kaaniif marsariitii keenya BBC Afaan Oromoo akkasumas fuula Facebook keenya daawwadha.Oolmaa Gaarii isinii hawwina!