Кетсамми, кетмасамми? Россия ҳукумати сафарбарлик ҳақида қарама-қарши баёнотларни беряпти

Published
Ўқилиш вақти: 1 дақ

Госдума спикери Вячеслав Володин мобилизация туфайли ҳарбий мажбуриятга эга фуқароларга мамлакатни тарк этиш тақиқланади, деб ёзилган ўз баёнотини қайтариб олишга мажбур бўлди.

Мудофаа вазирлиги мобилизация, яъни Владимир Путин эълон қилган ҳарбий сафарбарлик "қисман" эканини унга эслатди.

Украина: Путин ортга қайтмайдими - Украина шарқида жанглар шиддатлашди Putin Rossiya BBC News O'zbek

Украина уруши: Россия йўқотишлари Путин учун нимани англатади?

Видео: Урушга боришни истамаётган россияликлар қаерларга ўт қўймоқда?

Путин эълон қилган сафарбарликдан нима ютадию, нимани йўқотади?

Пайшанба куни эрталабдан Володин ўз телеграм-каналида мана буни ёзганди:

«Эътиборингизни қаратардимки, «Россия федерациясидаги мобилизацион тайёргарлик ва мобилизация ҳақидаги» 31-ФЗга мувофиқ, ҳарбий рўйхатда турган фуқароларга мобилизация эълон қилинган вақтдан бошлаб ҳарбий комиссариатлар рухсатисиз ўз яшаш жойини тарк этиш ман этилади (21-модда)».

Skip Энг кўп ўқилган and continue reading
Энг кўп ўқилган

End of Энг кўп ўқилган

Бир неча соат ўтгач, спикер унга «Мудофаа вазирлигидан изоҳ келди» дея хабар қилди.

«Мобилизация қисман бўлганлиги учун, 31-Ф3нинг 21-моддаси қўлланилмайди», - деб ёзди Володин.

Ҳарбий чақирув ёшидаги эркаклар учун чегараларнинг ёпилиши ҳақидаги хабарлар мобилизация 21 сентябрда эълон қилиниши биланоқ бошланди.

Урушда қатнашишни истамаган ўн минглаб россияликлар ёппасига мамлакатни тарк этишга уринмоқдалар.

Уларнинг аксари чегарани кесиб ўтишга муваффақ бўляпти, аммо чақирув қоғози келганларга чиқиш ман этилгани ҳақида ҳужжат бериляпти.

Кеча Володин россияликлар чегараларда ташлаб кетган машиналарни «жанг қилиш учун кетган болаларнинг оилаларига бериш керак» деб чиққанди.

Вячеслав Володин - Путиннинг энг яқин иттифоқчиларидан бири. У 2011 йилдан кейин Кремль маъмурияти раҳбарининг ўринбосари бўлиб ҳам ишлаган. 2016 йилдан бери Госдума спикери бўлиб фаолият юритади.

Володин Россиянинг 2014 йилда Қримни босиб олиш қарорида муҳим роль ўйнагани, сўнгра Қримнинг Россияга сиёсий интеграциясига бош-қош бўлгани ишонилади.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek