Мирзиёев ва Лукашенкони нима бирлаштиради?

Беларус Президенти Александр Лукашенко охирги 24 йилда илк бор Ўзбекистонга расмий ташриф билан келган.

Президент Шавкат Мирзиёев билан музокаралар якунида икки томонлама алоқаларга доир 19 та ҳужжат имзоланган. Лукашенко Мирзиёевнинг қўшнилар билан яқинлашиш сиёсатини олқишлаган ва унинг қадамларини яқиндан кузатаётганликларини айтган.

У яқинда Тожикистонга сафари чоғида Душенбе расмийларидан ҳам Ўзбекистон раҳбари ҳақида илиқ сўзларни эшитганлигини таъкидлаган.

Шавкат Мирзиёевнинг биринчи расмий таржимаи ҳоли эълон қилинди

Шавкат Мирзиёев: Ислом ва Каримов ўртасида

Беларус Президентининг расмий веб-сайти Лукашенконинг "Ислом (Каримов-таҳр.) тирик бўлганида бу кўпроқ протокол ташриф бўлган бўлар эди", деган сўзларини ҳам келтирмоқда.

Маълум бўлишича, Беларус раҳбари бу ҳақда Кўксарой қароргоҳидаги тантанали ҳужжатлар имзолаш маросимидан сўнг журналистларга гапирган.

64 ёшли Александр Лукашенко Беларусни 1994 йилдан буён бошқариб келади.

У Европа қитъасида қиролликлардан ташқари энг узоқ ҳокимиятда ўтирган давлат раҳбаридир.

Шавкат Мирзиёев ҳокимиятга келганига атиги 2 йил бўлган эса-да, икки раҳбарнинг таржимаи ҳолларида ўхшаш жиҳатлар кўп.

Би-би-си ана шу жиҳатларга назар ташлаган.

BBCUZBEK.COM билан Telegram орқали +44 7858860002 номери билан боғланинг.