Россия Хитойнинг энг йирик нефть таъминотчисига айланди

Жонли ёритиш

1. 9 май 2022Путин Украина уруши учун Ғарбни айблади

   Москвада Совет Иттифоқининг Иккинчи Жаҳон урушида немис нацистлари устидан ғалабаси куни муносабати билан ҳарбий парад ўтказилди.

   Москва Қизил майдонидаги ҳарбий парадда гапирган Президент Владимир Путин "Украина Россияга ҳужум қилади" деган хавотирда бўлгани учун Украинага ҳужум қилишга буйруқ берганини айтди.

   У НАТОни Россия учун "равшан таҳдид" деб атади, "махсус ҳарбий операция" зарур эди ва "тўғри қарор бўлган, деди.

   Путин, Украина уруши сабаб йўқотишга учраган ҳар бир оилага давлат ғамхўрлик қилади", деди.

   "Ҳар бир аскар ва зобитнинг ўлими биз учун оғриқли", деди у.

   Путиннинг маърузаси Қизил майдондаги аскарларнинг олқишлари, замбараклар отилиши ва Россия гимни билан тугади.

   9 май куни муносабати билан Россиянинг 28 шаҳрида ҳарбий парадлар ўтказилиши, уларда 65000 одам иштирок этиши хабар қилинган.

   2022 йил Қизил майдондаги ҳарбий парадда Россия учоқ ва тикучарлари намойиши бекор қилинган, бунинг сабаби об-ҳаво яхши эмаслиги билан тушунтиришган.

   Матбуотда Путин 9 май куни барча россияликларни урушга оммавий сафарбарлиги ҳақида эълон қилади, деган хабарлар тарқалган эди, бироқ ҳарбий парад чоғи бу ҳақда эълон қилинмади.

   

   Сурат манбаси, .

2. 6 май 2022Путин Лавров учун узр сўради

   Исроил Бош вазири идораси хабар тарқатишича, Президент Владимир Путин Россия ташқи ишлар вазирининг Адольф Гитлернинг қонида "яҳудий қони бўлган" деган гапи учун узр сўраган.

   Исроил бош вазири офиси баёнотида айтилишича, Президент Путин Исроил Бош вазири Нафтали Беннет билан телефон сўзлашуви пайти узр сўраган.

   Кремль ҳам Президент Путин ва Бош вазир Беннет телефон мулоқоти ҳақида хабар тарқатган, бироқ кечирим сўралгани тилга олинмаган.

   1 май куни Россия Ташқи ишлар вазири Сергей Лавров Италия телевидениесига интервью берган.

   Бундан бир неча кун Исроилда Холокостни хотирлаш куни ўтказилган эди.

   Италиялик журналист Сергей Лавровга, "Президент Володимир Зеленскийнинг ўзи яҳудий бўлган Украинада Россия қандай қилиб "денацификация" билан шуғулланаётганини даъво қилади?", деган саволни берган.

   Бунга Лавров шундай жавоб қайтарган: "Мен хато қилишим мумкин, лекин Гитлернинг қонида ҳам яҳудий қони бўлган. Зеленскийнинг яҳудийлиги ҳеч нарсани англатмайди. Доно яҳудийларнинг ўзлари айтишади энг ашаддий антисемитлар яҳудий деб".

   Сергей Лавровнинг бу гапи Исроилда қаттиқ ғазабларга сабаб бўлди.

   Нацист Германия Иккинчи Жаҳон урушида олти миллион яҳудийни ўлдирган.

   Исроил кечирим сўрашни талаб қилди.

   "Бундай ёлғонлар тарихдаги энг даҳшатли жиноятларда яҳудийларнинг ўзини айблаш ва яҳудийларнинг золимларини жавобгарликдан олиб қочиш мақсади"ни кўзлайди, деган баёнот билан чиққан Исроил Бош вазири Нафтали Беннет.

   6 майдаги баёнотида Нафтали Беннет идораси Владимир Путин узрини қабул қилишганини ва "Яҳудий халқига ва Холокост хотирасига муносабатни аниқлаштиргани учун миннатдорлик билдиришгани"ни маълум қилган.

   Россия томони баёнотида икки раҳбар Холокост мавзусини муҳокама этгани айтилган, бироқ Путин узр сўрагани айтилмаган.

   Исроил Россия билан Украина ўртасида воситачилик қилишга ҳаракат қилди, лекин "Президент Путинга қарши қаттиқроқ турмади" деган танқидларга дуч келди.

   Шу ҳафтада Исроил матбуоти Исроил Украинага ҳарбий ва фуқаролик ёрдамларини кучайтириш ҳақида бош қотираётгани ҳақида хабар қилди.

   

   Сурат манбаси, EPA

3. 6 май 2022АҚШ берган маълумот Украинага "Москва" крейсерини чўктиришга ёрдам берган

   АҚШдаги қатор оммавий ахборот воситаларининг номи ошкор этилишини истамаган Америка расмийсига таяниб хабар тарқатишларича, АҚШ Украинага берган жосуслик маълумоти Қора денгиздаги "Москва" крейсерини чўктиришга ёрдам берган.

   АҚШ мулозимининг айтишича, Украина АҚШдан мамлакатнинг жануби, Қора денгиз соҳилидаги Одесса шаҳрига қараб сузиб бораётган кема ҳақида маълумот беришни сўраган.

   АҚШ томони бу кема "Москва" крейсери эканини эканини хабар берган ва Қора денгиздаги крейсернинг жойлашган координаталарини берган.

   Украина эса ўзининг икки "Нептун" ракетасини ҳарбий кемага қарата отган.

   Пентагон воизи айтишича, АҚШ Украинага ўзини мудофаа қилиши учун жосуслик маълумотини берган.

   АҚШ Мудофаа вазирлиги сўзчиси Жон Кирби бундан олдин матбуотда тарқалган "Украина ҳарбийлари ўлдиришлари учун Америка Россиянинг етакчи генералларининг жанг майдонидаги жойлари ҳақидаги маълумот бераяпти" деган хабарларни рад этди.

   "Биз жанг майдонидаги етакчи ҳарбий раҳбарларнинг жойлашган жойи ҳақидаги жосуслик маълумотларини бермаймиз ёки Украина ҳарбийларининг нишонга олиш қарорларида иштирок этмаймиз", деб айтди Жон Кирби.

   Украина АҚШ ва бошқалар тақдим этган маълумотларни ўзларининг жанг майдонидаги маълумотлари билан жамлаштиради, "қарорга уларнинг ўзлари келадилар, уларнинг ўзлари амалга қўл урадилар", деб айтган Пентагон сўзчиси Жон Кирби.

   Шу йилнинг 13 апрели ярим тунида Украина ҳарбийлари Қора денгиздаги "Москва" крейсерини ракета ҳужумларига тутгани ҳақида хабар тарқатдилар.

   14 апрель куни Россия Мудофаа вазирлиги крейсерда ёнғин келиб чиққани ва шикастлангани ҳақида хабар қилди.

   Шу куни тушда кема чўкиб кетгани тасдиқланди.

   Россиянинг Қора денгиздаги ҳарбий-денгиз флоти қудратининг рамзи ҳисобланган "Москва" крейсери чўктирилгани катта йўқотиш бўлди.

   Россия кемадаги денгизчилардан нечтаси ҳалок бўлгани ҳақидаги маълумотни тўла ошкор этгани йўқ.

   Манбалар "Москва" крейсерида 37 денгизчи ҳалок бўлгани, 100 киши яраланганини матбуотга айтишган.

   6 май куни "Москва" крейсерида ҳалок бўлган денгизчи Егор Шкребецнинг отаси Дмитрий Шкребец Россия ҳарбий прокуратурасидан хат олган, хатда "Москва" Украинадаги "махсус ҳарбий операция"да иштирок этмагани ёзилган.

   

   Сурат манбаси, Reuters

4. 6 май 2022Энг сўнгги муҳим ўзгаришлар, Можаронинг 72-куни

   Юқори лавозимли Украина расмийси айтишича, Мариуполдаги "Азовсталь" пўлат заводи ертўлаларида қамалиб қолган тинч фуқароларни эвакуация қилишнинг янги ҳаракатлари кетмоқда

   "Азовсталь" остида 200 тача тинч фуқаро жон сақламоқда, деб кўрилади, уларнинг камида 20 нафари бола

   Россиянинг асосий мақсадларидан бири стратегик муҳим порт шаҳар Мариуполни тўла назоратига олиш бўлиб қолмоқда, "Азовсталь" Украин ҳарбийларининг ягона истеҳкоми бўлиб турибди

   Украина БМТ раҳбарлигидаги эвакуация амалиётларида "Азовсталь" остидан 500 га яқин тинч фуқаро олиб чиқилганини тасдиқлади

   Президент Путин, Украина ўзининг жангчиларига таслим бўлиш ҳақида буйруқ берсин, деб чиқди

   Буткул вайрон этилган Мариуполь устидан Россия тўла назоратни қўлга киритганини эълон қилиш 9 май байрами учун рамзий аҳамиятга эга

   Хабарларга кўра, Россиянинг Қора денгиздаги яловбардор кемаси “Москва”ни чўктиришда АҚШ Украинага жосуслик маълумоти билан ёрдам берган

   Россия қўшинлари Донецк ва Луганск ҳудудлари устидан "тўла назоратни қўлга киритиш" мақсадида ҳужумларини давом эттираяпти

   

   Сурат манбаси, Reuters

5. 5 май 2022Украина уруши ва Ўзбекистон: Россия ўрнини энди Хитой эгаллайдими?, Видео

   Ўзбекистон: Россия ўрнини энди Хитой эгаллайдими?

   Айрим сиёсий таҳлилчиларга кўра, Украина уруши Россиянинг Марказий Осиёдаги мавқеи, ўрни ва нуфузига путур етказади.

   Бунинг натижасида пайдо бўлган бўшлиқни эса, энг аввало минтақанинг яна бир қудрати – Хитой тўлдиришга ҳаракат қилади.

   Буёғи нима бўлади? Россия шунчалик кучсизланадими?

   Ўтказиб юборинг YouTube пост

   Google YouTube контентига рухсат бериш

   Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

   Қабул қилинг ва давом этинг

   Огоҳлантириш: Би-би-си ташқи саҳифалардаги контент учун масъул эмас YouTube бу контентда реклама бўлиши мумкин

   Охири YouTube пост

6. 5 май 2022New York Times: Россия генералларини ўлдиришда АҚШ Украинага жосуслик маълумотлари билан ёрдам берган

   New York Times газетасининг АҚШдаги юқори мансабдаги расмийларга иқтибосан хабар қилишича, АҚШ Украина кучларига берган жосуслик маълумотлари Украина ҳудудида бўлган Россия генералларини нишонга олиш ва ўлдиришга ёрдам берган.

   Россия қўшинларининг ҳаракатланиши, қаерда жойлашгани ва уларнинг мобиль ҳарбий қароргоҳларининг жойи АҚШ жосуслик маълумотлари ичида бўлган деб ишонилади.

   Бу маълумотлардан фойдаланган Украина қўшинлари уюштирган ҳужумлар Россия зобитлари ўлимини кўпайтирган, дейилади АҚШда нашр этиладиган New York Times рўзномаси эълон қилган мақолада.

   Украина расмийлари хабар қилишларича, Россия босқини бошланганидан буён Украина ҳудудида 12 Россия генерали ўлдирилган.

   Россия ҳарбийларининг руҳий кайфияти паст, шунинг учун жангга кириш истаги баланд эмас, кўпроқ ғалаба истаган энг юқори лавозимдаги ҳарбийлар фронт чизиғи яқинига бориб қолганлар.

   Ана шундай пайтларда Украина ҳарбийлари рус генералларини нишонга олганлар.

   New York Times манбасининг айтишича, Украина ҳарбийларининг 30 апрелдаги Изюмдаги қўмондонлик қароргоҳига ҳужумида Америка разведкаси маълумотларидан фойдаланилмаган.

   Украина расмийлари ўша куни Россия армияси бош штаби бошлиғи генерал Валерий Герасимов қароргоҳда бўлган пайти ҳужумга тутилгани ва Герасимов яралангани ҳақида даъво қилган эдилар.

   Оқ Уй воизи New York Times мақоласини танқид қилган, сарлавҳасини "хатога етаклайдиган ва масъулиятсиз" деб атаган.

   АҚШ Миллий Хавфсизлик Кенгаши сўзчиси Эдриен Уотсон айтишича, АҚШ Украинага "ўзини мудофаа қилиши учун" жанг майдони жосуслик маълумотларини "Россия генералларини ўлдириш ниятини кўзламаган ҳолда" бераяпти.

   Журналистлар Президент Путин матбуот котиби Дмитрий Песковдан АҚШ, Буюк Британия ва НАТО нафақат қурол-яроғ балки, жосуслик маълумотларини ҳам Украинага тақдим этаётганига муносабатини сўрашди.

   "Бу яхши маълум бўлган нарса. Албатта, бу мамлакатлар ва алянс Украинага юбораётган қурол-яроғ оқими билан қўшилиб бу нарсалар операция тез тугашига ёрдам бермайди", дея изоҳ берди Кремль воизи.

7. 5 май 2022"Россия Мариуполь мудофаачиларини йўқ қилмоқчи"

   Россия Мариуполдаги "Азовсталь" заводи ертўлаларида яшириниб қуролли қаршилик кўрсатаётган Украина аскарларини йўқ қилмоқчи, деб чиқди Украина армияси.

   Охирги кунларда завод ҳудуди қаттиқ бомбардимонларга тутилди.

   Шу вақтгача "Азовсталь" атрофини қуршаб турган Россия аскарлари завод ҳудудига киришга муваффақ бўлганлари ҳақидаги хабарлар тарқалди.

   "Биз мудофаани уддасидан чиқаётган бўлсак-да, вазият ҳаддан зиёд қийин", деди "Азов" батальони қўмондони Денис Прокопенко.

   "Азовсталь" ертўлаларида "Азов" батальони аскарлари билан бирга денгиз пиёдачилари ҳам бор деб кўрилади.

   Бир кун олдин Мариуполь ва Мариуполга яқин ҳудудлардан 344 тинч фуқаро Украинанинг Запорожье ҳудудига етиб олишга муваффақ бўлдилар, жанглар бораётган ҳудудлардан қочқинларни олиб чиқишга БМТ ва Қизил Хоч қўмитаси ёрдам берди.

   Пўлат заводи остида камида 200 ярадор Украина аскарлари қолаяпти, деб ишонилади.

   Президент Зеленский "Азовстал"дан ярадорларни олиб чиқишда БМТдан кўмак сўради.

8. 5 май 2022Украина уруши: Умримда биринчи марта қўлимга қурол олдим - Видео

   Россия Украинанинг Донбасс минтақаси устидан тўла назоратни қўлга киритишга ҳаракат қилиб ҳужумларини кучайтирган.

   Аммо охирги бир неча ҳафта давомида уруш жабҳасида катта илгарилашга эришолгани йўқ.

   Шундай вазиятда Украина кўнгиллиларни тез ҳарбий тайёргарликдан ўтказиш ва мудофаа чизиғига дастакни кучайтириш мақсадидаги ҳаракатларини жадаллаштирмоқда.

   Пойтахт Киев яқинидаги фойдаланилмаётган завод биноси ҳудудида ўқотар қуроллардан отишни машқ қилаётганлар орасида турли ёшдаги эркак ва аёллар бор.

   Улар "Карпатска Сич" деб номланган кўнгиллилар батальонининг аъзолари.

   Улар турли касб эгаларидир.

   Мисол учун, от ўргатувчиси бўлган Уляна бугун моҳир мерганга айланди.

   "Карпатска Сич" кўнгиллиларининг 20 фоизчасини хорижликлар ташкил этади, дейди Би-би-си мухбири Бен Браун.

   Мақола билан веб-сайтимизда танишинг

   

9. 5 май 2022Энг сўнгги муҳим ўзгаришлар, Можаронинг 71-куни

   Мариуполдаги "Азовсталь" заводи ертўлаларида яшириниб қуролли қаршилик кўрсатаётган Украина қўшинлари қўмондони айтишича, "жуда қийин, қонли жанглар" бўлиб ўтган.

   Россиянинг асосий мақсадларидан бири стратегик муҳим порт шаҳар Мариуполни тўла назоратига олиш бўлиб қолмоқда, "Азовсталь" Украин ҳарбийларининг ягона истеҳкоми бўлиб турибди.

   Шу вақтгача "Азовсталь"ни қуршаб турган Россия ҳарбийлари завод ҳудудига кирганлар.

   Москва 5 майдан уч кунлик оташкесим бошланишини эълон қилган, аммо бундан олдин эълон қилинган ўт очишни тўхтатиш келишувлари кўп марта барбод бўлган.

   Украина Президенти Володимир Зеленский Россиянинг оташкесим таклифига шубҳа билан қарайди, у БМТдан завод ертўлалаларида қолаётган ярадорларни олиб чиқишда ёрдам сўради.

   Россия қўшинлари Донецк ва Луганск ҳудудлари устидан "тўла назоратни қўлга киритиш" мақсадида ҳужумларини давом эттираяпти.

10. 4 май 2022Россия нефтига эмбарго Кремль бюджетига қаттиқ зарба берадими?, Видео

    Европа комиссияси Россияга қарши иқтисодий жазо чораларини янада кучайтириш, хусусан, Россия нефтига эмбарго киритишни таклиф қилди.

    Санкцияларнинг олтинчи пакетига Россиянинг энг йирик банки бўлмиш Сбербанкни ҳам SWIFT тўлов тимизидан чиқариш ва учта Россия телеканалига тўсиқ қўйилиши таклифи киритилган.

    Ўтказиб юборинг YouTube пост

    Google YouTube контентига рухсат бериш

    Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

    Қабул қилинг ва давом этинг

    Огоҳлантириш: Би-би-си ташқи саҳифалардаги контент учун масъул эмас YouTube бу контентда реклама бўлиши мумкин

    Охири YouTube пост

11. 4 май 2022Шу соатга қадар бўлган янгиликлар:, Можаронинг 70-куни

    • Европа Иттифоқининг Россияга қарши очиқлаган сўнгги санкциялари Россия нефти импортини буткул тақиқлайди
    • ЕИ аъзо давлатлари ҳали маъқуллаши лозим бўлган жазо чоралари муайян шахсларни, хусусан, уруш жиноятлари содир этишда гумон қилинганларни ҳам нишонга олади
    • Россия нима қилиши мумкинлигини кўриб чиқмоқда. Президент Путин Ғарб Украинага қурол-аслаҳа юборишни тўхтатиши керак, деб айтган
    • Россия кучлари ўтган сешанба тунида Украина ғарбидаги Лвив (русчаси Львов) шаҳри инфратузилма иншоотларига ракета ҳужумлари уюштиришган
    • Россия Украина шарқидаги Донбасс минтақаси ичкарисига чуқурроқ кириш учун 22 батальон кучларини жойлаштираётир
    • Украина уруши Молдовага ҳам ёйилиб кетмаслиги учун Европа Иттифоқи молдованларга ҳарбий ёрдам бермоқчи
    • Украина мулозимлари буткул Россия кучлари назорати остида қолаётган Мариуполдан юзлаб фуқароларни қутқаришга умид билдиришмоқда
    • Мариуполь мэрининг айтишича, “Азовстал”да икки юздан ортиқ одам қолган. Бу ҳақда мэр Вадим Бойченконинг сўзларига таяниб, “Рейтер” ахборот агентлиги хабар берган
    • Россия Украина шарқини қўшиб олмоқчими? Юқори мартабали АҚШ мулозими янги огоҳлик билан чиқди
    • Путин жавоб санкцияларига доир фармонни имзолади

    

    Сурат манбаси, Reuters

12. 4 май 2022Россия нефтига тақиқ Қозоғистонга зарар етказади, Даршини Дэвид таҳлили:

    Европа тақиқлаётган Россия нефти асли қаерда қазиб олинган?

    Афтидан, ҳаммаси ҳам Россияники эмас.

    Россиянинг Қора Денгиз соҳилларидан Каспий Қувурлари Консорциуми орқали юбориладиган нефть хомашёсининг муайян қисми ҳақиқатан Россия ёқилғиси.

    Аммо унинг аксар қисми Қозоғистондан келади.

    Хуллас, агар санкциялар жорий этилса, алал оқибатда Қозоғистон азият чекади.

    Аксинча, бошқа давлатда қайта ишланган нефтни сотиб олсангиз, у ёнилғи Россияники бўлиб чиқиши мумкин.

    Айни пайтда, Ўрта Ер денгизида кемадан кемага ёқилғини ўтказиш ҳолатлари кўпайган.

    Сабаби, бошқалар, масалан, ҳиндистонликлар нархи арзонлаб кетган Россия нефть хомашёсини сотиб олишмоқда.

    Хабарларга кўра, баъзи Россия танкерлари ўз турар жойларини аниқловчи тизимларни ўчириб, санкцияларга чап берган ҳолда ишларини давом эттиришмоқда.

    Очиқ бозорларда нефть нархлари баланд.

    Шу боис айрим харидорлар санкцияларга чап бериб, Россиянинг арзон нефтини сотиб олишга ҳаракат қиладилар.

    Хуллас, нефтга тўлиқ тақиқ қўйиш бесамар иш бўлиши мумкин.

    

    Сурат манбаси, Reuters

13. 3 май 2022Украина аскари: Ортга чекингандан ўлган афзал, Видео

    Россия Украина урушини бошлаганидан буён мамлакат жанубидаги Николаев шаҳрини қўлга киритиш, сўнг Одесса шаҳри томон юришни мақсад қилган, бироқ Николаев атрофида қақшатқич қаршиликка дуч келган.

    Николаев шаҳри атрофидаги қишлоқларда Украина ҳарбийлари окоплар қазиб мудофааларини мустаҳкамламоқдалар.

    Оддий инсонлар эса мунтазам бомбардимонлар остида қолганлар.

    Би-би-си мухбири Абдужалил Абдурасулов Россия қўшинлари мавқесидан 4-5 километр узоқликдаги қишлоқлардан бирида бўлди.

    Ўтказиб юборинг YouTube пост

    Google YouTube контентига рухсат бериш

    Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

    Қабул қилинг ва давом этинг

    Огоҳлантириш: Би-би-си ташқи саҳифалардаги контент учун масъул эмас YouTube бу контентда реклама бўлиши мумкин

    Охири YouTube пост

14. 3 май 2022Украина ҳарбийлари нега пайғамбар Муҳаммад (С.А.В) га саловат айтди?, Видео

    Украина Қуролли кучлари ансамбли нашид куйлаб, мусулмонларни Рамазон ҳайити билан табриклади.

    Украинада Ислом иккинчи йирик дин ҳисобланади ва мамлакатда 160 дан ортиқ масжид бор.

    Россия босқинига қарши кўплаб украиналик мусулмонлар ҳам қарши курашаётгани эътироф этилади.

    Уруш бошлангач мамлакат муфтийси Саид Исмагилов ҳарбий кийим кийганди.

    Ўтказиб юборинг YouTube пост

    Google YouTube контентига рухсат бериш

    Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

    Қабул қилинг ва давом этинг

    Огоҳлантириш: Би-би-си ташқи саҳифалардаги контент учун масъул эмас YouTube бу контентда реклама бўлиши мумкин

    Охири YouTube пост

15. 3 май 2022Украина: Донбасс Путинга нега керак?, Таҳлил

    Пойтахт Киевни забт этолмаган Россия ҳозир бор эътиборини Украина шарқига қаратган. Донбасс минтақасига қарши кенг қамровли ҳужумга ўтган.

    Америка Қўшма Штатлари яна хавотирда. Америка томонига кўра, Россия энди Украина шарқини ҳам қўшиб олиш ҳаракатида.

    Донбасс Путинга нега керак?

    Батафсил танишиш учун илова қилинган линкни босинг.

    

    Сурат манбаси, .

16. 3 май 2022Ўзбекистон: Келажаги қоронғи Россияга яқинлашиш катта салбий оқибатлар олиб келади – иқтисодчи, Суҳбат

    Ғарбнинг авжига чиқаётган санкциялари фонида Россия ўз иқтисодиётини мушкулликлардан сал бўлса-да, қутқариш илинжида энг яқин қўшнилари билан алоқаларни янада кучайтирмоқчи.

    Тошкентдан суҳбатдошимиз, халқаро савдо иқтисодчиси Валижон Тўрақуловнинг фикрича, бу табиий ҳолат, сабаби Россияда ҳозир иқтисодий шерикларни танлаш имконияти мавжуд эмас.

    Аммо Россиянинг бу қадар яккаланиб қолиши Ўзбекистон учун қандай иқтисодий имкониятлар эшигини очиши мумкин?

    Бир вақтнинг ўзида Россияга янада яқинлашиш қандай оқибатларни келтириб чиқаради?

    Ўтказиб юборинг YouTube пост

    Google YouTube контентига рухсат бериш

    Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

    Қабул қилинг ва давом этинг

    Огоҳлантириш: Би-би-си ташқи саҳифалардаги контент учун масъул эмас YouTube бу контентда реклама бўлиши мумкин

    Охири YouTube пост

17. 3 май 2022Путин жавоб санкцияларига доир фармонни имзолади, Можаронинг 69-куни

    Расмий янгилик тафсилотларидан маълум бўлишича, Россия президенти имзолаган фармон “айрим хорижий давлатлар ва халқаро ташкилотларнинг нодўстона хатти-ҳаракатлари тўғрисида”, деб номланади. Бу ҳақда Кремль билдирди.

    “Рейтер” ахборот агентлигининг ёзишича, фармон Россиянинг санкцияга учраган шахслар ва ташкилотларга маҳсулот ҳамда хомашё экспортини тақиқлашини англатади.

    Янги фармон, бундан ташқари, Россия субъектларига санкциялар қўлланган одамлар ва ширкатлар олдидаги шартнома мажбуриятларини бажармаслик имконини ҳам беради.

    Украина уруши боис, Ғарбнинг санкцияларига Путиннинг ўзи, қизлари ва ҳукуматининг қатор нуфузли вазирлари ҳам учрашган.

    

    Сурат манбаси, EPA

18. 3 май 2022Рим Папаси ҳайрон, Можаронинг 69-куни

    Папа Францискнинг айтишича, Москвага бориб, Путин билан кўришмоқчи бўлган.

    Аммо, унга кўра, ҳали ҳам ўзининг бу таклифига Кремлдан бирор бир жавоб олмаган.

    Рим Папаси бу ҳақда Италиянинг Corriere della Sera нашрига интервью берган.

    Унинг айтишича, Россиянинг босқинидан 20 кун ўтиб, Кремлга ўзининг таклифини юборган.

    Россия шу йилнинг 24 февраль куни Украина шарқига кирган.

    Бу – Рим Папасининг орада кечган вақт давомида илк бор Россия ва Путиндан ошкора ном тутиши бўлади.

    Рим Папасининг маълум қилишича, яқинда Рус православ черкови пешвоси билан 40 дақиқа сиртдан гаплашиб олган.

    Патриарх Кирилл урушни қўллаб-қувватлайди ва суҳбатнинг дастлабки 20 дақиқасини уни асослаш билан ўтказди, деб айтган Рим Папаси нашрга.

    Папага кўра, патриарх ўзини Путиннинг хизматчисига айлантира олмайди.

    

    Сурат манбаси, reuters

19. 3 май 2022Диққат, Украина: Ўзбекистоннинг қўрқиши учун қанчалик асос бор?, Таҳлил

    Жаҳон Банки устма-уст хавотирли баёнот билан чиқди. Украина урушининг кескин иқтисодий оқибатларидан огоҳлантирди. Ўзбекистонга бунинг таъсири қандай бўлади? Нарх-наво бундан ҳам ошадими?

    Ўтказиб юборинг YouTube пост

    Google YouTube контентига рухсат бериш

    Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

    Қабул қилинг ва давом этинг

    Огоҳлантириш: Би-би-си ташқи саҳифалардаги контент учун масъул эмас YouTube бу контентда реклама бўлиши мумкин

    Охири YouTube пост

20. 3 май 2022Ўзбекистон ва дунё: Украина уруши боис ярим асрда кузатилмаган қимматчилик бошланади, Можаронинг 69-куни

    Жаҳон Банки Украинадаги уруш 1970-йиллардан бери кузатилмаган қимматчиликни келтириб чиқариши ҳақида огоҳлантирди.

    Янги прогнозга кўра, можаро табиий газдан тортиб буғдой ва пахтагача бўлган товарлар нархи осмонга сапчишига олиб келади.

    Батафсил танишиш учун иловамизни босинг.

    

    Сурат манбаси, .