Россия Хитойнинг энг йирик нефть таъминотчисига айланди

Жонли ёритиш

1. 27 май 2022Зеленский: Россия Донбасснинг кулини кўкка совурмоқчи

   Украина Президенти Володимир Зеленский Москвани Донбасснинг шарқий ҳудудларида “геноцид” содир этаётганликда айблади.

   Северодонецк Россия қўшинлари томонидан бомбардимон қилинмоқда.

   “Улар Донбассда яшаб бўлмайдиган даражада кулини кўкка совурмоқчи”, деган Президент Зеленский.

   Россия кучлари стратегик жиҳатдан аҳамиятли бўлган эгизак шаҳарлар Северодонецк ва Лисицанскга яқинлашиб, ўраб олишга ва кейин уларнинг ҳимоячиларини йўқ қилишга ҳаракат қилмоқда.

   Президент Зеленский Москвани нафақат ҳарбийларини йўқ қилишда айблади. Унинг айтишича, Россиянинг босқини тинч аҳолини ўлдириши ва бошқа жойга кўчириши билан геноцидга тенг.

   Зеленский, шунингдек, Европа Иттифоқини санкцияларга нисбатан кескин қарор ололмаганликда айблади.

   Санкцияларнинг олтинчи пакети, аввало, Росиянинг кўп йиллик ҳамкори Венгрия томонидан ушлаб турилибди.

   Европа Иттифоқи ҳар куни нефт ва газ учун Москвага қарийб 1 миллиард евро тўлаяпти. Бу пуллар унинг мамлакатига бўлаётган босқинга ишлатилаётганни таъкидлаган Зеленский.

   

   Сурат манбаси, Reuters

2. 26 май 2022Россия қўшинлари Украина урушида ўлган аскарларини ташлаб кетишмоқдами?

   Киев яқинида топилган рус аскарларининг ташландиқ жасадлари ва қолдиқлари худди шундай фикрга етакламоқда. Русларнинг "биз ўзимизникиларни ташлаб қўймаймиз" деган гаплари амалда ишламайдими? Ўлган россиялик аскарлар кимлар ва нега ташлаб кетилган?

   Ўтказиб юборинг YouTube пост

   Google YouTube контентига рухсат бериш

   Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

   Қабул қилинг ва давом этинг

   Огоҳлантириш: Би-би-си ташқи саҳифалардаги контент учун масъул эмас YouTube бу контентда реклама бўлиши мумкин

   Охири YouTube пост

3. 26 май 2022Украина Донбасс минтақасида мағлубиятга учраяптими?

   Расмий Москва Украинада можаронинг чўзилишига тайёрлигини айтмоқда. Россия қўшинлари эса Донбасс минтақасида секинлик билан олдинга силжимоқда. Россия барча мақсадига эришгунча тўхтамаслигини айтаркан, Украина Мудофаа вазири ҳужум ўзининг чўққисига етганини таъкидламоқда. Россия қўшинлари Северодонецк шаҳрини деярли қуршаб олган, унга туташ туман ва қишлоқлар эса қаттиқ бомбардимон остида қолган. Би-би-си мухбири Жереми Бовен лавҳаси.

   Ўтказиб юборинг YouTube пост

   Google YouTube контентига рухсат бериш

   Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

   Қабул қилинг ва давом этинг

   Огоҳлантириш: Би-би-си ташқи саҳифалардаги контент учун масъул эмас YouTube бу контентда реклама бўлиши мумкин

   Охири YouTube пост

4. 26 май 202292 фоиз украиналик Россияга салбий қарайди

   Киев халқаро жамиятшунослик институти томонидан май ойида ўтказилган сўровномада қатнашган украиналикларнинг 92 фоизи Россияга муносабати салбий эканлигини билдирган. Унда 2 минг респондент иштирок этган.

   Институт бундан ташқари урушга қадар Россияга ижобий муносабатда бўлганлар орасида қайтадан сўровнома ўтказган.

   Маълум бўлишича, уларнинг 80 фоизида Россияга нисбатан муносабатлари салбийга ўзгарган.

   Босиб олинган ҳудудлардаги Украина фуқаролари ўртасида ўтказилган сўровнома респондентларининг 82 фоизи Россияга муносабати салбий эканлигини, 6 фоизи эса ижобий қарашини айтган.

5. 26 май 2022Жаҳон банки: Украина уруши дунёда иқтисодий рецессияга сабаб бўлиши мумкин

   Жаҳон банкининг огоҳлантиришича, Украинадаги уруш энергия маҳсулотлари, озиқ-овқат ва ўғитлар нархининг кескин ошиши манзарасида глобал рецессияга олиб келиши мумкин.

   Жаҳон банки раиси Дэвид Малпассга кўра, кўплаб Европа давлатлари ҳамон Россия нефти ва газига қарам. Унинг айтишича, Россия томонидан газ етказиб беришнинг тўхтатилиши минтақадаги иқтисоднинг сезиларли даражада секинлашишига сабаб бўлади.

   Жаҳоннинг энг йирик иқтисодларидан бири Германия аллақачон энергия захираларининг қимматлашувини ўзида хис қилмоқда. Ривожланаётган давлатлар ҳақида нимаям, дейиш мумкин, деган Малпасс.

   

   Сурат манбаси, Sevimli

6. 26 май 2022Россия Донбассдаги 40 дан ортиқ аҳоли масканига ҳужум қилмоқда

   Украина расмийларининг айтишича, Россия кучлари шарқий Донбасс ва Луганск вилоятларидаги 40 дан ортиқ аҳоли масканларига ҳужум қилмоқда.

   “Босқинчилар Донецк ва Луганск минтақасидаги 40 дан ортиқ аҳоли масканларини бомбалади. 38 та мактаб ва уйлар доҳил, 47 та тинч аҳоли биноларини вайрон қилди ёки бузди. Бомбардимон натижасида 5 нафар тинч фуқаро ҳалок бўлди, 12 киши яраланди”, дейилади Украина армияси расмий хабарида.

   Ўтган ой Россия бор эътиборини Донбасс минтақасида тўлиқ назоратни қўлга киритишга қаратганди.

   Россия Севередонецк ва Лисичанск шаҳарларини эгаллаб турган Украина кучларини ўраб олиш учун минтақага минглаб аскарларини юборган ва бу шаҳарларни уч томондан қуршаб олган.

   Бу шаҳарлар қуласа Россия Луганск вилоятида тўлиқ назоратни қўлга киритади.

   Луганск мэри Сергий Гайдай Россияни Северодонецкга ҳужум қилишда кунпаякун қилиш услубини қўллашда айблаган.

   Гайдай Россия кучлари Донецк дарёси бўйлаб бир кўприкдан ташқари барча кўприкларни портлатгани ва шаҳар ташқи дунёдан узилиб қолиши мумкинлигидан огоҳлантирган.

   

   Сурат манбаси, Reuters

7. 25 май 2022Ўзбекистон барибир Россия билан бирга бўлиши керакми?, Таҳлил

   Россия минтақа давлатларининг энг йирик савдо-иқтисодий, ҳарбий ва ҳарбий-техник ҳамкори, стратегик иттифоқчиси бўлади.

   Четдаги энг йирик ва энг кўп ҳарбий иншоотлари жойлашган асосий ҳудудлардан бири саналади.

   Аксарият давлатлари Россия шамсияси остидаги ҳарбий ва иқтисодий иттифоқларга кирувчи минтақа ҳисобланади.

   Ўзбекистон Россия таъсиридан қутулолмайдими?- батафсил иловамизда танишинг.

   

   Сурат манбаси, official

8. 25 май 2022Украина шарқида нима гап – сўнгги вазият, Можаронинг 91-куни

   Шу соатларда Украина шарқидаги қатор шаҳарлар Россиянинг шиддатли ҳужумлари остида.

   Украина Қуролли кучларига кўра:

   Россия Лиманга ҳужумларини кучайтирган. Артиллерияси баробарида қирувчи самолётларини ҳам ишга солган.

   Россия артиллерияси Северодонецкка ҳам зарба беришда давом этаётир.

   Авдеевкада ҳам ҳарбий ва ҳам фуқаровий объектларнинг ҳужум остида эканлиги айтилади.

   Бахмут ва Пасикага қилинган муваффақиятсиз ҳужумлар эса, Москва учун йўқотишларга олиб келган.

   Россия қуруқликдаги қўшинларига ҳаводан мадад беришни кучайтирган, мўлжални аниқ олувчи ракеталари камая бошлаган.

   Украинанинг даъво қилишича, Россиянинг тўққиз шарқий минтақаларига қаратилган ҳужумларини даф этишган.

   Аммо Би-би-си расмий Киевнинг айни мазмундаги даъволарини мустақил манбалар орқали тасдиқлай олмаган.

   

   Сурат манбаси, Getty Images

9. 25 май 2022Жанубий Украина: Россия фуқаролик беришни осонлаштирмоқда, Можаронинг 91-куни

   Президент Владимир Путин янги фармойиш берди.

   Украина жанубидаги Запорожье ва Херсон яшовчиларига Россия фуқаролигини беришни осонлаштиришни буюрди.

   Херсон Украинанинг Россия забт этган илк ва ҳозирча ягона йирик шаҳри бўлади.

   Запорожье ҳануз Украина назорати остида, аммо атрофидаги аксарият ҳудудларни Россия эгаллаб бўлган.

   

   Сурат манбаси, Reuters

10. 25 май 2022Ўзбекистон Россия таъсиридан қутулолмайдими?, Видео

    Ўзбекистон Россия таъсиридан қутулолмайдими?

    Ўзбекистон ва қолган Марказий Осиё давлатларининг ҳозир ҳам Россия билан бирга бўлишдан бошқа чораси, танлови йўқми?

    Украина уруши Россиянинг минтақага нисбатан сиёсатига қандай таъсир қилади?

    Таҳлилчи баҳоси.

    Ўтказиб юборинг YouTube пост

    Google YouTube контентига рухсат бериш

    Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

    Қабул қилинг ва давом этинг

    Огоҳлантириш: Би-би-си ташқи саҳифалардаги контент учун масъул эмас YouTube бу контентда реклама бўлиши мумкин

    Охири YouTube пост

11. 25 май 2022Швеция ва Финландия Туркияни гапга кўндирмоқчи, Можаронинг 91-куни

    Швеция ва Финландия НАТОга кириш қарорида қатъий, аммо иттифоққа аъзо ягона давлат – Туркия бунга қарши.

    Бугун, чоршанба куни бу икки давлат вакиллари туркиялик мулозимлар билан учрашишмоқчи, улар билан худди шу масалани гаплашиб олишмоқчи.

    Россиянинг Украинага бостириб кириши Швеция ва Финландиянинг НАТОга кириш қарорига сабаб бўлган.

    Аммо бунинг учун иттифоққа аъзо 30 давлат барчасининг бирдек розилиги лозим бўлади.

    Туркия эса, ҳали-ҳануз бунга розилик бермай келаётир.

    Президент Эрдўған Швеция ва Финландияни курд бўлгинчи гуруҳи – Курд Ишчилар Партияси тарафдорларига бошпана беришда айблайди.

    Швеция ва Финландия 2019 йил Туркия санкциялар киритган.

    Бунга Туркиянинг Суриянинг курд жангчилари фаол ҳудудига қўшин киритиши сабаб бўлган.

    Айрим таҳлилчиларга кўра, Туркия НАТОга аъзо айрим давлатлар билан савдолашмоқчи.

    Уларнинг айтишларича, худди шу боис ҳам, Туркия ҳозирги мавқеини эгаллаб турган бўлиши мумкин.

    Финландия Ташқи ишлар вазири Туркия билан келишиб олиш умидида.

    

    Сурат манбаси, EPA

12. 25 май 2022АҚШ яна Россияни жазоламоқчи, Можаронинг 91-куни

    АҚШ Россиянинг яна бир молиявий йўлини тўсмоқчи.

    Шу йўл билан Россиянинг ташқи қарзларни тўлашини қийинлаштирмоқчи.

    Расмий Вашингтоннинг бу чораси Россияни дефольт ёқасига янада яқинлаштириши айтилмоқда.

    АҚШ Молия вазирлигининг айтишича, америкалик облигация эгаларига тўловларни қабул қилиш имконини берувчи тартиб-қоидалар бекор қилинади.

    Украина уруши сабаб Россияга қўлланган санкциялар янада кучайтирилади.

    Янги қоидалар фақат Америка Қўшма Штатлардагиларга тааллуқли бўлади.

    Аммо Америка банклари глобал молия тизимида йирик ўрин тутади.

    Худди шу боис ҳам, улар Россиянинг бошқа жойларда ҳам тўлов тўлашини қийинлаштириши айтилмоқда.

    

    Сурат манбаси, EPA

13. 25 май 2022Россия Украина шарқини вайрон қилмоқчими – Зеленский янги айблов билан чиқди, Можаронинг 91-куни

    Украина президентининг айтишича, ҳозир Донбассда вазият “ўта оғир”. Россия ишғоли шиддатлашдими? Мариуполда юзлаб жасад топилгани айтилмоқда. Сўнгги тафсилотлар.

    Шу соатга қадар бўлган энг муҳим янгиликлар

    • Украина президенти Россияга қарши янги айблов билан чиқди. Россия Украина шарқини вайрон қилмоқчи эканини айтди. Володимир Зеленскийга кўра, ҳозир Донбассда вазият “ўта оғир”.
    • Россия қўшинлари жорий пайтда Украина шарқидаги Северодонецк ва Лисичанск шаҳарларини қураб олиш ҳаракатида.
    • Северский Донец дарёсининг икки ёқасида жойлашган бу шаҳарлар бир неча ҳафтадан буён Россиянинг ҳужуми остида.
    • Украина Мудофаа вазирлигининг баҳосига таянилса, Россиянинг босқини ҳозир ўзининг “энг қизғин палласида”.
    • Россиялик икки мулозимнинг чамасига кўра, ишғол бу яқин орада тугамайди. Улардан бирининг айтишича, ҳатто, аниқ қачон якун топиши ҳам маълум эмас.
    • Мариуполдаги вайроналар остидан 200 та жасаднинг топилгани айтилмоқда. Бу ҳақда шаҳар мэрининг маслаҳатчиси маълум қилган. Украинанинг стратегик жиҳатдан муҳим бўлган жанубий порт шаҳри Мариуполь ҳозир тўлиқ Россиянинг назорати остида. Россия томони янги даъволар борасида ҳозирча жим.
    • Венгрия Бош вазири Виктор Орбан фавқулодда ҳолат эълон қилди. Унинг баён қилишича, “дунё иқтисодий инқироз ёқасида”.

    

    Сурат манбаси, Getty Images

14. 24 май 2022Польша бош вазири: Путин Украина буғдойини қуролга айлантираяпти

    Польша Бош вазири Матеуш Моравецкий айтишича, Россия Президенти Владимир Путин "Украина ҳосилини бутун дунёни шантаж қилиш қуролига айлантирмоқда".

    Бу ҳақда Матеуш Моравецкий Давосдаги Жаҳон Иқтисодий форумида айтган.

    Ўзининг бу сўзларини изоҳлаб бериш сўралганида, Польша бош вазири Би-би-сига, "Сталин 1933 йили шундай қилганди", деб айтди.

    Украина ўз буғдойини хорижга олиб чиқолмаяпти.

    Бунга Россиянинг Қора денгиз соҳилларини қамал қилиб тургани сабаб бўлаяпти.

    Украина билан Россия бутун дунё буғдой экспортининг учдан бирини ташкил этади.

    Жаҳон бўйлаб ўсимлик ёғининг ярми Украина ҳиссасига тўғри келади.

    Украина уруши глобал озиқ-овқат қимматлашишига етаклаяпти, айрим мамлакатларда очарчилик юзага келиши мумкинлиги ҳақидаги огоҳлантиришлар айтила бошлади.

    

15. 24 май 2022Энг сўнгги ўзгаришлар, Урушнинг 90-куни

    Украина шарқидан олинаётган хабарларга кўра, Россия қўшинлари Донбасс минтақасида ҳужумларини кучайтирмоқда.

    Россия Северодонецк, Лисичанск, Рубежне шаҳарларини қуршаб олишга ҳаракат қилаяпти, Украина Россия ҳужумларини қайтарганини айтмоқда.

    Донецк вилоятидаги Светлодарск шаҳри Украина қўлидан кетган.

    Украина уруши боис Россиянинг БМТ Женева идорасидаги дипломати Борис Бондарев истеъфо берган.

    Британия разведкаси маълумотларига кўра, Россия уч ойлик Украина урушида СССР Афғонистон урушида берганичалик, яъни 15000 атрофида талофат берган.

    Украинада ўтказилган энг сўнгги ижтимоий сўров натижаларига кўра, аҳолининг 82 фоизи Россияга ҳудудий ён беришга қарши кайфиятда.

16. 23 май 2022Россиянинг ҳужуми Черниговда ўнлаб одамни ўлдирганми?

    Украина президенти Давосдаги чиқиши чоғида янги тафсилотларни ҳам очиқлади.

    Володимир Зеленскийнинг айтишича, Россиянинг Деснадаги ҳарбий базага уюштирган ҳужуми 80 дан ортиқ одамни ўлдирган.

    Десна қишлоғи Украина шимолида, Чернигов минтақасида жойлашган.

    87 кишининг умрига зомин бўлган ҳужум эса, шу йилнинг 17 май куни юз берган.

    Россия кучлари алал-оқибат ортга чекинаркан, Украина ҳарбий базани яна ўз назорати остига олганди.

    “Бугун Деснадаги вайроналар остида 87 қурбон бор. Ўлдирилган қурбонларнинг 87 жасади. Украина келажаги энди бу одамларсиз бўлади”, - деб айтган Володимир Зеленский.

    Украина президентининг айни мазмундаги баёнотига расмий Москванинг муносабати ҳозирча имконли эмас.

    Донецкдаги бўлгинчилар лидерининг баён қилишича, “Азовстал”даги Россияга таслим бўлган украин жангчилари суд қилинади.

    

    Сурат манбаси, Reuters

17. 23 май 2022Зеленский Давосда нималар деди?

    Украина президенти Жаҳон Иқтисодий Форумида сиртдан чиқиш қилди. Россия билан уруш пайтида ўз мамлакатини қўллаб-қувватлаш учун яна нима қилиш кераклигини айтди:

    Володимир Зеленский давлатлар Россияга иқтисодий зиён етказишда давом этишлари кераклигини таъкидлади. Унинг ишонишича, шу пайтгача бирор бир “қаттиқ” чора кўрилмаган. Аммо кўрилиши лозим.

    Украина президентига кўра, Россия нефтига буткул тақиқ қўйилиши, Россиянинг барча банклари глобал тизимдан чиқарилиши ва Россия билан савдо-сотиқ буткул тўхтатилиши керак.

    Бундан аввалги видеочиқишларида бўлгани каби, президент Зеленский ўзларига янада кўпроқ қурол-яроғ лозимлигини айтди. Фақат берилаётгани эмас, ўзлари сўраган барча қурол-яроғга эҳтиёжлари борлигини таъкидлади.

    Украина президенти ўзларига лозим бўлган қурол уруш бошланган февраль ойида тўлиқ етказиб берилганида, ўн минглаб инсон омон қолган бўлиши мумкинлигини айтди.

    Володимир Зеленскийга кўра, «тарих туб бурилиш нуқтаси»да. Иштирокчиларнинг дунёни «зўравон куч» бошқармаслиги борасида бир тўхтамга келишлари учун муҳим бир палла.

    Украина президенти Россияда ҳануз иш юритаётган бизнеслар масаласига ҳам тўхталди. Уларнинг ўз фаолиятларини зудлик билан тўхтатиб, бунинг ўрнига пулларини Украинани қайта тиклашга харжлашлари тузук эканини айтди.

    Украина президентига кўра, бу Россиянинг «қонли манфаатлари»ни беихтиёр молиялаштирмаганига ишонч ҳосил қилишни истовчи ҳар қандай ширкат учун муҳим.

    

    Сурат манбаси, EPA

18. 23 май 2022Украина: Илк уруш жиноятлари маҳкамасида илк ҳукм

    Уруш жиноятлари бўйича маҳкама рус ҳарбийсини умрбод қамоқ жазосига ҳукм қилди.

    Суд сержант Вадим Шишимаринни 62 ёшли Александр Шелиповни ўлдиришди айбдор, деб топди.

    Рус ҳарбийси Шелиповни отиб ўлдирганлигини тан олган, аммо буйруқни бажарганини айтиб, қурбони бевасидан узр сўраган.

    Маълум бўлишича, ҳодиса шу йилнинг 28 февраль куни Украина шимоли-шарқидаги Чупаховка қишлоғида юз берган.

    Москва ишғоли давомида ҳарбийлари тинч аҳолини ҳужумга тутганликларини рад этади.

    Аммо, Украина томонига кўра, шу пайтгача 11 мингдан ошиқ худди шунга ўхшаш жиноят содир этилган.

    Пойтахт Киевдаги маҳкама Украина учун уруш тартиб-қоидаларига қарамай, рус ҳарбийси тинч фуқарони ўлдирганлигини исботлашнинг имконияти сифатида кўрилганди.

    Путиннинг матбуот воизи ҳукм арафасида ўз аскарлари тақдиридан хавотирда эканликларини баён қилган.

    Адвокатининг айтишича, аскар маҳкама ҳукми юзасидан шикоят аризаси билан чиқмоқчи.

    

    Сурат манбаси, Reuters

19. 23 май 2022Украина: Россия урушини қўллаганлар жазоланади

    Украина парламенти янги қонунни эълон қилди.

    Янги ҳужжат давлатга Россия урушини қўллаганлар мол-мулкини мусодара этишга изн беради.

    Уруш дастакловчиси, деб топилган ҳар қандай одам Украинанинг Аксилкоррупция Олий маҳкамасига олиб борилиши ва унинг мулкини давлат ҳисобига ўтказиш масаласи кўриб чиқилиши мумкин.

    Россиянинг уруши сабаб, Украина иқтисоди таназзулга юз тутган.

    Жума куни дунёнинг йирик еттилик давлатлари худди шу масалани муҳокама этиб олишган.

    Улар урушдан пароканда бўлган Украинага қарийб 20 миллиард долларлик ёрдам беришга рози бўлишган.

    Янги иқтисодий кўмак Украинанинг бундан буёғига ҳам ўзини ҳимоя қилишга қодир бўлишини таъминлашни мақсад қилган.

    

    Сурат манбаси, Getty Images

20. 23 май 2022Зеленский Украина шарқидаги йўқотишларини очиқлади

    Украина президентининг айтишича, мамлакат шарқида ҳар куни 100 га яқин одамларини бой бераётган бўлишлари мумкин.

    Володимир Зеленский ўзининг тахминлари билан якшанба куни берган матбуот анжумани чоғида ўртоқлашган.

    Унга кўра, ўлдирилганлар Украинани “энг қийин йўналиш”да ҳимоя қилишган.

    Володимир Зеленский бундан ортиқ тафсилотларга тўхталмаган.

    Аммо Украина президенти, афтидан, бу сўзлари билан ўзларининг ҳарбий йўқотишлари ва Украина шарқида жангларнинг қанчалик қақшатқич кечаётганига ишора қилган бўлиши мумкин.

    Россия кучлари сўнгги ҳафталарда Украинанинг шарқий бўлгинчи минтақаси бўлган Донбассда ўз ҳужумларини кучайтиришган.

    Ҳозир минтақанинг Северодонецк шаҳрини босиб олиш ҳаракатида.

    

    Сурат манбаси, EPA