Дайжест. Россия: Путин нимадан афсусланиб, нега кечирим сўради? Блокланаётган тармоқлар. Ва Ўзбекистонга жўнатилаётган миллиардлаб долларлар - Янгиликлар O‘zbekiston Rossiya dunyo yangiliklar

Published
  • Путин атрофидагилари Ковидга чалинганини айтди;
  • Президент афсуси ва узри;
  • Россияда Google Docs блоклана бошланди;
  • Саккиз ойда 5 млрд долларга яқин пул ўтказмаси.

Россия Президенти Владимир Путиннинг ўзини яккалаш тартибига ўтгани ҳақидаги хабарлардан ортидан Кремл матбуот котиби Дмитрий Песков «Президент мутлақо соғлом»лигини билдирганди.

Владимир Путинннинг ўзи онлайн иштирок этаётган Коллектив Хавфсизлик Шартномаси Ташкилоти йиғилишида бу мавзуга тўхталди.

Россия президенти атрофидаги "бир эмас, икки эмас, балки ўнлаб одамлар коронавирус билан касалланган»ини айтди.

- "Биласизми, афсуски, мен Душанбега ташрифимни охирги дақиқада бекор қилишга мажбур бўлдим. Бу атрофимдаги одамларда коронавирус билан боғлиқ ҳолатлар аниқлангани сабаб. Улар битта эмас, иккита эмас, балки бир неча ўнлаб одамлар", дея қўшимча қилди саммитда.

Шунингдек, энди бир неча кун давомида ўзини яккалаш тартибига амал қилишини билдириб, тадбирда шахсан қатнаша олмагани учун узр сўради.

Путин "КХШТ саммити иштирокчиларининг ҳар бири билан "қўл сиқа, қучоқлай" олмаслигини афсус билан» таъкидлади.

"Лекин, албатта, биз ташкилотимиз олдида турган асосий вазифаларни масофадан туриб ҳам муҳокама қилишда иштирок этишдан манфаатдормиз", деди Путин. Ва Тожикистон президенти Имомали Раҳмонга КХШТга раислиги даврида фаол ишлаганлиги ва учрашувни тайёрлашдаги хизматлари учун миннатдорлик билдирди.

"Блоклаш овоз бериш билан боғлиқ"

Skip Энг кўп ўқилган and continue reading
Энг кўп ўқилган

End of Энг кўп ўқилган

Россиялик операторлар Россияда Google Docs хизматини блоклай бошлади. Бир кун олдин у ерда "Ақлли овоз бериш" га номзодлар рўйхати эълон қилинган эди.

Чоршанба куни кечқурун ntc.party сайти фойдаланувчилари docs.google.com сайтининг блокланишини пайқашган. Сўнг буни МДҲ мамлакатларида Интернетни блокировка қилиш тизимини мониторинг қилиш билан шуғулланувчи GlobalCheck лойиҳаси тасдиқлади.

GlobalCheckка кўра, МТС, "Мегафон" ва "Ростелеком" провайдерлари баъзи ҳудудларда docs.google.com сайтини блоклай бошлашган.

" Эҳтимол, блоклаш "Google Документы" ресурсида "Ақлли овоз бериш " рўйхатларини эълон қилиш билан боғлиқ", - дейилади GlobalCheck хабарида.

"Ақлли овоз бериш" сайти6 сентябр куни Россия Бош прокуратураси талабига биноан блокланган.

Расмийларнинг айтишича, лойиҳадан экстремистик дея тан олинган ташкилотлар ўз фаолиятини давом эттириш учун қўлланмоқда.

Ҳукуматдан мустақил нашрлар эса Россияда ақлли овоз беришга қарши кураш бошланганини таъкидлаб келишмоқда.

Асосий пул жўнатмалари - Россиядан

Ўзбекистон Марказий банки матбуот хизмати 2021 йилнинг 8 ойи мобайнида мамлакатга келган пул ўтказмалари ҳажмини маълум қилди.

Марказий банк хабарига кўра, 2021 йилнинг январь-август ойлари мобайнида Ўзбекистонга трансчегаравий пул ўтказмалари ҳажми 4,9 миллиард долларни ташкил этган. Бу миқдор 2020 йилнинг шу даврига нисбатан 35 фоизга кўпдир. Ўтган йилнинг 8 ойида мамлакатга трансчегаравий пул ўтказмалари орқали $3,6 млрд пул кириб келган.

«Пул ўтказмалари истеъмолчилар фаоллигини сақлашнинг асосларидан биридир», таъкидлайди Марказий банк.

Ўзбекистонда пул ўтказмаларининг асосий қисми анъанавий равишда меҳнат муҳожирлари ҳиссасига тўғри келади.

Ўзбекистон Иқтисодий ривожланиш ва қашшоқликни камайтириш вазирлигининг 2021 йил 1 январ ҳолатига кўра, мамлакатнинг 1 678 400 фуқароси чет элда ишлаган. Ўтган йилга нисбатан ўзбекистонлик меҳнат муҳожирлари сони 780 минг кишига камайган.

Ўзбекистон фуқаролари - 1,1 миллион киши (71%) - Россияда, 209,3 минг (12%) - Қозоғистонда, 62,3 минг (4%) - Жанубий Кореяда, 43,2 минг (3%) - Туркияда, БААда 5,2 минг киши меҳнат муҳожирлигида.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek