آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
امریکہ: پیشاب کا سیمپل موصول ہونے پر سنیما خالی کروا لیا گیا
امریکہ کی ریاست واشنگٹن میں ایک سنیما گھر کو اس وقت لوگوں سے خالی کروانا پڑا جب اسے ایک پیکج میں انسانی پیشاب موصول ہوا۔
اس پیکج پر ’شدید متعدی انسانی مواد‘ تحریر تھا اور اسے غلطی سے نارتھ بینڈ شہر کے نارتھ بینڈ تھیٹر میں جمعے کی شام کو ڈیلیور کر دیا گیا۔
سی این این کے مطابق ایک گھنٹے کے بعد یہ معلوم ہوا کہ یہ مواد انسانی پیشاب تھا اور اس کے بعد اسے تلف کر دیا گیا۔
معلوم ہوا ہے کہ یہ پیکج درحقیقت ایک میڈیکل کلینک پہنچایا جانا تھا۔
یہ بھی پڑھیے
End of سب سے زیادہ پڑھی جانے والی
سی این این سے ملحق ٹی وی چینل کومو نے بتایا کہ سینما کے مینیجر کو احتیاطی طور پر ہسپتال منتقل کر دیا گیا۔
فائر فائٹرز فوری طور پر جائے وقوعہ پر پہنچے اور انھوں نے ٹویٹ کیا کہ مذکورہ جگہ پر ضرر رساں مواد سے نمٹنے کے لیے عملہ بھیج دیا گیا ہے۔
سنیما کے اردگرد کی سڑکوں کو بند کروا دیا گی ا تھا۔
سنیچر کو تھیٹر نے اعلان کیا کہ ’سب ٹھیک ہے۔ کوئی خطرہ نہیں۔ سنیما معمول کے مطابق کھلا رہے گا‘ تاکہ فروزن 2 دکھائی جا سکے۔
جس کلینک کو یہ پیشاب موصول ہونا چاہیے تھا وہ جائے وقوعہ سے 50 میل (80 کلومیٹر) دور ٹاکوما میں ہے۔