انڈیا میں 10 ہزار سے زیادہ اموات، برازیل میں ایک دن میں تقریباً 35 ہزار نئے کیس

دنیا بھر میں کورونا کے مصدقہ متاثرین کی تعداد 81 لاکھ سے بڑھ گئی ہے جبکہ پاکستان میں میں لگاتار دوسرے روز بھی اموات کی ریکارڈ تعداد سامنے آئی ہیں۔ منگل کو دنیا کے دوسری سب سے متاثرہ ملک برازیل میں وائرس کے تقریباً 35 ہزار نئے کیس سامنے آئے ہیں جبکہ انڈیا چوتھے نمبر پر ہے اور وہاں مزید دو ہزار اموات ہوئی ہیں۔

لائیو کوریج

11 جون 2020کورونا وائرس: یورپ کا پہلا ”فیس ٹو فیس سمٹ‘‘
سیاسی اجلاس اور ملاقاتیں ایک معمول کی بات ہی سمجھی جاتی ہیں لیکن کورونا وائرس کی وبا کے بعد اگر رہنما ایک دوسرے سے براہ راست مل رہے ہوں تو پھر یہ خود ایک خبر بن جاتی ہے۔
یورپ کے چار ممالک کے رہنما جمعرات کو چیک لیڈنیس محل میں پہلی بار براہ راست ملاقات کریں گے۔
جمہوریہ چیک، ہنگری، پولینڈ اور سلووک رہنما پہلی بار یورپی یونین کی کورونا وائرس سے متعلق بحالی کے لیے 750 بلین یورو کے فنڈ پر تبادلہ خیال کریں گے۔
جمہوریہ چیک حکومت کے ترجمان کا کہنا ہے کہ سیاستدانوں کو اب بھی احتیاطی تدابیر پر عمل کرنا لازمی ہو گا۔
ترجمان کہتی ہیں کہ ان رہنماؤں کو فیس ماسک پہننے کے علاوہ عام افراد کی طرح ہی احتیاطی تدابیر اختیار کرنا ہوں گی۔
11 جون 2020بریکنگ, امریکہ میں کورونا وائرس متاثرین کی کل تعداد 20 لاکھ سے تجاوز کر گئی
امریکہ کی جان ہاپکنز یونیورسٹی کے اعداد و شمار کے مطابق امریکہ میں کورونا وائرس کے کل متاثرین کی تعداد 20 لاکھ سے تجاوز کر گئی ہے۔
اس وقت امریکہ میں کورونا وائرس متاثرین کی تعداد پوری دنیا میں سب سے زیادہ ہے۔
11 جون 2020بریکنگ, پیرو: ادرک کی برآمدات میں 150 فیصد اضافہ
لاطینی امریکہ کے ملک پیرو کا کہنا ہے کہ کورونا وائرس کی وبا کے دوران ملک سے ادرک کی برآمدات تقریباً تین گنا بڑھ گئی ہیں کیونکہ ادرک کو قوتِ مدافعت بڑھانے کا ایک قدرتی حل سمجھا جاتا ہے۔
حکام کا کہنا ہے کہ ادرک کی ترسیل میں 2020 کی پہلی سہہ مائی میں 2019 کی پہلی سہہ مائی کے مقابلے میں 150 فیصد اضافہ ہوا ہے۔
برآمدات میں زیادہ تر سپین، ہالینڈ، اور امریکہ کو گئی ہیں۔ کئی ممالک میں ادرک اور لیمو کے جوئس سے بنے مشروب کو نزلہ زکام کا روایتی حل سمجھا جاتا ہے۔
اگرچہ ادرک ایک صحت بخش چیز ہے، یہ آپ کے وائرس سے متاثر ہونے کو روکتا نہیں ہے۔
11 جون 2020امیتابھ بچن کا ممبئی میں پھنسے 700 شہریوں کی واپسی کے لیے خصوصی پروازوں کا انتظام
انڈین خبر رساں ادارے پی ٹی آئی کے مطابق بالی ووڈ سٹار امیتابھ بچن نے انڈیا کے شہر ممبئی میں کام کی غرض سے آئے 700 افراد کی گھر واپسی کے لیے خصوصی پروازوں کا انتظام کیا ہے۔
یہ افراد لاک ڈاؤن کی وجہ سے ممبئی میں ہی پھنس کر رہ گئے تھے۔
پی ٹی آئی نے بچن خاندان کے قریبی ذرائع سے یہ خبر دی کہ دو پروازیں بدھ جبکہ مزید دو پروازیں جمعرات کو ان ورکرز کو ممبئی سے واپس ان کے گھر لے کر جائیں گی۔
جب کورونا وائرس کے پھیلاؤ کو روکنے کے لیے انڈیا نے مارچ میں راتوں رات لاک ڈاؤن کا اعلان کیا تو محنت مزدوری کرنے والوں کی مشکلات میں کئی گنا اضافہ ہو گیا اور گھر واپس جانا ان کے لیے مشکل ہو گیا۔
اس لاک ڈاؤن کے خلاف ملک بھر میں تشویش کی لہر دوڑ گئی۔
اپنے گھروں کو واپس جانے کے لیے شہروں سے ہزاروں کی تعداد میں لوگوں نے شدید گرمی میں طویل سفر پیدل ہی طے کرنا شروع کر دیا۔
انڈین حکومت نے بھی پھنسے مزدوروں کی گھر واپسی کے لیے ٹرین سروس شروع کی۔ بالی ووڈ سٹار شاہ رخ خان اور سونو سود نے بھی ان شہریوں کی گھر واپسی کے انتظامات میں حصہ لیا۔
11 جون 2020انڈیا: صحت یاب ہونے والوں کی تعداد موجودہ متاثرین سے زیادہ ہوگئی
انڈیا میں پہلی مرتبہ کورونا وائرس سے صحت یاب ہو کر ہسپتالوں سے فارغ ہونے والے افراد کی تعداد موجودہ متاثرین کی تعداد سے بڑھ گئی ہے۔
بدھ کے روز وزارتِ صحت نے اعلان کیا تھا کہ ملک میں 135205 افراد صحت یاب ہو چکے ہیں جبکہ زیرِ علاج متاثرین کی اس وقت تعداد 133632 ہے۔
مگر گذشتہ چند ہفتوں سے انڈیا میں نئے کیسز کی تعداد میں مسلسل اضافہ ہو رہا ہے اور ماہرین کو خدشہ ہے کہ کیسز میں تیزی سے اضافہ ملک میں لاک ڈاؤن میں نرمی کے بعد آیا ہے۔
ملک کے بڑے شہروں جیسے کہ دارالحکومت دلی اور تجارتی مرکز ممبئی میں بالترتیب 30 ہزار اور 50 ہزار کیسز سامنے ائے ہیں۔
انڈیا میں کل 275000 متاثرین ہیں جبکہ کل اموات 7500 تک پہنچ چکی ہیں۔
11 جون 2020بریکنگ, اپوزیشن لیڈر شہباز شریف میں کورونا وائرس کی تصدیق
پاکستان مسلم لیگ نون کے صدر اورقومی اسمملی میں قائد حزب اختلاف شہباز شریف کا کورونا ٹیسٹ مثبت آیا ہے۔ ترجمان کے مطابق انھوں نے لاہور ماڈل ٹاؤن رہائش گاہ پر اپنے آپ کو قرنطینہ کر لیا ہے اور ڈاکٹروں کی ہدایات پر عمل کر رہے ہیں۔
نیب نے دو دن قبل شہباز شریف کو تفتیش کے لیے بلایا تھا اور اس موقع پر پارٹی کارکنان کی بڑی تعداد بھی نیب دفتر کے باہرموجود رہی۔
پارٹی ترجمان کے مطابق تحریری طور پر نیب کو متعدد بار آگاہ کیا کہ شہباز شریف کینسر کے مرض میں مبتلا رہے ہیں اور ان کی قوت مدافعت عام لوگوں کی نسبت کم ہے یہاں تک کہ ویڈیو لنک پر تفتیش کرنے کی پیشکش کی گئی۔
ترجمان کے مطابق شہباز شریف کی نو جون کو نیب کی پیشی کے علاوہ نہ کسی سے ملاقات ہوئی اور نہ ہی وہ کہیں اور گئے ہیں۔
پارٹی ترجمان نے اپنے ردعمل میں کہا ہے کہ شہباز شریف کو ان حالات میں نیب میں طلب کر کے ان کی زندگی کو خطرے میں ڈالا گیا۔
ان کا کہنا تھا کہ اگر شہباز شریف کو کچھ ہوا تو عمران خان اور نیب ذمہ دار ہوں گے۔
11 جون 2020پاکستان میں ایک دن میں چھ ہزار کے قریب متاثرین، 101 ہلاکتیں
پاکستان میں گذشتہ 24 گھنٹوں میں کورونا وائرس کے 5834 نئے مریض سامنے آئے ہیں جبکہ ایک دن میں اس وائرس سے 101 اموات ہوئی ہیں۔
اس وقت ملک میں کورونا وائرس متاثرین کی کل تعداد 119536 بنتی ہے۔ اس وائرس سے اب تک 38391 مریض صحت یاب بھی ہو چکے ہیں۔ ملک بھر میں اس وائرس کے مرنے والوں کی تعداد 2356 ہے۔
11 جون 2020بریکنگ, دنیا بھر سے تازہ ترین صورتحال
جانز ہاپکنز یونیورسٹی کے تازہ ترین اعداد و شمار کے مطابق دنیا بھر میں کورونا وائرس سے ہلاک ہونے والوں کی تعداد 416,084 ہو گئی ہے۔
دنیا میں مصدقہ متاثرین کی تعداد 7,357,011 ہو چکی ہے۔
اب تک ہلاکتوں میں امریکہ 112,895 ہلاکتوں کے ساتھ سر فہرست ہے۔ دیگر ممالک میں صورتحال کچھ یوں ہے۔
برطانیہ: 41,213
برازیل: 39,680
اٹلی: 34,114
فرانس:29,322
سپین: 27,136
میکسیکو: 15,357
بیلجئیم: 9,629
جرمنی: 8,752
ایران: 8,506
کینیڈا: 8,038
11 جون 2020نیو یارک کے بے گھر بیماری اورموت کی زد میں
کولیشن فور ہوم لیس نامی ادارے کی ایک رپورٹ کے مطابق نیویارک میں بے گھر اور شیلٹرز میں رہنے والے افراد غیر متناسب طور پر کورونا وائرس سے موت یا بیماری کے خطرے کی زد میں تھے۔
کہا گیا ہے کہ یکم جون کو نیو یارک سٹی میں مجموعی طور پر ایک لاکھ افراد میں سے 200 افراد جان کی بازی ہارے تھے۔ جبکہ پناہ گاہوں میں سونے والے افراد کی بات کی جائے تو ان میں سے ایک لاکھ میں سے 321 افراد ہلاک ہو رہے تھے۔
ادارے کا کہنا ہے کہ اپریل 2020 میں بے گھر افراد کی ہلاکت میں گذشتہ برس اسی مہینے کی نسبت 157 فیصد زیادہ تھی۔
31 مئی کو ان 179 شیلٹرز میں مصدقہ کیسز کی تعداد 926 تھی۔
11 جون 2020بریکنگ, پاکستان کے زیر انتظام کشمیر کے دارالحکومت مظفر آباد میں جمعے سے لاک ڈاؤن کا اعلان, ایم اے جرال، صحافی
پاکستان کے زیر انتظام کشمیر کے حکام نے دارالحکومت مظفرآباد میں کورونا وائرس کے تیزی سے بڑھتے کیسز کے پیش نظر 12 جون سے ایک ہفتے کے لیے مکمل لاک ڈاون کرنے کا فیصلہ کیا ہے۔
حکام کے مطابق دارالحکومت مظفرآباد میں اب تک 205 افراد میں کورونا وائرس کی تشخیص ہوئی جو اس خطے میں کسی بھی ضلع میں بہت بڑی تعداد ہے۔
ڈپٹی کمشنر مظفرآباد کی جانب سے جاری ہونے والے حکمانامے کے مطابق جمعہ کے روز سے شروع ہونے والے لاک ڈاون کے دوران ہر قسم کی ٹرانسپورٹ مکمل بند رہی گی جبکہ کسی بھی شخص کو بغیر کسی ضرورت کے باہر آنے جانے سے روک دیا گیا ہے۔
ڈپٹی کمشنر مظفرآباد کی جانب سے جاری ہونے والے حکمنامے کے مطابق میڈیکل سٹورز، سبزی ،بیکری، فروٹ ،دودھ و دہی کی دکانیں ہفتے سے لیکر جمعے تک صبح 8 سے شام 4 بجے تک جبکہ کریانہ، ایل پی جی کی دکانیں صرف ہفتے میں دو دن یعنی اتوار اور بدھ کو کھلی رہیں گی۔
حکام کے مطابق گوشت، مرغی اور مچھلی کی دکانیں ہفتے میں دو دن یعنی ہفتہ اور جمعرات کھلی رہیں گی جس بنا پر انتظامیہ نے تاجروں اور دیگر شہریوں کو پابند کیا ہے کہ وہ گھر میں محدود رہیں اگر گھر سے باہر نکلیں تو محکمہ صحت کے بتائے گے ضابطہ اخلاق کا خیال رکھیں۔
11 جون 2020دہلی میں ’کووڈ 19 لاحق ہونے کا مسلسل خطرہ‘
انڈیا میں کورونا وائرس سے متاثرہ افراد کی تعداد بڑھتی جا رہی ہے۔ دہلی کے ہسپتالوں کے باہر قطار میں کھڑے افراد کی تصاویر سامنے آئی ہیں۔ یہ افراد کووڈ -19 کے علاج کے منتظر ہیں۔
ڈاکٹر پرو میٹھ دہلی کے ایک سپتال لوک نائیک جیے پرکاش نارائن میں کام کرتے ہیں نے بی بی سی سے گفتگو کی۔
وہ کہتے ہیں کہ یہ کہنا بہت مشکل ہے کہ ہم اس سے کیسے نمٹیں گے۔ وہ کہتے ہیں کہ میں وثوق سے نہیں کہہ سکتا کہ ہمارے پاس بستر ہیں۔ اور اگر آپ بستر لے بھی آئیں تو آپ کے پاس افرادی قوت کی کمی ہو گی۔
دہلی میں ہر روز ایک ہزار سے زیادہ کورونا وائرس کے نئے مریض سامنے آتے ہیں۔
ڈاکٹر مٹھ کہتے ہیں کہ ’ہمارے ہسپتال نے ابتدا میں پی پی ای خریدنے کے لیے کوششیں کی تھیں۔ اب ہمارے پاس کافی تعداد میں یہ حفاظتی سامان موجود ہے لیکن پی پی ای میں کام کرنا بہت تھکا دینے والا ہے۔‘
وہ کہتے ہیں کہ ’اسے گھنٹہ بھر بہنیں تو پسینہ آنا شروع ہو جاتا ہے۔ آپ کو پانی کی کمی ہو جاتی ہے۔ ابتدا میں ہمیں چھ سے آٹھ گھنٹے کام کرنا ہوتا ہے۔ اب مسلسل بنیادوں میں یہ خوف موجود ہے اور خطرہ ہے کہ یہ انفیکشن بڑھ جائے گا۔
11 جون 2020انگلینڈ میں تنہا رہنے والوں کو ’سوشل ببل‘ میں رہنے کی اجازت
برطانوی وزیراعظم بورس جانسن کی جانب سے انگلینڈ میں تنہا رہنے والے بالغ افراد کو اجازت دی گئی ہے کہ وہ سوشل ببل میں رہ سکتے ہیں۔
یہ سوشل ببل یا سپورٹ ببل کیا ہوتا ہے؟
یہ ان افراد کا گروپ ہوتا ہے جن سے آپ قریبی رابطے میں ہوتے ہیں۔ یہ لوگ سپورٹ ببل میں کسی بھی فیملی سائز کے ہمراہ رہ سکتے ہیں۔
اس کی کچھ مثالیں بھی دی جا سکتی ہیں جیسا کہ
کسی کے دادا دادی یا نانا نانی جو تنہا رہتے ہوں وہ سپورٹ ببل بنا سکتے ہیں اپنے کسی پوتے پوتی یا نواسے نواسی سے۔ اس کا مطلب یہ ہے کہ یہ لوگ اپنے بچوں کی اولاد سے معمول کے مطابق مل سکتے ہیں۔
جو افراد اپنے بچوں کو تنہا پال رہے ہیں وہ اپنے والدین یا دوستوں کے ساتھ ببل بنا سکتے ہیں۔
11 جون 2020کورونا وائرس سے جڑی اصطلاحات کے معنی کیا ہیں؟
کورونا وائرس کی عالمی وبا نے ہماری روزمرہ کی زندگی میں کئی نئے الفاظ اور اصطلاحات متعارف کرائی ہیں، چاہے بات قرنطینہ، وائرس، مدافعت یا سماجی فاصلے کی ہو۔ لیکن آخر ان سب اصطلاحات کا مطلب کیا ہے؟
تفصیل جانیے اس خصوصی تحریر میں
11 جون 2020وبا کے باعث وقفے کے بعد صدر ٹرمپ کا انتخابی ریلیوں کے انعقاد کا اعلان
امریکی صدر ڈونلڈ ٹرمپ نے کہا ہے کہ وہ تین ماہ تک کورونا وائرس کی وبا کے باعث انتخابی مہم کی ریلیوں کا انعقاد نہیں کر سکے تھے اب وہ کم ازکم چار ریاستوں میں ان ریلیوں کا انعقاد شروع کریں گے۔
بدھ کو وائٹ ہاؤس میں صحافیوں سے گفتگو میں صدر ٹرمپ نے کہا کہ یہ ریلیاں ریاست فلوریڈا، ایریزونا، شمالی کیرولینا اور اوکلاہوما میں پھر سے شروع ہوں گی۔
ان کا کہنا تھا کہ شاید پہلی ریلی کا انعقاد اوکلاہوما کے علاقہے ٹلسہ میں اگلے جمعے کو ہو گا۔
تاہم انھوں نے اس حوالے سے کوئی بھی تفصیلات فراہم نہیں کیں کہ ان ریلیوں میں کورونا وائرس کے پھیلاؤ کے تدارک کے لیے کیا احتیاطی اقدامات کیے جائیں گے۔
صدر ٹرمپ کا نومبر میں الیکشن میں ڈیموکریٹک پارٹی کے جوبائیڈن سے مقابلہ ہو ہوگا۔
11 جون 2020بریکنگ, امریکہ میں کیسز کی تعداد 20 لاکھ کے قریب، 21 ریاستوں میں انفیکشن میں اضافہ
امریکہ میں نیویارک اور نیو جرسی جو کہ کورونا وائرس کی وبا کا مرکز بنے ہوئے تھے اب وہاں کورونا وائرس کے کیسز میں کمی ریکارڈ کی جا رہی ہے۔ لیکن اب ملک کی 21 ریاستوں میں کورونا کے نئے متاثرین کی تعداد بڑھ رہی ہے اور ایسا معاشی سرگرمیوں کی بحالی کے بعد دیکھنے میں آیا ہے۔
ایک لاکھ ساڑھے بارہ سو سے زیادہ اموات کے ساتھ وہاں کورونا سے متاثر ہونے والے افراد کی تعداد بیس لاکھ کے قریب پہنچ چکی ہے۔
ان 21 ریاستوں میں سے 12 جن میں جنوبی کیرولینا اور ٹیکساس بھی شامل ہیں کے ہسپتالوں میں مریضوں کی تعداد میں اضافہ ہوا ہے اور یہ گذشتہ ماہ میموریل ڈے کی چھٹی کے بعد سے ہوا ہے۔آ
ایریزونا میں کورونا انفیکشن اور ہسپتالوں میں مریضوں کی تعداد دونوں میں اضافہ ہوا ہے اور مقامی سطح پر صحت کے شچبے سے منسلک حکام نے خطرے کی گھنٹی بجانا شروع کر دی ہے۔
بدھ کو وہاں مصدقہ متاثرین کی تعداد 29852 ہو چکی تھی اور ہلاکتوں کی تعداد 1101 تک پہنچ چکی ہے۔
ریاست کے سب سے بڑے ہسپتال، بینر ہیلتھ نے بھی خبردار کیا ہے کہ گذشتہ ہفتے سے اس کے انتہائی نگہداشت کے یونٹ میں مزید مریضوں کی گنجائش نہیں رہی اور وینٹی لیٹرز کا استعمال بھی بڑھ رہا ہے جبکہ ریاست کے ہیلتھ ڈائریکٹر نے ایریزونا میں موجود ہسپتالوں سے کہا ہے کہ وہ اپنے شعبہ ایمرجنسی کو مکمل طور پر فعال رکھیں۔
11 جون 2020اسلام آباد کے اسسٹنٹ کمشنر کورونا وائرس میں مبتلا ہو گئے ہیں
پاکستان کے دارالحکومت اسلام آباد میں اسسٹنٹ کمشنر اسد اللہ کورونا وائرس میں مبتلا ہو گئے ہیں۔
ڈپٹی کمشنر اسلام آباد حمزہ شفقات نے ٹوئٹر پر پیغام میں بتایا کہ اسد اللہ آبپارہ مارکیٹ میں کورونا وائرس کے پھیلاؤ کے تدارک کے لیے حکومت کی جانب سے جاری کردہ ضوابط کے نفاذ کو یقینی بنانے کے لیے اپنی ڈیوٹی سرانجام دیتے ہوئے وائرس کا شکار ہوئے ہیں۔
11 جون 2020موسم کی تبدیلی کے وائرس پر اثر کی کوئی علامات نہیں ہیں: عالمی ادارہ صحت
عالمی ادارہ صحت نے خبردار کیا ہے کہ ایسے بہت کم شواہد ہیں جن سے یہ پتہ چلتا ہو کہ موسم کی تبدیلی کا کورونا وائرس کے پھیلاؤ پر اثر پڑے گا۔
ڈبلیو ایچ او کے ایمرجنسی پروگرام کے سربراہ مائیک ریان نے کہا ہے کہ ابھی ہمارے پاس ایسا کوئی ڈیٹا موجود نہیں ہے جس سے پتہ چلتا ہو موسم کی تبدیلی کے ساتھ وائرس زیادہ خـطرناک طور پر پھیلے گا یا نہیں۔
کورونا وائرس کی وبا کے پھیلاؤ کے ابتدائی مراحل میں کچھ تجاویز میں یہ بھی کہا گیا تھا کہ شاید گرم موسم وبا کے پھیلاؤ کو کم کرے گا۔ لیکن پھر جیسے جیسے وبا نے شمالی نصف کرے میں بہار میں اپنا اثر بڑھایا یہ خیال ختم ہونے لگا۔
مائیک ریان کا یہ بھی کہنا تھا کہ لوگوں کے پاس حفاظتی سامان کی عدم موجودگی عالمی سطح پر ایک مسئلہ رہے گی۔
ان کا مزید کہنا تھا کہ کچھ ملکوں میں صحت کے نظام کو بہت مشکلات کا سامنا ہے اور یہ بہت دباؤ میں ہے۔
11 جون 2020انڈیا لوگوں کی مذہبی مقامات میں واپسی
انڈیا میں لاک ڈاؤن میں نرمی کے بعد لوگوں کی مذہبی مقامات میں واپسی شروع ہو گئی ہے۔
یہ تصاویر انڈیا کی ریاست مغربی بنگال کے دارالحکومت کولکتہ کی ہیں جہاں لوگ مندر جا ہے ہیں۔
11 جون 2020تحریک انصاف کے رہنما خرم شیر زمان میں کورونا وائرس کی تصدیق
پاکستان تحریک انصاف کے رہنما اور رکن صوبائی اسمبلی سندھ خرم شیر زمان میں بھی کورونا وائرس کی تصدیق ہو گئی ہے۔
انھوں نے یہ بات ایک ٹویٹ میں بتاتے ہوئے کہا کہ وہ طبیعت کی ناسازی کے باعث گذشتہ پانچ روز سے قرنطینہ میں تھے تاہم آج جب انھوں نے ٹیسٹ کروایا تو وہ مثبت آیا۔
خیال رہے کہ اس سے قبل آج کے روز ہی پاکستان مسلم لیگ ن کے رہنما اور رکن قومی اسمبلی احسن اقبال، تحریک انصاف کے رکنِ قومی اسمبلی فرخ حبیب، بلوچستان سے تعلق رکھنے والی سینیٹر ثنا جمالی اور متحدہ قومی موومنٹ پاکستان کے رکنِ قومی اسمبلی اسامہ قادری میں کورونا وائرس کی تشخیص ہوئی تھی۔
11 جون 2020پاکستان میں گذشتہ ایک ماہ کے ٹیسٹنگ کے اعداد و شمار
پاکستان میں گذشتہ ایک ماہ میں ٹیسٹنگ کی صلاحیت میں اضافہ ضرور ہوا ہے اور جہاں 10 مئی تک یہاں 12 سے 13 ہزار کے لگ بھگ ٹیسٹ ہوتے تھے، وہیں اب یہاں 25 ہزار کے قریب ٹیسٹ ہو رہے ہیں۔
تاہم ان اعداد و شمار میں مستقل اضافہ نہیں دیکھنے میں آیا، اور عالمی ادارہ صحت کی رپورٹ کے مطابق آٹھ جون کے مقابلے میں نو جون کو 3 فیصد کم ٹیسٹ ہوئے۔
اسی طرح گذشتہ ماہ عید کے ہفتے میں بھی انتہائی کم ٹیسٹ کیے گئے۔

انڈیا میں 10 ہزار سے زیادہ اموات، برازیل میں ایک دن میں تقریباً 35 ہزار نئے کیس

لائیو کوریج

11 جون 2020کورونا وائرس: یورپ کا پہلا ”فیس ٹو فیس سمٹ‘‘

11 جون 2020بریکنگ, امریکہ میں کورونا وائرس متاثرین کی کل تعداد 20 لاکھ سے تجاوز کر گئی

11 جون 2020بریکنگ, پیرو: ادرک کی برآمدات میں 150 فیصد اضافہ

11 جون 2020امیتابھ بچن کا ممبئی میں پھنسے 700 شہریوں کی واپسی کے لیے خصوصی پروازوں کا انتظام

11 جون 2020انڈیا: صحت یاب ہونے والوں کی تعداد موجودہ متاثرین سے زیادہ ہوگئی

11 جون 2020بریکنگ, اپوزیشن لیڈر شہباز شریف میں کورونا وائرس کی تصدیق

11 جون 2020پاکستان میں ایک دن میں چھ ہزار کے قریب متاثرین، 101 ہلاکتیں

11 جون 2020بریکنگ, دنیا بھر سے تازہ ترین صورتحال

11 جون 2020نیو یارک کے بے گھر بیماری اورموت کی زد میں

11 جون 2020بریکنگ, پاکستان کے زیر انتظام کشمیر کے دارالحکومت مظفر آباد میں جمعے سے لاک ڈاؤن کا اعلان, ایم اے جرال، صحافی

11 جون 2020دہلی میں ’کووڈ 19 لاحق ہونے کا مسلسل خطرہ‘

11 جون 2020انگلینڈ میں تنہا رہنے والوں کو ’سوشل ببل‘ میں رہنے کی اجازت

11 جون 2020کورونا وائرس سے جڑی اصطلاحات کے معنی کیا ہیں؟

11 جون 2020وبا کے باعث وقفے کے بعد صدر ٹرمپ کا انتخابی ریلیوں کے انعقاد کا اعلان

11 جون 2020بریکنگ, امریکہ میں کیسز کی تعداد 20 لاکھ کے قریب، 21 ریاستوں میں انفیکشن میں اضافہ

11 جون 2020اسلام آباد کے اسسٹنٹ کمشنر کورونا وائرس میں مبتلا ہو گئے ہیں

11 جون 2020موسم کی تبدیلی کے وائرس پر اثر کی کوئی علامات نہیں ہیں: عالمی ادارہ صحت

11 جون 2020انڈیا لوگوں کی مذہبی مقامات میں واپسی

11 جون 2020تحریک انصاف کے رہنما خرم شیر زمان میں کورونا وائرس کی تصدیق

11 جون 2020پاکستان میں گذشتہ ایک ماہ کے ٹیسٹنگ کے اعداد و شمار