کورونا وائرس: بلوچستان میں کورونا کے 304 نئے مریض، خیبرپختونخوا میں متاثرین 15 ہزار سے زیادہ

دنیا بھر میں اب تک 72 لاکھ سے زائد افراد کورونا سے متاثر ہو چکے ہیں جبکہ ہلاکتوں کی تعداد چار لاکھ سے تجاوز کر چکی ہے۔ پاکستان میں متاثرین کی تعداد ایک لاکھ سے تجاوز کر چکی ہے جبکہ دو ہزار سے زائد افراد اس مرض سے ہلاک ہو چکے ہیں۔ سب سے زیادہ متاثرین اور ہلاکتیں صوبہ پنجاب میں ہیں۔

لائیو کوریج

6 جون 2020امارات سے پاکستان کرائے کنٹرول کرنے کے لیے وفاقی وزیر کی پی آئی اے کو ہدایت
متحدہ عرب امارات میں پھنسے پاکستانیوں سے مبینہ طور پر زائد کرائے وصول کیے جانے پر وزیر ہوابازی غلام سرور خان نے پی آئی اے کو کرایوں کو کنٹرول کرنے کی ہدایات جاری کردیں۔
یاد رہے کہ اس سے قبل یہ اطلاعات سامنے آئی تھیں کہ کچھ ایجنٹس کی جانب سے دو ہزار درہم تک کرایہ وصول کیا جا رہا ہے۔
اس حوالے سے ترجمان پی آئی اے نے اپنے ایک اعلامیے میں بتایا ہے کہ پی آئی اے کا متحدہ عرب امارات سے پاکستان کے کسی بھی شہر کا یک طرفہ کرایہ 1120 درہم ہے اور ٹکٹس متحدہ عرب امارات میں پاکستانی سفارت خانوں میں قائم دفاتر، پاکستان میں پی آئی اے کے کسی بھی بکنگ آفس یا دبئی اور ابوظہبی کے ایجنٹس سے حاصل کیے جاسکتے ہیں۔
انھوں نے بتایا کہ اگر کوئی 1120 درہم سے زائد کرایہ وصول کر رہا ہے، تو اس کی اطلاع مندرجہ ذیل نمبروں پر دی جا سکتی ہے:
- کنٹری منیجر شاہد مغل+971509724789
- منیجر ابو ظہبی مظہر عباسی +971569064363
- پسینجر سیل منیجر +971544040669
6 جون 2020شاہد آفریدی: بلوچستان میں لوگوں کی مدد کے مشن پر ہوں
پاکستان کرکٹ ٹیم کے سابق کپتان شاہد خان آفریدی نے کہا ہے کہ وہ بلوچستان میں کورونا کی وبا کے نتیجے میں متاثر ہونے والے افراد کی مدد کے مشن پر ہیں۔
کوئٹہ چیمبر آف کامرس کے دفتر میں میڈیا کے نمائندوں سے بات کرتے ہوئے ان کا کہنا تھا کہ ’میں ہوپ ناٹ آؤٹ کے تحت پاکستان کے عوام کی خدمت کرنا چاہتا ہوں۔‘
ان کا کہنا تھا کہ ان کے اس کام کو سیاسی رنگ نہ دیا جائے۔
’بلوچستان کے دورے کا مقصد یہاں عوام کو اپنائیت کا احساس دلانا ہے۔
شاہد آفریدی نے اب تک بلوچستان کے 10 سے زائد اضلاع کا دورہ کیا اور وہاں لوگوں میں راشن تقسیم کیے۔
ہر ضلع میں پہنچنے پر متعلقہ ڈپٹی کمشنروں نے ان کا استقبال کیا۔
پریس کانفرنس کے دوران شاہد آفریدی نے اس امر پر افسوس کا اظہار کیا کہ بلوچستان کو پسماندگی کے دلدل میں جھونک دیا گیا۔
’اب وقت آ گیا کہ بلوچستان کو مایوسی کے سائے سے نکال کر ترقی کی رہ پر گامزن کریں۔‘
6 جون 2020اسد عمر: ’وبا کے پھیلاؤ کو روکنا آج بھی ہماری اولین ترجیح ہے‘
پاکستان میں کورونا کے نیشنل کمانڈ اینڈ آپریشن سینٹر کے سربراہ اسد عمر نے کہا ہے کہ وبا کے پھیلاؤ کو روکنا ابھی بھی حکومت کی اولین ترجیح ہے۔
اسلام آباد میں ایک پریس کانفرنس کے دوران اسد عمر نے کہا کہ احتیاطی تدابیر نہ اپنانے والے اپنے ساتھ ساتھ دوسروں کی زندگیاں اور کاروبار بھی خطرے میں ڈال رہے ہیں۔
انھوں نے کہا کہ ضروری ہے کہ ہم سب اپنی طرز عمل میں تبدیلی لاتے ہوئے حفاظتی تدابیراپنائیں۔
اسد عمر نے کہا کہ پاکستان نے اس وبا سے نمٹنے کے لیے صحت کے نظام میں کام کرتے ہوئے ٹیسٹنگ کی صلاحیت میں اضافہ کیا ہے جبکہ ہسپتالوں میں مریضوں کے لیے بستر اور وینٹی لیٹرز کی تعداد میں بھی اضافہ کیا ہے۔
6 جون 2020اپنے ہی بنائے ہوئے ضابطوں کی خلاف ورزی کرنے والے 10 رہنما
دادا، دادی اور نانا، نانی اپنے نومولود پوتوں، پوتیوں اور نواسے، نواسیوں کو گلے نہ لگا سکے، سوگوار اپنوں کی تجہیز و تکفین میں شرکت سے محروم رہے، دوست اور عزیز اپنے چہیتوں اور چاہنے والوں سے جدا رہے۔
لاک ڈاؤن کے ضوابط کا مقصد کورونا وائرس کے پھیلاؤ کو کم کرنا تھا اور اس کے لیے بہت سے لوگوں نے عظیم قربانیاں دیں۔
جن لوگوں نے سماجی دوری کے لیے کیے گئے اقدامات کی پاسداری نہیں کی انھیں بھاری جرمانے کا سامنا رہا مگر بعض سیاسی رہنماؤں، سائنسدانوں اور مشیروں نے، جنھوں نے یہ ضابطے بنائے تھے، خود ان کی دھجیاں اڑائیں۔
ہم یہاں دس مشہور شخصیات کی بات کریں گے، جن پر ان ضوابط کی خلاف ورزیوں کا الزام ہے۔
6 جون 2020ڈاکٹر ظفر مرزا: ہفتہ وار بنیادوں پر 450 سے زائد ہسپتالوں کو حفاظتی سامان فراہم کر رہے ہیں
پاکستان کے وزیراعظم عمران خان کے معاون خصوصی برائے صحت ڈاکٹر ظفر مرزا نے کہا ہے کہ کورونا وبا کی صورت حال میں ہمیں اپنے رویے تبدیل کرنا ہوں گے۔
اسلام آباد میں ایک پریس کانفرنس سے خطاب کرتے ہوئے ڈاکٹر ظفر مرزا نے بتایا کہ حکومت ہفتہ وار بنیادوں پر 450 سے زائد ہسپتالوں کو حفاظتی سامان یعنی پی پی ایز فراہم کر رہی ہے لیکن اس کے باوجود شکایات ہیں کہ پی پی ایز فراہم نہیں کی گئیں۔
انھوں نے کہا کہ اس حوالے سے دو مسائل ہیں۔ ایک مسئلہ یہ ہے کہ ہسپتال حکومت کی جانب سے فراہم کردہ وسائل کو تقسیم نہیں کر رہے ہیں جبکہ دوسری وجہ وسائل کا غیر معقول استعمال ہے۔
ڈاکٹر ظفر مرزا نے بتایا کہ ہسپتالوں میں چوکیدار این 95 ماسک استعمال کر رہے تھے جبکہ ہسپتال کے اندر ڈاکٹرز صور مچا رہے تھے۔
6 جون 2020ایرانی صدر: ایک شادی کی تقریب کی وجہ سے کووڈ 19 دوبارہ پھیلا
خبر رساں ادارے روئٹرز کے مطابق ایران کے صدر حسن روحانی نے سنیچر کو کہا کہ ایک شادی کی تقریب کی وجہ سے کووڈ 19 دوبارہ پھیلا اور اس کے نئے متاثرین میں اضافہ ہوا۔
کورونا کی دوسری لہر کے خدشات کے باوجود انھوں نے کہا ہے کہ ان کے پاس ملک میں معاشی سرگرمیوں کی بحالی کے علاوہ اور کوئی چارہ نہیں ہے۔
ایران نے اپریل کے وسط میں لاک ڈاؤن میں نرمی کی تھی جس کے بعد نئے متاثرین کی تعداد میں اضافہ دیکھا گیا۔
سرکاری ٹی وی چینل پر بات کرتے ہوئے ان کا کہنا تھا کہ: ’ایک مقام پر ہم نے اس وبا کے متاثرین کی انتہا دیکھی اور ایک شادی کی تقریب اس کا مرکز تھی۔‘
انھوں نے یہ نہیں بتایا کہ شادی کی تقریب کب اور کہاں منعقد ہوئی۔
’ہمارے پاس کوئی دوسرا راستہ نہیں ہے۔ ہمیں کام کرنا ہوگا۔ کارخانے اور دکانیں کھولنی ہوں گی۔ ضرورت کے مطابق ملک میں نقل و حرکت ہونی چاہیے۔‘
ملک میں سنیچر سے یونیورسٹیاں کھول دی گئی ہیں۔ حسن روحانی نے کہا ہے کہ قرآن اور مختلف زبانوں کی کلاسز بھی بحال ہوجائیں گی۔
6 جون 2020پاکستان: صوبہ سندھ میں متاثرین کی تعداد 36 ہزار سے زیادہ
پاکستان کے صوبہ سندھ میں کورونا سے متاثرہ افراد کی تعداد 36364 ہو گئی ہے۔ گذشتہ 24 گھنٹوں کے دوران 1475 نئے مریض جبکہ 19 اموات ہوئی ہیں۔ سندھ میں اس وقت کورونا سے ہونے والی اموات کی تعداد 634 ہے۔
گذشتہ 24 گھنٹوں کے دوران صوبے میں 7030 کورونا ٹیسٹ کیے گئے ہیں۔ وزیراعلیٰ سندھ کی جانب سے جاری بیان کے مطابق صوبہ بھر کے 1475 کیسز میں سے کراچی سے 990 کیس سامنے آئے ہیں۔
صوبے میں اب تک 18265 افراد کورونا سے صحت یاب بھی ہو چکے ہیں۔
6 جون 2020بلوچستان: کورونا سے متاثرہ افراد کی شرح دوسرے صوبوں کے مقابلے میں زیادہ
محکمہ صحت بلوچستان کی حالیہ رپورٹ میں بلوچستان اور دیگر صوبوں میں کورونا ٹیسٹ کے نتائج کے حوالے سے ایک جائزہ پیش کیا گیا ہے۔
اس جائزے کے مطابق بلوچستان میں جن 28 ہزار 652 افراد کا ٹیسٹ کیا گیا ہے، ان میں سے 5 ہزار767 افراد کورونا سے متاثر پائے گئے جو کہ مجموعی کیسز کے 20.2 فیصد ہیں۔
رپورٹ کے مطابق خیبر پختونخوا کے 66 ہزار 381 ٹیسٹ میں سے مثبت کیسز کی تعداد11 ہزار 373 ہے جن میں متاثرہ افراد کی مجموعی شرح 17.1 ہے۔
رپورٹ میں پنجاب میں 2 لاکھ 59 ہزار 252 ٹیسٹس کا حوالہ دیتے ہوئے کہا گیا ہے کہ ان میں مثبت کیسز کی تعداد31 ہزار ایک سو چار ہے جس کی مجموعی شرح 12 فیصد بنتی ہے۔
رپورٹ کے مطابق سندھ میں 2 لاکھ 93 ٹیسٹ میں سے 32 ہزار 910 مثبت ہیں۔ اس لحاظ سے متاثرہ افراد کی مجموعی شرح 16.4 فیصد ہے۔
گلگت بلتستان میں مثبت کیسز کی شرح 8.7 ،اسلام آباد میں 7.7 اور پاکستان کے زیر انتظام کشمیر میں 3.9 فیصد ہے۔
6 جون 2020’وینٹیلیٹر اور آئی سی یو کے مریض تیزی سے بڑھ رہے ہیں‘, سندھ حکوت کے ترجمان کا ٹویٹ
سندھ حکومت کے ترجمان مرتضی وہاب کا کہنا ہے کہ ہسپتالوں کے آئی سی یو یعنی انتہائی نگہداشت کے یونٹس میں مریضوں کی تعداد میں اضافہ ہو رہا ہے۔
’سندھ بھر میں کورونا کےشکار 198 مریض آئی سی یو میں داخل ہیں۔ 55 مریض وینٹیلیٹرز پر ہیں۔‘
ان کا کہنا تھا کہ کورونا وائرس کے شکار مریض طبیعت خراب ہونے پر ایچ ڈی یوز میں زیر علاج ہیں۔ 149 مریضوں کو ایچ ڈی یوز میں سانس لینے میں دشواری کے باعث منتقل کیا گیا۔
’ہسپتالوں، وینٹی لیٹرز، آئی سی یو میں آنے والے مریضوں کی تعداد تیزی سےبڑھ رہی ہے۔ دو ہفتے قبل تمام سرگرمیوں کو کھولنے سے مریضوں کی تعداد میں اضافہ ہو رہا ہے۔‘
6 جون 2020ماسک پہنتے ہوئے کن باتوں کا خیال رکھنا ضروری؟
عالمی ادارہ صحت نے متنبہ کیا ہے کہ ماسک صرف اس صورت میں موثر ثابت ہوتے ہیں جب مناسب طریقے سے پہننے کے ساتھ بار بار ہاتھوں کی صفائی اور سماجی فاصلے کا خیال رکھا جائے۔
ماسک پہنتے ہوئے کن چیزوں کا خیال رکھنا چاہیے؟ جاننے کے لیے دیکھیں یہ ویڈیو۔۔۔
6 جون 2020روس میں کورونا کے 8,855 نئے متاثرین، 197 اموات
خبر رساں ادارے روئٹرز کے مطابق روس میں حکام نے کہا ہے کہ گذشتہ 24 گھنٹوں میں کورونا وائرس کے 8855 نئے متاثرین کی تصدیق ہوئی ہے جبکہ اب متاثرین کی مجموعی تعداد 458,689 ہوچکی ہے۔
گذشتہ ایک روز میں 197 ایسی اموات پیش آئی ہیں جنھیں کووڈ 19 سے جوڑا گیا ہے۔
حکام کے مطابق اب تک روس میں 5725 افراد کورونا سے ہلاک ہوچکے ہیں۔
کووڈ 19 سے سب سے زیادہ متاثرہ ممالک کی فہرست میں متاثرین کے اعتبار سے روس امریکہ اور برازیل کے بعد تیسرے نمبر پر آتا ہے۔
6 جون 2020پاکستان: ترجمان پنجاب حکومت میں کورونا کی تشخیص
پاکستان کے صوبہ پنجاب میں حکومتی ترجمان ناصر سلمان کا کورونا وائرس کا ٹیسٹ مثبت آیا ہے۔
ان کا کہنا ہے کہ انھوں نے علامات ظاہر ہونے پر ٹیسٹ کرایا جو مثبت آیا۔
’خود کو دو ہفتوں کے لیے آئسولیٹ کر لیا ہے، احباب سے دعاؤں کی درخواست ہے۔‘
6 جون 2020آسٹریلیا: ہزاروں افراد مظاہروں میں شریک، صحت سے متعلق ہدایات کی خلاف ورزی
آسٹریلیا کے کئی شہروں میں نسلی امتیاز کے خلاف ہزاروں افراد نے مظاہروں میں حصہ لیا ہے۔
یہ مظاہرے امریکہ میں سیاہ فام شخص کی پولیس کی تحویل میں ہلاکت کے پس منظر میں کیے گئے۔ ملک میں لاک ڈاؤن میں نرمی لائی گئی ہے لیکن سماجی فاصلے کی ہدایات اب بھی نافذ ہوتی ہیں۔
آسٹریلیا کے وزیر اعظم نے گذشتہ روز لوگوں سے مظاہروں میں شرکت نہ کرنے کا مطالبہ کیا تھا۔
برسبین میں پولیس کے اندازوں کے مطابق مظاہرین کی تعداد 10 ہزار سے زیادہ تھی۔ جبکہ میلبورن میں یہ تعداد پانچ ہزار سے زیادہ تھی۔
ملک میں اب تک کورونا کے 7,255 متاثرین کی تصدیق ہوچکی ہے۔
6 جون 2020صدر عارف علوی: اگر ہم حقیقت کو تسلیم کرتے ہیں تو ہمیں ہدایات پر عمل کرنا ہوگا
پاکستان کے صدر عارف علوی نے ایک ٹویٹ میں گیلپ انٹرنیشنل کے سروے کا حوالہ دیتے ہوئے کہا ہے کہ زیادہ تر پاکستانی کووڈ 19 کو ’عالمی سازش‘ قرار نہیں دیتے۔
انھوں نے لوگوں سے ہدایات پر عمل کرنے کی اپیل کی ہے اور کہا ہے کہ وہ ’ماسک پہنیں، ہاتھ دھوئیں اور سماجی فاصلہ رکھیں۔‘
6 جون 2020کیلیفورنیا میں 12 جون سے فلمیں دوبارہ بن سکیں گی
خبر رساں ادارے اے ایف پی کے مطابق امریکی ریاست کیلیفورنیا کے گورنر نے کہا ہے کہ یہاں 12 جون سے دوبارہ فلمیں، ڈرامے اور گانے بن سکیں گے۔
لاک ڈاؤن میں نرمی کے ساتھ صورتحال کو دیکھتے ہوئے یہ فیصلہ کیا جائے گا۔
ہالی وڈ کا گڑھ سمجھی جانے والی اس ریاست میں کام مارچ کے وسط سے بند ہے۔ پروڈکشن کی بحالی کے لیے نئی ہدایات بھی جاری کی گئی ہیں۔
تاہم یہ واضح نہیں کہ آیا ہالی وڈ کے بڑے سٹوڈیو آنے والے ہفتے سے اپنا کام دوبارہ شروع کر دیں گے۔ لاس اینجلس ریاست میں سب سے زیادہ متاثرہ شہروں میں سے ایک ہے۔
تازہ اعداد و شمار کے مطابق ریاست میں کورونا کے 125,000 متاثرین ہیں جبکہ 4500 اموات ہو چکی ہیں۔
6 جون 2020اینٹی باڈی ٹیسٹ کیا ہے؟
پاکستان میں کئی لیبارٹریاں کورونا وائرس کے لیے اینٹی باڈی ٹیسٹ کر رہی ہیں۔ آئیے آپ کو بتاتے ہیں کہ اینٹی باڈی ٹیسٹ کیا ہوتا ہے اور یہ اہم کیوں ہے؟
6 جون 2020پاکستان: این ڈی ایم اے کی طرف سے ملک بھر میں دیے گئے وینٹی لیٹرز کی تفصیل
پاکستان کے قدرتی آفات سے نمٹنے والے ادارے (این ڈی ایم اے) کی طرف سے ملک کے چاروں صوبوں، وفاقی دارالحکومت اسلام آباد، گلگت بلتستان اور پاکستان کے زیر انتظام کشمیر کو مجموعی طور پر مختلف اقسام کے 286 وینٹی لیٹر دیے گئے دیے ہیں۔ جن کی تفصیلات کچھ یوں ہیں:
صوبہ پنجاب کو 72 جبکہ سندھ کو 74 وینٹی لیٹر دیے گئے ہیں۔ پنجاب میں 36 آئی سی یو اور 36 بائی پیپ جبکہ سندھ کے وینٹی لیٹرز میں 26 آئی سی یو اور 48 بائی پیپ شامل ہیں۔
خیبر پختونخواہ کے 52 وینٹی لیٹرز میں 26 آئی سی یو اور 26 بائی پیپ شامل ہیں جبکہ بلوچسستان کو دیے گئے 25 ونٹیلیٹرز میں 10 آئی سی یو اور 15 بائی پیپ ہیں۔
پاکستان کے زیر انتظام کشمیر کشمیر کو 10 بائی پیپ وینٹی لیٹر مہیا کیے گئے۔
گلگت بلتستان کے 17 وینٹی لیٹرز میں 10 بائی پیپ اور 7 پورٹ ایبل وینٹی لیٹر شامل ہیں۔
ترجمان این ڈی ایم اے کے مطابق وفاقی دارالحکومت اسلام آباد میں 36 وینٹی لیٹر دیے گئے ہیں، جن میں 17 آئی سی یو، 17 بائی پیپ اور 2 پورٹ ایبل وینٹی لیٹر شامل ہیں۔
6 جون 2020ایران کے صوبہ خوزستان میں تاحال ایمرجنسی نافذ
ایران میں محکمہ صحت کے ترجمان نے بتایا ہے کہ گذشتہ 24 گھنٹوں کے دوران کورونا کے 2886 نئے متاثرین سامنے آئے ہیں۔ جبکہ کووڈ 19 کی وجہ سے 63 نئی اموات پیش آچکی ہیں۔
ملک میں کل متاثرین کی تعداد 167,156 ہوچکی ہے۔
ایران میں اب تک کورونا سے 8134 افراد ہلاک ہوچکے ہیں۔ اب تک 129,741 افراد صحتیاب ہوئے ہیں۔
ترجمان کا کہنا تھا کہ جنوب مغربی صوبہ خوزستان میں اب بھی ایمرجنسی نافذ ہے جبکہ ہرمزگان، کردستان‎، کرمانشاه‎، کرمان، بوشهر‎ اور دیگر صوبوں میں صورتحال تشویشناک ہے۔
ان کا کہنا تھا کہ گذشتہ 24 گھنٹوں کے دوران اب تک 13 صوبوں میں کسی ہلاکت کی تصدیق نہیں ہوئی جبکہ پانچ صوبوں میں صرف ایک، ایک ہلاکت ہوئی ہے۔
6 جون 2020کراچی کے دو ہسپتالوں میں کووڈ 19 کے مزید مریضوں کی گنجائش ختم
پاکستان میں صوبہ سندھ کے شہر کراچی میں کم از کم دو ہسپتالوں میں کورونا کے مزید مریضوں کی گنجائش ختم ہو چکی ہے جبکہ ملک بھر کے کئی ہسپتالوں میں بیڈز کی کمی سے متعلق اطلاعات موصول ہو رہی ہیں۔
سندھ میں محکمہ صحت کے ترجمان نے تصدیق کی ہے کہ انڈس ہسپتال اور ڈاؤ ہسپتال میں کووڈ 19 کے مزید مریضوں کو داخل نہیں کیا جاسکتا۔
ان کا کہنا ہے کہ ہسپتالوں میں مریضوں کی گنجائش کا سلسلہ ہر گھنٹے کے ساتھ تبدیل ہوتا ہے۔
سندھ میں اس وقت کورونا کے 34889 مصدقہ متاثرین ہیں جبکہ 615 اموات ہو چکی ہیں۔
6 جون 2020ٹائیگر فورس والے کچھ کر بھی رہے ہیں یا صرف اعلان ہو رہے ہیں؟

کورونا وائرس: بلوچستان میں کورونا کے 304 نئے مریض، خیبرپختونخوا میں متاثرین 15 ہزار سے زیادہ

لائیو کوریج

6 جون 2020امارات سے پاکستان کرائے کنٹرول کرنے کے لیے وفاقی وزیر کی پی آئی اے کو ہدایت

6 جون 2020شاہد آفریدی: بلوچستان میں لوگوں کی مدد کے مشن پر ہوں

6 جون 2020اسد عمر: ’وبا کے پھیلاؤ کو روکنا آج بھی ہماری اولین ترجیح ہے‘

6 جون 2020اپنے ہی بنائے ہوئے ضابطوں کی خلاف ورزی کرنے والے 10 رہنما

6 جون 2020ڈاکٹر ظفر مرزا: ہفتہ وار بنیادوں پر 450 سے زائد ہسپتالوں کو حفاظتی سامان فراہم کر رہے ہیں

6 جون 2020ایرانی صدر: ایک شادی کی تقریب کی وجہ سے کووڈ 19 دوبارہ پھیلا

6 جون 2020پاکستان: صوبہ سندھ میں متاثرین کی تعداد 36 ہزار سے زیادہ

6 جون 2020بلوچستان: کورونا سے متاثرہ افراد کی شرح دوسرے صوبوں کے مقابلے میں زیادہ

6 جون 2020’وینٹیلیٹر اور آئی سی یو کے مریض تیزی سے بڑھ رہے ہیں‘, سندھ حکوت کے ترجمان کا ٹویٹ

6 جون 2020ماسک پہنتے ہوئے کن باتوں کا خیال رکھنا ضروری؟

6 جون 2020روس میں کورونا کے 8,855 نئے متاثرین، 197 اموات

6 جون 2020پاکستان: ترجمان پنجاب حکومت میں کورونا کی تشخیص

6 جون 2020آسٹریلیا: ہزاروں افراد مظاہروں میں شریک، صحت سے متعلق ہدایات کی خلاف ورزی

6 جون 2020صدر عارف علوی: اگر ہم حقیقت کو تسلیم کرتے ہیں تو ہمیں ہدایات پر عمل کرنا ہوگا

6 جون 2020کیلیفورنیا میں 12 جون سے فلمیں دوبارہ بن سکیں گی

6 جون 2020اینٹی باڈی ٹیسٹ کیا ہے؟

6 جون 2020پاکستان: این ڈی ایم اے کی طرف سے ملک بھر میں دیے گئے وینٹی لیٹرز کی تفصیل

6 جون 2020ایران کے صوبہ خوزستان میں تاحال ایمرجنسی نافذ

6 جون 2020کراچی کے دو ہسپتالوں میں کووڈ 19 کے مزید مریضوں کی گنجائش ختم

6 جون 2020ٹائیگر فورس والے کچھ کر بھی رہے ہیں یا صرف اعلان ہو رہے ہیں؟