عالمی ہلاکتیں 1 لاک 24 ہزار سے بڑھ گئیں، کہیں لاک ڈاؤن جاری کہیں پابندیاں نرم

دنیا میں کورونا وائرس کے مصدقہ متاثرین 19 لاکھ اور ہلاکتیں ایک لاکھ 23 ہزار سے بڑھ گئی ہیں۔ دنیا کے جو ممالک اب کورونا وائرس کے پیش نظر عائد کی گئی پابندیاں ختم کرنے پر غور کر رہے ہیں ان کے لیے عالمی ادارہ صحت نے معیار طے کر دیا ہے۔ دریں اثنا برطانیہ میں ہلاکتیں 12 ہزار سے زیادہ ہو گئی ہیں۔

لائیو کوریج

14 اپريل 2020ویکسینیشن پروگراموں میں تاخیر: خسرے کی وبا کا اندیشہ
حکام کے مطابق کورونا وائرس کے باعث ویکسینیشن کے کچھ پروگراموں میں تاخیر کی جارہی ہے جس کی وجہ سے خسرہ کی وبا کے دوبارہ سر اٹھانے کا اندیشہ پیدا ہو گیا ہے۔
اقوام متحدہ کے ادارے یونیسیف کا کہنا ہے کہ 37 ممالک میں 117 ملین بچوں کو حفاظتی ٹیکے لگنے میں دیر ہونے کا امکان ہے۔
ویکسین کی عدم دستیابی کے باعث ماضی میں یورپ کے کئی ممالک میں یہ وبا بڑے پیمانے پر پھوٹ چکی ہے۔ برطانیہ پہلے ہی مریضوں میں اضافے کی وجہ سے خسرے سے پاک ملک کی حیثیت کھو چکا ہے۔
اس بیماری کی علامات میں کھانسی، خارش سمیت جلد کی بیماریاں اور بخار شامل ہے۔
روبیلا (ایم ایم آر) ویکسین کی دو خوراکوں سے اس سے بیماری سے بچا جا سکتا ہے۔
14 اپريل 2020عالمی ادارہ صحت کے وہ معیار جن پر لاک ڈاؤن ختم کیا جا سکتا ہے
کچھ ممالک نے کہا ہے کہ وہ کورونا وائرس کے پیش نظر عائد کی گئی پابندیاں ختم کرنے پر غور کررہے ہیں۔
عالمی ادارہ صحت نے ان ممالک کو لاک ڈاؤن ختم کرنے کے لیے چھ معیار لازمی ہونے کا اعلان کیا ہے:
- کورونا وائرس کی منتقلی کنٹرول ہونی چاہیے۔
- صحت عامہ کے نظام میں کورونا وائرس کے ہر کیس کا پتا لگانے، جانچنے اور علاج کرنے کے علاوہ متاثرہ شخص کے ساتھ رابطے میں آئے ہر شخص کا سراغ لگانے کی صلاحیت ہو۔
- صحت عامہ کی سہولیات اور نرسنگ ہومز میں اس وبا کے خطرات انتہائی کم ہوں۔
- سکولوں، کام کاج اور دیگر مقامات پر احتیاطی تدابیر کا بندوبست موجود ہو۔
- بیرون ملک سے کورونا وائرس کی منتقلی کے خطرات کو نمٹنے کی صلاحیت ہو۔
- کمیونٹیز اس ’نئے معمول‘ کے مطابق خود کو ڈھالنے سے متعلق مکمل طور پر آگاہ ہوں۔
تاہم موجودہ وقت پر کوئی بھی ملک ان تمام چھ معیار پر پورا نہیں اترتا۔
14 اپريل 2020کورونا وائرس انسانی جسم پر کیسے حملہ آور ہوتا ہے؟
چین سے شروع ہو کر دنیا کے بیشتر ممالک میں پھیلنے والے کورونا وائرس کے انفیکشن سے لڑنے والے ڈاکٹروں کی لڑائی ایسی ہے جیسے وہ کسی نامعلوم دشمن کے خلاف لڑ رہے ہوں۔
یہ وائرس آپ کے جسم پر کیسے حملہ آور ہوتا ہے؟ انفیکشن کے بعد انسانی جسم میں کس قسم کی علامات پیدا ہوتی ہیں؟
کن لوگوں کے لیے شدید بیمار ہونے یا مرنے کے خدشات زیادہ ہوتے ہیں؟ اور آپ اس کا علاج کس طرح کریں گے؟
14 اپريل 2020مشرقِ وسطی میں مقیم کتنے پاکستانی بیروزگار ہوئے ہیں؟
14 اپريل 2020کیا ماسک پہننے سے وائرس کی منتقلی سے بچا جا سکتا ہے؟
ماہرین فضا سے پھیلنے والے وائرس سے بچاؤ میں ماسک کے پر اثر ہونے کو شک کی نگاہ سے دیکھتے ہیں۔
لیکن وہ تجویز کیا کرتے ہیں؟
14 اپريل 2020چین قرضوں کی شرائط میں نرمی پر ’غور کرنے کے لیے رضا مند‘
خبر رساں ادارے روئٹرز کے مطابق دنیا بھر میں پھیلی کورونا وائرس کی وبا کے پیش نظر چین افریقی ممالک کی جانب سے قرضوں کی ادائیگیوں کو عارضی طور پر روک سکتا ہے۔
چین افریقی معیشتوں کا بہت بڑا قرض دہندہ ہے اور گذشتہ دو دہائیوں کے دوران کئی افریقی ممالک کو اربوں ڈالر کا قرض دے چکا ہے۔
چین کی وزارت خارجہ نے روئٹرز کو بتایا ’افریقہ کے قرضوں کا مسئلہ پیچیدہ ہے اور ہر ملک کے قرضوں کی تعداد مختلف ہوتی ہے۔‘
’ہمیں معلوم ہے کہ کچھ ممالک اور بین الاقوامی تنظیموں نے افریقی ممالک کے لیے قرضوں میں نرمی کے پروگراموں کا مطالبہ کیا ہے اور ہم بین الاقوامی برادری کے ساتھ مشترکہ طور پر اس امکان کا مطالعہ کرنے کے لیے تیار ہیں۔‘
چین معیشتوں کے جی 20 گروپ کا رکن ہے، جو اس ہفتے ملاقات کر رہے ہیں۔ توقع کی جا رہی ہے کہ جی 20 دنیا کے غریب ترین ملکوں کے لیے قرضوں میں نرمی کا معاہدہ کرے گا۔
بین الاقوامی مالیاتی فنڈ (آئی ایم ایف) اور ورلڈ بینک بھی کورونا وائرس کے پیش نظر غریب ممالک کی مدد کے لیے قرضوں میں آسانی کی شرائط پر زور دے رہے ہیں۔
14 اپريل 2020بریکنگ, لندن میں 50 فیصد اموات کورونا وائرس سے ہوئی
برطانیہ کے سرکاری اعدادوشمار کے مطابق 3 اپریل کو ختم ہونے والے ہفتے میں لندن میں ہونے والی تقریباً 47 فیصد اموات کورونا وائرس کی وجہ سے ہوئی ہیں۔
منگل کے روز جاری کیے گئے اعادوشمار کے مطابق 3 اپریل کو ختم ہونے والے ہفتے میں انگلینڈ اور ویلز میں ہونے والی ہر پانچ اموات میں سے ایک کے ڈیتھ سرٹیفیکیٹ پر مرنے کی وجہ کورونا وائرس درج تھی۔
14 اپريل 2020آسٹریا میں چھوٹی دکانیں آج کھول دی جائیں گی
آسٹریا میں جاری لاک ڈاؤن میں نرمی کی جا رہی ہے اور 400 مربع میٹر سے کم رقبے پر محیط چھوٹی دکانوں اور باغبانی کے سٹور آج دوبارہ کھول دیے جائیں گے تاہم بہت سے دوسرے اقدامات ابھی جاری رہیں گے۔
لوگوں کو ماسک پہننے کے ساتھ ساتھ ایک دوسرے سے تین میٹر کا فاصلہ رکھنا ہو گا۔
آسٹریا میں کورونا وائرس کے 14 ہزار سے زیادہ کیس سامنے آ چکے ہیں جبکہ سات ہزار افراد صحت یاب ہو چکے ہیں۔ ملک میں کورونا وائرس سے ہونے والی ہلاکتوں کی تعداد 368 ہے۔
14 اپريل 2020شاہ رخ خان 25 ہزار حفاظتی کٹس عطیہ کریں گے
بالی ووڈ سٹار شاہ رخ خان نے کہا ہے کہ وہ انڈیا کی مغربی ریاست مہاراشٹر میں فرنٹ لائن پر کام کرنے والے طبی عملے کے لیے 25 ہزار حفاظتی کٹس عطیہ کریں گے۔
54 برس کے اداکار شاہ رخ خان نے انڈیا میں کورونا وائرس سے نمٹنے کے لیے گزشتہ ماہ متعدد اقدامات کا اعلان کیا تھا۔ انھوں نے مفت کھانا فراہم کرنے اور کووڈ 19 کے مریضوں کے علاج کے لیے اپنے چار منزلہ دفتر کی پیشکش کی تھی۔
انڈیا میں کورونا وائرس سے اب تک 339 افراد کی موت ہو چکی ہے۔
14 اپريل 2020روس میں کورونا وائرس کے مزید 2774 کیس سامنے آ گئے
روس میں گذشتہ 24 گھنٹے کے دوران کورونا وائرس کے مزید 2774 کیس سامنے آنے کے بعد ملک میں متاثرہ مریضوں کی تعداد 21102 ہو گئی ہے۔
روس میں کورونا وائرس کی وبا آنے کے بعد یہ ایک دن میں آنے والے سب سے زیادہ کیس ہیں۔
روس کے کورونا وائرس سینٹر کے مطابق اب تک ملک میں کورونا وائرس سے 170 افراد ہلاک جبکہ 1694 صحت یاب ہو چکے ہیں۔
14 اپريل 2020کرغزستان: ہنگامی صورتحال میں 30 اپریل تک توسیع
کرغزستان نے اپنے دو بڑے شہروں اور متعدد اضلاع میں کورونا وائرس کے پیش نظر ہنگامی صورتحال میں 30 اپریل تک توسیع کر دی ہے۔
کرغزستان میں اب تک کورونا وائرس کے 430 کیس سامنے آ چکے ہیں جبکہ اس کے دارالحکومت بشکیک میں لاک ڈاؤن اور کرفیو نافذ ہے۔
14 اپريل 2020انڈیا: ڈاک پہنچانے والی گاڑیاں اب ادویات پہنچائیں گی
انڈیا کی سڑکوں پر روزانہ گردش کرتی سرخ پوسٹل (ڈاک) گاڑیاں ایک جانا پہچانا منظر ہے لیکن یہ پوسٹل سروس خطوط کی ترسیل کے علاوہ بھی بہت کچھ کرتی ہے۔ یہ لاکھوں انڈین شہریوں کے لیے ایک بنک، پنشن فنڈ ، اور بنیادی بچت کا آلہ بھی ہے۔
اب کورونا وائرس کی وبا کے باعث جب معمول کی نقل و حمل رک چکی ہے تو یہ سرخ گاڑیاں اب طبی سامان اور ادویات کی ترسیل کا کام بھی کر رہی ہیں۔
انڈیا کی ریاست اترپردیش میں پوسٹل سروس کے سینئر سپرنٹنڈنٹ الوک اوجھا نے بی بی سی کو بتایا: 'ہمارا خیال تھا کہ ہم اس میں مدد کرسکتے ہیں کیونکہ ہمارے پاس سامان پہنچانے کا نظام برقرار ہے۔‘
14 اپريل 2020جاسنڈا آرڈرن: ’بہادر بنیں، مہربانی سے پیش آئیں‘, شائمہ خلیل، بی بی سی نیوز، سڈنی
نیوزی لینڈ میں لاک ڈاؤن کا تیسرا ہفتہ جاری ہے اور اس دوران عوام کو ملک میں کورونا وائرس کی صورتحال سے آگاہ رکھنے کے لیے وزیراعظم جاسنڈا آرڈرن باقاعدگی سے پریس کانفرنس کر رہی ہیں۔
جاسنڈا آرڈرن فیس بک پر اپنے خاندان اور لاک ڈاؤن میں گزرنے والے لمحات کی تصاویر بھی شیئر کرتی رہتی ہیں۔ ان کے فیس بک لائیوز کو خاصی پذیرائی مل رہی ہے جو وہ اکثر اپنی بیٹی کے سو جانے کے بعد پوسٹ کرتی ہیں۔
اپنے تازہ ترین پوسٹ میں انھوں نے لکھا:’لگتا ہے کہ والدہ اٹھ چکی ہیں اور میرے لیے ناشتہ اور ایک کپ چائے بنا کر میرے دروازے کے باہر چھوڑ گئی ہیں۔‘
جاسنڈا آرڈرن اپنے ہر پیغام کا اختتام ’بہادر بنیں، مہربانی سے پیش آئیں‘ کے الفاظ کے ساتھ ہی کرتی ہیں۔
14 اپريل 2020کورونا وائرس: برطانیہ میں اب تک کی صورتحال کیا ہے؟
سوموار کے روز تک برطانیہ کے سرکاری اعدادوشمار کے مطابق ملک میں کورونا وائرس سے اب تک 11329 افراد ہلاک ہو چکے ہیں۔
ایک چھ ماہ کے بچے میں بھی کورونا وائرس کی تشخیص ہوئی ہے جس کا علاج جاری ہے۔
انگلینڈ کی کاؤنٹی درھم کے ایک ہوم کیئر میں کورونا وائرس کی علامات رکھنے والے 13 افراد ہلاک ہو گئے ہیں۔
انگلینڈ کے تقریباً دو ہزار سے زیادہ کیئر ہومز میں کورونا وائرس کے کیس موجود ہیں۔
فائر فائٹر یونین کے مطابق آگ بجھانے اور کنٹرول روم میں کام کرنے والا تقریباً 12 فیصد سٹاف خود ساختہ تنہائی میں رہ رہا ہے۔
14 اپريل 2020حفاظتی سامان کے بغیر کورونا سے لڑتے ڈاکٹرز کی جانیں داؤ پر
14 اپريل 2020ایمازون مزید 75 ہزار افراد بھرتی کرے گا
آن لائن خریداری کی کمپنی ایمازون گذشتہ ماہ ایک لاکھ اضافی عملہ بھرتی کرنے کے بعد اب مزید 75 ہزار بھرتیاں کرنے کی مہم پر ہے۔
دنیا بھر میں جاری لاک ڈاؤن کی وجہ سے آن لائن خریداری میں اضافہ دیکھنے میں آیا ہے۔
ایمازون ان امریکی ملازمین کو ان نئی نوکریوں کے لیے درخواست دینے پر زور دے رہا جو کورونا وائرس کی وجہ سے اپنی ملازمت کھو چکے ہیں۔
14 اپريل 2020جاپان کے شمالی جزیرے ہوکائڈو میں دوبارہ ہنگامی صورتحال کا اعلان, روپرٹ ونگ فیلڈ، نامہ نگار ٹوکیو
ایسا لگتا ہے کہ جاپان کے شمالی جزیرے ہوکائڈو میں ویسا ہی ہونا شروع ہو گیا ہے جیسا وبائی امراض کے بہت سے ماہروں نے پیشگوئی کی تھی۔
ابتدائی طور پر کورونا وائرس کی وبا کو کامیابی سے روکنے کے بعد پابندیوں میں نرمی دوسری لہر کا باعث بنی ہے۔
جاپان میں وائرس سے سب سے پہلے متاثرہ علاقہ ہوکائڈو کا تھا، جہاں فروری کے وسط میں گورنر نے ہنگامی صورتحال کا اعلان کیا، سکول بند کردیے گئے اور لوگوں کو گھر پر رہنے کی تاکید کی گئی۔
مارچ کے وسط تک انفیکشن کی شرح ایک دن میں مٹھی بھر انفیکشن تک آ گئی۔
مارچ کے آخر میں سکول دوبارہ کھل گئے اور ہوکائڈو میں زندگی معمول کی طرف لوٹنا شروع ہو گئی۔ لیکن اب صرف دو ہفتوں بعد ہی ایک نئی ہنگامی صورتحال کا اعلان کیا گیا ہے۔
پچھلے ہفتے کے آخر تک روزانہ کی بنیاد پر نئے انفیکشن کی تعداد 15 سے 20 ہو چکی ہے جو کہ فروری میں آنے والی پہلی لہر کے مقابلے سے زیادہ ہے۔ سکول اب دوبارہ بند کردیے گئے ہیں اور لوگوں کو گھروں پر رہنے کی ہدایت کی گئی ہے۔
ہوکائڈو کے علاوہ ٹوکیو، کاناگوا، اوساکا اور چھ دیگر علاقوں کو بھی ہنگامی صورتحال کا سامنا ہے۔ جاپان میں اب تک کورونا وائرس کے تقریباً 8000 کے قریب تصدیق شدہ کیس سامنے آئے ہیں جبکہ دارالحکومت ٹوکیو ملک میں اس وبا کا مرکز ہے۔
14 اپريل 2020جنگل میں قرنطینہ، سڑک پر سیلف آئسولیشن۔۔۔
14 اپريل 2020قرنطینہ کاٹنے کے منفرد اور دلچسپ طریقے
14 اپريل 2020پاکستان پر کووڈ 19 کے متاثرین کو اپنے زیر انتظام کشمیر کی طرف بھیجنے کا الزام

عالمی ہلاکتیں 1 لاک 24 ہزار سے بڑھ گئیں، کہیں لاک ڈاؤن جاری کہیں پابندیاں نرم

لائیو کوریج

14 اپريل 2020ویکسینیشن پروگراموں میں تاخیر: خسرے کی وبا کا اندیشہ

14 اپريل 2020عالمی ادارہ صحت کے وہ معیار جن پر لاک ڈاؤن ختم کیا جا سکتا ہے

14 اپريل 2020کورونا وائرس انسانی جسم پر کیسے حملہ آور ہوتا ہے؟

14 اپريل 2020مشرقِ وسطی میں مقیم کتنے پاکستانی بیروزگار ہوئے ہیں؟

14 اپريل 2020کیا ماسک پہننے سے وائرس کی منتقلی سے بچا جا سکتا ہے؟

14 اپريل 2020چین قرضوں کی شرائط میں نرمی پر ’غور کرنے کے لیے رضا مند‘

14 اپريل 2020بریکنگ, لندن میں 50 فیصد اموات کورونا وائرس سے ہوئی

14 اپريل 2020آسٹریا میں چھوٹی دکانیں آج کھول دی جائیں گی

14 اپريل 2020شاہ رخ خان 25 ہزار حفاظتی کٹس عطیہ کریں گے

14 اپريل 2020روس میں کورونا وائرس کے مزید 2774 کیس سامنے آ گئے

14 اپريل 2020کرغزستان: ہنگامی صورتحال میں 30 اپریل تک توسیع

14 اپريل 2020انڈیا: ڈاک پہنچانے والی گاڑیاں اب ادویات پہنچائیں گی

14 اپريل 2020جاسنڈا آرڈرن: ’بہادر بنیں، مہربانی سے پیش آئیں‘, شائمہ خلیل، بی بی سی نیوز، سڈنی

14 اپريل 2020کورونا وائرس: برطانیہ میں اب تک کی صورتحال کیا ہے؟

14 اپريل 2020حفاظتی سامان کے بغیر کورونا سے لڑتے ڈاکٹرز کی جانیں داؤ پر

14 اپريل 2020ایمازون مزید 75 ہزار افراد بھرتی کرے گا

14 اپريل 2020جاپان کے شمالی جزیرے ہوکائڈو میں دوبارہ ہنگامی صورتحال کا اعلان, روپرٹ ونگ فیلڈ، نامہ نگار ٹوکیو

14 اپريل 2020جنگل میں قرنطینہ، سڑک پر سیلف آئسولیشن۔۔۔

14 اپريل 2020قرنطینہ کاٹنے کے منفرد اور دلچسپ طریقے

14 اپريل 2020پاکستان پر کووڈ 19 کے متاثرین کو اپنے زیر انتظام کشمیر کی طرف بھیجنے کا الزام