ٹیم میں تبدیلیاں
جنوبی افریقہ کے کپتان باووما نے ٹاس کے وقت بتایا کہ انھوں نے ٹیم میں ایک تبدیلی کی ہے۔ کلاسن کی جگہ کوئنٹن ڈیکاک کو ٹیم میں شامل کیا گیا ہے۔ ان کا کہنا تھا کہ ’ٹیم گذشتہ دنوں کے مقابلہ بہتر محسوس کر رہی ہے۔ کوئنٹن اب بہتر حالت میں ہیں۔‘
خیال رہے کہ ڈیکاک نے بلیک لائیوز میٹر مہم کے سلسلے میں گھٹنے ٹیکنے سے انکار کرنے کے بعد اپنے رویے پر معافی مانگی تھی اور کہا تھا کہ وہ ’نسل پرست نہیں۔‘ جنوبی افریقہ کے وکٹ کیپر بلے باز ورلڈ ٹی ٹوئنٹی میں ویسٹ انڈیز کے خلاف میچ میں 'ذاتی وجوہات' کی بنا پر نہیں کھیلے تھے۔
سری لنکا کے کپتان شناکا نے بتایا کہ ان کی ٹیم میں کوئی تبدیلی نہیں کی گئی۔ ’وکٹ کل جیسی ہے تو ہمیں توقع ہے کہ یہ کچھ سلو رہے گی۔‘
