کرکٹ کے ٹی ٹوئنٹی ورلڈ کپ میں سنیچر کو جہاں انگلینڈ نے جوز بٹلر کی برق رفتار نصف سنچری کی بدولت ایک یکطرفہ مقابلے کے بعد آسٹریلیا کو آٹھ وکٹوں سے ہرایا وہیں جنوبی افریقہ نے ایک سنسنی خیز مقابلے کے بعد سری لنکا کو چار وکٹوں سے شکست دی۔
،تصویر کا ذریعہGetty Images
ایشٹن ایگر نے بلآخر آسٹریلوی اننگز کو تھوڑا سہارا دیا اور انگلینڈ کے سب سے عمدہ بولر کرس ووکس کو نشانہ بناتے ہوئے ان کے آخری اوور میں ان کو لیگ سائیڈ پر دو بڑے بڑے چھکے لگائے اور پھر اوور کی آخری گیند پر خوش قسمتی سے لیگ بائی کے چار رنز بھی بٹور لیے۔
اس طرح یہ اننگز میں آسٹریلیا کا سب سے اچھا اوور گیا۔
ستیش کہتے ہیں کہ آسٹریلیا نے معین علی کی تیاری کی ہوگی مگر انگلش کپتان اوئن مورگن نے ’اپنی ٹوپی سے خرگوش نکالا اور لیام کو ان کی جگہ استعمال کیا۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
،تصویر کا ذریعہGetty Images
آسٹریلیا کے جانب سے کپتان فنچ ابھی بھی اپنی مزاحمت جاری رکھے ہوئے ہیں۔ جارڈن کے اوور میں انھوں نے ایک چوکا لگایا اور اوور میں آٹھ رنز حاصل کیے۔
،تصویر کا ذریعہGetty Images
یہ واضح ہے کہ آسٹریلیا نے ٹائمل ملز کو نشانہ بنانے کی کوشش شروع کی ہے اور ان کے اوور میں کپتان فنچ نے پہلی دو گیندوں پر دو چوکے لگائے اور اوور میں مجموعی طور پر دس رنز حاصل کیے۔
،تصویر کا ذریعہGetty Images
انگلینڈ نے اپنے پارٹ ٹائم بولر سے بہت عمدہ چار اوورز نکلوا دیے جس میں صرف 15 رنز دیے گئے اور انھوں نے ایک وکٹ بھی حاصل کر لی۔
،تصویر کا ذریعہGetty Images
عادل رشید نے اپنی بہترین بولنگ جاری رکھی اور چار اوورز میں صرف 19 رنز دیے۔
،تصویر کا ذریعہGetty Images
میتھیو ویڈ نے سکور کی آہستہ پیشقدمی کو بہتر بنانے کے لیے لیام لوونگسٹون کی بولنگ کا نشانہ بنانے کی کوشش کی لیکن باؤنڈری پر وہ جیسن رائے کے ہاتھوں 18 رنز بنا کر آؤٹ ہو گئے۔
،تصویر کا ذریعہGetty Images
آسٹریلیا نے بالآخر اپنی تیسری باؤنڈری حاصل کر لی جب فاسٹ بولر ٹائمل ملز بولنگ کے لیے آئے اور ویڈ نے انھیں آف سائیڈ پر کٹ مارا اور گیند معین علی سے کچھ ہی دور گری اور باؤنڈری عبور کر گئی۔
ملز کے اس اوور میں آٹھ رنز بنے۔
انگلینڈ کے سابق کپتان مائیکل وان کہتے ہیں کہ ’آج رات میچ کے نتیجے کا ایشز پر کوئی فرق نہیں پڑے گا۔
’دونوں فارمیٹ بہت زیادہ مختلف ہیں، جیسے الگ کھیل ہوں۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
،تصویر کا ذریعہGetty Images
لیام لوونگسٹون نے اپنے دو اوور کرا لیے اور اب تک انھوں نے صرف نو رنز دیے ہیں۔
آسٹریلیا کو یقینی طور پر پریشانی ہوگی کہ دس اوور ہونے کے بعد ان کا سکور صرف 41 ہے۔ کپتان فنچ کے کندھوں پر بڑا سکور کرنے کی ذمہ داری ہوگی۔
انگلینڈ کی شاندار بولنگ کا اندازہ اس بات سے لگایا جا سکتا ہے کہ پہلی 60 گیندوں پر انھوں نے صرف دو چوکے دیے ہیں اور ایک بھی چھکا نہیں لگا ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
آسٹریلیا کے سابق کرکٹر شین وارن کہتے ہیں کہ اس میچ کے لیے آسٹریلیا کی سلیکشن مایوس کن تھی کیونکہ مارش کو یہ میچ نہیں کھلایا گیا اور ’میکسویل کو پاور پلے میں بیٹنگ کرائی گئی (جنھیں ہمیشہ پاور پلے کے بعد آنا چاہیے)۔‘
’میکسویل کی جگہ سٹوئنس کو آنا چاہیے تھا۔ یہ آسٹریلیا کی ناقص حکمت عملی ہے۔ مجھے سمتھ پسند ہیں لیکن انھیں ٹی 20 ٹیم میں نہیں ہونا چاہیے۔ (مگر) مارش کو ضرور ہونا چاہیے۔‘
خیال رہے کہ آسٹریلیا نے اس میچ میں مارش کی جگہ سپنر ایشٹن ایگر کو کھلایا ہے۔
،تصویر کا ذریعہGetty Images
عادل رشید نے اننگز میں اپنے تین اوور مکمل کر لیے ہیں اور اب تک انھوں نے 17 رنز دیے ہیں۔
آسٹریلیا آہستہ آہستہ اننگز کو مستحکم کرنے کی کوشش کر رہا ہے اور اس اوور میں انھوں نے پانچ رنز حاصل کیے۔
،تصویر کا ذریعہGetty Images
انگلینڈ نے حیران کن طور پر اپنے جارحانہ بلے باز لیام لوونگسٹون کو بولنگ کے بلا لیا۔ اس ٹورنامنٹ میں وہ پہلے بھی بنگلہ دیش کے خلاف گیند کرا چکے اور انھیں دو وکٹیں بھی ملی تھیں۔
اپنے پہلے اوور میں انھوں نے پانچ رنز دیے۔ آسٹریلیا کی جانب سے کپتان آیرون فنچ اور میتھیو ویڈ اس وقت اننگز کو سہارا دینے کی کوشش کر رہے ہیں۔
،تصویر کا ذریعہGetty Images
عادل رشید کو کپتان مارگن ساتویں اوور کے لیے لائے تو انھوں نے اپنی پہلی ہی گیند پر مارکس سٹوئنس کو ایل بی ڈبلیو کر دیا۔
اس کے بعد اوور میں میتھیو ویڈ نے ایک چوکا ضرور لگایا لیکن آسٹریلیا کی ٹیم ابھی بھی پریشانی سے دوچار ہے۔
،تصویر کا ذریعہGetty Images
کرس ووکس نے اننگز میں اپنا تیسرا اوور کرایا اور اس میں صرف ایک وائیڈ اور ایک لیگ بائی کے رن آسٹریلیا کو ملے۔
اس طرح پاور پلے میں وہ صرف 21 رنز حاصل کر سکے اور انگلینڈ کی میچ پر گرفت مضبوط ہوتی نظر آ رہی ہے۔
،تصویر کا ذریعہGetty Images
آسٹریلیا نے جارڈن کے دوسرے اوور میں چار رنز حاصل کیے لیکن ان کا مجموعی رن ریٹ پانچ اوورز کے بعد 3.80 رنز فی اوور پر رہا۔
انگلینڈ کے خلاف آسٹریلیا کی تین وکٹیں پاور پلے کے اندر گِر چکی ہیں۔
ٹوئٹر پر ایک صارف کی رائے ہے کہ ’سیم موومنٹ انگلینڈ کے لیے بھی اچھی خبر نہیں۔
’ہیزلوڈ، کمنز اور سٹارک تینوں زبردست ہیں۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
،تصویر کا ذریعہGetty Images
انگلینڈ کی جانب سے کرس ووکس نے ایک اور بہترین اوور کرایا جس میں انھوں نے چار رنز دیے لیکن گلین میکسویل کو ایل بی ڈبلیو کر دیا۔
آسٹریلیا کی ٹیم اس وقت شدید دباؤ میں نظر آ رہی ہے۔
،تصویر کا ذریعہGetty Images
کرس جارڈن نے اننگز کا تیسرا اوور پھینکا جس کی پہلی ہی گیند پر سٹیو سمتھ نے لیگ سائیڈ پر شاٹ کھیلا اور مڈ آن پر کرس ووکس نے پیچھے بھاگتے ہوئے جمپ کی اور ایک ہاتھ سے گیند پر دبوچ لیا اور گرنے کے باوجود گیند تھامے رہے۔
سٹیو سمتھ صرف ایک رن بنا سکے۔
اس کے بعد جارڈن نے اپنے اوور میں کُل تین رنز دیے۔
