ورلڈ کپ: انڈیا کی پاکستان کے خلاف 89 رنز سے جیت

لائیو کوریج

ذیشان حیدر, حسن زیدی, عابد حسین and محمد صہیب

1. 16 جون 2019فخر زمان بچ گئے!, پاکستان 20 اوورز میں 87/1

   کلدیپ یادیو کے اوور میں فخر کے خلاف سٹمپ کی اپیل ہوئی لیکن تھرڈ امپائر نے فخر کو ناٹ آؤٹ قرار دیا۔ 20 اوورز کے بعد انڈیا کا سکور ایک وکٹ کے نقصان پر 105 رنز تھا۔

2. 16 جون 2019پاکستان کو اب آٹھ رنز فی اوور درکار, پاکستان 19 اوورز میں 86/1

   چہل نے اپنے اگلے اوور میں مزید بہتر بولنگ کی اور صرف دو رنز دیے۔

3. 16 جون 2019پاکستان کب جارحانہ انداز اپنائے گا؟, پاکستان کے 18 اوورز میں 84/1

   ایک بار انڈین سپنر کلدیپ یادیو نے صرف پانچ رنز دیے۔

4. 16 جون 2019چہل کے اوور میں چار رنز, پاکستان 17 اوورز میں 79/1

   لیگ سپنر یوزویندرا چہل نے اپنے اوور میں صرف چار رنز دیے۔ پاکستان کو اس وقت 7.81 کی اوسط سے رنز درکار ہیں۔

5. 16 جون 2019پانڈیا کو فخر زمان کا چوکا, پاکستان 16 اوورز میں 75/1

   فخر زمان نے 16ویں اوور میں ہاردک پانڈیا کو پہلے لیگ اور پھر آف سائیڈ پر دو خوبصورت چوکے لگائے ہیں۔ دیکھنا یہ ہے کہ یہ شاٹس فخر کا کھویا ہوا اعتماد بحال کرنے میں کامیاب ہوتی ہیں یا نہیں

6. 16 جون 2019سٹیڈیم میں جگہ نہیں ملی نہ سہی دوست کا فلیٹ جو ہے۔۔۔

7. 16 جون 2019پانی کا وقفہ

8. 16 جون 2019پاکستان کی محتاط بلے بازی جاری, 15 اوور، 64/1

   پاکستانی بلے بازوں کی جانب سے محتاط انداز میں کھیلنے کا سلسلہ جاری ہے اور 15 اوورز کے بعد بھی رن بنانے کی اوسط چار رنز فی اوور ہی ہے۔

9. 16 جون 2019پاکستان کے 50 رنز 13ویں اوور میں مکمل, بابر اعظم 23، فخر زمان 19

   13 اوور کا کھیل مکمل ہو چکا ہے اور اس میں پاکستان نے فخر زمان کے چوکے کی مدد سے سات رنز بنائے ہیں اور سکور 58 رنز پر پہنچ گیا ہے۔

10. 16 جون 2019’بھونیشور کمار زخمی ہو کر میچ سے باہر‘

    بھونیشور کمار ہیمسٹرنگ کی تکلیف کی وجہ سے اب باقی میچ میں حصہ نہیں لیں گے۔ انگلینڈ کے سابق سپنر گریم سوان نے ٹیسٹ میچ سپیشل پر تبصرہ کرتے ہوئے کہا کہ بھونیشور کمار کا زخمی ہو جانا انڈیا کے لیے نقصان دہ ثابت ہوسکتا ہے، لیکن پانڈیا کی صورت میں انڈیا کے پاس ایک اچھا متبادل موجود ہے۔

11. 16 جون 2019پاکستان 12 اوور، 49/1

    وجے شنکر کے اوور میں بابر اعظم نے گیند کو گیپ میں کھیلتے ہوئے تین اوور کے بعد پہلا چوکا لگایا۔

12. 16 جون 2019پاکستان: 11 اوور، 41/1

    ہاردک پانڈیا نے اپنا دوسرا اوور بہتر کرایا اور اس میں چار رنز دیے۔ دیکھنا یہ ہوگا کہ پاکستانی بلے باز کب تک بیٹنگ میں محتاط انداز اپنائیں گے۔

13. 16 جون 2019اولڈ ٹریفرڈ کے میدان پر بادلوں کا بسیرا

14. 16 جون 2019پاکستان دس اوور، 38/1

    امام الحق کے آؤٰٹ ہونے کے بعد پاکستان نے سنبھل کر بیٹنگ کا مظاہرہ کیا ہے۔ انڈیا کا اننگز کے اس موقع پر سکور 53 رنز تھا اور ان کی کوئی وکٹ نہیں گری تھی۔

15. 16 جون 2019بولنگ میں تبدیلی، پانڈیا اٹیک میں, پاکستان نو اوور، 34/1

    انڈیا وجے شنکر کی جگہ بولنگ میں تبدیلی کرتے ہوئے ہاردک پانڈیا کو لایا ہے جن کی تیسری گیند پر بابر اعظم نے آف سائیڈ پر شاندار چوکا لگایا۔

16. 16 جون 2019’یہ تو اپنی روایت ہے‘, پاکستان آٹھ اوور، 29/1

    تجزیہ کار حسن چیمہ کا کہنا ہے سارو گنگولی نے پاکستان کے خلاف ظہیر خان، اشیش نہرا، ایشانت شرما اور بالاجی سے زیادہ وکٹیں لی ہیں۔ اس لیے امام الحق کا وجے شنکر کی بولنگ پر آؤٹ ہو جانا کوئی انہونی بات نہیں ہے، یہ تو اپنی روایت ہے۔

17. 16 جون 2019پاکستان سات اوور، 25/1

    وجے شنکر کے پہلے مکمل اوور میں انھوں نے پانچ رن دیے جس میں فخر کا ایک چوکا شامل ہے۔ البتہ اس کے علاوہ دیگر گیندوں پر پاکستانی بلے باز کچھ فائدہ نہ اٹھا سکے۔

18. 16 جون 2019پاکستان چھ اوور، 20/1

    امام الحق کے آؤٹ ہونے کے بعد بابر اعظم کریز پر آئے ہیں اور بھمرا سے ان کا مقابلہ میچ کا فیصلہ کرنے میں شاید اہم ترین مقابلہ ہوگا۔

19. 16 جون 2019انڈیا کو پاکستان سے زیادہ سوئنگ ملنے لگی

    کرکٹ پر تبصرے اور تحقیق کرنے والی ویب سائٹ کرک وز کے مطابق انڈیا کے بولرز کو پہلے چار اوورز میں پاکستان سے ریادہ سوئنگ ملی ہے۔

20. 16 جون 2019بریکنگ, وجے شنکر کی پہلی ہی گیند پر وکٹ, پاکستان پانچ اوورز میں 14/1

    بھونیشور کا میدان سے جانا انڈیا کے لیے نیک شگون ثابت ہوا جب ان کے متبادل بولر وجے شنکر نے اپنی پہلی ہی گیند پر امام الحق کو ایل بی ڈبلیو کر دیا