آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
دنیا میں کورونا وائرس کے مریضوں کی تعداد 9 لاکھ سے اور ہلاکتیں 45 ہزار سے زیادہ ہو چکی ہیں۔ صرف امریکہ میں مریضوں کی تعداد 2 لاکھ سے زیادہ ہے۔ یورپ میں 30 ہزار سے زیادہ اموات ہو چکی ہیں۔ غیر یقینی صورتحال کے پیشِ نظر سعودی عرب نے مسلمانوں پر زور دیا ہے کہ وہ بکنگ کروانے سے پہلے مزید انتظار کریں۔ اس کے علاوہ برطانیہ میں ٹینس کا ٹورنامنٹ ومبلڈن بھی کینسل ہو گیا ہے۔
کورونا وائرس کے حوالے سے خدشات کے پیش نظر پاکستان سپر لیگ میں حصہ لینے والی دو ٹیموں کے مذید کھلاڑی اپنے اپنے وطن واپس لوٹ رہے ہیں۔
لاہور قلندرز کے کرس لین، ڈیوڈ ویز اور سیکوگے پرسنا نے وطن واپس جانے کا فیصلہ کیا ہے۔
دوسری جانب کراچی کنگز کی جانب سے کھیلنے والے فاسٹ بولر گلین مک کلینیگن بھی نیوزی لینڈ واپس جا رہے ہیں۔
مقبول فیشن برانڈ لوئی ویٹون کے مالک نے اعلان کیا ہے کہ ان کی کمپنی کورونا وائرس سے نمٹنے کے لیے ہینڈ سینیٹائزر بنانا شروع کر دے گی اور یہ سینیٹائزر فرانس کے حکام کو مفت محیا کیے جائیں گے۔
ترکی نے سعودی عرب سے لوٹنے والے دس ہزار زائرین کو قرنطینہ میں رکھنے کا فیصلہ کر لیا ہے۔
ترکی کے وزیرِ صحت کے مطابق دارالحکومت انقرہ اور قونیه آنے والے زائرین کوعلیحدہ علیحدہ کمروں میں رکھا جائے گا۔ گذشتہ ہفتے سعودی عرب سے لوٹنے والے ایک شخص میں کورونا وائرس کی تشخیص ہو چکی ہے۔
نیوزی لینڈ کی وزیر اعظم جاسنڈا آرڈرن نے ملک بھر میں 500 سے زائد افراد کے اجتماعوں پر پابندی عائد کر دی ہے۔
انھوں نے پیر کو کہا کہ لوگوں کو خود ساختہ تنہائی کے حوالے سے نیوزی لینڈ کے حکومت کی جانب سے جاری کردہ ہدایات پر سختی سے عمل کرنا ہوگا تاکہ کورونا وائرس کے پھیلاؤ کو روکا جا سکے۔
صرف سکولوں اور یونیورسٹیوں کو اس پابندی سے استثنیٰ ہوگا۔
صدر ڈونلڈ ٹرمپ نے امریکی عوام کو یقین دلایا ہے کہ ملک میں ضروری اشیا کی کوئی کمی نہیں ہوگی اور انھیں اشیا ضرورت ذخیرہ کرنے کی ضرورت نہیں ہے۔
اتوار کی شام امریکہ کی بڑی سپرمارکیٹ چینز کے حکام سے فون پر بات کرنے کے بعد صدر ٹرمپ کا امریکی عوام کو پیغام تھا کہ: ’آرام سے کھانا کھائیں اور پرسکون ہو جائیں کیونکہ ہمارے پاس کافی ہے۔ آپ کو تھوک کے حساب سے چیزیں خریدنے کی ضرورت نہیں ہے۔‘
امریکی ریاست کیلیفورنیا کے کے گورنر گیون نیوسم نے کورونا وائرس کے عدم پھیلاؤ کے لیے نئی پابندی کا اعلان کیا ہے۔
انھوں نے ایک حکم جاری کیا ہے کہ 65 برس سے زائد عمر کے تمام افراد کے لیے خود کو الگ کرنا لازمی ہوگا۔ انھوں نے کہا کہ ریاست تمام بے گھر افراد کو بھی چار دیوری میں لائے گی اور انہیں موٹلز میں رکھا جائے گا۔
گورنر نے تمام شراب خانوں اور مشروبات کی کی دکانوں کے مالکان سے کاروبار بند رکھنے کو کہا ہے۔
ہوٹلز سے کہا گیا کہ وہ باہر آ کر کھانے والے لوگوں کی تعداد محدود کریں اور ہوم ڈیلیوری یا کھانا پیک کر کے لوگوں کو دیں۔
اسرائیلی حکومت نے کورونا وائرس سے نمٹنے کے لیے انسداد دہشت گردی ٹیکنالوجی کے استعمال کی منظوری دے دی ہے۔
اس اقدام کے تحت اسرائیلی سکیورٹی سروس شن بیٹ ایسے افراد کی حرکات و سکنات کی نگرانی کر سکے گی جن میں اس وائرس کی تصدیق ہوئی ہے۔ اور ایسے تمام افراد کی بھی شناخت کرے گی جو ان سے رابطے میں رہے۔ اس نگرانی میں فون کا ڈیٹا بھی شامل ہوگا۔
اسرائیل کی بائیں بازو کی جماعت نے کورونا سے نمٹنے کے لیے سائبر ٹرینکنگ کی تجویز کی مخالفت کی تھی اور اسے پرائیویسی پالسی اور بنیادی آزادی کے مخالف قرار دیا تھا۔
عراقی حکام نے ملک کے دار الحکومت بغداد میں کرفیو نافذ کر دیا ہے تاکہ کورونا وائرس کے پھیلاٰؤ سے بچا جا سکے۔
عراق میں اب تک کورونا وائرس سے 110 افراد متاثر ہو چکے ہیں۔
ریاستی خبر رساں ایجنسی نے اسلان کیا ہے کہ یہ کرفیو 17 سے 24 مارچ تک نافذ رہے گا۔
اس سے پہلے حکام نے ملک بھر میں ہنگامی حالات، تجارت یا ملازمت کے علاوہ اندورنی سفر پر 25 مارچ تک پابندی عائد کی تھی۔
اتوار کے روز اٹلی میں کورونا وائرس کے باعث 368 ہلاکتیں ہوئیں جو ایک دن میں کورونا وائرس کے باعث سب سے زیادہ ہلاکتوں کا نیا ریکارڈ بنا ہے۔
لمبارڈی جو اٹلی کا سب سے زیادہ متاثرہ علاقہ ہے میں آج 252 افراد ہلاک ہوئے۔ ملک بھر میں اب تک ہلاک ہونے والے افراد کی تعداد 1800 ہو گئی ہے۔
ادھر برطانیہ کے محکمہ صحت کے مطابق ملک میں مزید 14 افراد اس وائرس کے نتیجے میں ہلاک ہو چکے ہیں جس کے بعد مجموعی طور پر ہلاک ہونے والے افراد کی تعداد 35 ہو چکی ہے۔
برطانیہ میں اب تک کورونا وائرس سے متاثرہ افراد کی تعداد 1372 ہو چکی ہے۔ خیال رہے کہ سنیچر کو یہ تعداد 1140 تھی۔
ڈیجیٹل پاکستان پر وزیر اعظم کی معاون خصوصی تانیہ ایدروس نے ٹویٹ کرتے ہوئے لکھا ہے کہ وہ تین دن سے اس کام میں مگن ہیں کہ ڈیجیٹل پاکستان کیسے کورونا وائرس کی روک تھام میں مددگار ثابت ہو سکتا ہے۔ ان کے مطابق اس سلسلے میں ایک وار روم کا قیام عمل میں لایا گیا ہے جہاں ٹیکنالوجی کے شعبے کے رضاکار وزیر مملکت صحت ظفرمرزا اور ان کی ٹیم سے مل کر کام کریں گے۔
جرمن میڈیا کے مطابق کورونا وائرس پر قابو پانے کے لیے جرمنی نے سوموار سے آسٹریا، فرانس اور سوئٹزرلینڈ کے ساتھ اپنی سرحدیں بند کرنے کا فیصلہ کیا ہے، تاہم اس فیصلے کا ابھی تک سرکاری طور پر اعلان نہیں کیا گیا ہے۔
.
افریقی ملک کینیا کے صدر ایورو کیناتا نے کورونا وائرس کی وبا کو روکنے کے سے متعلق احتیاطی تدابیر اختیار کے طور ہر طرح کے سفر کے لیے اپنے ملک کی تمام سرحدیں بند کرنے کا اعلان کیا ہے۔
ان سفری پابندیوں سے صرف کینیا کے شہری اور ان غیر ملکیوں کو استثنیٰ حاصل رہے گا جن کے پاس رہائش کا قانونی اجازت نامہ ہوگا اور وہ اپنے آپ کو قرنطینہ میں رکھنے کے لیے آمادہ ہوں گے۔
صدر کیناتا کے مطابق ان ہدایات کا اطلاق 48 گھنٹوں تک کر دیا جائے گا اور یہ پابندیاں 30 تک برقرار رہیں گی۔ کینیا کی نیشنل ایمرجنسی رسپونس کمیٹی کے مطابق ضرورت پڑنے پر اس دورانیے کو مزید بھی بڑھایا جا سکتا ہے۔
واضح رہے کہ سوموار سے کینیا میں تمام سکول بند کر دیے جائیں گے جبکہ یونیورسٹیاں بھی جمعے سے بند کر دی جائیں گی۔
جمعے کو کینیا نے پہلے شخص میں کورونا وائرس کی تشخیص کی تصدیق کی ہے۔ کینیا کے صدر کے مطابق اس کے بعد سے مزید دو کیسز سامنے آچکے ہیں۔
ہنگری میں کورونا وائرس کے باعث ایک 75 برس کے شخص کی ہلاکت کی تصدیق ہوئی ہے۔ برِاعظم یورپ کے اس ملک میں یہ پہلی ہلاکت ہے۔
ہنگری میں حکام کے مطابق کے متاثرہ فرد کی ہلاکت جنوبی پیسٹ سینٹرل ہسپتال میں ہوئی۔ ہنگری میں کورونا وائرس سے متاثرہ افراد کی تعداد 32 ہو چکی جبکہ 159 افراد کو فی الحال قرنطینہ میں رکھا گیا ہے۔
اس وائرس کے خدشے کے پیشِ نظر ہنگری کی حکومت نے آسٹریا اور سلووینیا کے ساتھ اپنی سرحدیں بند کر دی ہیں۔ اس کے علاوہ تمام سکول بھی بند کر دیے گئے ہیں اور اجتماعات پر پابندی لگا دی گئی ہے۔
پاکستان کے صوبہ سندھ کے شہر سکھر میں 13 نئے کیسز کی تصدیق کے بعد پاکستان میں کووڈ 19 سے متاثرہ افراد کی تعداد 53 ہو گئی ہے۔
صوبہ سندھ میں اب تک سب سے زیادہ 33 کیسز سامنے آئے ہیں جن میں آج سامنے آنے والے سب سے زیادہ 13 کیسز سکھر سے تھے۔
وزیرِ اعلیٰ سندھ مراد علی شاہ کے مطابق یہ تمام افراد ان 293 زائرین میں سے تھے جو تفتان سے سکھر آئے تھے اور ان تمام افراد کو پہلے سے ہی قرنطینہ میں رکھا گیا تھا۔
ادھر پاکستان کے صوبہ بلوچستان میں 10 افراد میں کووڈ 19 کی تشخیص ہوئی ہے جبکہ گلگت بلتستان میں یہ تعداد پانچ ہے۔
وفاقی دارالحکومت اسلام آباد میں پمز ہسپتال کے ترجمان کے مطابق اب تک ہسپتال میں چار افراد میں کووڈ 19 کی تشخیص ہوئی ہے جبکہ آج پنجاب میں کورونا وائرس کا پہلا کیس لاہور میں سامنے آ گیا ہے۔
پاکستان کے صوبہ پنجاب کے شہر لاہور میں اس صوبے کے پہلے کورونا وائرس کیس کی تصدیق ہو گئی ہے۔
پنجاب کے محکمہ پرائمری اینڈ سکینڈری ہیلتھ کئیر کے ترجمان کے مطابق مریض گزشتہ شب سے ہسپتال میں داخل تھے اور یہ 10 مارچ کو ہی برطانیہ سے واپس لوٹے تھے۔
54 سالہ مریض کو گزشتہ روز علامات ظاہر ہونے پر ہسپتال لایا گیا تھا اور مریض سے براہ راست رابطے میں رہنے والے تمام افراد کے ٹیسٹ کیے گئے جو منفی آئے ہیں۔
ترجمان کے مطابق ایس او پی کے مطابق مریض سے براہ راست رابطے میں آنے والوں کو گھر میں ہی آئسولیشن میں رکھا جا رہا ہے اور اس دورانیے کے دوران تمام افراد کی نگرانی کی جائے گی اور علامات ظاہر ہونے پر دوبارہ ٹیسٹ کروائے جائیں گے۔
ان کا مزید کہنا تھا کہ معیاری طریقہ کار (ایس او پی) کے مطابق آئسولیشن میں رکھے گئے افراد سے کسی کو بھی ملاقات کی اجازت نہیں ہو گی۔
سندھ میں محکمہ صحت نے چار نئے کورونا وائرس کے کیسز کی تصدیق کی ہے۔
نامہ نگار ریاض سہیل کے مطابق ان میں سے تین افراد چند دن قبل سعودی عرب سے پاکستان آئے تھے۔ ان تین افراد میں کووڈ 19 کی تشخیص ہوئی ہے۔
چوتھے شخص نے حالیہ دنوں میں بیرون ملک سفر نہیں کیا تھا لیکن اس کے باوجود کورونا وائرس کے ٹیسٹ میں ان کے نتائج مثبت آئے ہیں۔
اس طرح پاکستان میں کورونا وائرس سے سب سے زیادہ متاثرہ صوبہ سندھ میں اب تک اس عالمی وبا کے 21 کیسز سامنے آچکے ہیں۔
ان 21 افراد میں سے دو صحتیاب ہو کر گھر لوٹ گئے تھے۔
پنچاب کے محکمہ داخلہ کی طرف سے اتوار کو ایک نوٹیفیکیشن جاری کیا گیا ہے۔
اس نوٹیفیکیشن کے مطابق آئندہ تین ہفتوں کے دوران مندرجہ ذیل سرگرمیوں پر پابندی برقرار رہے گی اور خلاف ورزی کرنے والوں کے خلاف قانونی کارروائی کی جائے گی:
جمہوریہ چیک کے مقامی خبر رساں ادارے سی ٹی کے کی اطلاعات کے مطابق وزیراعظم ایندریج نے کہا ہے کہ ملک میں تمام افراد کو قرنطینہ میں رکھا جائے گا۔
وزارت صحت نے اتوار کو کورونا وائرس کے 214 کیسز کی تصدیق کی ہے۔ سنیچر کے مقابلے اتوار کو 25 نئے کیسز آئے ہیں۔
چیک جمہوریہ میں 30 دن کے لیے صحت کی ایمرجنسی نافذ کی گئی تھی اور ہمسایہ ممالک کے ساتھ سرحدوں کو عارضی طور پر بند رکھا گیا ہے۔
پاکستان کے دارالحکومت اسلام آباد کے پمز ہسپتال میں تین روز قبل داخل ہونے والی خاتون کے خاوند میں بھی کورونا وائرس کی تصدیق ہو گئی ہے۔
ترجمان پمز ڈاکٹر وسیم خواجہ نے بی بی سی کی نامہ نگار فرحت جاوید کو بتایا کہ ’خاتون کی حالت تشویشناک ہے اور وہ اس وقت وینٹی لیٹر پر ہیں۔‘
ڈاکٹر وسیم خواجہ کے مطابق وہ بیرون ملک سے پاکستان آئیں اور پمز آنے سے پانچ روز پہلے نجی اسپتال بحریہ ہاسپٹل میں زیرِ علاج تھیں۔
’انھیں کھانسی اور زکام کی شکایت تھی، کورونا ٹیسٹ مثبت آنے کے بعد انھیں پمز منتقل کیا گیا ہے۔ ان کے شوہر میں آج کورونا وائرس کی تصدیق ہوئی ہے۔‘
’خاندان کے دیگر افراد کی سکریننگ کی جارہی ہے۔‘
ترجمان پمز کے مطابق خاتون نے اسلام آباد میں ایک شادی میں شرکت کی تھی ، اس لیے اُس شادی میں شریک لوگوں کی معلومات حاصل کر کے ’ان کی سکریننگ کا عمل بھی شروع کر دیا گیا ہے۔‘
برطانیہ میں سپر مارکیٹس نے خریداروں سے گزارش کی ہے کہ اپنی ضرورت کے مطابق اشیا خریدیں۔ خوفزدہ ہو کر زیادہ چیزیں سٹاک کرنے سے پرہیز کریں۔
سپر مارکینٹس نے ایک خط میں لوگوں سے گزارش کی ہے کہ ان کی پوری کوشش ہے کہ چیزیں کم نہ پڑیں۔ تاہم اگر لوگ ایک وقت میں زیادہ چیزیں خرید لیں گے تو دوسروں کے لیے کچھ نہیں بچے گا۔
’سب کی ضرورت کے لیے کافی سامان دستیاب ہوگا اگر ہم مل کر کام کریں گے۔
انھوں نے کہا ہے کہ وہ حکومتِ برطانیہ کے ساتھ مل کر کام کر رہے ہیں تاکہ اشیا ختم نہ ہوں۔