بریکنگ, مجھ پر پہلے بھی حملہ ہوا اور دوبارہ حملہ کروایا جائے گا: عمران خان
پاکستان تحریک انصاف کے چیئرمین عمران خان اپنے حامیوں سے خطاب میں کہا ہے کہ مجھے پھر سے قتل کرنے کی کوشش کی جائے گا۔
انھوں نے کہا انھوں نے خود پر حملہ کروانے والے تین نامزد افراد کے علاوہ دو مزید افراد کے نام ریکارڈ کروا کر رکھے ہیں۔
انھوں نے کہا پہلے بھی حملہ ہوا اور دوبارہ حملہ کروایا جائے گا۔
عمران خان کا کہنا تھا کہ ’عدالتوں کو بتایا گیا تھا کہ میری جان کو خطرہ ہے اس لیے عدالتوں میں نہ بلایا جائے یا سکیورٹی دے جائے۔‘
عمران خان کا کہنا تھا کہ ’میں الیکشن کمیشن کے باہر تھا بھی نہیں اور مجھ پر دہشت گردی کا مقدمہ کیا گیا۔ تین مختلف پیشیوں پر مجھے کوئی سکیورٹی نہیں دی گئی۔‘
ان کا کہنا تھا کہ ’میں چیف جسٹس کو خط لکھوں گا کہ نواز شریف کی بیماری پر ہماری حکومت میں وفاقی حکومت کو خط لکھا کہ انھیں کچھ ہوا تو آپ ذمہ دار ہوں گے۔ میں پوچھوں گا کہ اگر مجھے کچھ ہوا تو کون ذمہ دار ہو گا؟‘
’مجھے کون تحفظ دے گا۔‘
