پنجاب اور کے پی میں انتخابات سے متعلق از خود نوٹس پر سماعت تاخیر کا شکار
پنجاب اور خیبرپختونخوا میں انتخابات کی تاریخ میں تاخیر پر سپریم کورٹ میں از خود نوٹس کیس کی سماعت پیر کو تاخیر کا شکار ہے۔
سماعت کے لیے ابتدائی طور پر 11 بجے اور پھر 12 بجے کا وقت دیا گیا تھا تاہم سماعت تاحال شروع نہیں ہو سکی اور ججز میں مشاروت کا سلسلہ جاری ہے۔
چیف جسٹس عمر عطا بندیال کی سربراہی میں نو رکنی لارجر بینچ اس معاملے کی سماعت کر رہا ہے۔
اس بینچ میں جسٹس اعجاز الاحسن، جسٹس منصور علی شاہ، جسٹس منیب اختر، جسٹس یحییٰ آفریدی، جسٹس مظاہرعلی اکبرنقوی، جسٹس جمال خان مندوخیل، جسٹس محمد علی مظہر اور جسٹس اطہر من اللہ شامل ہیں۔
جسٹس اعجاز الاحسن اور جسٹس مظاہر نقوی کی اس بینچ میں شمولیت پر بینچ کے ہی دو ارکان کے علاوہ سیاسی جماعتوں نے بھی اعتراض کیا ہے جبکہ سیاسی جماعتوں کی جانب سے اس معاملے پر فل کورٹ بینچ بنانے کی بھی درخواست کی گئی ہے
