بہترین لاک ڈاؤن کو وفاقی حکومت نے سبوتاژ کردیا: بلاول

پاکستان میں کورونا وائرس کے مصدقہ مریضوں کی تعداد 23 ہزار سے زیادہ ہو گئی ہے جبکہ ہلاکتوں کی مجموعی تعداد 535 ہے۔ گذشتہ 24 گھنٹوں میں ملک میں پہلی مرتبہ تقریباً 10 ہزار کورونا ٹیسٹ کیے گئے ہیں جبکہ ایک ہی دن میں 40 کے ساتھ سب سے زیادہ اموات واقع ہوئی ہیں۔

لائیو کوریج

6 مئ 2020افغان باشندوں کی وطن واپسی کے لیے طورخم گیٹ آج کھولا جا رہا ہے
،تصویر کا ذریعہGetty Images
،تصویر کا کیپشن(فائل فوٹو)
افغانستان میں ننگہار صوبے اور طورخم شہر کے مقامی حکام کے مطابق بدھ کے روز طورخم بارڈر کو ایک روز کے لیے کھولا جا رہا ہے تاکہ سرحد پار پھنسے افغان شہری وطن واپس آ سکیں۔
صوبہ ننگہار کے گورنر عطااللہ خوگیانی نے بی بی سی کو بتایا کہ سرحد پار سے آنے والے افغان شہریوں کے لیے سیکیورٹی اور طبی اقدامات اٹھائے گئے ہیں۔
خیال رہے کہ گذشتہ چند روز سے سوشل میڈیا پر ایسی تصاویر گردش کر رہی تھیں جن میں دیکھا جا سکتا تھا کہ درجنوں افغان باشندے طورخم بارڈر کے قریب موجود وطن واپسی کے منتظر ہیں۔
6 مئ 2020کورونا وائرس: کیا امیر ممالک کووڈ 19 کی ویکسین کی ’ذخیرہ اندوزی‘ کر سکتے ہیں؟
،تصویر کا ذریعہGetty Images
پیر کو کورونا وائرس کی ویکسین سے متعلق ہونے والی فنڈنگ کانفرنس سے امریکہ اور روس غیر حاضر تھے جبکہ چین نے ویکسین کی تیاری اور علاج پر تحقیق کے لیے براہ راست مالی مدد کا کوئی وعدہ نہیں کیا۔
فارماسوٹیکل طاقت کے دو مراکز: امریکہ اور چین کی علیحدہ ویکسین تیاری کی کوشش ایک پریشان کن صورتحال کی طرف اشارہ کر رہی ہے۔
کیا اس حوالے سے عالمی ادارے کوئی کردار ادا کر سکتے ہیں؟ جانیے بی بی سی ورلڈ سروس کے فیرنانڈو ڈیوارٹ کی اس تحریر میں۔
6 مئ 2020بریکنگ, پاکستان میں پہلی مرتبہ ایک دن میں 10 ہزار سے زائد کورونا وائرس ٹیسٹ
،تصویر کا ذریعہcovid.gov.pk
پاکستان میں کورونا وائرس کی عالمی وبا کے پھیلاؤ کے بعد سے یہ پہلا موقع ہے کہ ایک دن 10 ہزار سے زائد ٹیسٹ کیے گئے ہوں۔
پاکستان میں ٹیسٹوں کی بڑھتی ہوئی تعداد کے ساتھ ملک میں متاثرین کی تعداد بھی بڑھ رہی ہے۔ یاد رہے کہ وزیِرِ منصوبہ بندی اسد عمر اس حوالے کہہ چکے ہیں کہ حکومت کا ایک دن میں ٹیسٹوں کا پہلا ہدف 25 ہزار ٹیسٹ ہے۔
گذشتہ روز پاکستان 10178 ٹیسٹ کیے گئے جن میں صوبہ پنجاب میں لگاتار دوسرے روز پانچ ہزار سے زائد (5030) ٹیسٹ کیے گئے۔
تاہم صوبہ سندھ میں یہ تعداد 2250 رہی، بلوچستان میں 863، اسلام آباد 888 اور صوبہ خیبرپختونخوا میں 870 ٹیسٹ کیے گئے۔
6 مئ 2020قومی رابطہ کمیٹی کے اجلاس میں لاک ڈاؤن میں نرمی کے حوالے سے فیصلہ آج متوقع
،تصویر کا ذریعہRadio Pakistan
ریڈیو پاکستان کے مطابق قومی رابطہ کمیٹی کا اجلاس آج اسلام آباد میں ہو رہا ہے جس میں آئندہ سنیچر کے بعد لاک ڈائون میں نرمی کے حوالے سے فیصلہ کیا جائے گا۔
حکمت عملی طے کرنے کے لیے چاروں صوبوں کے وزرائے اعلیٰ اجلاس میں شرکت کریں گے۔
6 مئ 2020لاک ڈائون میں نرمی کے لیے سفارشات تجویز
،تصویر کا ذریعہGetty Images
نیشنل کمانڈاینڈ آپریشن سنٹر نے ملک میں کورونا وائرس کے پھیلائو کی روک تھام کے لئے عائدکی گئی لاک ڈائون کی پابندیوں میں نرمی کے لئے کئی سفارشات تجویز کی ہیں ۔
ریڈیو پاکستان کے مطابق سفارشات اسلام آباد میں کمیٹی کے اجلاس کے دوران دی گئیں جس کی صدارت منصوبہ بندی، ترقی اور اصلاحات کے وزیر اسدعمر نے کی۔
سفارشات میں موثر قواعد و ضوابط پرعملدرآمد کے بعد بین الصوبائی ٹرانسپورٹ کی بحالی، تعمیراتی شعبے کا دوسرا مرحلہ اور خریداری مراکز کھولنے اوراسلام آباد میں دیگر مختلف محکموں کو فعال کرنا شامل ہے۔
اجلاس کے شرکا نے دوکانوں کے اوقات صبح نوبجے سے شام پانچ بجے اور پھر شام آٹھ بجے سے رات دس بجے تک بڑھانے کی تجویز دی۔
رمضان المبارک کے آخری 15 روز میں مذہبی اجتماعات کے لئے قواعد و ضوابط میں تبدیلی نہ کرنے کا بھی فیصلہ کیا گیا۔
6 مئ 2020پاکستان میں اموات میں فی 100 اضافہ
پاکستان میں کورونا وائرس کے باعث پہلی ہلاکت 18 مارچ کو رپورٹ ہوئی تھی تاہم اس کے بعد سے اب تک ملک میں اموات میں بتدریج اضافہ دیکھنے میں آیا ہے۔
پہلی اور 100ویں ہلاکت کے درمیان 27 دنوں کا وقفہ تھا تاہم یہ وقفہ اب سکڑ کر صرف تین سے چار روز تک محدود ہو گیا ہے۔ یعنی اب ملک میں ہر تین سے چار روز میں 100 اموات ہوتی ہیں۔
6 مئ 2020صوبہ پنجاب میں گذشتہ پانچ روز میں 50 اموات
،تصویر کا ذریعہcovid.gov.pk
پاکستان کے صوبہ پنجاب میں کورونا وائرس کے باعث گذشتہ پانچ روز میں پچاس اموات ہو چکی ہیں جبکہ گذشتہ روز صوبے میں اب تک کی سب سے زیادہ 20 اموات ہوئی ہیں۔
تاہم صوبے میں اموات کی شرح ایک اعشاریہ آٹھ پانچ ہے۔
ادھر ملک کے سب سے زیادہ متاثرہ صوبہ خیبر پختونخوا میں اموات کی شرح پانچ اعشاریہ پانچ ہے۔
6 مئ 2020بریکنگ, پاکستان میں ایک دن میں سب سے زیادہ 40 اموات، 1049 نئے مریض
پاکستان میں کورونا وائرس کی عالمی وبا کے پھیلنے کے بعد سے اب تک ایک دن میں سب سے زیادہ 40 اموات ہوئی ہیں۔
صوبہ خیبر پختونخوا بدستور اموات کے اعتبار سے سب سے زیادہ متاثرہ صوبہ ہے جہاں اب تک 194 اموات ہو چکی ہیں۔
گذشتہ روز صوبہ پنجاب میں 20، خیبر پختونخوا میں نو اور صوبہ سندھ میں 11 اموات ہوئی ہیں۔
6 مئ 2020پاکستان میں آج کیا ہو رہا ہے؟
پاکستان میں آج قومی رابطہ کمیٹی اور نیشنل کمانڈ اینڈ آپریشن سینٹر میں اجلاس کے بعد لاک ڈاؤن میں نرمی کے کابینہ کے فیصلوں کے حوالے سے بات ہو گی اور حتمی فیصلے کیے جائیں گے۔
خیال ظاہر کیا جا رہا ہے کہ حکومت لاک ڈاؤن میں مزید نرمی کا اعلان کرے گی جس میں چند سیکٹرز کو سہولت اور چھوٹ دینے کے علاوہ ملک میں ٹرینوں کو جزوی بحال کرنے کی تجاویز بھی زیرِ غور آئیں گی۔
اس کے علاوہ صوبہ پنجاب میں ماسک لازمی قرار دینے اور لاک ڈاؤن سے متعلق اہم فیصلوں پر جائزہ اجلاس وزیرِ اعلیٰ پنجاب کی سربراہی میں ہو گا۔
گذشتہ روز ایک نجی ٹی وی چینل سے بات کرتے ہوئے صوبہ پنجاب کی وزیرِ صحت ڈاکٹر یاسمین راشد کا کہنا ہے کہ صوبے میں ماسک پہننا لازمی قرار دینا وہ احتیاطی تدابیر ہے جس کا نفاذ کیا جا سکتا ہے۔
سندھ حکومت کے ترجمان مرتضیٰ وہاب کے مطابق وفاقی حکومت کی جانب سے لاک ڈاؤن کے حوالے سے کیے جانے والے حتمی فیصلوں کے بعد سندھ حکومت آئندہ کا لائحہ عمل دے گی۔
6 مئ 2020’کورونا کے خطرے کے باوجود وہ اپنے مریضوں کی خدمت کرتے رہے‘
6 مئ 2020خیبر پختون خوا میں کورونا وائرس سے سب سے زیادہ ہلاکتیں
،تصویر کا کیپشنچار مئی تک ہونے والی اموات کے بعد پاکستان میں کیس فیٹیلیٹی ریٹ
پاکستان میں اب تک 22 ہزار سے زیادہ کووڈ19 کے متاثرین کی شناخت ہوئی ہے اور کُل اموات کی تعداد 526 ہے۔
لیکن ان اموات کی واضح اکثریت خیبر پختون خوا میں سامنے آئی ہے جہاں اب تک 3499 متاثرین کی شناخت ہوئی ہے جس میں سے 194 افراد کی موت ہو چکی ہے۔
اس حساب سے اگر دیکھا جائے تو وہاں متاثرین میں ہلاکت کا تناسب، جسے ’کیس فیٹیلیٹی ریٹ‘ بھی کہا جاتا ہے، 5.63 کے ساتھ سب سے زیادہ ہے۔
اگر عالمی اعتبار سے موازنہ کیا جائے تو دنیا بھر میں ہونے والی کُل اموات کے حساب سے ہلاکتوں کا تناسب 7.08 ہے جبکہ اگر کسی ایک ملک کی بات کریں تو اٹلی میں یہ تناسب 13.72 ہے۔
6 مئ 2020پاکستان میں اب تک کتنے ٹیسٹس ہوئے ہیں؟
پاکستان میں کورونا وائرس کی وبا کی آمد کے بعد ایک سوال مسلسل کیا جا رہا ہے کہ ملک میں ٹیسٹنگ کی تعداد کم کیوں ہے اور کہیں اسی کمی کی وجہ سے تو زیادہ متاثرین کی شناخت نہیں ہو پا رہی۔
اعداد و شمار کی روشنی میں دیکھا جائے تو اس بات میں وزن نظر آتا ہے کہ جیسے جیسے ملک میں ٹیسٹ کرنے کی تعداد اور صلاحیت بڑھی ہے، اسی رفتار سے متاثرین بھی سامنے آنے لگے ہیں۔
چار مئی تک پاکستان نے ملک بھر میں 2 لاکھ سے زیادہ ٹیسٹس کیے ہیں جن میں سب سے زیادہ ٹیسٹنگ پنجاب کے صوبے میں ہوئی ہے جو کہ ایک لاکھ سے زیادہ ہے۔
6 مئ 2020پاکستان میں گذشتہ چار ہفتوں میں اوسطاً چار ہزار فی ہفتہ کووڈ 19 متاثرین کی شناخت ہوئی
،تصویر کا ذریعہWHO
پاکستان میں کورونا وائرس کے پہلے مریض کی تشخیص ہونے کے 69 دن بعد ملک میں اب تک 22 ہزار سے زیادہ متاثرین کی شناخت ہو چکی ہے۔
اوائل میں مریضوں کی شناخت میں ٹیسٹنگ کی کمی کے باعث کم ہو رہی تھی تابم گذشت چند دنوں میں یہ واضح ہوا ہے کہ ملک میں کووڈ 19 کی بیماری تیزی سے پھیل رہی ہے۔
عالمی ادارہ صحت کی پاکستان رپورٹ برائے چار مئی کے اعداد و شمار سے نظر آتا ہے کہ گذشتہ چار ہفتوں میں اوسطاً چار ہزار متاثرین سامنے آئے ہیں۔
گذشتہ ہفتے یہ تعداد سب سے زیادہ 6130 متاثرین کی تھی اور اسی ہفتے سب سے زیادہ، 171 اموات بھی ہوئیں۔
5 مئ 2020بریکنگ, پاکستان کی تازہ ترین صورتحال کیا ہے؟
پاکستان میں کورونا وائرس کے متاثرین کی تعداد 22 ہزار 242 ہوگئی ہے اور اب تک اس مرض سے ملک بھر میں 514 افراد ہلاک ہو چکے ہیں۔
سب سے زیادہ ہلاکتیں صوبہ خیبر پختونخوا میں ہوئی ہیں جہاں اس مرض نے 194 افراد کی جان لی ہے۔
متاثرین کی تعداد کے اعتبار سے سب سے زیادہ متاثر صوبہ سندھ ہے جہاں آٹھ ہزار 189 مریض ہیں۔
ملک بھر میں کورونا سے صحتیاب ہونے والے افراد کی تعداد پانچ ہزار 860 ہے۔
5 مئ 2020احساس پروگرام: مستحقین کے اندراج کے لیے نادرا کی گاڑیاں متحرک
غربت کے خاتمے اور سماجی تحفظ پر وزیرِ اعظم کی معاونِ خصوصی ثانیہ نشتر نے کہا ہے کہ نادرا نے احساس ایمرجنسی کیش پروگرام کے لیے مستحق افراد کے اندراج کی خاطر اپنی موبائل رجسٹریشن وینز متحرک کر دی ہیں۔
انھوں نے اپنے ایک ٹوئٹر پیغام میں کہا کہ لاہور اور حافظ آباد میں احساس ایمرجنسی کیش کیمپ سائٹس پر کاؤنٹرز کی تعداد بڑھا دی گئی ہے تاکہ ہجوم اکٹھا نہ ہو اور عوام کی صحت اور تحفظ کو یقینی بنایا جا سکے۔
X پوسٹ نظرانداز کریں, 1
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام, 1
اس کے علاوہ انھوں نے لکھا کہ پروگرام کے تحت رقم حاصل کرنے والے افراد کے لیے ماہِ رمضان کے پیشِ نظر قصور، صحبت پور، سرگودھا اور لاہور کی ضلعی انتظامیہ نے بیٹھنے کے خصوصی انتظامات کیے گئے ہیں۔
ڈاکٹر نشتر نے مزید کہا کہ بایومیٹرک نظام کو پورے ملک تک پھیلا دیا گیا ہے تاکہ ایک کروڑ 20 لاکھ گھرانوں کو 12 ہزار روپے کی رقم دی جا سکے۔
X پوسٹ نظرانداز کریں, 2
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام, 2
5 مئ 2020یہ ہمارے لیے ’میک ان پاکستان‘ پالیسی پر عمل کرنے کا سنہری موقع ہے: عبدالرزاق داؤد
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
5 مئ 2020وزیرِ اعلیٰ بلوچستان: صوبائی کمانڈ اینڈ آپریشن سینٹر کورونا کے بعد بھی کام جاری رکھے گا
وزیرِ اعلیٰ بلوچستان جام کمال خان نے آج صوبائی کمانڈ اینڈ آپریشن سینٹر کا دورہ کیا جہاں انھیں سینٹر کے حکام کی جانب سے بریفنگ دی گئی۔
اس موقع پر وزیرِ اعلیٰ کو آگاہ کیا گیا کہ کمانڈ اینڈ آپریشن سینٹر وزیرِ اعلیٰ کی ہدایات کے مطابق کام کر رہا ہے اور اس میں مختلف شعبوں اور تدریسی حلقوں سے بھی خدمات حاصل کی جا رہی ہیں۔
جام کمال خان نے بتایا کہ کورونا وائرس کے خاتمے کے بعد بھی یہ سینٹر اپنا کام جاری رکھے گا، اور کسی بھی ہنگامی طور پر توجہ طلب صورتحال سے نمٹنے اور اس کے بارے میں حکمتِ عملی تیار کرنے کے لیے ایک تھنک ٹینک کے طور پر کام کرے گا۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
5 مئ 2020انڈیا میں پھنسے ہوئے 193 پاکستانیوں کی براستہ واہگہ واپسی
،تصویر کا ذریعہGetty Images
انڈیا میں پھنسے ہوئے پاکستانیوں میں سے آج 193 افراد واہگہ اٹاری سرحد کے ذریعے پاکستان واپس پہنچ گئے ہیں۔
ریڈیو پاکستان کے مطابق یہ پاکستانی انڈیا کی مختلف ریاستوں میں گذشتہ کئی ہفتوں سے کورونا وائرس کے سبب لاک ڈاؤن کی وجہ سے پھنسے ہوئے تھے۔
5 مئ 2020کورونا کی صورتحال پر پاکستانی اور اومانی وزرائے خارجہ کے درمیان ٹیلیفونک رابطہ
،تصویر کا ذریعہGetty Images
پاکستان کے وزیرِ خارجہ شاہ محمود قریشی اور اومان کے وزیرِ خارجہ یوسف بن علاوی بن عبداللہ کے درمیان ٹیلیفونک رابطہ ہوا ہے جس میں دونوں رہنماؤں نے کورونا وائرس سے جنم لینے والی صورتحال اور اس کے اثرات پر باہم گفتگو کی ہے۔
ریڈیو پاکستان کے مطابق شاہ محمود قریشی نے اومان کی جانب سے وائرس کے پھیلاؤ کو روکنے کے لیے کیے گئے اقدامات کو سراہا۔
پاکستانی وزیرِ خارجہ نے انھیں پاکستان میں وبا کی تازہ ترین صورتحال اور اس چیلنج سے نمٹنے کے لیے کیے گئے حکومت اقدامات سے بھی آگاہ کیا۔
انھوں نے اومان سے پاکستانی شہریوں کی واپسی پر وہاں کی حکومت کا شکریہ بھی ادا کیا۔
5 مئ 2020خیبر پختونخوا: تمام حکام اور افسران ڈیوٹی پر واپس طلب
صوبہ خیبر پختونخوا کی وزارتِ داخلہ نے ان تمام افسران اور حکام کو واپس ڈیوٹی پر طلب کر لیا ہے جنھیں کورونا وائرس کے خدشے کے پیشِ نظر چھٹیاں دی گئی تھیں۔
صوبائی سیکریٹری داخلہ کے جاری کردہ حکمنامے میں کہا گیا ہے کہ 17، 18، اور 19 مارچ کو جاری کیے گئے چھٹیوں کے حکمنامے منسوخ کیے جا رہے ہیں، اور تمام اہلکاروں کو ہدایت دی جاتی ہے کہ وہ فوراً اپنی ڈیوٹی پر حاضر ہوں۔

بہترین لاک ڈاؤن کو وفاقی حکومت نے سبوتاژ کردیا: بلاول

لائیو کوریج

6 مئ 2020افغان باشندوں کی وطن واپسی کے لیے طورخم گیٹ آج کھولا جا رہا ہے

6 مئ 2020کورونا وائرس: کیا امیر ممالک کووڈ 19 کی ویکسین کی ’ذخیرہ اندوزی‘ کر سکتے ہیں؟

6 مئ 2020بریکنگ, پاکستان میں پہلی مرتبہ ایک دن میں 10 ہزار سے زائد کورونا وائرس ٹیسٹ

6 مئ 2020قومی رابطہ کمیٹی کے اجلاس میں لاک ڈاؤن میں نرمی کے حوالے سے فیصلہ آج متوقع

6 مئ 2020لاک ڈائون میں نرمی کے لیے سفارشات تجویز

6 مئ 2020پاکستان میں اموات میں فی 100 اضافہ

6 مئ 2020صوبہ پنجاب میں گذشتہ پانچ روز میں 50 اموات

6 مئ 2020بریکنگ, پاکستان میں ایک دن میں سب سے زیادہ 40 اموات، 1049 نئے مریض

6 مئ 2020پاکستان میں آج کیا ہو رہا ہے؟

6 مئ 2020’کورونا کے خطرے کے باوجود وہ اپنے مریضوں کی خدمت کرتے رہے‘

6 مئ 2020خیبر پختون خوا میں کورونا وائرس سے سب سے زیادہ ہلاکتیں

6 مئ 2020پاکستان میں اب تک کتنے ٹیسٹس ہوئے ہیں؟

6 مئ 2020پاکستان میں گذشتہ چار ہفتوں میں اوسطاً چار ہزار فی ہفتہ کووڈ 19 متاثرین کی شناخت ہوئی

5 مئ 2020بریکنگ, پاکستان کی تازہ ترین صورتحال کیا ہے؟

5 مئ 2020احساس پروگرام: مستحقین کے اندراج کے لیے نادرا کی گاڑیاں متحرک

5 مئ 2020یہ ہمارے لیے ’میک ان پاکستان‘ پالیسی پر عمل کرنے کا سنہری موقع ہے: عبدالرزاق داؤد

5 مئ 2020وزیرِ اعلیٰ بلوچستان: صوبائی کمانڈ اینڈ آپریشن سینٹر کورونا کے بعد بھی کام جاری رکھے گا

5 مئ 2020انڈیا میں پھنسے ہوئے 193 پاکستانیوں کی براستہ واہگہ واپسی

5 مئ 2020کورونا کی صورتحال پر پاکستانی اور اومانی وزرائے خارجہ کے درمیان ٹیلیفونک رابطہ

5 مئ 2020خیبر پختونخوا: تمام حکام اور افسران ڈیوٹی پر واپس طلب