کورونا: ’جمعرات سے احساس پروگرام کا آغاز، 20 لاکھ خاندانوں کی مالی امداد‘

پاکستان میں کورونا وائرس کے نئے مریضوں کی تعداد میں تیزی سے اضافہ جاری ہے اور ملک میں متاثرین کی مجموعی تعداد چار ہزار سے بڑھ گئی ہے جبکہ اموات کی تعداد 60 ہے۔

لائیو کوریج

6 اپريل 2020ازبکستان میں پھنسے پاکستانیوں کی وطن واپسی, عملے سمیت 147 افراد کی واپسی، مسافروں کو ہوٹلوں میں ٹھیرایا جائے گا جہاں ان کے ٹیسٹ ہوں گے
،تصویر کا ذریعہSyed Ansar Mahdi
وسطی ایشیا کے ملک ازبکستان میں پھنسے پاکستانیوں کو وطن واپس لانے کے لیے قومی ائیر لائنز کا ائیر بس طیارہ پی کے9812 استعمال کیا گیا جس کی مدد سے عملے سمیت 147 افراد واپس پاکستان لوٹنے میں کامیاب ہوئے۔
یاد رہے کہ ازبکستان پی آئی اے کے روٹس میں شامل نہیں ہے اور مارچ کی 15 تاریخ سے فضائی آپریشن معطل ہیں۔
واپس آنے والے مسافروں کو اسلام آباد کے مختلف ہوٹلوں میں رکھا جائے گا جہاں ان کے کووڈ 19 کی تشخیص کے ٹیسٹ کیے جائیں گے۔
،تصویر کا ذریعہSyed Ansar Mahdi
،تصویر کا ذریعہSyed Ansar Mahdi
6 اپريل 2020بریکنگ, صوبہ سندھ میں 60 فیصد مریض 19 سے 50 برس کے درمیان: عالمی ادارہ صحت
عالمی ادارہ صحت کے پاکستان چیپٹر کی جانب سے پانچ اپریل کو جاری کی گئی رپورٹ کے مطابق صوبہ سندھ میں 60 فیصد مریضوں کی عمر 19 اور 50 برس کے درمیان تھی جوکہ 26.8 مریض 50 برس سے زیادہ عمر کے تھے۔
ایسی ہی صورتحال پورے ملک میں بھی نظر آئی ہے۔ حکومتی اعداد و شمار کے مطابق مجموعی طور پر پاکستان میں 38 فیصد مریض 20 سے 40 برس کے درمیان ہیں۔
،تصویر کا ذریعہWHO
6 اپريل 2020کوئٹہ میں ڈاکٹرز، طبی عملے کا حفاظتی سامان نہ ہونے پر احتجاج، پولیس کارروائی سے ’100 کے قریب ڈاکٹر گرفتار‘, شہر میں دفعہ 144کی خلاف ورزی پر ڈاکٹروں اور پیرا میڈیکس کی گرفتاری عمل میں لائی گئی: حکام
کوئٹہ میں ینگ ڈاکٹرز ایسوسی ایشن کے زیر اہتمام ڈاکٹروں اور پیرا میڈیکس نے حفاظتی کٹس کی عدم فراہمی اور ڈاکٹروں کے دو بڑے ہسپتالوں سے ’بلاجواز ٹرنسفر‘کے خلاف وزیراعلی ہاؤس کی جانب ریلی نکالی۔
تاہم جب ریلی کے شرکا ٹی اینڈ ٹی چوک پر تو وہاں سے ان کو آگے جانے نہیں دیا گیا جس پر انھوں نے وہاں دھرنا دیا ۔
پولیس حکام نے ڈاکٹروں اور پیرا میڈیکس کو احتجاج ختم کرنے اور وہاں سے جانے کے لیے کہا لیکن انھوں نے بات نہیں مانی جس پر پولیس اہلکاروں نے ڈاکٹروں کے خلاف کارروائی شروع کر دی۔
ینگ ڈاکٹر ایسوسی ایشن کے ترجمان ڈاکٹر رحیم بابر کے مطابق ڈاکٹروں کے پاس حفاظتی کٹس نہیں ہے جس کا اندازہ اس سے لگایا جاسکتا ہے کہ وہاں اب تک 13 ڈاکٹر کورونا سے متائثر ہوئے ہیں۔
انھوں نے الزام لگایا کہ ڈاکٹروں کو دو بڑے ہسپتالوں، بولان میڈیکل کمپلیکس ہسپتال اور سول ہسپتال سے ’بلا جواز ٹرانسفر کیا جارہا ہے۔‘
ترجمان نے مزید الزام لگایا کہ ان کی ریلی پر امن تھی مگر پولیس نے لاٹھی چارج کی جس سے متعدد ڈاکٹرز زخمی ہوئے جبکہ ینگ ڈاکٹرز ایسوسی ایشن کے صدر یاسر اچکزئی اور جنرل سیکرٹری حنیف کو بھی حراست میں لیا گیا ہے۔
6 اپريل 2020پاک فضائیہ کا سی 130 طیارہ امدادی سامان لے کر کوئٹہ پہنچ گیا
،تصویر کا ذریعہPAF
پاکستان فضائیہ کا سی 130 طیارہ بلوچستان کی عوام کے لیے طبی اور امدادی سامان لیکر پی اے ایف بیس سمنگلی (کوئٹہ) پہنچ گیا۔ نمبر 6 اسکواڈرن کا طیارہ پیر کو پی اے ایف بیس نور خان سے روانہ ہوا تھا۔
طیارے کے ذریعے تقریباً 11000 پاؤنڈ طبی سامان کوئٹہ پہنچایا گیا جس میں این 95 ماسکس ، حفاظتی لباس ، دستانے ، ٹیسٹنگ کٹس اور ادویات شامل ہیں۔
6 اپريل 2020بریکنگ, سندھ میں گذشتہ 24 گھنٹوں میں 130 مریض صحتیاب، کل متاثرہ مریض 932, پاکستان بھر میں متاثرہ مریضوں کی تعداد 3520، جبکہ مجموعی اموات 52 ہو گئی ہیں
6 اپريل 2020کراچی کے ضلع وسطی کے مختلف مقامات پر کورونا وائرس سے بچاؤ کے لیے سپرے
،تصویر کا ذریعہKMC
کراچی میں شہری انتظامیہ شہر کے ضلع وسطی کے مختلف مقامات پر کورونا وائرس کے خطرے کے پیش نظر فائر بریگیڈ کی مدد سے ڈس انفیکٹنٹ سپرے کیا۔
،تصویر کا ذریعہKMC
،تصویر کا ذریعہKMC
6 اپريل 2020پاکستان میں پھنسے افغان شہریوں کے لیے چمن بارڈر کھول دیا گیا, صوبہ بلوچستان میں چمن بارڈر پر سرحد نو اپریل تک کھلی رہے گی
،تصویر کا ذریعہNoor Zaman Achakzai
حکومت پاکستان کی جانب سے افغانستان کے اُن شہریوں کے لیے سرحد کو کھول دیا گیا جو کورونا وائرس کے پیش نظر سرحد کی بندش کے باعث پاکستان میں پھنس گئے تھے ۔
حکومت پاکستان کے فیصلے کے مطابق دونوں ملکو کے درمیان سرحد نو اپریل تک کھلی رہے گی ۔ نامہ نگار محمد کاظم کے مطابق چمن میں سرحد کو یکطرفہ طور پر پیدل جانے والوں کے لیے کھول دیا گیا ہے۔
سرحد عبور کرنے کے لیے افغان شہریوں کی بڑی تعداد افغانستان جانے کے لیے چمن میں زیرو پوائنٹ پر پہنچی ہے جن میں خواتین ، بچے ، ضعیف اور بیمار افراد بھی شامل ہیں ۔
،تصویر کا ذریعہNoor Zaman Achakzai
6 اپريل 2020بریکنگ, پنجاب میں کورونا کے مریضوں میں مزید اضافہ، کل تعداد 1684 تک پہنچ گئی, پاکستان بھر میں کورونا سے متاثرہ مریضوں کی تعداد 3468 ہو چکی ہے
صوبائی حکومت کی جانب سے جاری کی گئی پریس ریلیز کے مطابق پنجاب میں کورونا وائرس کے مصدقہ مریضوں کو انتظامی لحاظ سے چار درجوں میں تقسیم کیا گیا ہے۔ ترجمان کے مطابق مریضوں کو زائرین، تبلیغی ارکان، قیدی اور عام شہریوں کی درجہ بندی میں رکھا گیا ہے۔
- عام شہری - 651
- تبلیغی جماعت کے ارکان - 503
- زائرین - 481
- قیدی - 49
واضح رہے کے پنجاب میں اب تک 15 اموات ہوئی ہیں۔
،تصویر کا ذریعہGovt of Punjab
6 اپريل 2020مراد علی شاہ: لاک ڈاؤن جلدی کیا جاتا تو جانیں بچ سکتی تھیں
6 اپريل 2020'چھٹیوں کے دوران پنجاب کے تمام سکولوں کی فیس 20 فیصد کم‘
پنجاب کے وزیر اعلی عثمان بزدار نے ٹوئٹر پر پیغام جاری کیا جس میں انھوں نے کورونا وائرس کے باعث پنجاب میں بند ہونے والے سکولوں کو ہدایت دی ہے کہ چھٹیوں کے دوران تمام سکولوں کی فیسیں 20 فیصد کم کر دی گئی ہیں۔ انھوں نے مزید کہا کہ اس عرصے میں سکول کے کسی بھی عملے کو نوکری سے نکالنے کی اجازت نہیں دی جائے گی۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
6 اپريل 2020وزیر اعلی پنجاب پیر کو نئی بی ایس ایل تھری لیب کا افتتاح کریں گے, جدید لیب میں روزانہ دو ہزار ٹیسٹس کرنے کی صلاحیت ہوگی
وزیر اعلیٰ پنجاب عثمان بزدار پیر کو بی ایس ایل تھری لیب کا افتتاح کریں گے جس میں کورونا وائرس کی تشخیص کرنے کے ٹیسٹں کیے جا سکیں گے۔ اس لیب میں روزانہ دو ہزار ٹیسٹس کرنے کی صلاحیت ہوگی۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
6 اپريل 2020بی بی سی اردو کا خصوصی کورونا بلیٹن دیکھیے
6 اپريل 2020پاکستان میں ایک دن میں تقریباً چار سو نئے مریضوں کی تشخیص, 24 گھنٹوں میں سب سے زیادہ مریضوں میں اضافے کا نیا ریکارڈ
،تصویر کا ذریعہCovid.org.pk
گذشتہ ایک ہفتے سے پاکستان میں کورونا وائرس کے اوسطً دو سو مریضوں کی شناخت ہو رہی تھی جس میں سب سے زیادہ اضافہ تین اپریل کو نظر آیا تھا جب ملک بھر میں 258 مریض سامنے آئے تھے۔
لیکن پانچ اپریل کو نیا ریکارڈ قائم ہو گیا جب ملک بھر سے 397 نئے مریضوں کی شناخت ہوئی ہے۔
ملک بھر میں تازہ ترین اعداد و شمار کے مطابق کل 3277 مریضوں کی شناخت ہوئی ہے۔
،تصویر کا ذریعہcovid.org.pk
6 اپريل 2020پاکستان میں اب تک کووڈ سے متاثر ہونے والے افراد عمر کے کس حصے میں ہیں؟
،تصویر کا ذریعہCovid.org.pk
حکومت پاکستان کی جانب سے جاری کیے گئے اعداد و شمار کی روشنی میں یہ نظر آتا ہے کہ پانچ اپریل تک ملک میں 19.62 فیصد مریض 20 سے 29 برس کے درمیان ہیں جس میں سے 14 فیصد مریض مرد ہیں۔ جبکہ 30 برس سے 39 برس کے مریضوں کا تناسب تقریباً 19 فیصد ہے جس کا مطلب ہے کہ ملک بھر میں تقریباً 38 فیصد مریض 20 سے 40 برس کے ہیں۔
6 اپريل 2020کلوروکوین اور دیگر ادویات کا استعمال کوویڈ 19 کے خلاف کتنا مؤثر ہے؟
،تصویر کا ذریعہGetty Images
امریکی صدر ڈونلڈ ٹرمپ حالیہ دنوں میں متعدد بار ’کلوروکوین‘ نامی دوا کی تعریف کرتے نظر آئے ہیں اور اسے کورونا وائرس کے خلاف جنگ میں موثر علاج کے طور پر پیش کر رہے ہیں لیکن کیا ان ک یہ دعوی درست ہے؟ امریکی ادارے برائے خوراک اور ادویات ایف ڈی اے نے کلوروکوین فاسفیٹ کو کوویڈ 19 کے علاج کے لیے تاحال منظور نہیں کیا ہے۔ ان کا کہنا ہے کہ اس کا استعمال ’تجرباتی طور پر جاری ہے کیونکہ ہمیں نہیں معلوم کہ یہ کوویڈ 19 کے خلاف مدافعت رکھتی ہے یا نہیں۔‘
ہمارے ساتھ عمر دراز ننگیانہ نے اس سلسلے میں ان پاکستانی ڈاکٹرز نے سے بات کی جو کلوروکوین فاسفیٹ سمیت دیگر دو ادویات کے کوویڈ 19 کے مریضوں پر کلینیکل ٹرائلز کرنے کی تیاری مکمل کر چکی ہے۔ تفصیل جاننے کے لیے یہاں کلک کریں۔
6 اپريل 2020پاکستان ریلوے کو ایک ارب روپے کے خسارے کا سامنا ہے: شیخ رشید
،تصویر کا ذریعہGetty Images
پاکستان ریلویز کو لاک ڈاؤن کے باعث ایک ارب روپے کے خسارے کا سامنا ہے: شیخ رشید
برائے ریلوے شیخ رشید نے ایک نجی ٹی وی چینل سے بات کرتے ہوئے بتایا کہ وہ اپریل کی 14 تاریخ کو جائزہ لیے گے کہ آیا ریلوے سروس کو دوبارہ بحال کیا جائے یا نہیں۔
پاکستان ریڈیو کے مطابق وفاقی وزیر نے کہا کہ اس معطلی سے ریلویز کو ایک ارب روپے تک کے نقصان کا سامنا ہے۔ واضح رہے کہ گذشتہ ماہ حکومت نے کورونا وائرس کے خطرے کے پیش نظر ریلوے سروس کو معطل کر دیا تھا۔
6 اپريل 2020بریکنگ, پاکستان میں کورونا وائرس سے متاثرین کی تازہ ترین صورتحال, کل مریض 3277، اموات 50
6 اپريل 2020بریکنگ, پنجاب میں مصدقہ مریضوں کی تعداد میں اضافہ، کل مریض 1493
صوبہ پنجاب کے وزیر اعلی عثمان بزدار نے پیر کی صبح ٹویٹ کے ذریعے صوبے میں کورونا وائرس متاثرین کی تعداد میں اضافے کی خبر دی اور اب پنجاب بھر میں 1493 مصدقہ مریض سامنے آئے ہیں۔ ان میں سے 842 کو قرنطینہ میں رکھا گیا ہے جن میں سے 309 زائرین، 484 تبلیغی جماعت کے مبلغین اور 49 کیسز جیل کے ہیں جبکہ باقی651 کیسز مختلف اضلاع میں ہیں۔
پنجاب کے دیگر اضلاع میں کورونا کے مریضوں کی تعداد:
·لاہور میں 290 ·ننکانہ صاحب میں 13 ·قصور میں 8 ·جہلم میں 30 ·راولپنڈی میں 58 ·سیالکوٹ میں 17 ·گجرانوالہ میں 32 ·نارو وال میں 5 ·گجرات میں 93 ·حافظ آباد میں 6 ·منڈی بہاؤ الدین میں 14 ·ملتان میں 4 ·وہاڑی میں 9 ·فیصل آباد میں 15 ·چنیوٹ میں 6 ·ٹوبہ ٹیک سنگھ میں 2 ·رحیم یار خان میں 3 ·سرگودھا میں 5 ·میاں والی میں 3 ·بہاول نگر میں 9 ·بہاولپور میں 3 ·لودھراں میں 3 ·ڈیرہ غازی خان میں 18 ·لیہ، اوکاڑہ، اٹک، خوشاب اور شیخوپورہ میں ایک، ایک مریض اب تک سامنے آئے ہیں
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
6 اپريل 2020گجرات پنجاب میں کورونا مریضوں کا دوسرا بڑا گڑھ
،تصویر کا ذریعہGetty Images
پاکستانی صوبہ پنجاب کا دارالحکومت لاہور جہاں پر کورونا کی تعداد ایک ہزار کے قریب پہنچ چکی ہے تو آبادی کے لحاظ سے ملک کے سب سے بڑے صوبے پنجاب کا وسطی شہر گجرات کورونا کے مریضوں کا دوسرا بڑا گڑھ بن چکا ہے۔
مکمل خبر پڑھیے: پنجاب میں کورونا کے دوسرے بڑے گڑھ گجرات میں مریضوں کا سراغ کیسے لگایا جا رہا ہے؟
6 اپريل 2020کورونا: ’جمعرات سے احساس پروگرام کا آغاز، 20 لاکھ خاندانوں کی مالی امداد‘