ዋንጫ ዓለም 2026

ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

እዚ ዕለት፡ ብመሰረቱ ልደተ ክርስቶስ (በዓለ እግዚኣብሄር) ንምጽንባል እዩ ዝበዓል። ዝበዝሕ ህዝቢ ዓለም ብ25 ታሕሳስ ክጽምብሎ እንከሎ፡ ኢትዮጵያን ኤርትራን ዝርከብአን ውሑዳት ሃገራት ድማ ብ7 ጥሪ የብዕላኦ። ብግእዝ ድማ ኣብ ሰለስተ ዘመናት ብ29 ታሕሳስ፣ ኣብ ዘመነ ዮሃንስ ድማ ብ28 ታሕሳስ ይውዕል።

ዝኽሪ ልደት ኣብ ቈልዑን መንእሰያትን ቀደም

መብዛሕትኡ ክፋል ዓለም በዓል ልደት 25 ታሕሳስ ዘኽበረ እኳ እንተዀነ፡ ኣስታት 200 ሚሊዮን ኣመንቲ ኦርቶዶክስ ክርስቲያን ግን በዓል ልደት ሎሚ 7 ጥሪ ወይ 29 ታሕሳስ 2017 [ኣ.ግ] እዮም ዘኽብሩ።

ኣከባብራ በዓል ልደት ኦርቶዶክስ ክርስቲያን ኣብ ዝተፈላለያ ሃገራት -  ብስእሊ

ኣብ ቤት ትምህርቲ ካልኣይ ደረጃ ኣክሱም፡ ኣብ ልዕሊ ሕጃብ ዝኽደና ደቀንስትዮ ኣስላም ብዝተነብረ ክልከላ ዝተፈጥረ ኵነታት ንኽፍታሕ ክቐርብ ዝጸንሐ ሕቶታት ኣብ ውሽጢ ሰለስተ መዓልታት ፍታሕ ክረክብ ቤት ምኽሪ እስላማዊ ጉዳያት ትግራይ ጸዊዑ።

ትግራይ፡ ክልከላ ሕጃብ ደቀንስትዮ ተምሃሮ 'ኣብ ሰለስተ መዓልቲ' ክፍታሕ መጸዋዕታ ቀሪቡ

ኤፍ.ቢ.ኣይ ነቲ መጥቃዕቲ ዝፈጸመ ወዲ 42 ዓመት ሻምሱድ-ዲን ጃባር - ገዲም ኣባል ሰራዊት - ካብ ቴክሳስ ዝመጽአ ኣመሪካዊ ከም ዝዀነ'ዩ ዝሕብር።

ኣመሪካ፡ ብእስላማዊ ጕጅለ ተደፋፊኡ 15 ሰባት ቀቲሉ ብዛዕባ ዝተባህለ ውልቀሰብ እንታይ ንፈልጥ?

"ኣብታ ብኲናት ዝተሃስየት ዩክረይን ድምጺ ኣጽዋር ይህዳእ" ክብሉ ነቶም ኣብ ቅርዓት ቅዱስ ጴጥሮስ ዝተኣከቡ ኣሽሓት ምእመናን መግለጺ ዝሃቡ እቶም ወዲ 88 ዓመት ርእሰ ሊቃነ ጳጳሳት፡ ንኻልኦት ግጭታት ዓለም እውን ጠቒሶም እዮም።

ጳጳስ ፍራንሲስ፡ ማዕጾ ዘተን ሰላምን ንምኽፋት 'ትብዓት የድሊ' 

ሊቀ ጳጳስ ብፁዕ አቡነ ባስልዮስ ሎሚ ኣብ ርእሰከተማ ኣስመራ ኣብ ዝተኻየደ ጉባኤ ምርጫ ሲኖዶስ'ዮም ዝለዓለ ድምጺ ብምርካብ ነቲ ጥርሑ ዝጸንሐ መንበረ ፓትሪያርክ ክርከቡ ተሓርዮም ዘለዉ። መበል ሓሙሻይ ፓትሪያርክ ዝነበሩ ኣቡነ ቄርሎስ ቀዳማዊ  ኣብ ፈለማ ታሕሳስ 2022 ኣብ መበል 96 ዓመቶም ከምዝዓረፉ ይዝከር። 

ኤርትራ፡ መበል 6ይ ፓትሪያርክ ኦርቶዶክስ ተመሪጾም

ሻዱሻይ ፓትርያሪክ ኦርቶዶክሳዊት ተዋህዶ ቤተ ክርስትያን ሎሚ ክምረጽ ምዃኑን፡ ነዚ መስርሕ ምርጫ ንምዕዛብ ብፖፕ ኤለክሳንድርያ ፓትሪያሪክ መንበረ ማርቆስ ፓፕ ቴዎድሮስ ካልኣይ ዝተወከሉ ልኡኻን ቅዱስ ሲነዶስ ኦርቶዶክስ ቤተ ክርስትያን ግብጺ'ውን ናብ ትማሊ ናብ ኣስመራ ከምዝኣተወ ወግዓዊት መርበብ ሓበሬታ ኦርተሮዶክስ ተዋህዶ ቤተ ክረስትያን ኤርትራ ሓቢራ።

ኤርትራ፡ መስርሕ ምርጫ ፓትርያሪክ ተዋህዶ ቤተ ክርስትያን ንምዕዛብ ጳጳስ ኤለክሳንድርያ ኣስመራ ኣቲዮም

እቲ ገንዘብ ንህንጸት መንበሪ ገዛ ካህናትን ንመዘምራን ዝኸውን ህያብን ተባሂሉ ብሰንበት ኣብ ርእሰ ከተማ ናይሮቢ ኣብ ዝርከብ ካቶሊካዊት ቤተክርስትያን ሶዌቶ ኣብ ዝተኻየደ ሰበኻ ጕባኤ እዩ ወግዓዊ ኰይኑ።

ካቶሊካዊት ቤተክርስቲያን ኬንያ፡ ፕረዚደንት ንዘቕረበላ ህያብ 40 ሽሕ ዶላር ስለምንታይ ነጺጋ?

ቅዱስ ኣቡነ እንጠንዮስ ሳልሳይ ፓትሪያርክ ኤርትራ፡ ካብ ሕጊ ቤተ-ክርስትያን ወጻኢ ኣብ 2006 ካብ መዓርገ ፓትሪያርክነት ተኣልዮም፤ ንልዕሊ 15 ዓመታት ኣብ ማሕዩር እንከለው ኣብ መጀመርታ ለካቲት 2022 ከም ዝዓረፉ ይዝከር።

ኤርትራ፡ ቅዱስ ሲኖዶስ 6ይ ፓትሪያርክ ክሸይም ከምዝመደበ ኣፍሊጡ

ዶ/ር ሳልማን ዳያሕ ከምዝብሎ፡ ኣብ ልዕሊ ነበርቲ ቓዛ ዝወረደ ሰባዊ ጉድኣት፡ ከምኡ'ውን ኣብ ሲቪላዊ ትሕቲ-ቅርጺ ዝወረደ ሰፊሕ ዕንወትን ሰብኣዊ ቅልውላውን ኣብ ግምት ብምእታው መጥቃዕቲ 7 ጥቅምቲ ምስ መልእኽቲ እስላም ዝጻረር እዩ። 

ንመጥቃዕቲ ሓማስ ዝዀነነ 'ፋትዋ' ፍሉጥ ምሁር እስልምና ኣብ ቓዛ

ኣብቲ ብቐዳም ኣብ ማሕበራዊ መራኸቢታት ዝተዘርግሐ ቪድዮ፡ ክዳና ኣውጺኣ ምታንቲን መትሓዚ ጡብን ጥራይ ገይራ ኣብ ደረጃ ኮፍ ኢላ ትርአ።
ጸኒሓ ድማ ኣብ ቀጽሪ ማእከል ሳይንስን ምርምርን ዩኒቨርሲቲ ቴህራን እስላሚክ ኣዛድ፡ ብህድኣት ክትንቀሳቐስ ተራእያ።

ኢራን፡ ማእሰርቲ ናይታ ኣብ ቀጽሪ ዩኒቨርሲቲ ክዳና ዘውጸአት ተምሃሪት ቍጠዐ ኣልዒሉ

ሓደ እዋን እቲ ደራሲ “ዋላ ሓንቲ ክገብር ስለዘይክእል እየ ዝጽሊ፤ ልበይ ስለ ዝተሰብረ እየ ዝጽሊ። ክጽሊ እየ፤ ምኽንያቱ ደቂሰ ይኹን ነቒሐ ከምኡ ምግባር ኣገዳሲ ምዃኑ ወትሩ ናብ ውሽጠይ ስለዝመላለስ። (ጸሎት) ንፈጣሪ ኣይቅይሮን፤ ነዓይ ግን ይቕይረኒ እዩ” ኢሉ ነይሩ።


ክንጽሊ እንከለና ኣብ ሓንጐልና እንታይ ይፍጠር?

ሲኖዶስ እታ ቤተ-ክርስትያን፡ እቲ ኣመለኻኽታ ሕድሕድ ካቶሊካዊ ዝልከዐሉ ኣብ ኣርባዕተ ዓመት ሓደ ግዘ ዝሳለጥ ጉባኤ ዛዚሙ ኣሎ።

ካቶሊካዊት ቤተ-ክርስትያን፡ ደቂኣንስትዮ ካህናት ንምግባር ዝወጠነቶ ተቓውሞ ገጢሙዎ

ኣብ ናይጀርያ ንዝዀነ ሰብ ጠንቋሊ ወይ ሓይሊ ጥንቆላ ኣለዎ ኢልካ ምኽሳስ ወይ ክኸስስ ምፍርራሕ ገበን እዩ። ናይ ክልተ ዓመት ማእሰርቲ ድማ ዘፍርድ ገበን እዩ። ይዅን እምበር፡ ምኽሳስን ምፍራድን ሳሕቲ እዩ ዝርአ።

ንጥንቆላ ዝሕለቕ ምሁር ብዛዕባ ዕላማኡ እንታይ ይብል?

ኣፍሪቃ ኣብዚ ሰሙን ከመይ ትመስል ነይራ? ዝመረጽናልኩም ብሉጻት ኣሳእል እታ ኣህጉር ነዞም ዝስዕቡ ይመስሉ።

ካብ ኢሬቻ ክሳብ ዕደና ወርቂ፡ ሕሩያት ኣሳእል ኣፍሪቃ

ዓለም-ለኸ ኢዲተር ቢቢሲ ጀረሚ ቦወን፡ ኣትሪሩ ዝሓተቶ ምክትል መራሒ ሓማስ ካሊል ኣል-ሃያ፡ ኣብ ዝሓለፈ ዓመት ብ7 ጥቅምቲ ኣብ ዝተፈጸመ መጥቃዕቲ፡ ዕጡቓት ሓማስ ንሰላማውያን ሰባት ዒላማ ምግባሮም ዝቐርብ መርትዖ’ውን ነጺጉ።

ምክትል መራሒ ሓማስ ምስ ቢቢሲ ዘካየዶ ፍሉይ ቃለመሐትት 

ኤርትራ፡ ምስልታት ጽንብል በዓል መስቀል

ኣብ ዝተፈላለዩ ከባቢታት ኤርትራን ኢትዮጵያን ዝርከቡ ምእመናን ተዋህዶን ካቶሊክን ካብ ዘኽብርዎም ዓበይቲ ሃይማኖታዊ በዓላት ሓደ በዓል መስቀል እዩ። ንምዃኑ መስቀል እንታይ እዩ? ብኸመይ’ከ ክኽበር ጀሚሩ? ግማደ-መስቀል እየሱስ ኣብ ኢትዮጵያ ኣሎ ድዩ? ንዝብል ሕቶታት ኣብዚ ዓንቀጽ ክምለስ ተፈቲኑ ኣሎ።

ግማደ-መስቀል እየሱስ ኣብ ኢትዮጵያ ኣሎ ድዩ?

በዓል መስቀል ምስ ምጅማር ኣለሻ እቲ እየሱስ ክርስቶስ ዝተሰቐለሉ ካብ ዕንጸይቲ ዝተሰርሐ መስቀል ተኣሳሲሩ ከምዝኽበር ይግለጽ።

ኢትዮጵያ፡ ውቍባት ኣሳእል በዓል መስቀል

ሕልፍቲ-የማናዊት፣ ዓቃባዊ ትንታነ ውዲት እተሰጉም እያ። ኣብዚ ቅነ፡ ካብ ጎኒ ፕረዝደንት ነበር ዶናልድ ትራምፕ ኣይትጠፍእን።እዚ ጉዳይ ንሓደሓደ ዘሻቕል ኰይኑ ኣሎ። ገለ ኣባላት ሪፓብሊካን እውን፡ በዚ ሕጉሳት  ኣይመስሉን።


ካብ ጐኒ ትራምፕ ዘይትጠፍእ ፀረ-ሙስሊም መርገፂ ዘለዋ ሎራ ሉመር መን’ያ?

ባንኪ ዓለም፡ ብዛዕባ ዓለማዊ ክፍተት ጾታ ኣብ ዘዳለዎ ጸብጻብ፡ ካብተን ዝተሸፈና 146 ሃገራት፡ ኢራን ብመንጽር ስራሕ ምቑጻር ደቂ ኣንስትዮ ኣብ ዝተሓተ ደረጃ ኣቐሚጠዋ ኣሎ።

"በዓል ቤተይ ክሰርሕ ከም ዝፈቕደለይ ብጽሑፍ መርትዖ ከቕርብ ተሓቲተ"

እቶም ርእሰ ሊቃነ ጳጳሳት ንጉዳይ ስደተኛታት ዘይምቕባል ምስ ትራምፕ ብዝተኣሳሰር ብዘምስል ጠቒሶም  "ከቢድ" ሓጢኣት ምዃኑ ተዛሪቦም። ካማላ ሃሪስ ድማ ኣብ ምንጻል ጥንሲ ዘለዋ መርገጺ ምስ "ቅትለት" ኣነጻጺሮምዎ።
ኣቡነ ፍራንሲስ ኣብ ደቡባዊ ምብራቕ ኤስያ ን12 መዓልታት ዝጸንሐ ዑደት ኣብ ዝዛዘሙሉ እዋን ብዓርቢ ኣብ ዝሃብዎ ጋዜጣዊ መግለጺ “ስደተኛታት ዘባረር ይኹን ዕሸላት ዝቐትል ኩሎም ኣንጻር ህይወት ደቂ ሰባት እዮም” ኢሎም።

ካቶሊካውያን ካብ ትራምፕን ሃሪስን ‘ካብቲ ዝኸፍአ ዝሓሸ’ ክመርጹ ጳጳስ ፍራንሲስ ጸዊዖም 

ሎሚ ባሕቲ መስከረም፡ በዓለ ቅዱስ ዮሓንስን ምጅማር ሓድሽ ዓመት ግእዝን እዩ። እብዛ ድርብ ዕለት ውሉደ ክህነት ነታ ዕለት ብዜማን ማህሌትን ጸናጽልን ከበሮን ንበዓለ ቅዱስ ዮሓንስ ይጽምብሉ። ኣመንቲ ክርስትና ሕብረተሰብ ኤርትራን ኢትዮጵያን ከኣ ነታ ዕለት ብተስፋን ፍስሓን ይቕበሉዋ።


ጽምብል ቅዱስ ዮሓንስ ንሰላምን ራህዋን

ምስ ገበናት መሸጣ ሰባትን ጾታዊ ዓመጽን ብዝተሓሓዝ ብሰብመዚ ጸጥታ ኣመሪካን ፊሊፒንስን ክድለ ዝጸንሐ ፍሉጥ ፓስተር ኣብ ቀይዲ ኣትዩ።

ሃይማኖት