Kombe la Dunia 2026: Jinsi BBC inavyoziorodhesha timu zote baada ya mzunguko wa kwanza wa mechi

Mabingwa watetezi Argentina walianza michuano ya Kombe la Dunia kwa ushindi mnono - lakini sio timu bora katika Kombe hili la Dunia kufikia sasa, kulingana na wataalam wetu wa BBC Michezo.

Tumewaleta pamoja waandishi wa habari ambao wametazama mchezo wa ufunguzi wa kila upande.

Na wameziorodhesha timu zote 48 kwenye michuano hiyo, kuanzia ya kwanza hadi ya mwisho.

Je, unakubaliana na maamuzi yao? Tupatie maoni yako.

1-10

1. Ufaransa

Kundi I. Iliifunga Senegal 3-1.

Imefikia sifa iliyopewa kabla ya michuano hasa utendakazi wake katika kipindi cha pili. Uwezo mkubwa katika kila nafasi. Inastahili kupigiwa upatu.

2. England

Kundi L. iliifunga Croatia 4-2.

Ilifunga mabao manne. Wangelifunga mabao zaidi. Uchezaji mzuri wa mashambulizi ukiongozwa na Harry Kane ulichangoa matokeo hayo. Safu yao ya nyuma ililegea kidogo.

3. Argentina

Kundi G. Iliifunga Algeria 3-0.

Wana Lionel Messi na uwepo wake bila shaka unainua timu na mtazamo wake. Inatosha kuwa tatu bora.

4. Ujerumani

Kundi E. Iliishinda Curacao 7-1.

Timu yoyote inayoshinda mabao saba katika mechi yake ya ufunguzi haiwezi kupuuzwa - hata kama timu pinzani haikuwa bora

5. Marekani

Kundi D. Iliishinda Paraguay 4-1.

Haikutarajiwa kuwa miongoni mwa timu katika tano bora. Lakini uchezaji wake mzuri dhidi ya Paraguay umeimiminia sifa kedekede kutoka kwa mashabiki wa nyumbani.

6. Norway

Kundi I. Iliifunga t Iraq 4-1.

Timu ambayo imejengwa karibu na mshambuliaji Erling Haaland na imeundwa kucheza kwa uwezo wake.

7. Colombia

Kundi K. Iliifunga Uzbekistan 3-1.

Timu hii ya inashikiliwa na Luis Diaz. Colombia itazikabili timu nyingi katika michuano hii.

8. Morocco

Kundi C. Sare 1-1 na Brazil.

Ilionekana kana kwamba ingeinyuka Brazil katika dakika 20 za ufunguzi. Lakini hatimaye ilimazia udhia kwa sare katika kipindi cha pili.

9. Brazil

Kundi C. Ilitoka 1-1 na Morocco.

Mwanzo wa kusuasua ulitoacha na maswali ikiwa hii ni Brazil tuliyoijua zamani. Lakini kikosi hicho kilijizatiti na kumaliza mechi bila kushindwa.

10. Sweden

Kundi F. Iliishinda Tunisia 5-1.

Kikosi chao kina washambuliaji wawili matata na kiungo anayepania kufunga mabao wa Ligi Kuu ya England.

11-20

11. Australia

Kundi D. Iliichapa Uturuki 2-0.

Uchezaji wa Pacy ulihakikisha kwamba waliiweka kando timu ya Uturuki ambao, kwenye karatasi, walikuwa wakipewa nafasi kubwa kuelekea kwenye mechi.

12. Uhispania

Kundi H. Sare 0-0 na Cape Verde.

Ni mechi iliwaacha wengi vinywa wazi katika michuano hii kufikia sasa. Lakini ni timu ambayo ina uwezo wa kushinda mechi zake zilizosalia. Itafika mbali.

13. Uholanzi

Kundi F. Sare 2-2 na Japan.

Ingeliishinda mechi yake dhidi ya Japan. Mabao yangelikuwa mengi laiti safu yake ya ulinzi haingetetereka.

14. Mexico

Kundi A. Iliifunga Afrika Kusini 2-0.

Ilionekana kuwa na uwezo mkubwa dhdi ya timu ya Afrika Kusini. Kadi nyekundu ya Cesar Montes ilikuwa pigo.

15. Japan

Kundi F. Sare ya 2-2 na Uholanzi.

Lilikuwa pambano la kuvutia lililoishiwa kwa sare. Lakini tulitarajia mabao zaidi zaidi kutoka kwa Uholanzi.

16. Scotland

Kundi C. Iliichapa Haiti 1-0.

Matokeo mazuri. Utendaji mbaya. Lakini huenda hivyo ndivyo shinikizo la miaka 28 litakavyoathiri timu.

17. Cape Verde

Kundi H. Sare 0-0 na Uhispania.

Timu ya pili ya kila mtu kwenye Kombe la Dunia sasa. Sifa nyingi zinamuendea kipa mkongwe Vozinha kwa uokoaji wa kutia moyo kwa timu yake.

18. Ubelgiji

Kundi G. Sare ya 1-1 na Misri.

Ilihitaji kujifunga ili kupata sare na Mafarao wa Misri. Wametengeneza nafasi nzuri na sasa wameacha nyuma mechi yao ngumu zaidi ya makundi.

19. Misri

Kundi G. Sare ya 1-1 na Ubelgiji.

Walikuwa wanatazamia ushindi wao wa kwanza kabisa wa Kombe la Dunia. Bao la Emam Ashour lilikuwa zuri lakini walitengeneza nafasi chache.

20. Senegal

Kundi I. Ilifungwa 3-1 na Ufaransa.

Hakuna cha aibu kupoteza mechi dhidi ya Ufaransa. Hawakutoa nafasi hadi dakika ya 66 na hata wangelishinda mechi hiyo kama mkwaju wa Nicolas Jackson haukugonga mwamba katika kipindi cha kwanza.

21-30

21. Ureno

Kundi K. Sare ya 1-1 na DR Congo.

Bado wana Cristiano Ronaldo. Na timu ambayo inalemewa na hamu yake ya kuwa sehemu ya kila kitu.

22. Croatia

Kundi L. Walifungwa 4-2 na England.

Alifunga mabao mawili mazuri dhidi ya washambuliaji wakubwa England. Lakini haina safu imara ya ulinzi na anategemea sana nyota wa zamani.

23. DR Congo

Kundi K. Sare ya 1-1 na Ureno.

Ureno ilishtua kwa ulinzi mzuri na uliopangwa. Na walionekana kutisha wakati wa mapumziko.

24. Uswizi

Kundi B. Walitoka Sare ya 1-1 na Qatar.

Kukatishwa tamaa kwa kweli. Imetengeneza nafasi nyingi lakini ikapoteza sana katika ushambuliaji.

25. New Zealand

Kundi G. Sare ya 2-2 na Iran.

Uchezaji wa kusisimua ambao ulikanusha hadhi yao kama timu iliyo na nafasi ya chini zaidi ya mashindano. Wana nyota ibuka kama Eliya Just.

26. Iran

Kundi G. Sare ya 2-2 na New Zealand.

Ilionekana dhaifu mwanzoni lakini ikabahatika na kutoroka na pointi.

27. Saudi Arabia

Kundi H. Walitoka Sare 1-1 na Uruguay.

Ijipanga vizuri wakati wa mapumziko kukabiliana na tishio. Zama za kuwa vijana wa kuchapwa viboko huenda zimepungiwa mkono na Wasaudia.

28. Haiti

Kundi C. Walifungwa 1-0 na Scotland.

Iliikimbiza Scotland lakini ikhaikupata fursa ya kusawazisha.

29. Korea Kusini

Kundi A. Iliichapa Jamhuri ya Czech 2-1.

Ilijitahidi kwa muda kuidhibiti Jamhuri ya Czech lakini hadi ikafikia lengo. Huenda ikakosa nafasi hiyo katika mechi zaijazo.

30. Uruguay

Kundi H. Sare ya 1-1 na Saudi Arabia.

Alikuwa na mikwaju 28 dhidi ya Saudi Arabia kabla ya kusawazisha dakika za lala salama. Kikosi cha Marcelo Bielsa kitahitaji kufanyia kazi umaliziaji wao.

31-40

31. Uturuki

Kundi D. Ilifungwa 2-0 na Australia.

Walishangazwa na Australia katika mechi ambapo walimiliki mpira kwa zaidi ya 70%. Hakuna ndoto ya Kombe la Dunia kurejea katika mechi ya kwanza nyuma tangu kumaliza nafasi ya tatu mwaka 2002.

32. Austria

Kundi J. Iliichapa Jordan 3-1.

Ilihitaji goli la kujifunga na penati. Haina msukumo. Wanaofuata, mabingwa wa dunia Argentina.

33. Ivory Coast

Kundi E. Waliichapa Ecuador 1-0.

Aliyechanganyikiwa na kujivuna katika kopo na Equador. Utangulizi wa Amad Diallo uliongeza cheche na kuwapa matumaini ya kusonga mbele.

34. Ghana

Kundi L. Iliichapa Panama 1-0.

Ilionekana kuwa duni katika vipindi vikubwa dhidi ya Panama lakini iliokolewa na bao la ushindi dakika ya 95. Atapambana dhidi ya upinzani bora. Uingereza na Croatia kuja.

35. Algeria

Kundi J. Limepoteza kwa Argentina 3-0.

Ilikabiliwa na umahiri wa Messi. Haikufanya shambulizi lolote kulenga goli.

36. Jordan

Kundi J. Limepoteza kwa Austria 3-1.

Ilifunga bao zuri sana. Lakini haikuwahi kutishia kuipiga Austria. Watahangaika kujiondoa kwenye kundi.

37. Bosnia-Herzegovina

Kundi B. Walitoka Sare ya 1-1 na Canada.

Walitazamiwa kupata ushindi katika mechi ya ufunguzi lakini walizimwa na bao lililowekwa kimiani na Toronto.

38. Canada

Kundi B. Ilitoka Sare 1-1 na Bosnia-Herzegovina.

Inacheza mbele ya umati wa mashabiki wa nyumbani lakini ilihitaji mchezaji wa kusawazisha aliyepotoka ili kuambulia sare iliyopatikana dakika za lala salama.

39. Iraq

Kundi I. Ilifungwa 4-1 na Norway.

Sio timu nyingi zinazoweza kumzuia Erling Haaland na Iraq hakika isingeweza.

40. Equador

Kundi E. Ilifungwa 1-0 na Ivory Coast.

Walionekana kama timu ambayo haitafika kufika mbali lakini, licha ya kutengeneza nafasi chache, lakini walikatishwa tamaa kwa kipigo cha 1-0 kna Ivory Coast. Jezi zao ni nzuri hata hiyo.

41-48

41. Jamhuri ya Czech

Kundi A. Ilifungwa 2-1 na Korea Kusini.

Hii sio Jamhuri ya Czech iliyokonga mioyo ya mashabiki katika michuano ya Euro 96.

42 Uzbekistan

Kundi K. Ilifungwa 3-1 na Colombia

Hawakuwa na ujasiri na walifurahia bao lao la kwanza kabisa la Kombe la Dunia. Lakini ilikuwa vigumu kukabiliana na Colombia.

43. Afika Kusini

Kundi A. Ilifungwa 2-0 na Mexico.

Isingeweza kuinyuka waandalizi wa michuano ya Kombe La Dunia katika mechi ya ufunguzi. Imetolewa kidogo katika shambulio. Alitoa mpira nje kiholela. Na kumaliza mechi wakiwa na wachezaji tisa.

44. Qatar

Kundi B. Ilitoka Sare ya 1-1 na Uswizi.

Sare ya bahati nzuri. Walipigwa na Uswizi ambao walikuwa na uwezo wa kuwadhibiti.

45. Paraguay

Kundi D. Walifungwa 4-1 na Marekani.

Imepigwa na Marikani na inaweza kuwa mbaya zaidi. Safi yao ya ulinzi inatia hofu kutazama.

46. ​​Tunisia

Kundi F. Ilifungwa 5-1 na Uswidi.

Watengenezaji historia - walipomfuta kazi meneja wao baada ya mechi yao ya ufunguzi. Ndivyo Tunisia ilivyokuwa mbaya.

47. Panama

Kundi L. Walifungwa 1-0 na Ghana.

Kushiriki katika moja ya michezo mbaya zaidi ya Kombe la Dunia hadi sasa. Walikuwa wakichezea sare baada ya kupigwa bao la ushindi la Ghana dakika ya 95.

48. Curacao

Kundi E. Ilifungwa 7-1 na Ujerumani.

Kipigo cha 7-1 katika mechi yao ya kwanza ya Kombe la Dunia lakini bao lao la kusawazisha dhidi ya Ujerumani angalau itakuwa wakati ambao hawatasahau kamwe.

Imetafsiriwa na Ambia Hirsi