Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 27 Maajo 2026Madaxweynaha Soomaaliya ‘’Caalamka aan muslimka ahayn ayaa ka xishooday safaaradooda keenaan Baytu-almaqdis’’

   Madaxweynaha Soomaaliya Xasan Sheekh Maxamuud ayaa ka hadlay safaarada la sheegay in Somaliland ay ka furanayso Qudus, isaga oo sheegay in caalamka aan muslimka ahayn ay ka xishoodeen inay safaaradooda geeyaan Baytu-almaqdis.

   ''Maanta sina suurtagal noogama aha in qayb kamid ah dalkeena ay timaado Israa’iil. Israa’iil kumaanan duulin, dowladnimadeeda ma diidin, dowlad hanoqotaan dhahnay. Waxaa nasiib daro ah in aan dhahno calankii ay ugu qornayd ‘Laa illaaha illalaahu Maxada rasuulu laah ayaan ka taagaynaa oo aan leenahay Israa’iil baa iska leh oo caasimadii Israa’iil. Caalamka aan muslimka ahayn aa ka xishooday inay yiraahdaan oo soo qaadaan safaaradooda oo keenaan Baytu-almaqdis’’

   Madaxweynaha ayaa intaa ku daray ''Maanta wiil Soomaaliyeed inuu calan meeshaa ka taago uu yiraahdo safaaradeenii waxaan ka furaynaa meeshaas ‘magaaladii saddexaad ee magaalooyinka islaamka ugu Sharaf badnayd, qibaladii koowaad’’

   SII AKHRI WARBIXINO KALE

   NASA oo daaha ka qaadday talaabooyinka xiga ee ay saldhig kaga dhisayso oogada dayaxa

   Soomaaliya oo rajo fiican ka qabta qodista shidaalka dhamaadka sannadkan

   Haddaad jeceshahay telefoonka Apple halkan ka ogow dhammaan jawaabaha su'aalaha aad isweydiineyso

2. 27 Maajo 2026War deg deg ah, Cirro ''Xasan Sheekh haddii aad dowlado kale noo soo kaxaysato waan iskaga kaa filanahay''

   Madaxweynaha Somaliland Cabdiraxmaan Cirro oo ka hadlayay munaasabada Ciidu-Aladxa ayaa soo hadal qaaday faragalin uu sheegay inay ku hayaan Soomaaliya iyo Jabuuti.

   ‘’Waxaad ka war qabtaan in dalal badan ay Somaliland u muujiyeen cadaawad, laakiin inagu waxba uma aynaan gaysan, geelna kama aynaan dhicin, arrina kama aynaan dhicin, wax kalana uma aynaan gaysan. Somaliland siyaasadeeda arrimaha dibaddu waa daris wanaag, nabad ku wada noolaasho iyo is-ixtiraam, gaar ahaan dalalka aanu jaarka nahay Jabuuti iyo Soomaaliya, waxaan u sheegayaa inay ixtiraamaan nabadda, daris wanaaga iyo ixtiraamka dowladaha jaaarka’’

   Qoraal lasoo dhigay taleefishinka qaranka Somaliland ayaa kasoo xigtay madaxweyne Cirro farriin uu u diray madaxweynaha Soomaaliya Xasan Sheekh Maxamuud ''Xasan Sheekh waxaan leeyahay haddii aad dowlado kale noo soo kaxaysataan Somaliland kali ma aha. idinkana waanu isaga kiin filanahay''

   SII AKHRI WARBIXINO KALE

   NASA oo daaha ka qaadday talaabooyinka xiga ee ay saldhig kaga dhisayso oogada dayaxa

   Soomaaliya oo rajo fiican ka qabta qodista shidaalka dhamaadka sannadkan

   Haddaad jeceshahay telefoonka Apple halkan ka ogow dhammaan jawaabaha su'aalaha aad isweydiineyso

3. 27 Maajo 2026Maxay dumarku uga nolol dheer yihiin ragga?

   Haddii aad tahay qof dumar ah, waxay u badan tahay inaad sii noolaan karto in ka badan inta walaalahaaga ama asxaabtaada nool yihiin - ilaa 5 sano, haddii loo eego celceliska caalamiga ah.

   Sababaha dhabta ah ee cimriga dumarka dheereeya si buuxda looma garanayo, laakiin saynisyahannadu waxay hayaan fikrado yar.

   Waxayna xitaa caawin karaan inay sharaxaan sababta noocyada noolayaasha qaar sida shimbiraha qaarkood, ay kuwooda lab u helaan cimri dheeri.

   Halkan ka sii akhri sheekada

   Sheekooyinka kale ee aad akhrin karto

   NASA oo daaha ka qaadday talaabooyinka xiga ee ay saldhig kaga dhisayso oogada dayaxa

   Soomaaliya oo rajo fiican ka qabta qodista shidaalka dhamaadka sannadkan

4. 27 Maajo 2026Dhimasho iyo dhaawac ka dhashay qarax ka dhacay warshad ku taalla Maraykanka

   Ugu yaraan hal qof ayaa ku dhintay, sagaal kalena weli waa la la’yahay kadib qarax weyn oo kiimiko ah oo ka dhacay warshad sameysa waraaqaha oo ku taalla gobolka Washington, sida ay sheegeen mas’uuliyiintu.

   Qaraxan ayaa dhacay 7:15 subaxnimo waqtiga maxaliga ah gudaha xarunta Nippon Dynawave Packaging ee magaalada Longview, oo qiyaastii 210 km koonfur ka xigta Seattle.

   Sagaal qof oo kale ayaa ku dhaawacmay shilka, oo ay ku jiraan siddeed shaqaale iyo hal dab-demiye, sida ay sheegtay Waaxda Dab-damiska Longview, iyadoo intaas ku dartay in taangiga qarxay uu weli yahay mid aan degganeyn.

   Shirkaddu waxay bayaan ku sheegtay in qaraxu uu ka dhashay “dillaac ku yimid taangi ay ku jirtay maaddada ” White liquor oo ah kiimiko aad u daxal badan oo loo isticmaalo habka samaynta waraaqaha.

   Waaxda dab-damiska ayaa warbixin fiidnimo ah ku sheegtay: “Hawlaha samatabbixinta ayaa weli adag sababtoo ah weli waxaa jira walaacyo amni oo ka jira goobta.”

   Sheekooyinka kale ee aad akhrisan karto

   NASA oo daaha ka qaadday talaabooyinka xiga ee ay saldhig kaga dhisayso oogada dayaxa

   Soomaaliya oo rajo fiican ka qabta qodista shidaalka dhamaadka sannadkan

5. 27 Maajo 2026NASA oo daaha ka qaadday talaabooyinka xiga ee ay saldhig kaga dhisayso oogada dayaxa

6. 27 Maajo 2026Cadaymo soo bandhigay dalalka Imaaraadku Carabtu mariyey calooshood u shaqaystayaasha uu geeyey Suudan

   Baaritaan ay sameeyeen koox hormuud u ah xuquuqda aadanaha ayaa lagu helay cadaymo Imaaraatka Carabtu ku lug leeyihiin oo ah qoritaanka calooshood u shaqeystayaasha Colombia si ay uga qeyb qaataan dagaalka Suudaan. Human Rights Watch ayaa sheegtay in shirkad amni oo fadhigeedu yahay Abu Dhabi, oo xiriir la leh qoyska talada haya, ay abaabushay duulimaadyo iyo tababar ka hor inta aysan si qarsoodi ah u qaadin dagaalyahanno si ay u caawiyaan ciidamada fallaagada ee Suudaan.

   Caddaynta ay ururisay Human Rights Watch ayaa tilmaamaysa in tan iyo 2024-kii, shirkad amni oo fadhigeedu yahay Abu Dhabi – taas oo shati u haysata inay u shaqeyso dawladda Imaaraatka isla markaana xiriir la leh qoyska talada haya iyo saraakiisha sarsare ee Imaaraadka Carabta ay u muuqatay inay shaqaaleysiiso qandaraaslayaasha millatariga gaarka ah ee Colombia (PMCs) kuwaas oo loo diray Suudaan si ay uga barbar dagaalamaan RSF. Human Rights Watch waxa ay aaminsan tahay in dagaalyahanada lebisan dharka cad ee ay gabar goob jooge ah tilmaantay in ay u badan yihiin Qandaraaslayaasha milateriga gaarka ah Colombia, kuwaas oo garab istaagay halka dagaalyahanada RSF ay dileen rag iyo dumar, oo ay ku jiraan dadka naafada ah.

   Halkan ka sii akhri sheekada

   Sheekooyinka kale ee aad sii akhin karto

   Soomaaliya oo rajo fiican ka qabta qodista shidaalka dhamaadka sannadkan

   Soomaaliya oo sheegtay in Turkigu uu markaan u soo jeesanayo macdanteeda

7. 27 Maajo 2026Maxkamad Talyaani ah oo xukun la yaab leh ka soo saartay dacwad dhexmaray Kabalyeeri iyo dalxiise

   Maxkamadda ugu sarreysa Talyaaniga ayaa go’aamisay in hoteel shan-xiddigle ah oo ku yaalla buuraha Dolomites uu si sharci ah u dhaqmay markii uu diiday inuu biyaha tuubada siiyo dalxiise.

   Haweeneydan ayaa ku dooday in “biyuhu yihiin kheyraad dabiici ah iyo xuquuq bani’aadanimo oo caalami ah” kadib markii shaqaale maqaayadda ka tirsan uu u soo bandhigay keliya biyo dhalada ku jira oo qiimahoodu ahaa 7 lacagat yuurada ah intii lagu jiray xilligii barafka ee 2019, gudaha hoteelka Hotel Sassongher ee magaalada Corvara.

   Warbaahinta Talyaaniga ayaa sheegtay in Maxkamadda Sare ee Talyaanigu ay diidday codsigeedii ahaa magdhow dhan 2,700 oo yuuro oo ay ku sheegtay dhaawac nafsi ah iyo khasaare dhaqaale.

   Silvio Belardi, oo ah qareenka matalayay hoteelka, ayaa wargeyska Corriere Alto Adige u sheegay in maxkamaddu ay go’aamisay in “aysan jirin waajib lagu bixiyo biyaha tuubada.”

   Wararka warbaahinta ayaa sheegaya in haweeneydan ay markii hore dacwadda ka gudbisay maxkamad hoose oo ku taalla magaalada Rome. Ilaa hadda lama shaacin aqoonsigeeda ama asalkeeda.

   Garsoorayaasha Maxkamadda Sare ee Italy ayaa diiday dacwadeeda, iyagoo xukumay in sharciyada iyo xeerarka Talyaanigu aysan ku qasbayn goobaha adeegga inay martida siiyaan biyo tuubo ah, isla markaana go’aanka bixinta biyahaas uu u yaallo goob kasta si gaar ah.

   Sheekooyinka kale halkan ka sii akhriso

   Soomaaliya oo rajo fiican ka qabta qodista shidaalka dhamaadka sannadkan

   Haddaad jeceshahay telefoonka Apple halkan ka ogow dhammaan jawaabaha su'aalaha aad isweydiineyso

8. 27 Maajo 2026Dibi lagu naanayso "Donald Trump" oo xiddig ka noqday baraha bulshada

   Marka ay soo dhowaanayaan maalmaha Ciidul-Adxaa, suuqyada xoolaha waa la qurxiyaa waxaana sii kordha ciriiriga dadka doonaya inay iibsadaan xoolaha lagu qalo.

   Xaaladdan oo kale, xoolo badan ayaa noqda kuwo caan ah—qaarkood qiimahooda awgiis, halka kuwo kalena caan ku noqdaan cabbirkooda iyo astaamahooda jireed.

   Bangladesh, maalmahan, xoolo loo diyaariyay qurbaan ayaa si weyn u caan baxay sabab la xiriirta magaca loo bixiyay, iyadoo dad badani ay saf ugu jiraan inay sawirro la galaan.

   Sida ay sheegtay wakaaladda wararka AFP, dibigan albino-ga ah ee leh timo dahab ah ayaa loogu bixiyay magaca "Donald Trump" sabab la xiriirta timihiisa.

   Milkiilaha xoolahaas oo 37 jir ah, Ziauddin, ayaa sheegay in walaalkiis uu u bixiyay magaca madaxweynaha Maraykanka sababo la xiriira timaha gaarka ah ee dahabiga ah isagoo miisaankiisu yahay 700 kiiloogaraam.

   Halkan ka sii akhri sheekada

   Waxaa kale oo sii akhrin kartaa

   Soomaaliya oo rajo fiican ka qabta qodista shidaalka dhamaadka sannadkan

   Sidee gabadh 16 jir ah qayb uga noqotay mawduuc tijaabooyin sir ah oo CIA-da ah?

9. 27 Maajo 2026Hadalkii uu yiri Wiilka Soomaaliga ee soo jiitay Madaxweynaha Turkiga Recep Erdoğan

   Madaxwaynaha dalka Turkiga Recep Tayyip Erdoğan ayaa ka hadlay shidaalka lagu wado in dalka Soomaaliya dhawaan qodidiisa laga bilaabo.

   Madxwaynaha oo maanta la hadlayay baarlaamnka Turkiga ayaa muujiyay sida uu ugu faraxsan yahay qorshaha shidaal qodista ee ay Turkiga ka wdaan dalka Soomaaliya.

   Madaxwaynaha dalka Turkiga Recep Tayyip Erdoğan ayaa tusaale u soo qaatay wiil yar oo Soomaali ah oo oo sida uu sheeg ka falceliyay markii uu dhawaan arkay markabka Turkiga ee Shidaal qodista oo taagan xeebaha Soomaaliya.

   "waxaan doonayaa inaan idinla wadaago dareenka walaal dhalinyaro Soomaaliyeed ah oo meel dhow ka arkay markabka Çağrı Bey,wuxuu si toos ah u yiri: "Weli kama soo kaban saamaynta markabka Çağrı Bey. Inaan si dhow u arko waxay ii ahayd waayo-aragnimo aan la ashqaraaray. Sababtoo ah Çağrı Bey wuxuu u ekaa magaalo weyn oo socota. Aad u weyn, aad u cusub, si qurux badanna loo dhisay. Maashaa Allaah. Runtii waa farshaxan la yaab leh." ayuu yiri mr Erdogan.

   Madaxwayne Erdogan ayaa ereyadaas ku tilmaamay sawir qurux badan oo muujinaya awoodda Turkiga.

   Waxaa uu sidoo kale madaxwaynaha Turkiga ka shaanqariyay walaalnida Turkiga iyo Soomaaliya iyo rejada la qabo.

   Hoos ka akhri sheekada

   waxaa kale oo aad akhrin kartaa

   Alhassan Dantata: Ninkii u dhashay Nayjeeriya ee xajka ku aaday doonta

   Soomaaliya oo sheegtay in Turkigu uu markaan u soo jeesanayo macdanteeda

10. 27 Maajo 2026Sawiro: Sida salaadda Ciidul-Adxa looga oogay masaajidka Isbahaysiga Muqdisho

    Madaxweynaha Soomaaliya Xasan Sheekh Maxamuud, Raysal Wasaare Xamse Cabdi Barre iyo madaxda kala duwan oo dowladda ah ayaa kumanana qof kula tukaday salaadda ciida.

    Halkan ka eeg sawirada

11. 27 Maajo 2026Israa’iil oo hadda shaacisay war cusub

    Israa’iil ayaa sheegtay inay dishay taliyihii garabka hubeysan ee Xamas, Maxamed Odeh, kadib weerar laga fuliyay Qasa maalinta talaado ah maalmo yar kadib markii hoggaamiyihii ka horreeyay uu ku dhintay weerar la mid ah.

    Ugu yaraan saddex Falastiiniyiin ah ayaa la dilay, tobannaan kalena waa ay ku dhaawacmeen weerarka weyn ee Talaadada dhacay , kaas oo lala beegsaday dhisme la degganaa oo ku yaalla mid ka mid ah suuqyada ugu mashquulka badan Magaalada Qasa, sida ay sheegeen dhaqaatiir iyo goobjoogayaal deegaanka ah.

    Hay’adda ammaanka Israa’iil ee loo yaqaan Shin Bet iyo militariga Israa’iil ayaa bayaan ay si wadajir ah u soo saareen ku sheegay in la bartilmaameedsaday dhismayaal uu Odeh ku dhuumanayay, kadib bilo badan oo sirdoonku la socday dhaq-dhaqaaqiisa.

    Weerarkan ayaa ah kii ugu dambeeyay ee dhimasho badan sababa ee ay Israa’iil ka fuliso Qasa, inkastoo xabbad-joojin ay la leedahay Hamas ay weli jirto.

    Duqeyntu waxay ku dhacday saddexda dabaq ee sare ee dhismaha al-Kayali oo ku yaalla bartamaha Magaalada Qasa, halkaas oo waddooyinku ay aad ugu mashquulsanaayeen dad wax iibsanayay ciidda Muslimiinta ee Ciidul-Adxaa.

    Ciidamada Difaaca Israa’iil (IDF) iyo Shin Bet ayaa sheegay: “Iyadoo qeyb ka ah howlgal wadajir ah oo ay IDF iyo Shin Bet ku beegsanayeen argagixisada Maxamed Odeh, waxaa la weeraray dhowr dhisme oo ku yaalla bartamaha Magaalada Gaza kuwaas oo hoy u ahaa, kadib bilo badan oo sirdoon lagu daba socday isaga iyo kaaliyayaashiisa ururka.”

    Waxay sidoo kale sheegeen inay garaaceen “guri u dhow oo uu lahaa xubin Xamas ka tirsan oo ka qeyb qaatay weerarkii Oktoobar 7 isla markaana kamid ahaa kooxda kaaliyeyaasha Odeh.”

    Kooxaha gurmadka ayaa si degdeg ah ugu baxay goobta weerarka, balse waxay ku adkaatay inay gaaraan dabaqyada sare sababo la xiriira burburka xooggan iyo ciriiriga ka jiray deegaanka.

    Goobjoogayaal ayaa sheegay in ugu yaraan shan gantaal ay ku dhaceen dhismaha ku dhowaad isku mar, iyagoo kaga yimid jihooyin kala duwan.

    Xafiiska Ra’iisul Wasaaraha Israel, Benjamin Netanyahu, ayaa Talaadadii sheegay in IDF ay bartilmaameedsadeen Maxamed Odeh, iyagoo ku tilmaamay “mid ka mid ah maskaxdii ka dambeysay” weerarradii October 7 attacks ee sanadkii 2023.

    Bayaanka ayaa intaas ku daray: “Odeh wuxuu mas’uul ka ahaa dilka, afduubka, iyo dhaawaca muwaadiniin badan oo Israa’iiliyiin ah iyo askarta IDF.”

    Sheekooyinka kale halkan ka sii akhri

    Soomaaliya oo rajo fiican ka qabta qodista shidaalka dhamaadka sannadkan

    Haddaad jeceshahay telefoonka Apple halkan ka ogow dhammaan jawaabaha su'aalaha aad isweydiineyso

12. 27 Maajo 2026Madaxweynaha Somaliland oo kumanaan qof salaada Ciidul-Adxa kula tukaday magaalada Hargeysa

    Madaxweynaha Jamhuuriyada Iskeed madaxbannanida ugu dhawaaqday ee Somaliland Cabdirixmaan Maxamed Cabdillaahi Cirro iyo madaxda dowladda ayaa kumanaan qof oo salaada CIidul-Axda kula tukaday masaajidka weyn ee Jaamaca magaalada Hargeysa.

    Madaxweyne Cirro ayaa dhammaan Muslimiinta iyo shacabka Somaliland u diray hambalyada maalinta weyn ee Ciidul-Axda. Wuxuuna u rajeyey farxad iyo baraare sanado.

    Halkan ka eeg sawirada

13. 27 Maajo 2026Soomaaliya oo rajo fiican ka qabta qodista shidaalka dhamaadka sannadkan

14. 27 Maajo 2026Madaxweynaha Soomaaliya oo kumanaan qof salaadda Ciidul-Axda kula tukaday Muqdisho

    Malaayiin Muslimiin ah ayaa daafaha caalamka u dabaaldegaya munaasabadda Ciidul-Adxa taas oo ah mid sanadkiiba mar soo marta.

    Magaalooyinka Muqdisho, Hargaysa, Jigjiga, Nairobi iyo magaalooyin kale ayaa si weyn looga oogay salaada ciida taas oo ay boqolaal kun oo dad ah ay salaadda ku tukadeen goobo loo asteeyey oo barxado ah iyo masaajidada.

    Magaalada Muqdisho wariyaha BBC-da Ibraahim Maxamed Aden oo ku tukaday mid ka mid ah masaajidda Muqdiso ayaa sheegay in jawigu ciidu yahay mid farxad iyo baraare ay dadku ku ciidayaan iyadoo takbiirta laga akhrinayo cod-baahiyaasha.

    Madaxweynaha Soomaaliya Xasan Sheekh Maxamuud, Raysal Wasaaraha XFS, Xamse Cabdi Barre iyo madax kale ayaa salaada ciida kumanaan qof kula tukaday masaaajidka weyn ee Isbahaysiga Islaamka ee Muqdisho

    Halkan kala soco sida looga ciidan geyiga Soomaalida iyo qurbahab

15. 27 Maajo 2026Haddaad jeceshahay telefoonka Apple halkan ka ogow dhammaan jawaabaha su'aalaha aad isweydiineyso

16. 27 Maajo 2026Alhassan Dantata: Ninkii u dhashay Nayjeeriya ee xajka ku aaday doonta

17. 27 Maajo 2026War deg deg ah, Isra'iil oo duqeymo dad badan laayay ka fulisay Lubnaan

    Tiro dad ah ayaa lagu dilay duqeymo culus oo ay Israa’iil ka fulisay koonfurta iyo bariga Lubnaan, kadib markii Ra’iisul Wasaaraha Israa’iil Benjamin Netanyahu uu ku hanjabay in la kordhin doono howlgalka militari ee ka dhanka ah Xisbullah. Wasaaradda caafimaadka Lubnaan ayaa sheegtay in ugu yaraan 31 qof lagu dilay weerarradii ugu dambeeyay, oo ay ku jiraan carruur dhowr ah.

    Ciidamada Israa’iil ayaa sheegay in ay beegsadeen in ka badan 100 goobood oo ay Xisbullah ku leedahay kaabeyaasha iyo dagaalyahanno, taas oo ahayd mid ka mid ah habeennadii duqeymaha ugu culus ay dhaceen tan iyo xabbad-joojin ay Maraykanku dhexdhexaadiyeen ee bilaabatay bartamihii Abriil.

    Netanyahu Isagoo ka hadlayay kulan golaha amniga Talaadadii, wuxuu sheegay in Israa’iil ay “sii ballaarinayso howlgalladeenna Lubnaan.”

    “Ciidanka IDF [waxay ku howlan yihiin awood weyn oo dhulka ah, waxayna qabsanayaan dhul muhiim ah,” ayuu yiri, isagoo intaa ku daray in ay “xoojinayaan aagga amniga” si loo ilaaliyo bulshooyinka waqooyiga Israa’iil ka difaaca weerarrada Xisbullah.

    Xabbad-joojinta ayaa si isdaba joog ah ay u jebiyeen labada dhinac, taas oo halis gelisay wadahadallada adag ee socda ee lagu doonayo in lagu soo afjaro dagaalka u dhexeeya Maraykanka, Israa’iil iyo Iiraan.

    Duqeymaha cirka iyo madaafiicda Israa’iil ayaa sii socday maalin kasta, gaar ahaan koonfurta Lubnaan, halka Xisbullah ay gantaallo iyo diyaarado aan duuliye lahayn ku beegsanayso deegaannada waqooyiga Israa’iil iyo ciidamada Israa’iil ee qaybaha koonfureed ee Lubnaan haysta.

18. 27 Maajo 2026War deg deg ah, Kooriyad Waqooyi oo tijaabisay hub weyn oo ku qalabaysay Kasgacmeedka AI

    Article Information

    • • Author, Abdishukri Haybe
      • Role, Saxafi BBC, Somali

    Kuuriyada Waqooyi ayaa Arbacadii sheegtay in tijaabooyinkeedii ugu dambeeyay ay ku jireen hubab kala duwan, oo ay ku jirto gantaal nooca cruise missile ah oo qaadi kara hub nukliyeer ah, kaas oo hoggaamiye Kim Jong Un uu qorsheynayo in lagu qalabeeyo cutubyada ciidamada ee ku sugan jiidda hore ee wajahaya Kuuriyada Koonfureed, isagoo sii wada ballaarinta awoodda militari ee dalkiisa.

    Warbixinta warbaahinta dowladda Kuuriyada Waqooyi ayaa timid maalin kadib markii militariga Kuuriyada Koonfureed uu sheegay inuu arkay Waqooyiga oo riday dhowr gantaal iyo walxo kale oo duulaya, kuwaas oo ay ku jirtay ugu yaraan hal gantaal ballistic ah oo gaaban, kuwaas oo loo riday dhinaca biyaha galbeed ee dalkaas.

    Taliska ciidamada isku dhafka ah ee Kuuriyada Koonfureed ayaa sheegay in gantaalku uu duulay qiyaastii 80 kiiloomitir (50 mayl), balse ma aysan faahfaahin noocyada kale ee hubka la isticmaalay.

    Wakaaladda wararka dowladda ee KCNA ayaa sheegtay in Kim Jong Un uu kormeeray tijaabooyinkii Talaadadii, kuwaas oo ay ku jireen gantaallo ballistic ah oo leh madaxyo cusub oo loogu talagalay isticmaalka nukliyeerka ee goobaha dagaalka, gantaallo cruise missile ah oo qaadi kara hub nukliyeer ah kuna shaqeynaya tiknoolajiyada Kasgacmeedka (AI), iyo madaafiic kale ah oo 240-millimeter ah oo leh nidaamyo hagitaan “aad u sax ah.”

    Militariga Kuuriyada Koonfureed ayaan isla markiiba wax jawaab ah ka bixin sheegashooyinka Kuuriyada Waqooyi.

    KCNA waxay sheegtay in Kim uu ku qancay natiijada tijaabooyinka, gaar ahaan waxqabadka nidaamyada cruise missile-ka ee loogu talagalay in lagu qalabeeyo cutubyada madaafiicda riddada dheer ee ku sugan xadka u dhow Kuuriyada Koonfureed.

    Wuxuu sidoo kale ku baaqay in la dedejiyo dadaallada lagu casriyeynayo laguna xoojinayo ciidamada madaafiicda si ay u noqdaan kuwo “aan cidina la tartami karin,” sida ay wakaaladdu sheegtay.

    Kim Jong Un ayaa dardargeliyay qorshayaasha lagu casriyeynayo hubka nukliyeerka iyo gantaallada Kuuriyada Waqooyi tan iyo markii wada-hadalladiisii diblomaasiyadeed ee uu la lahaa madaxweynihii Mareykanka Donald Trump ay burbureen sanadkii 2019.

19. 27 Maajo 2026War deg deg ah, Kulayl darran oo saameeyay Boqortooyada Ingiriiska

    Kulul nooc daran ayaa ka dhacay Ingiriiska taas oo heerkulkani jabiyay diiwaanadii hore u yaalay bisha maalintii labaad oo xidhiidh. iyadoo qaybo ka mid ah London ay Talaadadii ka badnaadeen 35°C.

    Beerta Kew Gardens ee koonfur-galbeed London ayaa diiwaangelisay heerkul ku meel gaar ah oo gaaray 35.1°C, taasoo ka sarreysay diiwaankii Isniintii ee 34.8°C ee isla goobtaas.

    Wales sidoo kale waxay jabisay diiwaankii u yaalay May maalintii labaad oo isku xigta, iyadoo heerkul ku meel gaar ah uu gaadhay 32.3°C oo laga diiwaangeliyay Cardiff’s Bute Park, taasoo ka sarreysay 32.2°C oo Isniintii laga diiwaangeliyay Hawarden Airport ee Flintshire.

    Tani waxay imaanaysaa xilli booliisku ay dadka uga digayaan inay taxaddar muujiyaan marka ay biyaha furan galaan, kadib markii shan qof oo dhalinyaro ah iyo hal nin ay ku hafteen dhacdooyin kala duwan dhowrkii maalmood ee la soo dhaafay.

    Talaadadii fiidkeedka, booliiska Lancashire ayaa sheegay in mayd laga soo saaray webiga River Ribble. Adeegyada gurmadka ayaa hore maalintaas u bilaabay baadi-goob ay ku raadinayeen wiil 12 jir ah oo ku dhibtooday isagoo la dabaalanayay saaxiibbadiis.

    Mayd kale ayaa laga helay biyaha Rother Valley Country Park ee Koonfurta Yorkshire saacadahii hore ee Talaadada kadib markii wiil dhalinyaro ah la waayay.

    Isniintii, wiil 13 jir ah ayaa ku dhintay kadib markii uu ku haftay kaydka biyaha ee Halifax, West Yorkshire, halka Kingsbury Water Park ee Warwickshire laga helay maydka gabar dhalinyaro ah fiidkii.

    Xeebta Tregirls Beach ee u dhow Padstow, Cornwall, nin 60-meeyo jir ah ayaa Isniintii ku dhintay kadib markii uu badda u galay si uu u caawiyo laba qaraabo ah oo ku jiray halkaas, sida ay booliisku sheegeen.

    Axaddii, booliisku waxay sheegeen in 15-jir lagu magacaabo Declan Sawyer uu ku dhintay haro ku taal Lincoln.

    Ururka Royal Life Saving Society ayaa ku booriyay dadka inay taxaddar muujiyaan, waxayna ka digeen in “cimilada kulul ay kordhiso dhimashada shilalka ah ee dadka ku hafanaya biyaha.”

    Hay’addu sidoo kale waxay sheegtay in inkastoo hawadu kulushahay, heerkulka biyuhu uu weli aad u qabow yahay, iyadoo Met Office ay ka digtay “shoog qabow” oo dhici kara maadaama heerkulka badda iyo biyaha furan uu aad uga hooseeyo kulaylka hawada ee lagu jiro mowjadda kulaylka.

    Ka hor diiwaanka cusub ee Isniinta iyo Talaadada, maalinta ugu kulul ee May ee UK waxay ahayd 32.8°C oo la diiwaangeliyay sanadihii 1922 iyo 1944.

    “Shalay ilaa hadda, heerkulka ugu sarreeya ee May wuxuu ahaa 32.8°C, laakiin waxaan hadda jabinay diiwaankaas laba maalmood oo isku xigta anagoo ka gudubnay laba darajo Celsius,” ayay Met Office ku qortay X.

    Lix digniinood oo kulayl oo ay soo saartay UK Health Security Agency (UKHSA) ayaa daboolaya inta badan England, waxayna socon doonaan ilaa Khamiista.

    Digniintan waxay ka digaysaa in saameyn culus ay ku iman karto adeegyada caafimaadka iyo daryeelka bulshada, iyadoo la filayo in baahidu korodho sababo la xiriira heerkulka sare

20. 27 Maajo 2026War deg deg ah, Iiraan oo ka jawaabtay duqeymahii cusbaa ee Maraykanka

    Habeen kadib markii Taliska Ciidamada Badda ee Mareykanka ee Bariga Dhexe (CENTCOM) uu ku dhawaaqay weerar lagu qaaday dhowr goobood oo Iran ku leedahay gantaallada iyo doomaha dheereeya meel u dhow xeebta Bandar Abbas iyo marinka Hormus, isagoo ku tilmaamay “weerar difaac ah,” Wasaaradda Arrimaha Dibadda Iraan ayaa soo saartay bayaan ku sheegaysa tallaabadaas “xadgudub weyn oo ka dhan ah xabbad-joojinta” iyo “sabab Iran uga sii shakiso Mareykanka.”

    Bayaanka Wasaaradda Arrimaha Dibadda Iran ee Talaadadii, ayaa lagu yidhi: “Fulinta falalkan gardarrada ah, xilli isla markaas ay socdeen dadaallo diblomaasiyadeed oo Pakistan dhex dhexaadinaysay, waxay mar kale muujisay taxaddar la’aanta iyo ballan-qaad la’aanta maamulka Mareykanka ee ku wajahan shacabka Iran, dadka gobolka, iyo bulshada caalamka. Waxa kale oo ay caddeysay in mowqifka mabda’a leh ee shacabka Iran ee dhinacyada dagaalka, shacabka, iyo diblomaasiyadda, oo ku dhisan shaki weyn oo ay ka qabaan nidaamka Mareykanka, uu yahay mid ku saleysan faham qoto dheer oo ku saabsan dabeecadda aargoosiga iyo falalka dambiyada ah ee uu u geysto shacabka Iran.”

    Habeenkii Isniinta, kadib markii dadka ku nool Bandar Abbas ay sheegeen inay maqleen qaraxyo ka dhacay xeebta Gacanka Faaris, CENTCOM ayaa bayaan soo saartay iyadoo sheegtay inay weerarro cusub ka fulisay koonfurta Iran, kuwaas oo lala beegsaday goobaha gantaallada Iran iyo doomaha la sheegay inay “isku dayayeen inay miinooyin dhigaan.”

    Bayaan kasoo baxay Taliska Dhexe ee Mareykanka (CENTCOM) ayaa lagu sheegay in weerarradaas lagu fuliyay qaab “is-difaac ah” isla markaana looga gol lahaa “ilaalinta ciidamada Mareykanka ee khataraha kaga imaanaya ciidamada Iran.”

    Wasaaradda Arrimaha Dibadda ee Jamhuuriyadda Islaamiga ah ee Iran ayaa tallaabooyinkan ku tilmaantay “xadgudub cad oo ka dhan ah Qodobka 2-aad, Farqaddiisa 4-aad ee Axdiga Qaramada Midoobay, iyo sidoo kale xabbad-joojintii 19-ka Farvardin 1405,” waxayna sheegtay in Mareykanku mas’uul ka yahay dhammaan cawaaqibta ka dhalata.

    Ilaalada Kacaanka Iran (IRGC) ayaa Talaadadii kaga jawaabay weerarradan iyagoo sheegay: “Iyadoo Mareykanku sii wada faragelinta iyo dhaqamada gardarrada ah ee gobolka, wuxuu galay hawada Iran ee gobolka Gacanka Faaris. Cutubyada difaaca ee IRGC, si ay u difaacaan madaxbannaanida dhuleed ee dalkeenna, waxay kaddib kormeer sirdoon oo taxaddar leh aqoonsadeen oo soo rideen diyaarad nooca MQ-9 ah.”

    IRGC sidoo kale waxay sheegtay, iyada oo aan sheegin waqtiga iyo goobta saxda ah, in rasaas lagu furay diyaarad nooca RQ-4 ah iyo mid F-35 ah, taas oo “ku qasabtay inay cararaan.