Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 30 Maajo 2026Maxay ahayd hadiyaddii laga qaaday Soomaaliya ee 'Nabi Ciise loo geeyay markii uu dhashay'?

   Waxaa khatar weyn ku jira geedaha malmalka iyo luubaanka ama fooxa ee Somaliland ka dib markii ay bateen howlaha dahab qodista oo dad badan ay u go'een.

   “Hadiyaddii dahabka, luubaanka iyo malmalka ahayd ee ay nabi ciise (CS) markii uu dhashay u geeyeen saddex nin oo caaqiliin ah waxaa laga qaaday halkan,” ayuu yiri nin oday ah oo hoos fadhiyay geed.

   Waxa aan Aadan Xasan Saalax kula kulmay buurta Daallo oo ah qeyb ka mid ah buuraha Golis oo ku taalla Jamhuuriyadda Iskeed Madax-banaanida ugu dhawaaqday ee Somaliland.

   “Waddooyinkii loo isticmaali jiray gaadiidka geela ee ilaa bariga dhexe gaari jiray ee qarniyo ka hor ayaa waxaa laga arki karaa halkan,” ayuu yiri Aadan.

   Halkaan ka sii aqri

2. 30 Maajo 2026Trump waxa uu qiyaamay diblomaasiyadda markii saddexaad: Mohsen Rezaei

   Taliyihii hore ee Ilaalada Kacaanka Mohsen Rezaei ayaa ku eedeeyay madaxweynaha Mareykanka Donald Trump "in uu qiyaamay diblomaasiyadda markii saddexaad" isaga oo sii wada go'doominta badda ee Iran iyo in uu "dalabkiisa xad dhaafka ah" ka sameeyo wadahadallada.

   Kadib markii Mojtaba Khamenei uu aabihiis kala wareegay hogaamiyaha saddexaad ee jamhuuriyadda islaamiga ah, warbaahinta Iran ayaa sheegtay in uu u magacaabay Rezaei la taliyihiisa dhanka ciidamada.

   Rezai ayaa ku qoray boggiisa X in Donald Trump "wuxuu mar kale caddeeyay inuusan ahayn gorgortan uuna isku dayayo inuu gaaro yoolal kale."

   Saraakiisha Iran-Maraykanka ayaa marar badan ku dhaleeceeyay Maraykanka inay qaadeen weerarro millatari iyo “khiyaano dublamaasiyadeed” intii lagu jiray dagaalkii 12-ka maalmood socday iyo dagaalkii dhowaa, iyadoo wadahadallo lala galay Iran.

3. 30 Maajo 2026Mareykanka ayaa diyaar u ah inuu dib u bilaabo weerarrada ka dhanka ah Iran haddii aan heshiis la gaarin – Wasiirka Difaaca

   Maraykanka ayaa diyaar u ah inuu dib u bilaabo weerarrada ka dhanka ah Iran haddii aan heshiis la gaarin, wasiirka gaashaandhigga Pete Hegseth ayaa sheegay Sabtidii, iyadoo wada-xaajoodayaasha Mareykanka iyo Iran ay doonayeen inay yareeyaan khilaafaadka sii ballaaranaya ee ka hortagaya heshiis.

   "Awoodeena inaan dib u bilowno marka loo baahdo... waan haysanaa, aad ayaana diyaar u nahay," Hegseth ayaa ka tiri Singapore.

   Kaydkayaga ayaa intaas ka sii xoog badan, haddii ay ahaan lahayd halkaas iyo adduunka oo dhanba, markaa si wanaagsan ayaannu ugu diyaargarownay,” ayuu raaciyay.

   Hegseth, oo ka hadlayay shir weyn oo Asia ay ku yeesheen hogaamiyayaasha difaaca, militariga iyo diblumaasiyiinta, ayaa sheegay in Mareykanka uusan dhabarka u jeedinin gobolka Asia-Pacific.

   “Waxaan isku mar qabsan karnaa labo shay, waxaan kordhineynaa awooda difaaceena, si aan dhawaan u helno 2, 3, 4 jeer hub si aan u xaqiijino in dhamaan qorshayaashayada (howlgalkeena) si sax ah loo maalgeliyo aduunka” ayuu yiri.

   Hegseth waxa uu sheegay in madaxweyne Donald Trump uu ahaa mid "samir" badan oo uu doonayo in uu sameeyo "heshiis weyn" kaas oo xaqiijin doona in Iran aysan helin hub.

4. 30 Maajo 2026Jawigu Baydhabo oo degan kadib dagaalkii saaka

   Wararka aan ka helayno magaalada Baydhabo ayaa sheegay in xaalku uu haatan degan yahay kadib dagaal kadis ahaa oo dhacay subaxnimadii hore ee saaka.

   Ganacsiyada ayaa dib u furmay, waxaana dib u bilowday isku socodka dadka, sida ay noo sheegeen dad ku sugan gudaha magaalada.

   Dhanka kale, war ka soo baxay dowladda Soomaaliya ayaa lagu sheegay in ciidamada ammaanka ay si buuxda gacanta ugu hayaan amniga magaalada, ciidankii weerarka soo qaadayna laga saaray magaalada.

   Dhanka ciidamada Laftagareen wax war ah lagma helin ilaa iyo haatan.

5. 30 Maajo 2026Haweeneey ninkeeda oo macmal ah aas u sameysay

6. 30 Maajo 2026Madaxa WHO oo booqanaya xudunta cudurka Ebola

   Madaxa Ururka Caafimaadka Adduunka ayaa u socdaalaya xudunta cudurka Ebola ee hadda ka dillaacay - gobolka Ituri ee bariga Jamhuuriyadda Dimuqraadiga ah ee Congo.

   Tedros Adhanom Ghebreyesus ayaa booqanaya dalka si uu u xoojiyo dadaalada lagu xakameynayo fiditaanka fayraska halista ah.

   Waxa uu ka digay in caqabado badan ay jiraan – sababtoo ah waa Virus naadir ah oo ilaa hadda aan la helin wax tallaal ah, gobolka laftiisana waxaa ka taagan colaado, dad badanna ay ku barakaceen, taasoo qeyb ka qaadaneysa faafitaanka cudurka.

   WHO waxa ay sheegtay in awoodda tijaabinta ay soo hagaagtay. Ugu horreyntii, hay'addu waxay sheegtay in 906 xaaladood oo looga shakisan yahay Ebola ay ka jiraan Jamhuuriyadda Dimuqraadiga ah ee Congo (DRC), oo ay ku jiraan 223 looga shakisan yahay inay u dhinteen kuwaas oo baaritaan lagu hayay.

   Waxaa jira 125 kiis oo Ebola ah oo la xaqiijiyey DRC, oo ay ku jiraan 17 dhimasho ah oo la xaqiijiyey oo ka dhacay Ituri, Waqooyiga Kivu iyo Koonfurta Kivu, tan iyo markii uu dillaacay laba bilood ka hor.

   Waxaa sidoo kale jira sagaal kiis oo Ebola ah oo la xaqiijiyay in Uganda, ku dhawaad ​​​​saddex ka mid ah ay ka yimaadeen DRC, iyo hal dhimasho ah.

7. 30 Maajo 2026Booliska Soomaaliya oo sheegay in qasaare ka dhashay dagaalkii Baydhabo

   Taliyaha booliska Soomaaliyeed ee gobolka Baaya, Sadiiq Duushisho oo warbaahinta dhawaan kula hadlay Baydhabo ayaa sheegay in qasaare dhimasho iyo dhaawac ah uu ka dhashay dagaalkii saaka.

   "Saaka maydadkooda iyo dhaawacyadooda ayaa meel walba yaala, oo ilaa iyo hadda aan guraynaa", ayuu u sheegay warbaahinta isaga oo ka hadlayay ciidamadii saaka soo weeraray magaalada Baydhabo.

   Ma uusan sheegin tirada dhimashada iyo dhaawac midna iyo in dhanka ciiadamada dowladda qasaare soo gaaray intaba.

   Dhanka ciidamada daacadda u ah Laftagareem, kama aysan hadlin qasaare ka soo gaaray dagaalka.

8. 30 Maajo 202624 markab oo si nabad ah u maray Hormuz - Ilaalada Kacaanka Iran

   War qoraal ah oo ay soo saareen Ilaalada Kacaanka ayaa lagu sheegay in 24-markab oo ganacsi ay si nabadgalyo ah uga gudbeen marin biyoodka Hormuz 24-kii saac ee la soo dhaafay iyagoo kaashanaya ilaaliyaasha ammaanka ee ciidamadooda badda.

   Sida ay ku warantay wakaaladda wararka Iran ee IRNA, Ilaalada Kacaanka ayaa bayaan ay soo saareen gelinkii dambe ee Jimcihii ku sheegtay in 24-ka markab ay isugu jiraan kuwa shidaalka qaada iyo kuwa Konteenarada, kuwaas oo maray marin biyoodka Hormuz kadib markii ay heleen ruqsadihii loo baahnaa, waxaana ilaalinayey ciidamada badda ee Iran.

   Warku wuxuu intaa ku daray in "Ilaalada Kacaanku ay si joogto ah oo wax ku ool ah gacanta ugu hayaan marin biyoodka Hormuz waxayna diyaar u yihiin wakhti kasta inay jawaab cad ka bixiyaan weerar kasta ama khatar."

   Sida laga soo xigtay Ilaalada Kacaanka, waxay la wareegeen gacan ku haynta marin-biyoodkan muhiimka ah tan iyo horraantii bishii Maarso, ka dib hawlgalladii Mareykanka iyo Israa'iil ee ka dhanka ahaa Iran oo billowday dabayaaqadii bishii Febraayo, taasoo Iran ay ku tilmaantay qayb ka mid ah tallaabooyinkeeda difaac.

   Tallaabooyinkan ayaa keenay in xoogaa xaddidaad ah lagu soo rogo maraakiibta mareysa marin biyoodka Hormuz, oo ah mid ka mid ah marinnada badda ugu muhiimsan adduunka, kaas oo ay maraan qiyaastii 20 boqolkiiba shixnadaha saliidda iyo gaaska caalamiga ah.

9. 30 Maajo 2026Dagaal saaka ka dhacay Baydhabo

   Sida ay sheegayaan wararka aan ka helayno magaalada Baydhabo, saaka dagaal ayaa ku dhexmaray ciidamo taabacsan Cabdicasiis Maxamed Laftagareen iyo ciidamada dowladda federaalka ee ku sugan gudaha magaalada.

   Qasaaraha ka dhashay dagaalka ayaan wali la xaqiijin karin, balse waxaa jira muuqaal lagu sheegay in ay yihiin askar ku dhawaacantay dagaalka oo lagu daabacay baraha bulshada.

   Sida lagu daabacay bogga Facebook ee ciidanka booliska gaarka ah ee Haramcad, waxay sheegeen in ay gaari dagaal ku qabsadeen iska horimadkii saaka ka dhacay Baydhabo, iyo in magaaladu ay haatan nabad tahay.

   Dhanka kale, afhayeenkii xukumadii Koonfur Galbeed ee Cabdicasiis laftagareem, Ugaas Xasan ayaa qoraal kooban oo uu ku daabacay bartiisa Facebook saaka ku sheegay "daraawiishta koonfur galbeed waxey sibuuxda ula wareegeen magaalada Baydhabo", sheegasho aysan BBC du si madaxbanaan u xaqiijin karin.

   Ciidamada Dowladda Federaalka Soomaaliya iyo ciidamo isbahaysi ah oo taabacsan maamulka federaalka ayaa 30-kii Maarso 2026 gudaha u galay, kuna guuleystay inay la wareegaan inta badan magaalada Baydhabo, iyaga oo meesha ka saaray xukuumadii uu hugaaminayay madaxweyne Laftagareen.

10. 30 Maajo 2026Muxuu yahay xiriirka ka dhaxeeya rabitaanka Cuntada iyo Walbahaarka, sideese loo daweeyaa?

    Culayska walbahaarka ayaa burburin kara caafimaadkeena. Wuxuu sababi karaa madax xanuun, lalabo, hurdo la'aan, wuxuuna si weyn u carqaladeeyaa rabitaankeena cuntada. Marka aan dareeno walbahaar waxa dhici karta in aan u baahano shukulaato ama Pizza ama gabi ahaanba aynaan dareemin cunto.

    Balse, ma dhabbaa in welwelku ama walbahaarku awood u leeyihiin inay rabitaanka cuntada kiciyaan ama damiyaan, maxaase la samayn karaa si taasi looga hortago?

    Sii Akhri

11. 30 Maajo 2026War deg deg ah, Trump oo ku jira kulankiisii u dambeeyay ee heshiis ay la galaan Iiraan

    Madaxweynaha Maraykanka ayaa soo gabagabeeyay kulan uu la yeeshay la-taliyayaashiisa si ay uga wada hadlaan in la oggolaado heshiis lala galo Iran oo lagu kordhinayo xabbad-joojinta, balse weli lama shaacin wax go’aan ah.

    Sarkaal ka tirsan Aqalka Cad ayaa sheegay in Madaxweyne Trump uu aqbali doono oo keliya heshiis buuxiya shuruudihiisa aasaasiga ah.

    Madaxweynaha ayaa horay u sheegay in heshiis kasta oo la filayo uu xaqiijin doono in Iran dib u furto marinka Hormuz, isla markaana uranium-ta Iran uu Maraykanku burburiyo.

    Saraakiisha Iran ayaa ku adkaystay in heshiiska qabyada ah aanu ku jirin qodob dhigaya in marinka Hormuz dib loo furo iyada oo aan wax lacag ah laga qaadin maraakiibta, sidoo kalena aanu ku jirin ballanqaad la xiriira walxaha nukliyeerka.

    Isaga oo ka hadlayay magaalada Singapore, Pete Hegseth, oo ah xoghayaha gaashaandhigga Maraykanka, ayaa sheegay in Maraykanku uu si buuxda awood ugu leeyahay inuu dib u bilaabo dagaal ka dhan ah Iran haddii loo baahdo.

12. 30 Maajo 2026Shiicada oo si adag u dhaliishay Taliban: "Cadaadiska hanalaga joojiyo"

13. 30 Maajo 2026War deg deg ah, Iskuul magdhow $27 milyan ah uga helay shirkada Meta

    Iskuul degmo oo ku yaala Mareykanka ayaa helay magdhow dhan ilaa 27 milyan oo doolar, kaddib markii ay ku eedeysay shirkadaha waaweyn ee baraha bulshada inay door ku lahaayeen sii xumeynta dhibaatada caafimaadka maskaxda ee ardayda.

    Degmada Breathitt County ee gobolka Kentucky ayaa la filayaa inay noqoto degmadii ugu horreysay ee iskuulkeeda dacwad maxkamadeed ku raadsato magdhow ka dhan ah shirkada Meta.

    Ilo xog-ogaal u ah heshiiska oo lagu dhawaaqay toddobaadkii hore, ayaa sheegay in Meta ay bixisay 9 milyan oo doolar si loo soo afjaro dacwadda.

    Meta, Tiktok, iyo Youtube ayaa diiday eedeymaha loo soo jeediyay, iyaga oo sheegay inay qaadeen tallaabooyin lagu ilaalinayo badbaadada isticmaalayaasha da’da yar.

    Qareennada degmada Breathitt County ayaa sheegay inay hadda sii wadi doonaan dacwooyin lamid ah kuwaas oo ay soo gudbiyeen in ka badan 1,200 degmo dugsiyeed oo ku kala yaala daafaha Mareykanka.

14. 30 Maajo 2026War deg deg ah, Ukraine oo u adeegsanaysa AI weerarka gaadiidka sahayda u wada ciidamada Ruushka

    Sida ay ogaatay BBC Ukraine ayaa isticmaalaysa jiilka cusub ee garaadka macmalka AI ee ay ku shaqaynayaan diyaaradaha aan duuliyaha lahayn si ay u kordhiso weeraradeeda bartilmaameedyada Ruushka.

    Howlgalka ayaa la kulmay koror duqaymaha ah oo ka dhan ah gaadiidka iyo xarumaha lojistikada ee dhulka ay haystaan ee Koonfurta Ukraine, taasi oo Khalkhal galinaysa sahayda ku wajahan furinta.

    Diyaaradaha aan duuliyaha lahayn ayaa beegsanayay gaadiidka u kala safraya magaalooyinka Ukraine oo uu ku jiro marinka ku xiraya Ruushka gobolka Crimea.

    Falanqeeyayaasha ayaa sheegaya AI-da Ukraine ee ay taageerayso diyaarada aan duuliyaha lahayn ee Hornet loo tababaray iyada oo adeegsanaysa kumanaan saacadood oo muuqaal ay ku aqoonsanayso bartilmaameedyada milatariga Ruushka.

15. 30 Maajo 2026Sababta korista Jaranjarada ay faa'iido ugu leedahay jirkaaga iyo maskaxdaada

    In kasta oo aan isku dayno inaan qaadano wiishka, beddelka jaranjarooyinka, koritaanka dhowr dabaq maalintii waxa ay kor u qaadi kartaa caafimaadka maskaxda iyo awoodda. Inta badan oo aad socotid, waa inta ay sii badato in aad daal badan dareento.

    Bishii Sebtembar 3, 2021, Sean Greasley waxa uu koray oo uu ka soo degay 8,849 mitir in ka yar 23 saacadood, masaafo geyn lahayd meesha ugu sarreysa buurta ugu sarreysa adduunka. Dhamaadkii, wuu dhididsanaa oo si dhib leh ayuu u socon karay. Wuxuuna ku sameeyay dhiirigelinta qoyskiisa.

    Greasley waxa uu haystaa rikoorka adduunka ee wakhtiga ugu dhakhsaha badan ee la koro ama looga soo dego masaafada la mid ah kan Mount Everest ee jaranjarada oo ah 22 saacadood, 57 daqiiqo iyo 2 ilbiriqsi.

    Inteena badan suurtagal ahaan ma gaari karaan dhererkaas, laakiin fuulista dhawr jaranjaro ee nolol maalmeedkeena waxa ay noqon kartaa yool qiimo leh oo la hiigsado.

    Sii Akhri

16. 29 Maajo 2026Madaxweynaha Mareykanka Donald Trump oo sheegay inuu qabanayo kulan si loo gaaro “go’aanka kama dambaysta ah” ee ku saabsan heshiiska iran

    Madaxweynaha Mareykanka Donald Trump ayaa sheegay inuu qabanayo kulan lagu gaarayo “go’aanka kama dambaysta ah” ee ku saabsan heshiis lagu kordhinayo xabbad-joojinta lala galay Iran.

    Wuxuu sheegay in Iran “ay tahay inay oggolaato inaysan waligeed yeelan doonin hub nukliyeer ama bam nukliyeer,” sidoo kalena marin-biyoodka Hormuz dib loogu furo “isu-socodka maraakiibta si xor ah oo aan xannibaad lahayn, labada jiho.”

    Waxa uu sidoo kale sheegay in miinooyinka lagu aasay marin-biyoodka “la burburiyo.”

    “Waxaan hadda ku kulmaynaa Qolka Xaaladaha Degdegga ahsi aan u gaaro go’aanka ugu dambeeya,” ayuu ku qoray bartiisa Truth Social. Iran weli kama aysan hadlin arrintan.

    Tani waxay timid kadib markii saraakiil Mareykan ah ay u sheegeen BBC-da in labada dal ay ku heshiiyeen qaab-dhismeed heshiis — oo ama is af-garad— kaas oo sugaya ansixinta Trump iyo hoggaanka Iran.

    Sida la sheegay, heshiisku wuxuu kordhinayaa xabbad-joojinta muddo 60 maalmood ah, isla markaana wuxuu bilaabayaa wada-hadallo ku saabsan mustaqbalka barnaamijka nukliyeerka ee Iran.

    Qoraalkiisa, Trump wuxuu sheegay inuu diyaar u yahay inuu qaado xayiraadda Mareykanka ee marin-biyoodka Hormuz, isla markaana maraakiibta ku xanniban halkaas “ay bilaabi karaan safarkooda,

    Wuxuu sidoo kale ku adkaystay in Iran ay u oggolaato Mareykanka inuu qaado oo burburiyo uranium-ka la beekhaamiyay ee ay haysato.

    “Wax lacag ah lama kala wareejin doono ilaa amar dambe,” ayuu yiri. “Waxyaabo kale oo muhiimaddoodu aad uga yar tahay ayaa lagu heshiiyey.”

17. 29 Maajo 2026Gabadhii ugu horeysay ee reer Afgaanistaan oo fuusha buurta aduunka ugu dheer ee Everest oo fariin dirty

18. 29 Maajo 2026War deg deg ah, Jose Mourinho oo la saxiixday heshiis saddex sano ah kooxda Real Madrid

    Si rasmi ah looma soo bandhigi doono ilaa marka ay dhacdo doorashada madaxweynaha kooxda Real Madrid, taas oo la filayo inay qabsoonto 7-da Juun.

    Mourinho oo 63 jir ah, ayaa ka tagaya shaqadiisa tababarenimo ee Benfica, halkaas oo uu xilka qabtay bishii Sebtembar kuna hoggaamiyay kooxda inay kaalinta saddexaad ka gasho horyaalka Primiera Liga xilli ciyaareedkan.

    Markii hore ee uu maamulayay Real Madrid intii u dhaxeysay 2010 ilaa 2013, tababaraha reer Portugal wuxuu ku guuleystay La Liga, Copa del Rey iyo Spanish Super Cup.

    Mourinho wuxuu beddeli doonaa Alvaro Arbeloa, kaas oo xilka qabtay bishii Janaayo kadib bixitaankii Xabi Alonso.

    Real Madrid ayaa ku dhammeysatay xilli ciyaareedka 2025–26 iyaga oo aan wax koob ah qaadin, halka kooxda ay xafiiltamaan ee Barcelona ay hanatay horyaalka La Liga kadib guul 2-0 oo ay ku guulaysatay ciyaarta El Clasico.

    Socdaalkii Champions League ee Los Blancos ayaa sidoo kale kusoo dhammaaday markii ay guud ahaan 6-4 kaga adkaadeen kooxda horyaalka Jarmalka ee Bayern Munich wareegga sideed dhammaadka.

    Kadib markii uu ka tagay Real Madrid sanadkii 2013, Mourinho wuxuu dib ugu laabtay Ingiriiska si uu mar labaad u tababaro Chelsea, halkaas oo uu ku guuleystay horyaalkiisii saddexaad ee Premier League iyo EFL Cup xilli ciyaareedkii 2014–15.

    Kadib markii uu ka tagay Chelsea sanadkii 2015, Mourinho wuxuu ku biiray Manchester United heshiis saddex sano ah sanadkii 2016.

    Wuxuu kula guuleystay Europa League, EFL Cup iyo Community Shield xilli ciyaareedkiisii ugu horreeyay ee Old Trafford, balse waxaa shaqada laga eryay Diseembar 2018 kadib natiijo xumo.

    Mourinho sidoo kale wuxuu tababare kasoo noqday Tottenham Hotspur, kooxda Talyaaniga ee Roma oo uu kula guuleystay Europa Conference League sanadkii 2022, iyo kooxda Turkiga ee Fenerbahce, ka hor inta uusan la wareegin Benfica.

19. 29 Maajo 2026Sheeka-xariirada ay ciidanka Botswana ka sheegaan Janaraal Caydiid

20. 29 Maajo 2026War deg deg ah, Turkiga oo ka digay dagaal ka qarxa gobolka Badda Madow

    Dowladda Turkiga ayaa ka digtay khataraha ka dhalan kara dagaal aan la xakamayn karin oo ka qarxa gobolka badda Madow, kadib markii Markab Turki ah ay ku dhacday duqaynta diyaarad aan duuliye lahayn.

    Wasiirka Arrimaha Dibadda Turkiga ma sheegin dalka masuulka ka ahaa weerarkaasi.

    Labadaba Ruushka iyo Ukraine waxaa ay beegsadeen maraakiib gooshaya Badda Madow intii lagu guda jiray dagaalka dhex maray labada dhinac.

    SII AKHRI WARBIXINO KALE

    Jeebka maku qaadan lahayd lacag uu ku sawiran yahay wajiga Trump?

    Muxuu yahay heshiiska Abraham, oo saxiixiisa Trump uu u arko inuu shuruud u yahay heshiis lala galo Iran?

    Haween Soomaaali ah oo lagu soo eedeeyey khiyaano lacageed oo gaareysa $21 Milyan