Aadan Barre oo loo magacaabay wasiirka difaaca Kenya

Tebin toos ah

1. 26 Sebtembar 2022War deg deg ah, Weerar dad lagu dilay oo ka dhacay Ruushka

   Nin hubeysan ayaa rasaas ku furay iskuul ku yaalla bartamaha Ruushka, waxaana ku dhintay ugu yaraan 6 qof halka 20 kalena ay ku dhaawacmeen, sida ay sheegeen saraakiisha Ruushka.

   Waxaana goobta uu falkan ka dhacay gaaray gawaarida gurmadka deg deg ah iyo ciidamada amniga.

   Iskuulkan uu weerarkan ka dhacay waxaa ku sugnaa 1000 ardey ah iyo 80 macalimiin ah.

   Waxaa lagu soo warramaya in ninka weerarka geystay uu is dilay, lamana ogo sababta uu rasaasta ugu furay iskuulka.

2. 26 Sebtembar 2022Kiisaska Ebola ee Uganda oo kordhay xilli uu fidaya cudurka

   

   Xigashada Sawirka, Getty Images

   Tirada dadka looga shakisan yahay in ay qabaan cudurka Ebola ee dalka Uganda ayaa sii kordheysa.

   Maamulka wuxuu sheegay in ay jiraan 34 kiis oo cusub oo laga shakisan yahay kuwaas oo aan dhammaantood weli la xaqiijin.

   Cudurkan Ebola nooca Sudan strain ayaa inta uu ka dillacay Uganda lagu dhawaaqay maalinimadii Talaadada.

   Dhimashadii ugu horreysay ee la xaqiijiyey waxay aheyd nin 24 jir ah oo ku waayey xubno qoyskiisa ah oo gaaraya lix qof toddobaadkii uu horreeyey ee Bishan.

   Mas’uuliyiinta caafimaadka ee Uganda waxay rumeysan yihiin in 21 qof ay u dhinteen feyraska Ebola.

   Waxay wadaan dadaallada lagu baadi goobayo qof kasta oo la kulmay dadka looga shakiyay cudurka.

   Cudurka Ebola ee ka bilowday degmada dhacda bartamaha Uganda ee Mubende ayaa wuxuu haatan ku faafay deegaannada kale ee deriska ah.

   Ilaa iyo la hadda ma jirto wax kiis ah oo laga xaqiijiyay gudaha magaalada caasimadda ah ee Kampala.

   Waa markii afaraad uu cudurka Ebola ka dilaaco dalka uganda.

   Dalalka deriska ah Uganda waxay sheegeen inay galeen xaalad fejignaan ah si looga hortaggo cudurka.

   Wararka kale:

   Muxuu yahay raashinka marka ay hooyada uurka leh cunto ay ilama caloosheeda ku jirta ku qoslaan?

   Matxafka ay yaallaan qorigii Osama Bin Ladin iyo jaakaddii Sadaam Xuseen

   Putin oo xilka ka qaaday janaraalkii saadka u hayay ciidammada Ruushka ee Ukraine ka daagaallamaya

3. 26 Sebtembar 2022

   Asalaamu Caleykum.

   Kusoo dhawaada tebinta tooska ah oo aan idiin kuugu soo gudbinno wararkii ugu dambeeyay Soomaalida iyo caalamka.