චීනයේ 'ලෙෂන්' යෝධ බුදුරුව දශක හතකට පසු පළමු වරට ගං දියෙන් තෙත් වෙයි
ඡායාරූප මූලාශ්රය, Reuters
චීනයේ පිහිටි යෝධ බුදු රුවේ පා යුගල දශක හතකට පසු පළමු වරට පිටාර ගං දියෙන් තෙත් වී තිබේ.
සිචුආන් පළාතේ චෙන්ග්ඩු ප්රදේශය ආසන්නයේ පිහිටි යුනෙස්කෝ ලෝක උරුමයක් ලෙස නම් කර ඇති 'ලෙෂන්' බුදු පිළිමයේ උස මීටර 71 කි.
ශෛලමය බුදු පිළිමය ක්රිස්තු වර්ෂ 8 වන සියවසේදී පමණ නිමවන ලද්දකි.
පිළිමය දිය පහරට ඉහළින් පිහිටා ඇතත් එම ප්රදේශය1940 ගණන්වලින් පසු හටගත් දරුණුතම ගංවතුර තත්ත්වයට මුහුණ දී තිබේ.
ඒ හේතුවෙන් 100,000 ට අධික පිරිසක් ආරක්ෂිත ස්ථාන කරා රැගෙන යනු ලැබිණි.
බුද්ධ ප්රතිමාව විශාල ආකර්ෂණයක් දිනා ගෙන ඇති අතර අසල පිහිටි 'යැන්ග්ට්සේ' නදිය සහ 'ත්රී ගෝර්ජස්' වේල්ල අවට බෝට්ටු සවාරි ද සංචාරකයන් අතර ජනප්රිය වී තිබේ.
ජල මට්ටම ඉහළ යාමත් සමග ප්රතිමාව පිහිටි භූමියේ සිටි සංචාරකයන් 180 දෙනෙකු ආරක්ෂිත ස්ථාන කරා ගෙන ගිය බව චීන රාජ්ය මාධ්ය නිවේදනය කළේය.
ඡායාරූප මූලාශ්රය, Getty Images
ඡායාරූප මූලාශ්රය, Getty Images
ඡායාරූප මූලාශ්රය, Getty Images
ඡායාරූප මූලාශ්රය, Getty Images
බුදු පිළිමයේ පා ඇඟිලි ගං දියෙන් තෙමෙන්නේ නම් මිලියන 16 කට නිවහන වූ චෙන්ග්ඩු ප්රදේශයත් ජලයෙන් යටවන බවට එහි ජනයා අතර විශ්වාසයක් පවතින්නේ යයි 'ෂීන්හුවා' රජයේ පුවත් ඒජන්සිය වාර්තා කර තිබිණි.
සති ගණනාවක් පැවති ධාරානිපාත වැසි හමුවේ ජල මට්ටම වාර්තා ගත ලෙස ඉහළ යාමත් සමග සිචුආන් පළාත හදිසි ප්රතිචාර දැක්වීම සඳහා ඇති ඉහළම මට්ටම ක්රියාත්මක කර ඇත. වැසි නවතින බවක් ද දක්නට නොමැත.
ඡායාරූප මූලාශ්රය, Getty Images
ඡායාරූප මූලාශ්රය, Getty Images
'යැන්ග්ට්සේ', 'යෙලෝ' (කහ නදිය - හොවන්ග් හෝ නදිය),'හායි', 'සොන්ගුවා' සහ 'ලයාඕ' යන ගංගා අවට පිහිටි පළාත් වෙත නාය යාම් ඇතුළු අනතුරු පිළිබඳ දැනුවත් කර තිබේ.
'යැන්ග්ට්සේ' නදිය ආශ්රිතව ක්රියාත්මක මහා පරිමාණ ජල විදුලි ව්යාපෘතියක් වන 'ත්රී ගෝර්ජස්' වේල්ල ඉහළ කොටසට ජලය විශාල වශයෙන් එක්රැස් වෙමින් පවතින බවට බලධාරීන් අනතුරු අඟවා ඇත.
ඒ හේතුවෙන් ප්රධාන නගරයක් වන චොන්ග්කුයින්ග් ඇතුළු වේල්ලට ඉහළින් ඇති ප්රදේශ ජලයෙන් යටවීමට ඉඩ ඇති බවට ජල සම්පත් අමාත්යංශය අනතුරු අඟවා තිබේ.
මේ ගැනත් කියවන්න:
