Children fit spread coronavirus if schools reopen?

All di latest tori ontop coronavirus from all ova di world.

Live Coverage

Daniel Semeniworima

6 May 2020256 Nigerians return for abroad land Lagos from Dubai
Article Information
- - Author, Moseph Ekine
  - Role, Broadcast Journalist Pidgin
Wia dis foto come from, Emirates
Nigeria goment don bring back 256 Nigerians from Dubai for di first batch of Nigerians decide to return home sake of Covid-19.
Di Emriates Airline flight wey carry di Nigerians land for Murtala Mohammed airport for Lagos on Wednesday night.
Dis returnees dey part of di 4,000 pipo wey Nigeria Minister of Foreign Affairs, Geoffrey Onyeama bin tok on Monday 4, April say dey ready tp return home as a result of di Covid-19 pandemic.
According to di Foreign Ministry, dem don make arrengements to bring back more Nigerians from London and New York in di coming days.
All returnees dey expected to enter 14 days quarantine for select hotels once dem arrive, na so di Foreign Ministry tok on Tuesday.
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
6 May 2020Long queues for Supermarkets as Port Harcourt prepare for complete lockdown
Article Information
- - Author, Karina Igonikon
  - Role, BBC Pidgin, Lagos
Wetin we call dis foto, Queue for Port Harcourt mall, Rivers State
Long long queues na im dey many supermarkets for Port Harcourt as pipo dey rush to buy things before di complete lockdown begin for Port Harcourt and Obio Akpor, di two major cities for Rivers State.
Many of di buyers like Uche Amadi tell BBC Pidgin say na because say all di markets dey shutdown na im make pipo dey rush supermarkets since di lockdown na till further notice.
Supermarkets owners say dem get to make customers, wey must wear face mask and use hand sanitizer, stand for line so dem for observe social distancing, sat way pipo no go too crowd inside di supermarkets.
Prices of things don skyrocket as 4kg of rice wey bin dey cost N3500 don wey cost N7000 and Custard rubber of garri wey bin be 800 before now na N1500 but many pipo no get choice dan to buy like dat.
Traffic jam dey major roads as pipo dey rush to beat di 8pm curfew wey Federal Goment declare while some pipo also dey travel go dia village for oda local goment areas wia di complete lockdown no dey affect.
6 May 202037 pipo recover from Covid-19 for Lagos, Nigeria commercial capital
Lagos, Nigeria commercial capital on Wednesday discharge 37 more Covid-19 patients.
Di south-west state get di highest number of infections for di kontri with 1,242.
Dis one don bring di total number of pipo wey don recover from di disease for di state to 358.
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
6 May 2020Nigeria extend ban on flights to four more weeks
Wia dis foto come from, Twitter/@FAAN_Official
Nigerian goment don extend ban on all flight for anoda four weeks.
Chairman of di presidential taskforce on covid 19, Boss Mustapha give di aanouncement for during di weekly briefing by di taskforce for Abuja, di Nigerian capital.
Na since 11:59pm 27 March, 2020 na im goment close Nigeria airspace to epp contain di spread of coronavirus for di kontri and na tomorrow be di last day wen dem suppose lift di ban.
But oga Mustapha tok sayafta dem don assess di situation for ground for di aviation sector, dem realise say base on wetin dey ground and wetin expert tok dem no get choice dan to extend di ban for anoda four weeks.
6 May 2020Coronavirus tips: Four tins wey suppose dey inside your bag
6 May 2020Ghana dancing pallbearers thank doctors wey dey fight coronavirus
6 May 2020UK death toll don pass 30,000
UK don record 649 more coronavirus deaths to make di total number of pipo wey don die for UK to 30,076.
Na communities Secretary Robert Jenrick tok am for di Downing Street briefing.
Di UK don become di first kontri for Europe to record more dan 30,000 coronavirus deaths.
Meanwhile UK PM Boris Johnson bin don vow to do 200,000 lab tests a day by di end of May.
6 May 2020How Nigerian woman returnee born boy pikin inside Emirate flight wey fly from United Arab Emirate
Article Information
- - Author, Dooshima Abu
  - Role, BBC Pidgin, Abuja
One Nigerian woman returnee from United Arab Emirate, Kafayat Amusan donborn boy pikin inside plane 30 minutes afta di plane take off from Dubai.
Madam Kafayat entalabourinside di Emirate airline flight weydi bring stranded Nigeria back home from di kontri.
Chairman, Nigerians in Diaspora Commission, Abike Dabiri-Erewa wey confam dis one to BBC Pidgin say as di woman born pikin, immediately,di flight come turn back to UAE afta take off.
She say di woman go return back to Nigeria afta she obtain her pikin birth certificate and oda necessary travel documents for her baby boy.
Madam Kafayat dey among di 265 Nigerians wey Nigerian goment dey evacuate from Dubai on Wednesday. Dem suppose arrive di Murtala Mohammed International Airport by 3:00pm local time.
Madam Abike say she dey hospital for Dubainow and di woman and her son dey in good condition
“Di Nigerian Ambassador for Dubai, Amb.Rimi and staff of di embassy dey in touch wit di mother and pikin.
She further explainsay for di emirate airline don gatz change to anoda aircraft to bring back di remaining265Nigerian returnees back home.
Wia dis foto come from, Getty Images
6 May 2020Most Africans 'go go hungry in 14-day lockdown'
Article Information
- - Author, Moseph Ekine
  - Role, Broadcast Journalist Pidgin
Wia dis foto come from, EPA
Wetin we call dis foto, Cities like Lagos and Abuja for Nigeria don begin ease lockdown restrictions
More than two out of three pipo, wey dem ask kwesion inside 20 African kontris, say dem go run out of food and water if dem get to stay for house for 14 days.
Just over half of di pipo wey ansa di kwesion say dem go run out of money.
Dem conduct di Africa Centre for Disease Control and Prevention research to help goment map out future policies on ow to tackle coronavirus.
Di research warn say if dem no adopt measures to local needs, kontris fit risk unrest and violence.
Na for 28 cities for 20 kontris dem conduct di research to assess di ipact of di crisis and pipo attitudes to di restrictions wey goment impose.
6 May 2020German football don get green light to return for May
Wia dis foto come from, Getty Images
Wetin we call dis foto, Bayern Munich dey hope to win dia eighth consecutive German league title
Germany top football league - Bundesliga - fit return dis month behind closed doors afta Angela Merkel confam say dem don get government approval.
Di league go decide di exact return date tomorrow, with di weekend of 16-17 May as possible time.
Wen dem restart, di German Bundesliga go be di world first major football league to return afta di coronavirus pandemic cause palava.
Dem play di last game on 11 March with each club wey still get nine or 10 matches to play. Games go happun behind closed doors.
Di English and Spanish top flights dey hope to return next month, while Italian teams don get green light to start individual training. Di top leagues for France and di Netherlands no go finish afta dem cut dem short.
Only some low-profile football leagues - for kontries like Belarus and Nicaragua - don continue during di coronavirus pandemic.
On Tuesday, South Korea baseball division return, with dia football league wey dey set to return on Friday.
6 May 2020Coronavirus nova finish, Health Minister warn kontri pipo
6 May 2020Coronavirus: Nigerian Television Authority shut down Katsina station
Wia dis foto come from, NTA
Wetin we call dis foto, Nigeria Television Authority management staff test positive for Covid- 19
Nigerian Television Authority (NTA) don shut down di station wey dey Northern Nigerian state of Katsina afta one of dia management staff test positive for coronavirus.
Chairman of di Katsina State Council of di Nigeria Union of Journalists (NUJ), Tukur Dan-Ali give dis informate inside statement.
Di council believe say di staff catch di virus as im dey comot every day to do im work as essential worker.
Dey advise journalists for di state to dey careful and continue to dey take precautionary measures as dem dey cover events and do stories for dis period.
Dem go fumigate di station and dem go collect di samples of di 20 staff wey come in contact wit di confamed patient.
6 May 2020Di president tok my coronavirus status for TV
6 May 2020India “corona warrior” dey fight cancer
Wetin we call dis foto, Ms Sahu dey go door-to-door to educate pipo about coronavirus
One community health worker for India Rama Sahu, na pesin wey Indian goment fit call “corona warrior” as she dey epp fight di pandemic and dey suffer from cancer.
Every morning, di 46 year old Sahu go comot for her house for Eastern Orissa dey knock on pipo door to educate dem on di virus.
She go ask di families if any of dem dey show Covid- 19 symptoms, advise dem on isolaton, teach dem how to observe social distancing and share food give dem.
Even though she dey see dis pipo everyday, none of dem know say she get uterine cancer. Her condition dey bad as she gats wear diapers wen she comot.
She say anytime she work, she dey forget her problems and her mind dey busy.
6 May 2020Coronavirus patients for Gombe state, North East Nigeria do protest
Wia dis foto come from, Gombe state goment/TWITTER
Wetin we call dis foto, Covid- 19 Isolation Centre for Gombe state
Plenty coronavirus patients for Gombe state do protest outside di centre where dem dey receive treatment, say di authorities no take good care of them.
Di patients complain say drugs no dey and dem no dey chop well.
Dey join bodi wit members of di community for Tuesday evening do di protest as dem block di express road for Kwadon village, wey be about eight kilometres (five miles) from di state capital.
Di state health commissioner, Ahmed Gana, tell BBC say di patients no dey show symptoms and dem no need drugs. Di authorities also deny di accuse say dem no dey feed dem well.
Officials later beg di demonstrators to go back di treatment centre, but dem dey worry say di virus fit spread to di villagers wey come join di protest.
Dey advise those wey don come in contact wit di patients wey do protest to self-isolate for at least 14 days.
Gombe state so far don get about 100 confamed cases of Coid- 19.
6 May 2020COVID-19: Nasarawa govt lockdown L.G.A, impose 8pm to 6am curfew for di state
Wetin we call dis foto, Nasarawa state pipo dey go about dia business for market as if covid 19 no exist.
Di pipo of Nasarawa local goment for Nasarawa state go enta lockdown mode for three days in order to check di spread of coronavirus for di area.
Di Commissioner of Information, Culture and Tourism, Dogo Shammah say di lockdown for Nasarawa local goment na to epp find all those wey come in contact wit di late lawmaker, Adamu Suleiman wey die of covid 19 for di state
Oga Shammah further explain say di lockdown go start from Wednesday, May 6 till midnight of Friday, May 8.
Nasarawa state north central Nigeria now get 11 cases and di goment dey desperate to make sure say di disease no spread further
"So far, from the reports we get, di medical team don identify 70 pipo already for di local goment and dem fit be plenti more pipo for di area’ im explain.
Wetin we call dis foto, Nasarawa state pipo dey go about dia business for market as if covid 19 no exist.
E further explain give say di state goment don direct all dia pipo to dey wia face mask for public and give police pipo order to arrest pipo wey no dey wear am.
As at Tuesday wey BBC pidgin reporter visit di Mararaba Market for Karu local goment, di market dey full and pipo no care about social distancing.
6 May 2020Lockdown Professor resign after breaking rule as woman visit im house
6 May 2020Sokoto set up committee to investigate plenti deaths
Wia dis foto come from, Sokoto govt house/ Facebook
Wetin we call dis foto, Govnor Aminu Waziri Tambuwal na im set up di committee
Sokoto goment for northwest Nigeria don set up committee to investigate di plenti deaths wey dey happun for di state in di last few weeks.
Di goment also add say dem don open register for every burial ground wey dey di state to know di number of pipo wey dem dey bury each day.
Reports say tens of pipo na im dey die everyday for di state, situation wey dey fear many.
But Nigeria Medical Association chairmo for Sokoto Dr Sani Abubakar tell BBC say dem no get ogbonge data wey go show dem say true true death rate increase for di state.
“As medical pipo na data we dey use work and for now na just pipo of Sokoto dey observe say plenti pipo dey die but as we all know say di world dey face covid 19 pandemic wey dey kill elderly pipo pass and according to Sokoto di ones wey dey die na elderly pipo so na cause for concern.”
Efforts wey BBC put to speak to commissioner of health for di state Dr Ali Mohammed no work as e no pick im calls.
Officially Sokoto get 66 cases of coronavirus and 8 pipo don die.
6 May 2020Nigeria coronavirus cases rise reach 2,950, as NCDC confam 148 new cases
Una good morning.
Nigeria centre for disease control bin announce anoda 148 new cases for midnight on Tuesday.
Of di new cases wey dem post for their twitter page, 43 naim dey Lagos and 32 dey Kano.
Make you stay responsible and wash your hands.
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
5 May 2020"We no fit do anything wey go harm Nigerians wit Infectious Disease Bill"

Children fit spread coronavirus if schools reopen?

Live Coverage

6 May 2020256 Nigerians return for abroad land Lagos from Dubai

6 May 2020Long queues for Supermarkets as Port Harcourt prepare for complete lockdown

6 May 202037 pipo recover from Covid-19 for Lagos, Nigeria commercial capital

6 May 2020Nigeria extend ban on flights to four more weeks

6 May 2020Coronavirus tips: Four tins wey suppose dey inside your bag

6 May 2020Ghana dancing pallbearers thank doctors wey dey fight coronavirus

6 May 2020UK death toll don pass 30,000

6 May 2020How Nigerian woman returnee born boy pikin inside Emirate flight wey fly from United Arab Emirate

6 May 2020Most Africans 'go go hungry in 14-day lockdown'

6 May 2020German football don get green light to return for May

6 May 2020Coronavirus nova finish, Health Minister warn kontri pipo

6 May 2020Coronavirus: Nigerian Television Authority shut down Katsina station

6 May 2020Di president tok my coronavirus status for TV

6 May 2020India “corona warrior” dey fight cancer

6 May 2020Coronavirus patients for Gombe state, North East Nigeria do protest

6 May 2020COVID-19: Nasarawa govt lockdown L.G.A, impose 8pm to 6am curfew for di state

6 May 2020Lockdown Professor resign after breaking rule as woman visit im house

6 May 2020Sokoto set up committee to investigate plenti deaths

6 May 2020Nigeria coronavirus cases rise reach 2,950, as NCDC confam 148 new cases

5 May 2020"We no fit do anything wey go harm Nigerians wit Infectious Disease Bill"