تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
مالدووا ۴۵ روسي ديپلوماتان او د سفارت کارکوونکي باسي
مالدووا وايي د روسيې سفارت د ۴۵ دپيلوماتانو او کارکوونکو د ايستلو پرېکړه يې کړه ده.
د ۲۰۲۲ کال په فبرورۍ کې پر اوکرايين د روسيې له پراخ يرغل راهيسې د مولدووا حکومت څو ځلې مسکو د مخالفو ډلو په جاسوسۍ او ملاتړ تورن کړی دی.
روسيې بيا د مولدووا دغه پرېکړه غندلې او ويلې يې دي چې "ځواب" به يې ورکوي.
د سې شنبې پر ورځ د مالدووا د بهرنيو چارو وزارت د روسيې د سفارت په چت کې د څارنې تجهيزاتو نصبولو په اړه د رسنیو د راپورونو په اړه اندېښنه څرګنده کړه.
ياد وزارت ويلي د ديپلوماتانو د ايستلو دغه ګام یې "د پرلپسې کړکېچونو او غير دوستانه کړنو" له امله اخيستی او وايي روسيه بايد د اګست تر ۱۵ نېټې پورې خپل دغه ديپلوماتان له مالدووا څخه وباسي.
تر دې وړاندې د مالدووا ولسمشر مايا سانډو خبرداری ورکړی و، چې روسيه مالدووا ته د روزل شويو ملېشو د استولو په لټه کې ده. نوموړي زياته کړه روسيه له دې لارې غواړي چې مالدووا کې د لوېديځ متحد حکومت نسکور کړي.
روسیې د دغو ادعاوو په ردولو سره ويلي، دا د مالدووا د چارواکو يوه هڅه چې غواړي د ټولنې ذهنيت د خپلو ټولنيزو او اقتصادي سياستونو له ناکامۍ څخه بل پلو واړوي.