تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
پاکستان کې سیاسي کړکېچ؛ یو ډالر په ۳۰۰ پاکستانۍ روپیو بدلېږي
په پاکستان کې نن پنجشنبې (۱۱/۰۵/۲۰۲۳) د ډالرو پر وړاندې د پاکستانۍ روپیو ارزښت ریکارډ کچې ته لوېدلی دی.
د صرافانو د مالوماتو له مخې، نن یو ډالر په ۳۰۰ پاکستانۍ کلدارو بدلېده.
د اسعارو د پلورونکو معلوماتو ښيي، چې ازاد بازار کې د پاکستانۍ روپۍ پر وړاندې د ډالرو بیه لس روپۍ نوره هم لوړه شوې.
د رپوټونه له مخې، دمګړۍ په ځینو ځایونو کې یو ډالر په ۳۰۵ پاکستانۍ روپیو هم بدلېده.
بل خوا د بانکونو ترمنځ هم یو ډالر له ۲۹۵ پاکستانۍ روپیو په لوړه بیه تبادله کېږي.
د یادونې ده، چې تېره فبرورۍ کې پاکستانۍ روپۍ ۳۱ اعشاریه پنځه سلنه ارزښت بایللی و، چې دا له ۱۹۷۵ کال را وروسته تر ټولو لوړه کچه بلل شوې وه.
د رپوټونو له مخې په تېره فبرورۍ میاشت کې د لومړنیو خوراکي توکو بیې ۴۵ سلنه لوړې شوې وې.
د بهرنیو اسعارو پر وړاندې د پاکستانۍ روپيو ارزښت داسې وخت کې پرېوځي، چې پاکستان له سخت اقتصادي او سیاسي کړکېچ سره مخ دی.
د پاکستانۍ روپۍ د پړسوب یا انفلاسیون له امله په پاکستان کې د توکو بیې هم په کمساري ډول لوړې شوې دي.
پاکستان کې د عمران خان نیول کیدو او له تاوتریخوالو ډکو لاریونونو د کلدارې بیه په بې مخېنې توګه را ټېټه کړې او نوی ریکارډ یې جوړ کړی.
دغه هېواد کې سیاسي ناندریو او لوېدلي اقتصاد د خلکو ژوند ډېر ګران کړی دی.
د بانکي چارو ځینې کارپوهان وايي، په پاکستان کې روان سیاسي کړکېچ او په مارکیټ کې د ډالرو کموالی د روپیو د ارزښت په لوېدو کې مهم رول لري.