تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
سعودي د ۴۹ هېوادونو ګرځندویانو ته ویزې اسانوي
سعودي عربستان پر تېلو د کمې تکیې په پار یې د سیل او سیاحت عاید ته مخه کړې چې له امله یې خپلې دروازې د نړېوالو ګرځندویانو لپاره د پرانېستو پریکړه کړې ده.
سعودي حکومت د ۴۹ هېوادونو د اتباعو لپاره د ویزې شرایط اسانه کړي او همدارنګه یې پر مېرمنو د ځانګړو جامو د خپل بندیز په اړه یې د بیا کتنې امر کړی دی.
د سعودي عربستان د سیاحت وزیر احمد الخطیب دا د هېواد لپاره یوه 'تاریخي شېبه' یادوي.
سعودي عربستان تر ډېره خپلې ویزې د حج، د مذهبي ځایونو د زیارت، سوداګرۍ لپاره له نورو هېوادونو څخه دې هېواد ته د کار لپاره راځي.
د سعودي عربستان د ګرځندوی څانګه غواړي په ۲۰۳۰ میلادي کال کې ددې له درکه خپل عاید درې فیصده لوړ کړي.
ددې هېواد د ګرځندوی وزیر الخطیب وايي کله چې یو ګرځندوی زموږ تاریخي ځایونه وګوري حیران به پاتې شي.
د هغه په وینا، پنځه ځایونه شته چې د ملګرو ملتونو د یونېسکو له خوا د نړۍ د میراث په توګه پېژندل شوي دي.
دده په وینا په سعودي عربستان کې داسې په زړه پورې سیمې شته چې د سیلانیانو خولې ورته اوبه اوبه کیږي.
د دې هېواد د ګرځندوی وزیر وايي د بهرنیو هېوادونو پر مېرمنو دا بندیز نشته چې حجاب کوي او یا نه، هغه څه چې د سعودي د اتباعو لپاره لازمي دي، خو د جامې ټاکل اړین دي.
دا وزیر وايي چې د دوی یو دود دی، موږ هیله لرو چې زموږ دوستان او مېلمان دې دود ته پاملرنه وکړي .
د نوې تګ لارې له مخې به مکې او مدینې ښارونو ته به غیرمسلم خلک پرینه ږدي ځکه چې الکول منع دي.
د ګرځندویي د تګ لارې په اړه به نور جزییات د جمعې په ورځ خپاره شي او دې کې به دا په ګوته شي چې کومو هېوادونو ته به د سیاحت ویزې او اسانتیاوې برابرې شي.
د سعودي د ګرځندوی وزیر وايي، هغه په دې باور دی چې د سعودي عربستان د تیلو پر تاسیساتو بریدونه به سعودي عربستان ته د سیلانیانو د راتګ مخه ونه نیسي.
ګرځندوی سره تړلې هیلې
د نړۍ له ګوټ ګوټ څخه سیاستوالو ته د سعودي د دروازو پرانېستل د سعودي عربستان د پراخو اقتصادي اصلاحاتو د پروګرامو یوه برخه ده چې هدف یې پر تیلو اقتصادي انحصار کمول دي.
د دې تګ لارې له مخې، سعودي غواړي تر ۲۰۳۰ میلادي کال پورې د ګرځندویانو شمېر سل میلیونو ته لوړ کړي.
د سعودي حکومت اټکل کوي چې د سیاحت پروژه به یو میلیون خلکو ته د کار زمینې هم برابرې کړي.
دا پرمختګ په داسې مهال کیږي چې سعودي عربستان تېرکال د خبریال جمال خاشقجي د وژنې په اړه د نړۍ له کرکې سره مخ شو.
سعودي عربستان د ګرځندوی لویه پروژه په ۲۰۱۷ میلادي کال کې اعلان کړه .