د قزاقۍ نجلۍ انځور د عرب کارګرو د وهلو لامل شو
د عکس سرچینه، Youtube NNS
پر خواله رسنیو کارنو هغه وېډیو ډېره لاس په لاس کړې چې ویل کېږي قزاقستان کې د قراردادي ټولنې په نامه شرکت پر اردني، لبناني او فلسطیني کارګرو د وهلو ډله ییز برید شوی.
په وېډیو کې ښکاري چې پر ځینو انجنیرانو د وهلو برید کېږي، ځینې یې سخت ټپي کېږي او له نورو وینې روانې دي.
فعالانو ویلي، ددغه برید لامل پر هغه یوه انځور پورې تړاو لري چې د ایلي داود په نامه یوه لبناني انجنیر د خپلې قزاقۍ ملګرې انځور پر ټویټر خپور کړ چې د قزاقي کارګرو ملګرو سخته غوسه یې راوپاروله او دا یې ځان او خپل هېواد ته سپکاوی وباله.
ځینو نورو بیا دا انځور سپکاوی نه دی بللی، بلکې دغې قزاقۍ نجلۍ په خپله خوښه دا انځور اخیستی دی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
علي مرتضوي لیکلي: "دا انځور په قزاقستان کې کارګرو ځان ته سپکاوی بللی همدا ده چې په شرکت کې یې پر عرب کارګرو برید کړی، ښکاري چې دې نجلۍ دا نځور په خپله خوښه اخیستی ځکه چې په کې خاندي".
په مقابل کې نورو کسانو بیا دا د قزاقۍ ښځې لپاره سپکاوی بللی او د لبناني دا کار یې غندلی دی، خو د عرب کارګرو وهل یې جرم بللی دی.
بښنه
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
پر خواله رسنیو لبناني ایلي داود یوه وېډیو خپره کړې او د قزاقستان له ولس نه یې پکې بښنه غوښتې ده، دی وايي دا انځور یې د سپکاوي په پار نه دی خپور کړی.
رسمي غبرګونونه
بل خوا د لبنان د دفاع وزیر له خپل قزاقي سیال سره په تیلیفوني خبرو کې د خپل هېواد له خوا دغه پېښه غندلې او له قزاقستان یې غوښتي چې په دې هېواد کې د لبناني کارګرو د ساتنې لپاره لازم اجرآت وکړي.
