تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
پر نوویچوک زهرو د مېرمنې تر وژل کېدو وروسته، برتانیا کې پلټنې
د دې ۴۴ کلنې میرمنې چې د درې ماشومانو مور هم ده په مړینه ښايي د نوویچوک زهرجنې کیمیاوي مادې قضیه لا پسې پراخه شي؛ هغه ماده چې برتانیا ویلي په روسیه کې جوړ شوې ده.
دا مېرمن او د هغې ملګری چارلي راولي د پولیسو د وینا له مخې، د هغو زهرو له امله ناروغ شوي وو کوم چې د پخواني روسي جاسوس سرګي سکریپال او د هغه پر لور برید کې کارول شوي وو.
دا برید هم په لندن کې شوی او مړه شوې مېرمن او ملګری یې د ښاغلي سکریپال کورته نږدې سیمه کې اوسېدل.
د هغې ملګری چارلي راولي لا هم په روغتون کې تر درملنې لاندې دی.
دا پېښه د ترهګرۍ ضد پولیس له خوا څېړل کېږي او شاوخوا سل تنه کارپوهان د همدې لپاره ګومارل شوي دي.
په دې اړه لا هم څېړنې روانې دي چې دا دواړه څه ډول د ورته اعصاب فلجوونکي زهري مادي ښکار شوي دي.
د لندن د ترهګرۍ ضد پولیس مشر ویلي د دې میرمنې مړینه دوی نور هم هڅوي چې ددې پيښې عاملین ومومي او د خپل عمل په سزا ورسول شي، د پولیس مشر دا یو وحشي برید بللی.
لومړۍ وزیرې تیریزا مې ویلي د دې میرمنې په مړینه یې ټکان خوړلی
کله چې څو میاشتې وړاندې پخوانی روسی جاسوس سکریپال په لندن کې مسموم کړل شو، برتاینا د پړې ګوته روسیې ته ونیوله، خو روسیې په دغې پیښه کې لاس لرل رد کړل.
د همدې پیښې په پایله کې له برتانیا او یو شمیر نورو لوېدیځو هېوادونو سره د روسیې اړیکې زیانمنې شوې او په پایله کې لسګونه روسي ډيپلوماتان وویستل شول.
روسیې هم ورته ګام پورته کړی و.
سکریپال د روسیې د پوځي استخباراتو غړی و چې برتانیا ته یې جاسوسي کوله. هغه په دې وروستیو کلونو کې په برتانیا کې ژوند کاوه.
سکریپال په روسیه کې زنداني و ، خو د زندانیانو د ادلون بدلون
په یوه معامله ازاد شوی و.