په یوه ویډیويي کلیپ کې لیدل کېږي چې د اوکرایین خارکیېف ښار په ازادۍ میدان کې یو توغندی لګېدلی. بل لور په تصویرونو کې لیدل کېږي چې د روسیې پوځي ګاډو او ټانکونو یو خورا ستر کاروان چې اوږدوالی یې نژدې څلوېښت میلو ته رسېږي، د اوکرایین پلازمېنې کیېف پر لور د خوځښت په حال کې دی. بل لور اروپايي ټولنه وايي، اوکرایین ته به د وسلو تر څنګ جنګي الوتکې هم ورکړي. اوکراییني چارواکواوس تایید کړې چې د یکشنبې پر ورځ د اوکراییني پوځ پر یوه مرکز د روسي ځواکونو توپخانې ګوزارنو کې ۷۰ پوځیان وژل شوي دي.
نورسعید او ګوربت ننګیال
ټاکل شوې نن دوشنبه د ملګرو ملتونو عمومي اسامبله پر اوکرايين د روسيې د بريد په تړاو د خبرو لپاره يوه ناوياته غونډه وکړي.
دملګرو ملتونو امنيت شورا د دغې ناستې په پلوۍ رايه ورکړې.
دا ناسته د مسکو د ګوښي کولو په لړ کې د لوېدځ د هلو ځلو يوه برخه ده. روسيې دغه لړ کې پرېکړه ليک ويټو کړ خو د دغه راز شرايطو کې د ملګرو ملتونو د ټاکل شوې کړنلارې له مخې يې د پرېکړه ليک مخنيوى کولاى ونشواى.
د دغه ګام په اعلانولو سره لومړۍ وزيرې مګدالینا انډرسن وویل چې دا به لومړی ځل وي چې سویډن له ۱۹۳۹کال راوروسته په شخړه کې ښکېل هېواد ته وسلې لېږي.
هغې وویل چې په دې تجهيزاتو کې به پنځه زره یوځل د ټانک ضد توغندي، پنځه زره زغرې او پنځه زره هېملمټونه او همدارنګه ۱۳۵ زره د خوراک ډکې کڅوړې شاملې وي.
دا په داسې حال کې ده چې اروپايي ټولنې اعلان وکړ چې اوکرایین ته به وسلې ورکوي.
د اوکرایین د دفاع وزیر سلاکار انتون هراشچینکو ویلي، له بېلاروس څخه پر اوکرایین توغول شوي توغندي د زیتومیر ښار پر یوه هوايي ډګر لګېدلي دي.
دغه توغندي وروسته له هغه وتوغول شول چې د اوکرایین ولسمشر ولودمیر زیلینسکي وویل چې د اوکراین او روسیې پلاوي غواړيد بېلاروس پر پوله سره وګوري. تراوسه د دې لېدنې نېټه نه معلومه.
د عکس سرچینه، Zhitomir.info
د روسیې د يوې خپلواکې څارونکې ادارې په وينا، د روسيې پوليسو په ټول هېواد کې د جګړې ضد نژدې ۵۰ مظاهرو کې شاوخوا دوه زره کسان نيولي دي.
د او وي ډي انفو اداره وايي، پر اوکرايين د بريد له پيل راهيسې تراوسه له پنځه زره زيات روسي مظاهره کوونکي نيول شوي دي.
د اوکرایین د کورنیو چارو د وزیر سلاکار وايي، ځايي وخت مازدیګر شاوخوا پنځه بجې د بېلاروس له خاورې د اوکراین پر لور "الکسانډر" توغندي توغول شوي دي.
دغه توغندي وروسته له هغه توغول شويچې د اوکرایین ولسمشر ولودیمیر زیلینسکي وویل چې د اوکرایین او روسیې پلاوي غواړيد بېلاروس پر پوله سره وګوري. د خبرو وخت نه دی روښانه شوی.
د اوکرایین له خوا په خپره شوې بيانيه کې راغليچې "د بېلاروس ولسمشر الکساندر لوکاشینکو ژمنه کړې چې په خپل هېوادکې ځای پر ځای شوي ټولې الوتکې، چورلکې او توغندي به د اوکرایین د پلاوي د سفر او بیرته راستنیدو پرمهال پر ځمکه پاتې شي."
اروپايي ټولنې اعلان وکړ چې غواړي اوکراین ته د وسلو استول پیل کړي.
دا د دغې اتحادیې په تاریخ کې لومړی ځل دی چې دا ډول ګام پورته کوي.
د اروپا کمیسیون رییس اروسولا وان ډیر لیین خبري غونډې ته وويل، "دا یوه" مهمه شېبه ده.
هغه همداراز د روسیې او بېلاروس پر ضد د یو لړ نویو بندیزونو او د اروپا له فضایي حریمهد روسیې د کارولود بندیز اعلان هم وکړ.
پر اوکرایین د روسیې د برید پر ضد د اروپا په بېلابېلو ښارونوکې پراخ لاریونونه شوي دي.
برلین، لندن، مادرید، پاریس او امسترډام هغه ښارونه دي چې د پراخو لاریونونو شاهدان دي.
د عکس سرچینه، Getty Images
د عکس سرچینه، Getty Images
د عکس سرچینه، Getty Images
د عکس سرچینه، Getty Images
ټوېټر تایید کړه چې روسیې د هېواد په ځینو برخو کې ټولنيزو رسنيو دغې شبکې ته لاسرسی محدود کړی دی.د ټویټر شرکت د ټويټ له لارې ويلي، "موږ په روسيه کې د محدويت په اړه خبر يوو، موږ د امن او د خپلو خدمتونو د بيا فعالولوهڅه کوو".له دې وړاندې د جمعې په ورځ روسیې اعلان کړی و چې فېسبوک ته لاسرسی محدودوي.
د اوکرايين پهخارکیېف ښار کې د روسي او اوکرایني ځواکونو ترمنځ د نښتو انځورونه پر ټولنیزو رسنیو خپاره شوي دي.
په یوه ویډیو کې، چې بي بي سي تایید کړې، د اوکرایني پوځیانو یوه ډله لیدل کېږي چې د یوه دیوال شاته پناه اخلي، په داسې حال کې چې د ډزو غږونه اورېدل کېږي.
د ۲۰۱۹ کالراهیسې، روسي سرتېري د دندې پرمهال د ګرځنده تلیفونونو کارولو څخه منع شوي ځکه چې د ټولنیزو رسنیو کارول د ملي منیت ستونزې راپورته کوي.
خو لکه څنګه چې په اوکرایین کې شخړه دوام لري، د اوکرایني ځواکونو لخوا شریک شوي عکسونه د اوکرایین د اوسني وضعیت انځور وړاندې کوي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
د روسیې ولسمشر ولادمیر پوتین پوځي قوماندانانو ته امر کړی، چې د دغه هېواد هستوي ځواکونه دې په ځانګړي تيارسئ حالت کې وساتي.
نوموړي دغه څرګندونې په کرملین کې په هغه غونډه کې وکړې چې د دفاع وزیر او د وسله والو ځواکونو د اعلی سرقومندان په ګډون جوړه شوې وه.
ښاغلي پوتین وویل جګپوړو لوېدیځو چارواکو د روسیې پر ضد توندې څرګندونې کړې دي. نوموړي د لوېدیځ بندیزونه غیر قانوني وبلل.
د عکس سرچینه، Getty Images
د اوکرایین ولسمشرۍ ماڼۍ وایي، د دې هېواد یو حکومتي پلاوی به د اوکرایین او بېلاروس پر ګډه پوله له روسي پلاوي سره د روان کړکېچ په اړه مذاکرات کوي.
د اوکرایین ولسمشر ولودمیر زېلېنسکي ویلي، د بېلاروس له ولسمشر الکساندر لوکاشنکو سره له تیلیفوني خبرو وروسته یې هوکړه وکړه چې خپل یو پلاوی له روسي پلاوي سره خبرو ته ولېږي.
نوموړي ویلي، دا خبرې به له کوم قید او شرط پرته ترسره کېږي.
د عکس سرچینه، Getty Images
د کیېف ښاروال ویتالي کلیتشکو ویلي دي چې په ښار کې روسي ځواکونه نشته او ښار د روسیې د بریدونو په وړاندې له ځانه دفاع ته دوام ورکوي.
نوموړي ويلي، "پوځي، قضايي او دفاعي چارواکي د تخریب کوونکي تعقيبوي او د له منځه وړلوړ هڅه يې کوي".
د کیېف ښاروال په خپل ټیلیګرام چینل کې په یوه پیغام کې ویلي،چې د روسیې د یرغل له پیل راهیسې په پلازمېنه کې د یوه ماشوم په ګډون نهه ملکي وګړي وژل شوي دي.
لکه څنګه چې مخکې راپور شوي، د کیېف اوسېدونکو څخه غوښتل شوي چې سبا (دوشنبه، ۲۷ فبروري) په کور کې پاتې شي.
د بي بي سي د پروډیوسر کیټي لونګ په وینا، کیېف نن ورځ سړه او ارامه وه، په سړکونو کې یوازې د اردو سرتېري او وسله وال رضاکاران وو.
د راپورونو له مخې روسي ځواکونه له تېرو دوو ورځو راهیسې د کیېف پر لور روان دي او په ټول ښار کې د ډزو غږونه اورېدل کېږي.
د عکس سرچینه، AFP
د اوکرایین خرکیېف سیمې والي وايي، اوکراییني ځواکونو د دې مهم ښار کنټرول بېرته ترلاسه کړی دی. پر خواله رسنۍ ټیلیګرام یوه پیغام کې والي اولې سېنېهوبوف وايي:
''د خرکیېف کنټرول په بشپړ ډول زموږ په واک دی. امنیتي او دفاعي ځواکونه له پولیسو سره په شریکه فعالیت کوي او ښار په بشپړه توګه له دښمنه پاک شوی دی.''
د یادونې ده، چې تېره شپه روسي ځواکونه وتوانېدل د اوکرایین دې مهم ښار ته ننوځي.
پر خواله رسنیو خپرو شويو ویډیويي کلیپونو کې د خرکیېف لارو، کوڅو کې نښتې تر سترګو کېږي.
د یادونې ده چې په سیمه کې وضعیت ترینګلی د ی او پر ښار د کنټرول ادعاوو تایید ستونځمن دی.
خو دې سره سره په خرکیېف کې ملکي خلکو بي بي سي ته منلې چې ښار اوس بېرته د اوکراییني ځواکونو کنټرول ته ورغلی او په لارو، کوڅو کې وضعیت سوکه – سوکه ارامېږي.
له هغه وروسته چې روسي ځواکونه د اوکرایین خرکیېف ښار ته ننوتل، پر خواله رسنیو داسې تصویرونه خپاره شوي، چې په دې ښار کې نښتې ښيي. په یوه همداسې ویډيي کلیپ کې چې بي بي سي تایید کړی، د یوه دېوال تر شا اوکراییني پوځیان ښکاري، چې سنګر یې نیولی او یو یې له اوږې ګوزار کوونکی توغندی توغوي. د یادونې ده، چې له ۲۰۱۹ راهیسې د ملي امنیت په هکله له اندېښنو وروسته پر روسي پوځیانو د ځېرک موبایل ټیلیفون کارولو بندیز لګېدلی دی. خو په اوکرایین کې د جګړې له دوام سره د اوکراییني پوځیانو له لوري هلته د روان وضعیت یو تصویر وینو.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
د اوکرایین ولسمشر ولودومیر زیلنسکي وايي، هېواد یې د انصاف نړیواله محکمه کې د روسیې پر ضد شکایت کړی او له دې محکمې یې غوښتي چې مسکو ته د یرغل درولو سملاسي امر وکړی.
د انصاف نړیواله محکمه 'ای سي جې' چې مرکز یې هاګ کې دی، د ملګرو ملتونو یوه معتبره قضايي اداره ده او له نړیوال قانونه د هېوادونو سرغړونې په هکله پرېکړې کوي.
خو دا محکمه په فردي توګه د یوه هېواد مشر پر ضد جنايي تورونه نه شي لګولای.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
د اوکرایین دفاع وزارت مرستیالې د هغو زیانونو یو اټکلیز لیست خپور کړی، چې په وینا یې اوکراییني ځواکونو تر اوسه د روسیې پوځ ته اړولی دي. هنا مالیار په یوه فېسبوک پیغام کې ویلي، دا شمېرې لومړنۍ هغه دي او ښايي بدلون پکې راشي.
بي بي سي نه ده توانېدلې دا شمېرې تایید کړي او روسیې د زیان په هکله څه نه دي ویلي.
روسي ځواکونو ته د اوښتي زیان په دې لیست کې لاندې شمېر شامل دی.
د روسیې ولسمشر ولادیمیر پوتین د خپل هېواد له ځانګړو ځواکونو مننه کړې او هغه یې ستایلي چې د ده په وینا ''په اوکرایین کې په اتلولۍ سره خپل پوځي ماموریت تر سره کوي.''
په یوه ټلویزیوني وینا کې چې د کریملین پر وېبپاڼه هم خپره شوې، نوموړي د ''مورنۍ خاورې او روسیانو لپاره د دوی بې عیبه خدمت'' ستایلی دی.
روسیه وايي، بېلاروس ته یو پلاوی رسېدلی، چې په ظاهره یې تګ له اوکرایین سره د خبرو کول معلومېږي.
خو اوکرایین دا وړاندیز رد کړی او ولسمشر ولودومیر زیلنسکي وايي، مینڅک کې خبرې هغه مهال کېدای شي، چې روسیه د بېلاروس له خاورې پر اوکرایین بریدونه و نه کړي.
د دې تر څنګ نوموړي په بل ځای کې د خبرو لپاره دروازې پرانیستې پرې ایښې دي. نوموړي وویل:
''که ستاسې له خاورې یرغل نه وي، موږ په مینڅک کې خبرې کولای شو... نور ښارونه هم د خبرو لپاره کارول کېدای شي. له شک پرته موږ سوله غواړو، د جګړې پای ته رسېدل غواړو، موږ روسیانو ته د وارسا، براتیسلاوا، بوداپیست، استانبول او باکو وړاندیز کړی. د بل هر یوه هېواد ښار هم زموږ لپاره مناسب دی، خو چې له خاورې یې پر موږ د توغندیو ګوزارونه نه کېږي. یوازې له همدې لارې رښتینې خبرې کېدای شي او جګړه رښتیا پای ته رسېدلای شي.''
د عکس سرچینه، Getty Images
د اوکرایین په دویم لوی ښار خرکیېف کې چارواکي وايي، نژدې یو ساعت مخکې دې ښار ته د روسي ځواکونو له ننوتو وروسته اوس د ښار په لارو، کوڅو کې جګړه روانه ده.
پر خواله رسنیو داسې تصویرونه لیدل شوي، چې روسي ځواکونه د ښار په منځ کې ښيي.
ځینې داسې تصویرونه هم خپاره شوي، چې لږ تر لږه دوه روسي زغره وال ګاډي د اور په لمبو کې پټ ښيي.
بي بي سي تر اوسه دا تصویرونه نه دي تایید کړي.
خرکیېف کې ځايي چارواکو نن ګهیځ له ښاریانو وغوښتل چې لارو کوڅو ته له وتلو ډډه وکړي او په پناه ځایونو کې پاتې شي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
