د سرغړونو له تورونو سربېره د هند او پاکستان تر منځ اوربند ټینګ دی
د هند هوايي ځواک وايي، د دوی عملیات لا هم روان دي. پر اېکس خواله رسنۍ یوه پیغام کې د هند هوايي ځواک له لوري ویل شوي، عملیات یې دوام لري او جزیات به یې وروسته خپاره کړي. په پیغام کې زیاته شوې، ''عملیات لا هم روان دي، نو نور معلومات به وروسته خپاره شي. هند هوايي ځواک له ټولو غواړي چې له اټکلونو او ناتائید شویو معلوماتو ډډه وکړي.''
لنډیز
د امریکا ولسمشر ډونلډ ټرمپ پر خواله رسنۍ یوه پیغام کې ویلي، هند او پاکستان سملاسي او بشپړ اوربند ته چمتو شوي دي.
د پاکستان بهرنیو چارو وزیر او مرستیال لومړي وزیر اسحاق ډار هم په یوه اېکس پیغام کې ویلي، چې هند او پاکستان سملاسي اوربند ته چمتو شوي دي.
له دې مخکې د پاکستان پوځ ویلي و د هند خلاف یې ځوابي اقدامات اخیستي دي
تر هغې لږ ورمخکې د پاکستان پوځ ادعا کړې
وه، چې یو هندی ډرون د راولپنډۍ لوبغالي ته څېرمه پر یوه سړک چې خوراکيتوکي پرې
پلورل کېږي، رالوېدلی دی.
د پاکستان د کرېکټ بورډ مشر مسحن نقوي چې د
دغه هېواد کورنیو چارو وزیر هم دی، ادعا کړې چې په راولپنډۍ کې دا برید د کرېکټ
لوبغالي هدف ګرځولو لپاره شوی او موخه یې د ده په وینا دا ده چې د پاکستان سوپر
لیګ روانې سیالۍ اغېزمنې کړي.
د پاکستان د کرېکټ بورډ مشر د هند دا اقدام
"غیرمسوولانه او خطرناک" بللی دی. هغه ویلي پيسيبي تل پر دې دریځ درېدلی چې
سیاست او لوبې باید جلا وساتل شي.
د عکس تشریح، دهرمشالا کې د پنجاب کېنګز او ډیلي کپیټلز ترمنځ سیالۍ کې یوازې ۱۰ اووره لوبه وشوه
د یادونې ده چې تېره ورځ (د می ۸مه) د هند د کرېکټ غوره لیګ (ایپياېل) یوه لوبه هم نیمه تمامه پاتې شوه.
د پنجاب کېنګز او ډیلي کپیټلز ترمنځ دا لوبه د هند په شمال کې د هماچل پردېش ایالت په دهرمشالا ښار کې روانه وه خو د ۱۰ اورونو له ترسره کېدو وروسته ودرول شوه.
د هند کرېکټ بورډ په یوه بیان کې ویلي چې دا سیالي د "سترې تخنیکي ستونزې" له کبله لغوه شوه.
وروستی, د پاکستان دفاع وزیر پر کشمیر له خپله اړخه هر ډول بریدونه ردوي
د پاکستان دفاع وزیر خواجه اصف بي بي سي ته وویل "موږ دا
ردوو، موږ تر اوسه هیڅ شی نه دی توغولی."د پاکستان د دفاع وزیر په وینا کله چې پاکستان برید وکړي، هرڅوک
به پرې پوه شي. "موږ به داسې برید ونه کړو چې بیا یې رد کړو".
خواجه اصف د هند تر ولکې لاندې کشمیر کې د
چاودنو او برېښنا بندېدو له رپوټونه وروسته له بي بي سي سره خبرې کولې.
وروستی, د هند تر ولکې لاندې کشمیر کې خلکو ته د حکومت سپارښتنې
د هند تر واک لاندې کشمیر کې سرچینو بي بي سي ته
ویلي، حکومت ځای خلکو ته د احتیاط سپارښتنه کړې.
په ټولو مېشت ځایونو کې خلکو ته ویل شوي چې د کورونو
څراغونه دې مړه وساتي، له کوره بهر دې نه وځي او له اړتیا پرته دې سفرونه نه کوي.
هندي چارواکو ویلي، دا تدبیرونه د ویرې او ډار له
امله نه دي او دا چې امنیتي ځواکونه به حالت په کابو کې وساتي.
رپوټ کې ویل شوي چې هند
دفاعي سیستم له وړاندې فعال کړی.
د هند تر ولکې لاندې کشمیر کې دفاعي سیستم فعال شوی او د خطر ټلۍ بېلابېلو سیمو کې کړنګېدلي
جمو کې د بي بي سي
خبریال ریاض مسرور ته ځايي خلکو ویلي چې، پر هوا یې ځیني څېزونه ولیدل چې د هوايي
ډګر لوري ته روان وو. "له هغې وروسته د پرلپسې چاودنو غږونه واورېدل شول، او
له بل لوري شغلې ولیدل شوې، داسې برېښېده چې مخنیوی یې کېږي."
هندي سرچینو بي بي سي
ته ویلي چې په ټول جمو کې یې دفاعي سیستم فعال کړی دی، او د خبرداري زنګونه وهل
شوي.
د هند او پاکستان تر منځ کړکېچ د کرېکټ لوبې هم اغېزمنې کړې دي
د عکس سرچینه، Getty Images
د هند او پاکستان تر منځ تر پهلګام برید وروسته د رامنځ ته شوي کړکېچ له کبله په دواړو هېوادونو کې د کرېکټ روانې لوبې هم اغېزمنې شوې دي.
په هند کې د کرېکټ غوره لیګ یا ایپياېل سیالۍ روانې دي. ټاکل شوې وه را روانه یکشنبه یوه لوبه د هند په شمال 'درمشاله' ښار کې وشي خو اوس به یې پر ځای دا سیالي په لوېديځ ښار 'احمداباد' کې ترسره شي.
دا خبره د ګجرات د کرېکټ ادارې منشي انیل پټيل ځايي رسنیو ته کړې ده. لوبه د 'پنجاب کېنګز' او د 'مبمۍ اینډينز' تر منځ وه.
د دې لوبې په اړه اندېښنې ډېرې وې او د هند او پاکستان تر منځ د روان کړکېچ له کبله د درمشاله هوايي ډګر هم له هغو څه باندې شلو هوايي میدانونو دی چې د مې میاشتې تر لسمې نېټې به تړلی وي.
د 'پېښور زلمي' او 'کراچي کېنګز' لوبه ځنډول شوې
د عکس سرچینه، PCB
هاخوا د پاکستان په سوداګریز ښار کراچۍ کې هم د پاکستان غوره لیګ لوبې روانې دي او ټاکل شوې وه نن د 'پېښور زلمي' او 'کراچي کېنګز' تر منځ د کرېکټ لوبه وشي.
خو د پاکستان کرېکټ بورډ پرخپله اېکسپاڼه لیکلي چې، له ښکېلو اړخونو سره په ګډه سلا یې دا لوبه ځنډولې ده او نوې نېټه به "په مناسب وخت کې" اعلان شي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
خبرداری: بي بي سي د بهرنیو وېبپاڼو د منځپانګې مسؤله نه ده
هغه جومات ته چې برید پرې شوی، څوک نه پرېښودل کېږي. د دې سیمې اقتصاد له لویه سره پر سیلانۍ ولاړ دی او له یوې اوونۍ راهیسې سیلانیان دغې سیمې ته نه پرېښودل کېږي.
د جګړې پر مهال د هر هېواد لپاره هوايي یا فضايي دفاعي سیسټم ډېر ارزښتمن وي ځکه چې په دې کې هدف ته تر رسېدو مخکې د توغندیو راغورځولو وړتیا وي او د مقابل لوري د الوتکو موندلو او څارلو لپاره رادار او ګڼ نور وسایل پکې ځای پر ځای شوي وي.
د عکس سرچینه، Getty Images
خو د هند تر برید وروسته د پاکستان پر فضايي دفاعي سیسټم ځینې پوښتنې راولاړې شوې دي. پوښتنه دا ده چې په ریښتیا هم د پاکستان دفاعي سیسټم دومره وړتیا لري چې د هندي توغندیو مخه ډب کړي؟ پاکستان ولې په دې کې پاتې راغی چې هدف ته تر رسېدو مخکې د هند له فضا د ورتوغول شوو توغندیو مخه ونیسي؟
د پاکستان د هوايي ځواکونو یو پخوانی قومندان اکرام الله بټي بيبيسي اردو ته په مرکه کې ویلي چې پاکستان پخپل دفاعي نظام کې د چین جوړ کړي 'اېچکیو ۱۶' او 'اېفای' دفاعي سیسټم په ګډون ګڼ توغندي ځای پر ځای کړي دي چې پاکستان ته د توغندیو ضد سیسټم لرلو وړتیا ورکوي. په وینا یې، دا سیسټم له ځمکې ځمکې ته د توغول کېدونکو توغندیو، کروز میزایلو او د جنګي الوتکو د راغورځولو زور لري. خو په وینا یې، که توغندی له فضا یا له هوا پر ځمکه توغول کېږي نو داسې دفاعي سیسټم له پاکستان سره لا نه شته.
یو بل پخوانی پاکستانی پوځی چارواکی عادل سلطان بیا وايي چې داسې دفاعي نظام یا سیسټم په ټوله نړۍ کې لا نشته چې یوه هېواد ته بشپړ فضايي خونديتوب ورکړي، هغه هم داسې هېوادونو ته چې د هند او پاکستان غوندې څنګ په څنګ سره پراته وي. دی وايي، د پاکستان او هند پولې سره نښتې دي او په ځینو سیمو کې یې تر منځ فاصله یوازې څو متره ده او په داسې حال کې له فضا د ځمکې پر لور د توغېدونکو توغندیو سل سلنه مخنیوی ناشونی دی.
وروستی, د هند او پاکستان ترمنځ د روان کړکېچ په اړه مهم سرټکي:
د عکس سرچینه، Getty Images
تېره چهارشنبه (اپرېل شپږمه) هند وویل چې د پاکستان تر ادارې لاندې کشمیر په ګډون یې د دغه هېواد پر نهو بېلابېلو ځایونو بریدونه کړي دي. خو پاکستان وویل چې شپږ ځایونه په نښه شوي دي.
د پاکستان لومړي وزیر شهباز شریف چارشنبه ناوخته ولس ته په وینا کې وویل چې د هندي جنګي جېټ الوتکو په غورځولو سره پاکستان خپل "ځواب" ویلی دی. خو هند دا نه ده تایید کړې چې د دوی الونکې دې غورځول شوې وي.
