د اسرائیلو دفاعي ځواکونو د لبنان سویلي کلیو اوسېدونکو ته د وتلو نوی خبرداری ورکړی
د اسراییلو دفاعي ځواکونو د لبنان په شاوخوا ۲۵ کلیو کې خلکو ته نوی خبرداری ورکړی چې له سیمې ووځي.
پرون هم د یو شمېر سیمو خلکو ته ورته پیغامونه خپاره شوي وو. په وروستي پیغام کې شاوخوا پنځه کلي د پرون په خبرداري کې شامل دي.
د اسرائیلو دفاعي ځواکونو عربي ویاند اوېچای ادرايي لخوا دا خبرداری، چې په ټولنیزو رسنیو کې خپور شوی، د لبنان په سوېل کې دننه د جګړو تر پوټونو وروسته خپور شوی دی.
د اسرائیلو پوځ د لبنان اغېزمنو وګړو ته په خطاب کې ویلي، اسرائیلي پوځ دوی ته د زیان رسولو اراده نه لري او دوی باید سمدستي د اوالي سیند شمال ته، چې د اسرائیلو له پولې شاوخوا ۵۰ کیلومتره لېرې دی، د خپل ژوند د ژغورلو لپاره ووځي."
بل پلو نن سهار د اسرائیلو په شمال کې د توغندیو غږونو تر اورېدو وروسته د خبرداري زنګونه (سایرونه) اورېدل شوي دي.
د اسرائیلو دفاعي ځواکونو د اسرائیل او لبنان پولې ته نژدې د حیفا او لویدیځ ګیلیل شاوخوا اوسېدونکو ته د خوندیتوب خبرداری ورکړ.
اسرائیلي رسنیو د اسرائیلو د دفاعي ځواکونو له قوله خبر ورکړی، چې له نن سهار راهیسې د اسرائیلو پر شمالي سیمو څه باندې ۱۰۰ توغندي توغول شوي دي.