مصر کې د ابو الهول خندانه مجسمه کشف شوې، ښايي د کلاودیوس امپراتور وي
د عکس سرچینه، EPA
- Author, ايميلي ماكريفي
- دنده, بي بي سي نيوز
- د خپرېدو وخت
د مصر د لرغونو اثارو وزارت یوه مجسمه موندلې ده چې د ابو الهول له مجسمې سره ورته والی لري. دا مجسمه او یو لرغونی معبد د سوېلي قنا ښار په لرغوني معبد کې کشف شوي دي.
د دغه وزارت په خبرپاڼه کې چې د دوشنبې په ورځ خپره شوه، ویل شوي د عین شمس پوهنتون څېړنډلې د معبد ختیځ "دندره" سیمې لرغونو اثارو د کیندنو په ځای کې- چې هلته د لرغونو مصریانو یو خدای حورس و، دغه اثار موندلي.
حتحور معبد ته څېرمه ددغو اثارو موندل په مصر کې د ساتل شویو لرغونو سیمو د ننه یوه بله کشفونه ګڼل شوې.
اټکل کېږي چې د ابو الهول مجسمه له چونې جوړه شوې چې "خندان مخ او غاښونه" یې له ورایه ښکاري چې دا د رومي امپراتور کودیوس استازیتوب کولی شي.
کشف شوې مجسمه د جیزې په مشهورو اهرامونو کې د ابو الهول له مجسمې - چې لوړوالی یې ۲۰ متره (۶۶ ګامه دی) ډېره زیاته کوچنۍ ده.
د عکس سرچینه، EPA
د مصر د لرغونو اثارو د عالي شورا عمومي منشي مصطفی وزیري په وینا "په کشف شوو شیانو کې یو دریځ هم دی چې له ځمکې سره هوار ښکاري، یو پکې د اوبو ساتلو ذخیره ده چې د بیزنټاین له پېر سره تړاو لري".
وزیري د اوبو د حوض پاکولو د کار پرمهال وویل له چونې جوړې د ابو الهول د مجسمې کشفېدل د رومي امپراتوریانو استازیتوب کوي چې پر سر یې د کوبرا مار مجسمه ده.
غالب ګومان دا دی چې دا مجسمه به د رومي امپراتور کلاودیوس وي چې تر خپل مقتول ورور کلیګولا وروسته یې په ۴۱ میلادي کال واکمني کړې ده.
د عکس سرچینه، EPA
امپراتور کلاودیوس خپله رومي واکمني تر میلاد وروسته د ۴۱ او ۵۴ کلونو منځ کې د افریقا شمال ته هم وغځوله.
وزارت وايي، لرغونپوهان پر یوه ډبرینه دړه نښې څېړي چې د مجسمې د هویت په اړه لا نور معلومات تر لاسه کړي.
په غوره توګه د توږل شوي ابو الهول څنګ ته لرغونپوهانو د رومي پېر یو ډبرلیک هم موندلی چې ګیروګلیفي او دیموتیکي نقشونه پرې کښل شوي.
ځینې پوهان پر دې اند دي چې دا کشفونې د لا نورو سیلانیانو د جذبولو لپاره د مصري حکومت د هڅو یوه وسیله ده چې په دې هېواد کې د ناوړه اقتصادي حالت د ښه والي څرخ پرې وچلوي.
