په شمال کې د لمرګلي کرنې ډېرېدو د غوړیو ارزښت لوړ کړی

دې لپاره چې انټرنېټ مو لږ مصرف شي، یوازې متن ولولئ
د خپرېدو وخت

په دې وروستیو کلونو کې په یو شمېر ولایتونو کې د لمرګلي کرنه زیاته شوې.

لمرمخی
د عکس تشریح، د بلخ د کرنې ادارې په خبره سږ کال په بلخ کې په ۵۰۰ جریبه ځمکه لمرګلی کرل شوی چې له امله یې په سیمه ایز بازار کې د لمرګلي غوړیو او زړو ارزښت هم ورسره لوړ شوی.
لمرګلي
د عکس تشریح، د لمرګلي یو شمېر بزګران وايي په للمو ځمکو کې د دغه بوټي کرنې ښه پایله ورکړې او د نورو کښتونو پرتله یې زحمت هم کم دی.
لمرګلي
د عکس تشریح، د غوړیو د تولید کارخونې یو شمېر څښتنان وايي لا هم بزګران نه دي توانیدلي تر څو په هغه کچه لمرګلی تولید کړي، چې د دغو کارخونو اړتیا ورسره پوره شي.
لمرګلي
د عکس تشریح، د افغانستان شمال ته، د حیرتان په وچو دښتو کې د لمرګلي پراخې کروندې. بزګر د حاصلاتو په راټولولو بوخت دي.
لمرګلي
د عکس تشریح، د بلخ د کرنې او مالدارۍ ادارې ريیس سالم ساعي وايي سږ کال د بلخ، شورتپه، کلدار، چمتال او نهرشاهي ولسوالیو او په هغو سیمو کې چې اوبه یې کمې او پخوا به یې تر ډېره ځمکې شاړې پاتې کېدې، په نږدې ۵۰۰ جریبه ځمکه لمرګلی کرل شوی.
لمرګلي
د عکس تشریح، اوس بزګران وايي نوي تخمونه کم ګلان کوي، خو حاصل یې ډېر دی.
لمرګلي
د عکس تشریح، بزګر وايي لمرګلی کمو اوبو ته اړتیا لري . زحمت یې هم تر نورو کښتونو کم، خو ګټه یې ډېره ده.

.