तपाईँ अहिले हाम्रो वेबसाइटको थोरै डेटा प्रयोग हुने ‘टेक्स्ट-ओन्ली’ साइटमा हुनुहुन्छ। सबै तस्बिर र भिडिओसहित मूल वेबसाइटमा जान यहाँ क्लिक गर्नुहोस्।
मूल वेबसाइट तथा पूरा संस्करणमा जानुहोस्।
हाम्रो वेबसाइटको थोरै डेटा प्रयोग हुने संस्करणबारे थप जान्नुहोस्।
कोरोना भाइरस नेपाल: थप १९ सय जनालाई सङ्क्रमण, १५ जनाको मृत्यु
विगत २४ घण्टामा नेपालभरि थप १,९१३ जनामा कोरोनाभाइरस सङ्क्रमण पुष्टि भएको र १५ जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ।
मन्त्रालयका अनुसार १०,०२२ जनाको परीक्षण गर्दा त्यति सङ्ख्यामा सङ्क्रमित फेला परेका हुन्।
यो वृद्धिसँगै नेपालमा पुष्टि भएका सङ्क्रमितको कुल सङ्ख्या दुई लाख चार हजार नाघेको छ।
अहिलेसम्म नेपालमा १,१८९ सङ्क्रमितको कोभिड-१९ सँग सम्बन्धित कारणले मृत्यु भएको मन्त्रालयले जनाएको छ।
मन्त्रालयका अनुसार अहिले थप २,३४९ जना सङ्क्रमणमुक्त भएका छन्।
नेपालमा अहिले पुष्टि भएका ३८,४६१ जना सक्रिय सङ्क्रमित छन्।
नेपालमा अहिलेसम्म १,६४,५९२ जना निको भएको सरकारी तथ्याङ्क छ।
अर्थात् सङ्क्रमितहरू निको हुने दर ८०.६ प्रतिशत छ।
बुधवार २,५६९ जनामा सङ्क्रमण पुष्टि हुँदा नेपालमा सङ्क्रमितको कुल सङ्ख्या दुई लाख नाघेको थियो।
को हुन् सङ्क्रमित?
मन्त्रालयका अनुसार अहिले फेला परेका सङ्क्रमितमध्ये ७५९ जना महिला र १,१५४ जना पुरुष छन्। उनीहरू विभिन्न जिल्लाका हुन्।
सबै सङ्क्रमितमध्ये ३४ प्रतिशत अर्थात् ६८,७११ महिला र बाँकी १,३५,५३१ जना पुरुष भएको मन्त्रालयले जनाएको छ।
तर पर्याप्त परीक्षण नभएकाले सङ्क्रमितको वास्तविक सङ्ख्या बढी हुनसक्ने विज्ञहरूको भनाइ छ।
तर काठमाण्डू उपत्यकामा सर्वाधिक परीक्षण र सङ्क्रमित हुने क्रम जारी छ।
विगत २४ घण्टामा काठमाण्डूमा ७६४ सहित उपत्यकामा ९७३ जनामा सङ्क्रमण पुष्टि भयो।
- के हो? वास्तवमा के हो कोरोनाभाइरस
- कसरी जोगिने? सङ्क्रमण हुनबाट कसरी जोगिने
- के हुन्छ? सङ्क्रमण भएपछि शरीरमा यस्तो हुन्छ
- भिडिओ: नधोइएका फोहोर हातमा कीटाणु कसरी फैलिन्छन्
- भिडिओ: फोन यसरी सफा गर्नुपर्छ
- के जान्नै पर्छ? कोरोनाभाइरसबारे तपाईँलाई थाहा हुनुपर्ने प्रमुख कुरा
अरू तथ्याङ्क के छ?
अहिले देशभरि २९,३८४ सङ्क्रमित घरमै र बाँकी संस्थागत आइसोलेशनमा भएको मन्त्रालयले जनाएको छ।
उपत्यकामा सर्वाधिक २०,८४९ जनामा सक्रिय सङ्क्रमण छ। यो सक्रिय सङ्क्रमितको कुल सङ्ख्याको ५४ प्रतिशत हो।
उपत्यकामा भएका सङ्क्रमितमध्ये १४,२३८ जना घरमै एकान्तवासमा भएको तथ्याङ्क मन्त्रालयले दिएको छ।
देशभरि अस्पतालमा भएका सङ्क्रमितमध्ये ३७३ जना सघन उपचार कक्षमा र ८७ जना भेन्टिलेरमा भएको विवरण मन्त्रालयले दिएको छ।
मन्त्रालयका अनुसार अहिले काठमाण्डू उपत्यककाका तीन जिल्लाबाहेक झापा, मोरङ, सुनसरी, चितवन, काभ्रेपलान्चोक, कास्की, नवलपरासी पूर्व, दाङ, रूपन्देही र कैलालीमा ५०० भन्दा बढी सक्रिय सङ्क्रमित छन्।
हिमाली जिल्ला मनाङमा अहिले सङ्क्रमितको सङ्ख्या शून्य छ। त्यहाँ पाँच जना सङ्क्रमित फेला परेकोमा सबै जना निको भइसकेका छन्। अहिलेसम्म १४ सङ्क्रमित फेला परेको छिमेकी जिल्ला मुस्ताङमा अहिले आठ जना उपचाररत छन्।