Spòrs

Chan urrainn gun robh deireadh-seachdain na b'fhearr aig cluicheadair iomain na bh' aig Rowan Brockie aig Gleann Urchadain.

Disathairne chuir i trì tadhail is an sgioba aice a' togail puing 'son direach an treas turas air an t-seusan sa. Chrìochnaich an geama le Inbhir Nis 3-3.

Chluich i an uairsin Là na Sàbaid dhan dara sgioba, is fhuair i trì eile is iad a' cur 15 (còig deug) seachad air Ceann Loch Seile.

Tha an dara sgioba aig mullach na lìge a tuath le 63 tadhal ann an ochd geamaichean.

Chan eil geama aig Gleann Urchadain an deireadh-sheachdain seo tighinn is sùilean a-nis a' tionndadh gu iar-chuairtean deireannach Cupa Valerie Fhriseil.

Bidh dùil ri geamaichean math is Bàideanach, a tha sa phrìomh àite sa Phrìomh Lìog, a' dol an aghaidh sgioba an Eilein Sgitheanaich a tha san treas àite.

Sa gheam eile thèid Loch Abar an aghaidh Ghlaschu Meadhan Earra-Ghàidheal - an dara àite a' cluich a' cheathraimh àite.

Tha na farpaisean snàimh a-nise air tòiseachadh aig Geamannan nan Eilean.

Bidh sgioba nan Eilean Siar an sàs ann an iomadh farpais madainn Diluain le mòran às na h-Eileannan an Iar an dòchas gum faigh Kara Hanlon a-steach do cuairt-deireannach an 50m breaststroke oidhche Luain.

'S e là trang dha-rìribh a tha gu bhith ann aig Geamannan nan Eilean ann an Arcaibh Diluain.

Às dèidh là measgaichte do sgiobaidhean ball-coise nan Eilean Siar Didòmhnaich, tha iad air ais air a' phàirc leis an dà sgioba a' cluiche Ynys Môn.

Gheibh cluicheadairean ghoilf, luchd-baighseagail agus sgioba an t-snàimh a' chiad bhlas acasan air na farpaisean cuideachd, le cothrom aig Kara Hanlon air bonn a ghlèidheadh san 50m breaststroke ro dheireadh an là.

Bha deagh là aig sgioba lùth-chleasachd nan Eilean Siar Là na Sàbaid.

Chaidh aig Seonaidh MacAonghais air cuairt-dheireannach na rèise thar 1500m a ruighinn - bidh sin ann oidhche Mhàirt.

Às dèidh faighinn tro na rèisean dearbhaidh, bidh an dà chuid Thomas Brennan agus Tony Wesley an sàs Diluain ann an iar-chuairt dheireannach rèis 100m.

A dh'aindeoin an teasa ann an Kirkwall, chaidh aig Muriel NicLeòid agus Catriona Bain air crìoch a chur air rèis nam ban thar 10,000m - le Catriona a' faighinn PB de 42.02.13 anns a' chiad turas aice aig na geamannan.

Thòisich sgioba nam ban aig WIIGA an iomairt aca aig geamannan nan Eilean le bhith buannachadh 3-0 an aghaidh Hitra.

Fhuair Shana NicPhàil dà thadhal air gach taobh de tadhal Shinead NicLeòid.

Bha an sgioba toilichte le na 3 puingean ach dh'aidich an cluicheadar dìon, Amanda NicNeacail nach robh iad air cluiche aig an ìre a bu mhiann leotha.

Chan eil sgioba bhòbhlaidh nan Eilean Siar air tòiseachadh cho math 's a bu toil leotha. Chaill iad 13-7 an aghaidh sgioba làidir à Bermuda.

Bha Peadar O'Donnell agus John Blunt 11-0 air dheireadh aig aon àm ach thill iad gu làidir, agus iad ag ràdh gun do dh'fhàs iad cofhurtail leis an raon faisg air an deireadh.

Tha dà gheama eile aca feasgar an-diugh.

Tha na farpaisean snàimh a' tòiseachadh Diluain ach tha sgioba nan Eilean Siar air a bhith a' fàs cleachdte ris an amar aig ionad Pickaquoy ann an Kirkwall.

'S i Marilyn Hanlon Leas-mhanaidsear Sgioba Snàimh WIIGA.

Fir WIIGA v Bermuda a' tòiseachadh aig 1200 ann an Rendall. Tha leas-choidse sgioba nan Eilean Siar ag ràdh gu bheil an sguad ann an deagh shunnd, ged a dh' aidich e gum biodh iad air sìde car fliuch is garbh iarraidh!

Raon-bòbhlaidh Khirkwall air a' chiad latha de dh' fharpaisean aig Geamannan Arcaibh. Tha dùil gun tòisich iomairt sgioba nan Eilean Siar an seo mu 11:45.

Tha na farpaisean a' tòiseachadh an-diugh ann an Arcaibh.

Tha aire sgioba nan Eilean Siar air an raon-bòbhlaidh le Terry Condaidh anns an fharpais shingilte agus John Blunt is Peadair O'Donnell san fharpais dhùbailte.

Aig ionad spòrs Pickaquoy, tha sgioba Bhadminton WIIGA a' cluiche an aghaidh Eilean Wight, na Graonlainne agus nan Eilean Faclannach.

San lùth-chleasachd tha farpaisean dearbhaidh nan rèisean 100m ann agus cuairtean deireannach do Ewan Amos anns an leum-àrd, is tha Catriona Nic'IlleBhàin agus Muriel NicLeòid ann an rèis 10,000m air an trac.

Tha dà gheama ball-coise ri chluiche an-diugh cuideachd, le na fir an aghaidh Bermuda aig 1200 agus sgioba nam ban an aghaidh Hitra aig 1530.

Tha sgioba WIIGA air bhioran air thoiseach air na farpaisean aca. Bha cuirm fosglaidh is caismeachd tro Khirkwall an-raoir.

Tha feadhainn a tha an sàs ann an spòrs anns na Hearadh ag ràdh gun dèanadh pàirc phlastaig san eilean feum mòr.

Fhuair a' bhuidheann Spòrs na Hearadh taic-airgid airson sgrùdadh a dhèanamh feuch dè mar a b' urrainn pàirc phlastaig a thogail.

Tha sgioba nan Eilean Siar aig Port-adhair Steòrnabhaigh agus iad a' dèanamh air Arcaibh feasgar Dihaoine.

Tha WIIGA a' comharrachadh 20 bliadhna bho nochd iad aig Geamannan nan Eilean an toiseach ann an Sealtainn 2005.

Tha beagan dàil air a' chiad itealain aca ach tha dùil fhathast gum bi iad uile air Arcaibh a ruighinn oidhche Haoine.

Leis na Geamannan gus tòiseachadh, tha cathraiche WIIGA ag ràdh gu bheil an sgioba airson ùidh ann an spòrs a bhrosnachadh is luchd-spòrs a mhisneachadh.

Chaidh uachdar an traca ùrachadh ro na geamaichean.

Seo far am bi na farpaisean snàimh is WIIGA ag amas air seo mar chothrom air buinn a chosnadh.

Tha sgioba BBC Spòrs air Arcaibh a ruighinn a-nise - ged nach eil dùil acasan a bhith a' farpais airson nam bonn idir!

Tha Alasdair MacIllinnein air a bhith a' toirt sùil air na goireasan.

Tha sia cùirtean badminton am broinn ionad Pickaquoy ann an Kirkwall - far am bi ceithir spòrsan eile air an cumail cuideachd.

Bidh sgioba de dh'ochdnar a' farpais an seo do sgioba WIIGA.

Tha sgioba nan Eilean Siar a' dèanamh air Arcaibh Dihaoine airson Geamannan nan Eilean 2025.

Tòisichidh na geamannan Disathairne.

Bidh còrr is 100 neach air turas sònraichte a chaidh a chur air dòigh eadar Steòrnabhagh is Kirkwall.

Bidh aig a' phlèana ri dà thuras a dhèanamh leis cho mòr 's a tha sgioba WIIGA agus tha cuid air ceistean a thogail mu chosgaisean agus a' bhuaidh air an àrainneachd.

Tha cathraiche WIIGA, Norrie 'Tomsh' Dòmhnallach, ag ràdh gu bheil na planaichean air tighinn ri chèile fìor mhath.

Bhuannaich sgioba ball-coise nam ban aig WIIGA bonn airgid bho chionn dà bhliadhna.

Tha iad ag amas air a dhol ceum nas fhaide ann an Arcaibh.