मोदी सरकार: नरेंद्र मोदींची संसदीय दलाच्या नेतेपदी निवड

लाईव्ह कव्हरेज

1. 23 मे 2019वाराणीत पंतप्रधान नरेंद्र मोदी विजयाच्या दिशेने

   वाराणसीत पंतप्रधान नरेंद्र मोदी विजयाच्या दिशेने वाटचाल करत असल्याचं बीबीसी प्रतिनिधी योगिता लिमये यांनी म्हटलं आहे. मोदी 2 लाख 50 हजार मतांनी आघाडीवर आहेत.

2. 23 मे 2019सर्व ताजे निकाल आणि विश्लेषणाचं थेट प्रक्षेपण इथं पाहा

3. 23 मे 2019...ही तर त्सुनामी - देवेंद्र फडणवीस

4. 23 मे 2019NDA 346 जागांवर आघाडीवर

5. 23 मे 2019सपा-बसपाचं महागठबंधन नाकारून उत्तर प्रदेशने भाजपला का जिंकवलं?

6. 23 मे 2019पंतप्रधानांनी केले अभिनंदन

   पंतप्रधान नरेंद्र मोदी यांनी जगन मोहन रेड्डी आणि नवीन पटनाईक यांचं अभिनंदन केलं आहे. जगन मोहन यांनी आंध्र प्रदेशात तर नवीन यांनी ओडिशात विजय मिळवले आहेत.

7. 23 मे 2019जपानच्या पंतप्रधानांनी केलं मोदींचं अभिनंदन

8. 23 मे 2019काँग्रेसमधील मतभेद चव्हाट्यावर

   पराभवानंतर काँग्रेस पक्षातील मतभेद उघड झाले आहेत. पंजाबचे मुख्यमंत्री कॅप्टन अमरिंदर सिंह यांनी नवज्योत सिंह सिद्धू यांच्यावर टीका केली आहे. सिद्धू यांनी पाकिस्तान भेटीत लष्करप्रमुख जनरल कमर बाजवा यांना आलिंगन दिलं होतं. त्यासंदर्भात अमरिंदर म्हणाले, “भारतीय नागरिक विशेषत: सैन्याशी निगडीत व्यक्ती पाकिस्तानच्या लष्करप्रमुखाला आलिंगन देण्याची गोष्टी स्वीकारूच शकत नाहीत.”

9. 23 मे 2019लालकृष्ण अडवाणींकडून मोदी-शहांचं अभिनंदन

   "लोकसभा निवडणुकांतील दणदणीत विजयासाठी पंतप्रधान नरेंद्र मोदी यांचं मन:पूर्वक अभिनंदन. भाजप अध्यक्ष अमित शहा आणि पक्ष कार्यकर्त्यांच्या अविरत प्रयत्नांचं हे यश आहे. आपल्यासारख्या खंडप्राय आणि वैविध्यपूर्ण देशात मतदारांना भाजपसह एनडीएला भरभरून मतं दिली आहेत. या यशातील सहभागींचे मनापासून अभिनंदन. आपल्या देशाचं भवितव्य उज्ज्वल आहे", असं भाजपचे ज्येष्ठ नेते लालकृष्ण अडवाणी यांनी म्हटलं आहे.

10. 23 मे 2019औरंगाबादमध्ये कडवी लढत; MIMचे इम्तियाज जलील 30,243 मतांनी पुढे

    औरंगाबाद मतदारसंघात पंधराव्या फेरीअखेर आकडे खालीलप्रमाणे.

    चंद्रकांत खैरे- 2,21,993

    इम्तिजाय जलील - 2,52,236

    हर्षवर्धन जाधव - 1,78,049

    सुभाष झांबड- 51,461

11. 23 मे 2019नगरमध्ये सुजय विखे आघाडीवर

    उत्तर महाराष्ट्र

    अहमदनगर - सुजय विखे - भाजपा - 5,88,094 संग्राम जगताप - एनसीपी- 3,49,934

    धुळे - सुभाष भामरे- भाजपा - 5,25,012 कुणाल पाटील - काँग्रेस- 3,31,475

    दिंडोरी - डॉ भारती पवार - भाजपा - 3,41,485 धनराज महाले - एनसीपी- 2,03,446

    जळगाव - उन्मेष पाटील- भाजपा - 5,27,128 गुलाबराव देवकर - एनसीपी - 2,22,233

    नंदुरबार - डॉ हिना गावित - भाजपा - 6,36,299 के. सी. पाडवी - काँग्रेस - 5,40,991 नोटा - 2,1831

    नाशिक - हेमंत गोडसे - शिवसेना- 2,19,317 समीर भुजबळ - एनसीपी- 1,33,030 माणिक कोकाटे- अपक्ष - 5,82,20

    शिर्डी - सदाशिव लोखंडे - शिवसेना- 4,81,802 भाऊसाहेब कांबळे - काँग्रेस - 3,62,790

    रावेर - रक्षा खडसे - भाजप - 5,37, 547 डॉ उल्हास पाटील - 2,77,841

12. 23 मे 2019‘पाणी समस्या आज देशापुढे सर्वांत मोठा प्रश्न’

    भाजपचे उमेदवार नितीन गडकरी नागपुरात एका पत्रकार परिषदेत बोलताना म्हणाले.

    • जनतेचा कौल स्वीकारणं हेच लोकशाहीत सर्वांत महत्त्वाचं असतं.
    • लोकशाहीमध्ये गुणात्मक सुधार करणे, तिच्या मर्यादेचं पालन करणं आवश्यक असतं.
    • पंतप्रधान फक्त एका पक्षाचा नसतो. तो देशाचा असतो. त्यामुळे “चौकीदार चोर है”सारखं वक्तव्य करणं चुकीचंच होतं.
    • नवीन मंत्रिमंडळात जलशक्ती नावाची मोहीम हाती घेणार, जेणेकरून पाणीटंचाईच्या समस्येवर तोडगा काढता येईल. परवाच झालेल्या NDAच्या घटक पक्षांच्या बैठकीत यावर मंजुरी मिळाली आहे.
    • जसं आम्ही रस्त्यांचं नेटवर्क सुधारलं, तसं आम्ही पाण्याचं नेटवर्क सुधारू.

13. 23 मे 2019भाजप अध्यक्ष अमित शहा यांचं पक्ष कार्यालयात जल्लोषात स्वागत

    भाजप कार्यकर्त्यांनी पक्षाध्यक्ष अमित शहा यांचं कार्यालयात जल्लोषात स्वागत केलं. गुलाबाच्या पाकळ्यांचा शहा यांच्यावर वर्षाव करण्यात आला.

14. 23 मे 2019योगी आदित्यनाथ यांनी केलं मोदींचं अभिनंदन

    “काँग्रेस, सपा-बसपा यांचं नकारात्मक स्वरुपाचं राजकारण मतदारांनी नाकारलं आहे. मोदींच्या विकास तसंच राष्ट्रवादी विचारांना मतदारांनी पाठिंबा दिला आहे. जातीवाद आणि कुटुंबाच्या राजकारणाचं पर्व संपुष्टात आलं आहे”, असं उत्तर प्रदेशचे मुख्यमंत्री योगी आदित्यनाथ यांनी म्हटलं आहे.

15. 23 मे 2019ममता बॅनर्जी यांच्याकडून विजेत्यांचं अभिनंदन

    “सगळ्या विजेत्यांचं अभिनंदन. मात्र हरलेले उमेदवार मोठ्य़ा फरकाने हरलेले नाहीत. आम्हाला पराभवाचं परीक्षण करावं लागेल. आम्ही एकमेकांशी चर्चा, विचारविनिमय करू. मतमोजणी आणि व्हीव्हीपॅटची प्रक्रिया पूर्ण होण्याच्या प्रतीक्षेत आहोत”, असं पश्चिम बंगालच्या मुख्यमंत्री ममता बॅनर्जी यांनी म्हटलं आहे.

16. 23 मे 2019अफगाणिस्तानचे राष्ट्राध्यक्ष अशरफ घनी यांनी केलं मोदींचं अभिनंदन

    "सार्वत्रिक निवडणुकीत विजयासाठी पंतप्रधान नरेंद्र मोदी यांचं मन:पूर्वक अभिनंदन. भारत-अफगाणिस्तान या दोन्ही देशातील सौहार्दपूर्ण संबंध कायम राहतील याची खात्री आहे", असं अफगाणिस्तानचे राष्ट्राध्यक्ष अशरफ घनी यांनी म्हटलं आहे.

17. 23 मे 2019चीनच्या राष्ट्राध्यक्षांच्या शुभेच्छा

    चीनचे राष्ट्राध्यक्ष शी जिंनपिंग यांनी पंतप्रधान मोदींना एक पत्र पाठवून निवडणुकांमधील विजयासाठी शुभेच्छा दिल्या.

    "भारत आणि चीनमधले संबंध अत्यंत महत्त्वपूर्ण असून दोन्ही देशांमधली विकासाधारित घनिष्ठ भागीदारी पुढे नेण्यावर आपला भर आहे," असं शी या पत्रात म्हणाले.

    दोन्ही देशांमधले संबंध ज्या वेगाने गेल्या काही वर्षांमध्ये दृढ झाले आहेत, त्याबद्दलही चीनच्या राष्ट्राध्यक्षांनी समाधान व्यक्त केल्याचं परराष्ट्र मंत्रालयाने एका निवेदनात सांगितलं.

18. 23 मे 2019नेपाळच्या पंतप्रधानांनी केलं मोदींचं अभिनंदन

    नेपाळचे पंतप्रधान के.पी. शर्मा ओली यांनी भारताचे पंतप्रधान नरेंद्र मोदी यांचं अभिनंदन केलं आहे.

19. 23 मे 2019कोल्हापुरात शिवसेनेचे संजय मंडलिक 1 लाख 97 हजार 484 ने पुढे

    संजय मंडलिक (शिवसेना)- 5,21,140

    धनंजय महाडीक (राष्ट्रवादी काँग्रेस) -3,23,856

20. 23 मे 2019शिवसेनेचे प्रतापराव जाधव 82425ने आघाडीवर

    शिवसेना :- प्रतापराव जाधव - 3,08,887

    राष्ट्रवादी काँग्रेस :- डॉ. राजेंद्र शिंगणे - 2,26,462

    वंचित बहुजन आघाडी - बळीराम सिरस्कार - 9,5308