Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Улуттук коопсуздук кызматы билдирүү таратып, Мамлекеттик бажы кызматынын төрагасынын мурдагы орун басары Райымбек Матраимовдун жанында жүргөн жана бул тармактагы коррупциялык схемаларга аралашкан 40 киши аныкталганын билдирди.

УКМК: Матраимовго жакын жүрүп, коррупциялык схемаларга аралашкандар аныкталды

Башталгыч бет

Кыргызстанда өткөн парламенттик шайлоодо добуштарды сатып алуу эң оркойгон жана эң көп жайылган мыйзам бузуу болгонун эл аралык жана жергиликтүү байкоочулар да белгилеп жатышат.

Коркпогон коррупциянын шайлоодогу оркойгон чеңгели

Кыргызстандын Башкы прокуратурасы шайлоо мыйзамдарын бузгандарды мыйзамдык жоопкерчиликке тартарын эскертип, азыркы учурда массалык маалымат каражаттарында көрсөтүлгөн мыйзам бузуулар боюнча сотко чейинки териштирүү иштери жүрүп жатканын билдирди. 1-сентябрда болгон коопсуздук кеңешинин жыйынында укук коргоо органдарына шайлоодогу мыйзамсыз көрүнүштөргө ыкчам түрдө мыйзамдуу чара көрүү талабы коюлган.

Шайлоого сапырылган акча жана ыкчам топтордун ыкшоолугу

Кыргызстан эгемендикке ээ болгон токсонунчу жылдардын башында кыргыздар калпагын көккө ыргытып, эми эч кимге күңкор болбой, өз тагдырын өзү чечип, башка өлкөлөр менен өзү каалагандай тең ата саясат жүргүзүп, канга салам бербей өнүгүп кетебиз деп ойлошкон. Бирок андан бери өткөн отуз жылга таяган убакыт ичинде ошол жаркын тилектерге, үмүттөргө суу сепкен кесепеттүү окуяларды дагы баштан кечирди. Коррупциядан таза башкаруу, чыныгы демократиялык түзүлүш, чыныгы эгемендик кыргыз эли үчүн дагы деле алыстагы кыял-тилек бойдон калууда.

Эл эңсеген эгемендиктин эйфориясы тараганда...

Улуттук тарых музейин оңдоодо учурунда болгон коррупция жөнүндө ишти караган сот экс-премьер-министр Сапар Исаковду мурдакы мөөнөттөрүн кошуп, он сегиз жылга эркинен ажыратып, 247 миллион сом айыппул салды.

Улуттук музейден уурдалган миллиондор боюнча сот өкүмү чыкты

Мекемелер аралык тергөө тобунун күбөлөрү Кыргызстандын Стамбулдагы мурдагы башкы консулу, камактагы Эркин Сопоков менен Саймаитинин таанышы Рустам Тиллабаев деген жаран.

Саймаити ишиндеги күбөлөрдүн көрсөтмөсү, коомдогу күмөндүү ойлор жана ачуу сындар

Мыйзамсыз байыды делген аткаминерлердин сүрөттөрү жарыяланып, алардын айрымдарынын куран кармап актанган видеолору жарыяланды.

"Ким кантип байыды?": Коомдук сайттардагы талкууга расмийлер эмне дейт

Өткөн жылы Лондондо "байлыктын булагы так эмес" делген шек менен камакка алынган мүлктөрдүн ээси Казакстандын лидери Нурсултан Назарбаевдин кызы менен небересине таандык экени белгилүү болду.

Назарбаевдердин Лондондогу мүлкү камакка алынды

Издөөдөгү чиновник Насирбек Алмаматовду бошоткон судьяларга чара көрүү боюнча Башкы прокуратура тартип комиссиясына сунуштама берди. Ал тапта ИИМ Алмаматовду эл аралык издөөгө берди.

Экс-чиновникти бошоткон судьялардын иши териштирилет

Кыргызстан 2019-жылдын коррупция индексинде 180 өлкөнүн ичинен 126-орунду ээлеп, Жибути, Украина жана Азербайжан менен бир катарга чыкты. 100 баллдын ичинен 30 балл алды, бул 2018-жылга салыштырмалуу бир баллга көп. Коррупция индексин ар жылы Transparency International эл аралык уюму түзөт.

Кыргызстан коррупция индексинде Жибути жана Украина менен бир катарда

Кытайдын соту Интерполдун мурдакы башчысын коррупциялык кылмыштар боюнча күнөлүү деп таап, 13 жарым жылга түрмөгө кести. Кытайдын борбордук телеканалы билдиргендей, Мэн Хунвей мамлекеттик кызматта туруп, эки млн доллардан ашык суммада пара алган.

Интерполдун мурдакы башчысы коррупцияга күнөөлүү болуп, түрмөгө кесилди

Кыргызстандын Улуттук коопсуздук боюнча мамлекеттик комитети "Солтон Сары" кенининдеги алтын чыгаруучу фабрикадан алтын камтыган өнөр жай өндүрүшүн системалык түрдө уурдаган канал кармалды деп кабарлады.

УКМК: «Солтон Сарыдан» алтын уурдаган канал аныкталды

Өтүп бара жаткан 2019-жылы коррупцияга каршы күрөштүн алкагында мурунку президент, эки премьер-министр, эки министр, эки мэр тор артына түшкөн өзгөчө жыл болду.

2019: Миллиондордун чыры, саясий лөктөрдүн соту

Өтүп бара жаткан жылы Кыргызстандын тышкы саясатынын концепциясы кайрадан каралып чыкты. Өлкөнүн тышкы иштер министри алмашып, маанилүү стратегиялык өнөктөш делген бир катар өлкөлөрдө кыргыз элчилери жаңыланды.

Жээнбековдун 2019-жылдагы тышкы саясаты

Ленин райондук соту мурдагы мэрлер Албек Ибраимов, Кубанычбек Кулматов жана алар менен кошо соттолуп жаткан башка тараптарга сот өкүмүн чыгарды. Албек Ибраимов 15 жылга кесилди.

Сот Албек Ибраимовдон башкаларын бошотту

Бишкекте жарандык активисттердин «REакция 2.0» деген тынчтык митинги өтүүдө.

REакция: Бийликке экинчи "айып кагазы"

Кыргызстандын президенти Сооронбай Жээнбековдун басма сөз кызматы билдирүү таратып, «Азаттык» жана «Клооп» медиаресурстарынын журналисттик иликтөөсүндө айтылгандар боюнча түшүндүрмө берди.

#REакция: коррупцияга каршы жарандык чакырык

"Азаттык", Kloop жана OCCRP (Коррупцияны жана уюшкан кылмыштуулукту иликтөө долбоору) биргелешип жасаган Кыргызстандан чыгарылган миллиондор, мыйзамсыз соода схемалары боюнча иликтөөгө президенттик аппараттан жооп беришти. Күч органдары үн ката элек.

Журналисттик иликтөө: "Президент тиешем жок деген жооп менен чектелди"

АКШнын Мэриленд штатында адам өлтүрүү беренеси боюнча абакка кесилген үч адам 36 жылдан кийин эркиндикке чыкты. Сот жаңы далилдерди карап, аларды актады.

Тергөө шалаакылыгы: 36 жылдан кийин акталып, абактан чыккандар

АКШ президенти Дональд Трамп күтүүсүз жерден Ооганстанга келди. Алды менен бул жакта кызмат өтөп жаткан америкалык аскерлерге жолугуп, "Ыраазычылык күнү" менен куттуктады.

Трамптын Ооганстанга күтүүсүз сапары

Bellingcat эл аралык изилдөө тобу уйгур тектүү кытай ишкери Саймаитинин Стамбулдагы өлүмү боюнча иликтөө жүргүздү. Изилдөө тобу иликтөөсүн "Үмүт 2020" кыймылы менен бирге ишке ашырган.

Bellingcat Саймаитинин өлүмүн иликтеди

Сот Икрамжан Илмиянов президенттин кеңешчиси болуп турганда "Дизель комплект" компаниясына салык төлөбөгөндүгү үчүн козголгон кылмыш ишин жабыш үчүн андан 150 миң АКШ долларын алганы далилденди деген негизде аны жети жылга эркинен ажыратып, мүлкүн конфискациялады жана 160 миң сом айып пул салды.

Икрамжан Илмиянов жети жылга түрмөгө кесилди

Бишкек жылуулук электр борборуна Казакстандан көмүр алып келүү тендери боюнча соттук жараянга чейинки териштирүү башталды. Казакстандык "КонтактУглеПром" компаниясы жеңип чыккан тендер мыйзамсыз өттү деп укук коргоо органдарынан президентке чейин даттануулар түшкөн эле.

ЖЭБге Казакстандан келген көмүр боюнча териштирүү башталды

Журналистикага жамынып алып, опуза менен каражат тапкандарды Азербайжанда "журналист-рэкетирлер" деп аташат. Алар негизинен нускасы аз басылмаларда жана жеке сайттарда иштеп, чиновниктердин жана ишкерлердин "айыбын ачкан" макалаларды жазышат.