Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Кыргызстанда уран казууга мыйзамдагы тыюуну алып салуу каралууда. Тийиштүү долбоор парламентте биринчи окууда колдоо тапты. Уран жана торий кендерин иштетүү экологияга эч кандай зыян келтирбейт деп өкмөт айтып жатат. Ал эми экологдор уран казуунун жаратылышка кесепети оор болоорун эскертүүдө.

Ак терек, көк терек, өкмөткө уран менен торий казууга уруксат керек 

Кыргызстанда судьяларга пенсиядан сырткары төлөнчү үстөк акыны алып салуу сунушталууда. Социалдык фонддун маалыматына ылайык, Кыргызстанда экс-судьялар арасындагы эң жогорку пенсия 129 миң сомду түзөт. Бул сумманын 65 миң сому кошумча үстөк болуп саналат. 

"Үстөк акы төлөнбөсүн". мамлекет сотторду ашыкча бапестеп жатабы?

Жогорку Кеңештин депутаты Надира Нарматова “Медиахаб” коомдук фондунун кызматкери, журналист Асел Шамилованын үстүнөн сотко кайрылганы жатат. Депутат журналист анын кадыр-баркына шек келтирген берүү жасап, аны каралаганын айтууда. Бул окуя аталган эл өкүлүнүн бейөкмөт уюмдар жөнүндө мыйзам долбоорунун айланасында коомдук сын пикир курчуган учурда болуп жатат.   

"Олуттуу коркунуч". Бейөкмөт уюмдарды беймаза кылган долбоор 

Абировдун маселеси: мыйзамдар эмне дейт?

Түркиядагы катуу жер титирөө болуп, кыйроолор жана курмандыктар болгондон кийин Кыргызстандагы курулуштардын сапаты жөнүндө маселе кайра көтөрүлдү. Чоң шаарларда соңку жылдары жайнаган курулуштар кулач жайган менен алар жер титирөөгө канчалык туруштук берет деген суроо көпчүлүктүн көкүрөгүн оюп турган убак. Жогорку Кеңеште депутаттар Бишкек менен Оштогу башаламан курулуштарды мамлекеттик комиссия түзүп текшерүү керек деп жатышат.

"Түркиядагыдай күбүлүп түшүп калбасын". Бишкектеги үйлөрдүн сапатына санаркоо 

Бишкекте Улуттук китепканада өткөн "Жалпыга маалымдоо каражаттары: кечээ, бүгүн жана эртең" деген аталыштагы конференцияда айтылган сөздөрдүн негизги удулу өлкөдөгү басма сөз эркиндиги жана жоопкерчилик жөнүндө болду.

Кыргыз журналистикасынын кечээки тарыхы, бүгүнкү өксүктөрү

Кыргызстандын бюджетин толтурган эки чоң булактын бири - Бажы кызматы. Бирок ал быйыл өзүнө койгон планды аткара албай, жыл аягына чейин бери дегенде 24 миллиард сомдой каражат бюджетке түшпөй калганы турат.  

Бажы: киреше боюнча убада эмнеге орундалбай калды? 

Өзбекстан менен чек ара макулдашуусун Жогорку Кеңеш эртең карап, президент Садыр Жапаров ага өзү барып катышары маалым болду. 
Буга чейин парламенттин тармактык комитети Кыргызстан менен Өзбекстандын өз ара чек араны тактоо, Кемпир-Абад суу сактагычын биргелешип башкаруу жөнүндө макулдашуусун карап жактырган.  

Кемпир-Абад: утуш кимде?

Кыргызстанда Кемпир-Абад суу сактагычын коргоо комитетине кошулган активисттер менен саясатчыларды кармап-камоо күч алып турган учурда президент Садыр Жапаров Элдик курултай чакырып, бир жагынан элдин ой-пикирин угуп, өзүнүн отчетун берип, экинчи жагынан саясий колдоо алуунун аракетин көрүүдө.

Элдик курултайга кимдер келатат, алар эмне маселе көтөрөт?

Өзбекстандын парламенти кыргыз-өзбек чек арасы боюнча макулдашуунун ратификациялаганын билдирди. Ал эми Кыргызстанда талашка түшкөн макулдашуу 15-ноябрда Жогорку Кеңештин тармактык комитетинде каралып, жактырылды.
Депутаттар аны менен кошо "Кемпир-Абад" суу сактагычынын суусун биргелешип башкаруу тууралуу кыргыз-өзбек өкмөттөр аралык макулдашуусунун долбоорун да колдошту.

К﻿емпир-Абад боюнча келишим денонсацияга жатпайбы?

Кыргызстанда Жогорку Кеңештин депутатынын мал-жандыкка салык киргизүү боюнча сунушу кызуу талкууга жем таштады. Ансыз деле каатчылык менен кымбатчылыктан жаны кейип турган адамдар депутатты элди ойлобогон адам катары сынга алып жатканда жайыттын сапатын ойлоп, колдоого алгандар да болууда.

“Кылы да кыйшайбайт”: Мал-жандыкка салык салуунун кезеги келдиби?

Кыргыз-тажик чек арасында болгон согуштан кийин эки тараптан төрттөн постту алууга чечим болгон, бирок Жогорку Кеңеште бир топ депутаттар чек ара боюнча протоколдорду жокко чыгарууну талап кылууда. 

“Протоколдор жокко чыксын”. Дүйшөмбүнүн Бишкекке агрессиясы жана опузасы  

Казинолорду, тотализаторлорду, букмекердик контораларды иштетүүгө уруксат берүүгө багытталган мыйзамдын долбоорун Жогорку Кеңеш 1-окууда колдоду.

Казино менен казына толтуруу аракети

Билим берүү жана илим министри Алмазбек Бейшеналиев депутат Кундузбек Сулайманов өзүнүн жардамчысын кызматка койгусу келгенин ачыктады.

Билим берүү: Депутат өзүнүн жардамчысын эмне үчүн кызматка койгусу келген? 

Кыргызстанда депутаттыкка талапкерлердин жогорку билими тууралуу маселе кайрадан талкууда. Эл өкүлдөрүнөн түзүлгөн демилгечи топ депутаттардын дипломун талап кылган ченемди алып салуу сунушун киргизүүдө. 

Депутаттардын жогорку билими: диплом эле жетиштүүбү? 

Кыргызстанга оң рулдуу автоунааларга кайрадан уруксат берилиши мүмкүн. Жогорку Кеңеште тийиштүү мыйзам долбоору коомдук талкууга коюлду. Кыргыз өкмөтү бул демилгени колдогон жок, өлкөдөгү оор жүк ташуучу айдоочулар дагы ага каршы чыгууда.  

Оң рулдуу унаалар: арзан, бирок азабы көппү?

 Кыргыз парламентинде бейөкмөт уюмдарын чет элдик агенттерге теңөө  мыйзам долбоору кайрадан демилгеленип жатат. “Ата-Журт Кыргызстан” фракциясынын өкүлү Надира Нарматова V чакырылыштагы айрым депутаттардын бул тууралуу демилгесин аягына чыгаруу үчүн төрага Талант Мамытовдон уруксат сурады. 

 “Чет элдик агент”: бутада ММК жана бейөкмөт уюмдары

Адахан Мадумаров УКМК тарабынан кармалган партиялашы Мирлан Ураимов тууралуу Жогорку Кеңеште маселе көтөрдү.  

УКМК кармаган Мирлан Ураимов ким?

Бишкектин Биринчи май жана Свердлов шайлоо округдарында 27-февралда өтө турчу кайтадан шайлоонун үгүт иштери башталды. 

Кайрадан шайлоо: “600 агитатор жалдаган талапкерлер бар”

Президент 20-январда республикалык бюджеттин 63% өсүшү каралган мыйзамга кол койду. Бул амбициялуу өсүш планы канчалык ишке ашышы мүмкүн?

Садыр Жапаров республикалык бюджетти 63% өсүш менен бекитти. Аны ишке ашыруу реалдуубу? 

УКМК: Орозайым Нарматованын диплому жасалма болушу мүмкүн 

Бишкектеги Биринчи май жана Свердлов шайлоо округдары боюнча депутаттыкка талапкерлердин катары калыңдады. БШКга бул тууралуу арыздардарды тапшыруу мөөнөтү 27-январда аяктайт. 

Кайрадан шайлоо: талапкерлердин катары калыңдады

Быйыл Кыргызстанда шайлоолорго бай жылдардан болду. Январда президенттик, апрель-июлда жергиликтүү кеңештерге шайлоолор, ал эми жыл аягында, ноябрда, Жогорку Кеңешке шайлоолор өттү. Масштабы боюнча соңку парламенттик шайлоолор жыл ичинде өткөн шайлоолоордон саясаты, салмагы менен да өзгөчөлөнүп турду. 

Жыл жыйынтыгы: Парламенттик шайлоо 

Жогорку Кеңештин VII чакырылышынын төрагасы болуп президент Садыр Жапаровдун жакын тарапкери Талант Мамытов шайланды. Парламенттин жаңы курамы биринчи сессияга чогулду. Добуш берүүгө катышкан 87 депутаттын 63 Талант Мамытовду, ону экинчи талапкер – “Бүтүн Кыргызстан” лидери Адахан Мадумаровду колдоду. 