Саат 16:00гө карата 1 296 978 шайлоочу добушун берди
Борбордук шайлоо комиссиясынын төрайымы Нуржан Шайлдабекованын айтымында, саат 16:00гө карата 1 296 978 шайлоочу же 36,81 пайызы добушун берди.
Митингчилер Ак үйгө кирип барышты
Парламенттик шайлоонун жыйынтыгына нааразы болуп чогулган митингчилер таңга жуук Ак үйгө кирип барышты.
Түз алып баруу
Видеонун түшүндүрмөсү, Саат 16:00гө карата 1 296 978 шайлоочу добушун берди Премьер-министр Кубатбек Боронов добуш берди
Премьер-министр Кубатбек Боронов Бишкек шаарындагы № 62 мектеп-гимназиясында жайгашкан № 1105 шайлоо участкасында өз добушун берди.
"Республика боюнча 2430 шайлоо участкасы ачылды. Бул шайлоо тилкелери коронавирус инфекциясы пандемиясын эске алуу менен, Кыргыз Респуликасынын Жогорку Кеңешинин депутаттарын шайлоо процессин өткөрүүгө даяр. Шайлоо тынч маанайда өтөт деп ишенем. Өз кезегинде Өкмөт ачык, таза жана атаандаш шайлоо өткөрүүгө бардык шарттарды түзүп берет",- деди Кубатбек Боронов.
Сүрөттүн булагы, gov.kg
“Клооп” интернет-басылмасынын кабарчысына кол салуу болгон
Ош шаарында “Клооп” интернет-басылмасынын кабарчысына кол салуу болгон. Шаардык милицияга арыз жазылды. Окуяга болгон учурда ошол жердеги милиция кызматкерлери чара көргөн жок, деди журналист.
Саат 14:00гө карата 990 492 шайлоочу добушун берди
Борбордук шайлоо комиссиясынын төрайымы Нуржан Шайлдабекованын айтымында, саат 14:00гө карата 990 492 шайлоочу же 28,11 пайызы добушун берди.
Видеонун түшүндүрмөсү, Саат 14:00гө карата 990 492 шайлоочу добушун берди БШК: мыйзам бузуу боюнча 48 арыз түштү
Шайлоо жана референдум өткөрүү боюнча борбордук комиссиясынын мүчөсү Тынчтык Шайназаров саат 14:00гө карата маалыматтар менен бөлүштү.
“Уюшкан кылмыштуу топтун өкүлдөрү басым көрсөтүп жатканы тууралуу маалымат болсо, ИИМ сөзсүз чара көрөт. Ага жол берилбеши керек”,-деди Шайназаров журналисттердин суроолоруна жооп берип жатып.
Буга чейин айрым партия өкүлдөрү добуш берүү тилкелеринде белгисиз кишилер тарабынан коркутуп-үркүтүү болуп жатканы тууралуу кабарлашкан. Өлкө боюнча 10 миңден ашуун милиция кызматкери коопсуздук камсыздап жатат. Андан сырткары элдик кошуундар тартылган.
�
Видеонун түшүндүрмөсү, БШК: мыйзам бузуу боюнча 48 арыз түштү И.Матраимов: Добуш сатып алуу тууралуу бизге айтылган дооматтар чагым
Парламенттик шайлоо кандай өтүп жатат?
"Мекеним Кыргызстан" партиясынын мүчөсү Искендер Матраимов Би-Би-Синин суроолоруна жооп берди.
Өлкө боюнча шайлоочулардын жалпы саны
Бюлетенди сүрөткө тарткан шайлоочу
Добуш берүү тилкелеринин биринде бюлетенди сүрөткө тарткан жаранды байкап калышкан. Эмне максатта тартып алганын түшүндүргөн эмес. Бирок добушту сатып алуу болушу мүмкүн деген күмөндүү ойлорду жаратты. Бул боюнча териштирүү болору кабарланды.
Мирлан Жээнчороев: “Форма-2” менен катталгандарды атайын ташып келишүүдө
Парламенттик шайлоо кандай өтүп жатат? "Республика" партиясынын лидери Мирлан Жээнчороев Би-Би-Синин суроолоруна жооп берди.
Саат 12ге карата БШКга 21 арыз түштү
“Арыздардын басымдуу бөлүгү шайлоо тилкелеринде жабдыктар иштебей жатканы, жымжырттык күнүндө айрым телеканалдар партиялардын үгүт видеолорун ойноткону, белгисиз адамдар шайлоочулардын тизмесин чогултуп жүргөнү, партиялардын шайлоого байкоо жүргүзгөн өкүлдөрү добуш берүүчүлөрдү шайлоо кабинасына чейин коштоп барганы боюнча арыздар түштү”,-деди БШКнын өкүлү Тынчтык Шайназаров.
Видеонун түшүндүрмөсү, Саат 12ге карата БШКга 21 арыз түштү Саат 12ге карата шайлоочулардын 17,73 пайызы добуш берди
Шайлоо жана референдум өткөрүү боюнча борбордук комиссиясынын төрайымы Нуржан Шайлдабекова соңку маалыматтар боюнча маалымат берди. Жалпы 624 598 шайлоочу добушун берди.
Бишкек шаары боюнча – 84 106 шайлоочу добуш берди (16,9 пайызы)
Ош шаары -37 860 (21,04%)
Жалал-Абад облусу – 125 225 (19,45%)
Ысык-Көл облусу – 47 971 (16,5%)
Нарын облусу – 32 260 (18,31%)
Ош облусу боюнча – 120 423 (17, 64%)
Талас облусу – 28 130 (18,88%)
Чүй облусу -99 013 (16,88%)
Баткен облусу – 49 610 (17,45%)
Видеонун түшүндүрмөсү, Шайлоо жана референдум өткөрүү боюнча борбордук комиссиясынын төрайымы Нуржан Шайлдабекова Өлкө боюнча шайлоочулар саны
Шайлоо участкаларынын сегиз пайызында коронавирустун алдын алуу эрежелери толук аткарылган жок, “Жалпы иш” фондусунун байкоочулары айрым майда мыйзам бузуулар жөнүндө билдирүүдө.
Аталган фонддун маалыматына караганда, көпчүлүк шайлоо участкаларында (91%) COVID-19га байланыштуу алдын-алуу эрежелери толугу менен аткарылды, 8% толук аткарылган жок.
Бул фонд тарабынан жалпы өлкө боюнча 300 стационардык байкоочу, 58 мобилдүү команда жана сегиз регионалдык юрист дайындалган.
Сүрөттүн булагы, commoncause.kg
Саат 12ге карата БШКнын маалыматы
Шайлоочуну беткабынан “тааны”
Айрым шайлоо тилкелеринде узун кезектер жаралып жатканы айтылууда. Ошол эле маалда беткапка белги басылганы же партиянын туусуна окшогон түстө беткап кийгендер тууралуу шайлоочулар сүрөттөрдү жарыялап жатат. БШК ар бир аракеттер боюнча баа берилет деп айтты.
А.Сулайманов: “Форма-2” менен добуш сатып алуу жүрүүдө
Парламенттик шайлоо кандай өтүп жатат? "Бир бол" партиясынын лидери Алтынбек Сулайманов Би-Би-Синин суроолоруна жооп берди
Беткабына белги коюлган адамдарга даяр бюллетендер берилип жатабы?
Айрым байкоочулар беткабы белгиленген адамдарга мурда даярдалган бюллетендер берилип жатканы боюча дооматтарын айтууда. БШКнын өкүлү Тынчтык Шайназаров бул маалыматты текшерип жатышканын белгиледи.
Төмөндөгү сүрөттөгү беткаптан ошондой белгилерди көрүүгө болот. Сүрөт Ош шаарында тартылган.
Нарын районунун Өрнөк айылындагы добуш берүү
Сүрөттүн түшүндүрмөсү, Бул чакан айылда үч жүздөн ашык шайлоочу бар 
Саат онго карата 236 921 шайлоочу добушун берди
Борбордук шайлоо комиссиясынын төрайымы Нуржан Шайлдабекованын айтымында, саат онго карата 236 921 шайлоочу же 6.7 пайызы добушун берди.
Видеонун түшүндүрмөсү, Саат онго карата 236 921 шайлоочу добушун берди Ө.Текебаев: Бул жолку парламент курамы – Кыргызстандын келечегин аныктайт
Парламенттик шайлоо кандай өтүп жатат? "Aта Мекен" партиясынын лидери Өмүрбек Текебаев Би-Би-Синин суроолоруна жооп берди.
“Бул жолку шайлоо келишкис катаал атаандаштыкта өтүп жатат. Мурда болуп көрбөгөндөй атаандаштык жана каржылык ресурс чоң ролду ойноп жатат”,-деди Ө.Текебаев.