Ric Hassani ezi aha ya bụ Ikechukwu Ahiauzu ọ bụ onye?

Foto otiegwu a ma ama bụ Waje na otiegwu Ric Hassani ebe ha na-eme 'love nwantịntị' pụtara na soshal midia emeela ka ụmụ Naịjirịa kwuwe na ha na-achọ ịlụ di na nwunye.

Waje wepụtara foto a n'akara instagram ya ma tinye eserese ihunanya n'akụkụ ya.

Nke a mere ka ndị mmadụ ma ndị ọyị ha bido butewere ha ozi ekele ha deme n'ihunanya dabara ha.

Waje dị afọ iri anọ ji a mụọla nwada dị afọ iri abụọ na otu a kpọrọ Emerald, ebe Ric Hassani dị afị iri atọ na abụọ amụtabeghị nwa.

Waje dekwara n'akụku foto ahụ o wepụtara sị na "oge eruola" mana ndị mmadụ ka na-ajụ oge ihe ole ruru.

Ọ bụ egwu ka na -akwado itipute?

A mabeghị nke ọ bụ, ma na ụfọdụ ndị mmadụ na-ekwu na o nwereike ịbụ egwu ka ha na-akwado itiputekọ ọnụ.

Mana mgbe BBC kpọtụrụ ndị otu Waje, ha kwuru na o nwere nnukwu nkwupute ha na-akwado ime. N'okwu Waje, "agaghị m ekwupute ya ugbua, mana obi dị m ụtọ nke ukwu"

Gịnị ka Ric Hassani kwuru?

O meghị ka o nwere ihe merenụ. Ọ depụtere na twitter ya na ọtụtụ mmadụ amarala na striti ya, "nna ọgịnị na-eme?"ka onyonyo ebe na-akwa iko agbaala n'anwụ, biko gịnị na-eme n'ụtụtụ a?"

Onye bụ Ric Hassani?

Ikechukwu Eric Ahiauzu e ji Ric Hassani wee mara abụghị anụ taa.

N'afọ 2017 ka ọ chakere site n'egwu dịka 'Gentleman' , 'Believe', 'Number One' na 'Marry You' nke o tipụtara.

Ya na otiegwu dịka Falz, Olamide, Chike and Johnny Drille etikọọla egwu.

E ji iti egwu ihụnanya mara ya.

N'afọ 2019 ka ọ wepụtara egwu "Do like i say" nke ya ndị otu egwu ya akpọrọ DBYZ tiputere.

Akụkọ ndị ga-amasị gị