BBC News, Ìgbò
Wụga n’ọdịnaya

You’re viewing a text-only version of this website that uses less data. View the main version of the website including all images and videos.

Take me to the main website

Anthony Joshua vs Pulev: Anthony Joshua akụpụla Kubrat Pulev ọkwụrụ n'anya

Ọkụọkpọ Anthony Joshua akpọrọ Unified world heavyweight champion ji ike na ndịdị kụpụ Kubrat Pulev ọkpụ n’anya nke mere na olileanya dị na ya na Tyson Fury nwerike ịlụ ọgụ ụwa na-eche kamgbe.

Mkpuchi Na Eme Ozugbo

  1. E duola ndị ọkaikpe Ụlọikpe Kachasị mmadụ asatọ

    Ọkaikpe Kachasị nke Naijiria bụ Jọstịs Tanko Mohammed eduola ndị ọkaikpe Ụlọikpe Kachasị mmadụ asatọ iyi ọrụ taa bụ abalị isii nke ọnwa Novemba, afọ 2020.

    Nke a welitere ọnụọgụgụ ndị ọkaikpe nke Ụlọikpe Kachasị site na iri na abụọ ha dịbu ruo iri abụọ.

    Ndị e duru na ya bụ iyi ọrụ gụnyere Emmanuel Agim, onye 'South-South', Samuel Oseji, onye 'South-South',Helen Ogunwumiju, onye 'South-West' na Tijani Abubakar, onye 'North- East'.

    Ndị ọzọ bụ Abdu Aboki, onye 'North West', M. M. Saulawa, onye 'North West' na Adamu Jauro, onye 'North East'.

    Ha ṅụrụ iyi ịkwado Iwu ala Naijiria.

  2. Buhari agaghịzị aga ụlọọgwụ mba ofesi ọzọ

    Onyeisiala Mohammadu Buhari agaghịkwa aga ụlọọgwụ na mba ofesị ọzọ ma eme uche ndị ụlọomeiwu sineti.

    Onye nkwuru nke a bụ Sinatọ Danjuma La'ah mgbe ndị ọrụ ụlọọgwụ dị n'obi onyeisiala bịara ịkọwa maka ego ha tinyere na bọjet nke afọ 2021.

    Ndị ụlọọgwụ ahụ wetere ego dị ijere Naịra iri na itoolu (N19Bn) nke otu ijeri na ụma atọ (N1.3bn) n'ime ya bụ maka idozi ụlọọgwụ ahụ.

    Ndị omeiwu ahụ gwara ha na ha ga-anabata ya bụ ọkpụrụkpụ ego mana ha kee nkwụcha ịrụ ọrụ ya na ya so.

    H akwuru na ha agaghị akwụfucha ụdị ụgwọ ahụ ma hapụ ka onyeisiala na-aga ụlọọgwụ na mba ofesi.

  3. Unu asaala chi e! Ndụ mmiri, ndụ azụ. Nke onye chiri ya zere

  4. Buhari na ndị eze ọdinala na-eme nzukọ

    Onyeisiala Naijiria bụ Muhammadu Buhari na ụfọdụ ndị eze na Naijiria a pịị aka were họrọ gụnyere Ooni nke Ife bụ Oba Adeyeye Enitan Ogunwusi; na Sultan nke Sokoto mabụrụkwa onyeisi otu jikọrọ ndị Eze na Naijiria nakwa onyeisi Alakụka Alakụba bụ Muhammad Sa’ad Abubakar.

    Ndị eze ndị ọzọ nọ n'ọgbakọ ahụ nke e mere n'imeụlọ bụ onyeisi otu jikọrọ ndị Eze n'Imo steeti,Emir nke Kano, Emir nke Fika, Tor Tiv, na ndị ọzọ.

    A mabeghị isiokwu ọgbakọ ahụ.

  5. Lee etu ọkụ si gbaa ọdọ mmanụ agbịdị n'Ijora Legọs

    Ndị ọrụ gbatgabata na Legọs ekwuola na ọkụ gbara na ọdọ mmanụ agbịdị dị na mpaghara Ijora na steeti ahụ.

    Ha kwuru na ha amalitela usoro iji kwụsịlata ya bụ ọkụ ka ọ ghara ịmetụta ihe ndị ọzọ n'iihi na ọ dị nso n'ebe ndị mmadụ bi.

    Ha jikwa ohere ahụ gwa ndị bi na Legọs ha enwela obi nkolopu n'ihi ihe a mere.

  6. Naịjirịa chọrọ ịma ka Chukwunonso Madueke aga ahapụ England gbawazịrị Super Eagles

    N’egwuregwu, Naịjirịa malitela ịzụọkwe ịme ka Chukwunonso Madueke na-agbara England ọ ga-abịa isonyere ha na Super Eagles.

    Nwafọ Naịjirịa a amụrụ na Uk malitere ịgbara England mgbe ọ gbara afọ iri na isii ruo ụgbụa ọ dị afọ iri na asatọ.

  7. Olisa Agbakoba ekwuola ụzọ ka mfe iji hazigharịa Naịjirịa

    Okaikpe ukwu bụ Olisa Agbakọba ederela ndị isi Sinate akwụkwọ na-arịọ ka ha gbaa mbọ hazịgharịa ọchịchị obodo a n’ụdị ga-enye ndị steetị ikike karịrị nke gọọmentị etịtị.

    N’akwụkwọ ọ degaara Ahmed Lawan bụ onyeisi ndị Sineti, Agbakọba sị na ọ bụ naanị inye ndị steetị ikike ịlekọta onwe ha bụ ụzọ Naịjirịa ga-esị gaa n’ihu.

  8. Nkwekọrịta ASUU na gọọmentị esiela ike

    Nzụkọ ndị ASUU na gọọmentị nwere maka usoro ịkwụ ụgwọ ọnwa ha nakwa ọdịmma agụmakwụkwọ akpụọla afọ n’ala ọzọ.

    Minista agụmakwụkwọ bụ Chris Ngige sị na gọomenti nwereike ịnye ndị nkuzi mahadum ijeri Naịrịa iri abụọ maka ịmezi ụlọakwụkwọ, karịa otu narị ijeri Naịrịa na ụma iri ndị ASUU na-ana ha.

    ASUU na gọọmentị nọ na dọndọkịrịdọ maka ịhe gbasara usoro akwụmụgwọ ọnwa ha a kpọrọ IPPIS bụ nke ASUU sị na ha achọghị.

    ASUU sị na usoro a ga-adọchịrị ha akaelekere azụ na ọ bụ nke ha mepụtere bụ University Transparency and Accountability Solution (UTAS) ka ha chọrọ iji.

    Gọọmentị ekwetebeghị nke a., tinyere na ha sị na ha ejighị ego niile ASUU na-ana ha.

  10. Nnamdi Chukwuocha emerirela na ntuliaka ụlọomeiwuu Delaware, Amerịka

    Nnamdi Chukwuocha esonyela na ụmụ Naijiria merịị na ntuliaka mba Amerịk na-aga n'ihu ugbua.

    Chukwuocha oinye otu 'Democrats' nwetara oche dịka onye nnochiteanya n'ụlọomeiwu steeti Delaware dị na mba Amerịka.

    Ụmụ Naijiria ndị ọzọ nwetarala mmeri na ntuliaka ahụ bụ gụnyere Oye Owolewa, Ngozi Azubike, April Ademiluyi, Esther Agbaje, Paul Akinjo na ndị ọzọ.

  11. Ụmụaka enweghị aha afọjuola Manchester United aja n'ọnụ

    Ị nụtụla aha otu egwuregwu bụ Istanbul Basaksehir? Ọ bụ ndị a nyụrụ ndị Manchester United ịkpakwụ n'asọmpi Uefa Champions Leagu n'abalị Wenezde.

    Ọkpụ goolu abụọ a satara otu ka ndị Istanbul Basaksehir ji merụọ Manchester United ahụ.

    Ọ bụ Demba Ba, onye gbabuur otu egwu bọọlụ Chelsea, nyere goolụ abụọ ha ji nweta mmeri.

    Nke a bụ nke mbụ ndị Istanbul Basaksehir na-enyete goolu n'asọmpi Champions League kamgbe e hibere otu egwuregwu ahụ n'afọ 1990.

    Ojisi ka Anthony Martial ji nyetere Man United otu goolu ha ji gbaa aka ahịa.

    Ndị ọzọ a ma ama sokwa n'otu Istanbul Basaksehir gụnyere Martin Skrtel gbabuur ndị Liverpool na Rafael Da Silva gbabuuru Manchester United.

  12. Kanye West ekwetala na emeriri ya

    Otiegwu a ma ama bụ Kanye West anabatala na-emeriri ya na ntụliaka ọkwa onyeisiala e mere n'afọ 2020.

    O dere n'akara Twitter ya na ọ ga-alaghachite ọzọ zọọ ya bụ ọkwa n'afọ 2024.

    West zọrọ ya bụ ọkwa dịka onye kwụrụ onwe ya gosikwara n'akara Twitter ya ebe o binyere onwe ya aka.

    Nke a dara iwu ala mba Amerịka nke kwuru na mmadụ ọbụla ekwesighi ịgosi onye ha biinyere aka na ntuliaka mana o dobeghi anya ma ọ ga-erite ntaramahụhụ n'ihi agwa a ọ kpara.

  13. Otu nwoke atapụla nwunye ya mkpisiaka atọ

    Ụlọikpe majie dị n'Abụja ejichiela otu nwoke maka ịtapụ nwunye ya mkpịsịaka ya atọ.

    E kwughị ihe butere esemokwu ahụ mana dịka ụlọakụkọ Guardian siri kwuo, Amusu Olajide, onye ọrụ mekanịk bi n' ime obodo Gui dị na Sunka nso Abuja, kwetara na ya mere ya bụ ihe n'ezie.

    Onye Ọkaikpe nyere iwu ka e jichie ya bụ nwoke ganye oge nwunye ya gbakere n'ụlọọgwụ.

  14. Ndebanye aha maka ịtụ vootu ga-eri Naịjirịa otu ijeri naịra - INEC

    Ngalaba nhazi ntuliaka na Naịjirịa bụ 'Independent National Electoral Commission' (INEC), ekwuola na ọ bụ na mbido afọ na-abịa abịa ka ha ga-amalite idebanye aha ndị mmadụ maka ntuliaka afọ 2023, bụ nke a kpọrọ 'Continuous Voter Registration' na bekee

    Onyeisi Inec bụ Mahmood Yakubu kwuru nke a n'ụbọchị Wenezde oge ọ gara ịkọwara ndị omeiwu Naịjirịa atụmatụ mkpata na mmefu ego ha maka afọ 2021.

    Yakubu kwuru na ya bụ ndebanye aha ga-eri Naịjirịa otu ijeri naịra.

    Cheta na ndebanye aha maka ịtụ vootu kwesịrị imalite n'ọnwa Ọkụtoba afọ a, mana Inec yigharịrị ya n'ihi ọrịa coronavirus

    Yakubu gakwara n'ihu rịọ ndị omeiwu ka ha mee ngwangwa kwado iwu ntuliaka ọhụrụ bụ 'Electoral Act' nke ga-enye ndị Naịjirịa bi na mba ofesi ikike iso tụọ vootu ma oge ruo.

  15. Ihe anyị ga-eji ego anyị chọrọ igbaziri n'aka mba Brazil mee - Mịnịsta 'Finance'

    Mịnịsta na-ahụ maka nchịkọta ego bụZainab Ahmed ekwuola na Naịjirịa chọrọ ịgbazite ego dị otu ijeri dọla na ụma abụọ n’aka mba Brazil iji kwalite nkọpụta ihe oriri n’afọ na-abịa abịa.

    O kwuru nke a oge ọ gara ịkọwara ndị omeiwu atụmatụ mkpata na mmefu ego nke mịnịstrị ya maka afọ 2021.

    Zainab kọwara na gọọmentị etiti nwere atụmatụ ha kpọrọ 'Green Imperative Programme' bụ nke ha chọrọ iji nyere ndị ọrụ ugbo aka ma mee ka nri bawanye na Naịjirịa.

    Ọ gara n'ihu kwuo na gọọmentị etiti ga-enwe ala ruru otu puku narị 'hectare' na steeti niile dị na Naịjirịa maka nkọpụta nri.

    Ọ kọwakwara na "gọọmentị ga-arụkwa okporoụzọ niile e si abanye n'ugbo ndị ahụ iji mee ka ọ dịrị ndị ọrụ mfe ịga ọrụ nakwa ibupụta ihe ubi ha mepụtara."

  16. Obiano ewepụtela bọjeetị nke afọ 2021

    Gọvanọ Anambra steeti bụ Willie Obiano ewegarala ndị omeiwu steeti ahụ atụmatụ mkpata na mmefu ego maka afọ 2021, bụ nke Bekee kpọrọ 2021 'budget'.

    Dịka atụmatụ ahụ si dị, ego Obiano wepụtara maka iji rụọ ọrụ n'Anambara steeti n'afọ 2021 bụ otu narị ijeri naịra, na ijeri naịra iri anọ na atọ na ụma (143.6 billion).

    Ihe Obiano kpọrọ bọjeetị a bụ “Budget of Economic Recovery and Consolidation”.

    E kere ya bụ bọjeetị ụzọ abụọ: otu ụzọ bụ ego a ga-eji rụpụta ihe a na-ahụ anya, Bekee kpọrọ ya 'capital expenditure'; nke ọzọ bụ ego a ga-eji kwụọ ụgwọ ma mee ihe ndị ọzọ na-adapụta kwa mgbe kwa mgbe, bụ nke Bekee kpọrọ 'recurrent expenditure.'

    'Capital expenditure' nke afọ a bụ ijeri naịra iri asatọ na isii na ụma (N86.88 billion) nke pụtara pasentị iri isii na ụma ise (60.5%) nke bọjeetị ahụ.

    N'aka nke ọzọ, 'recurrent expenditure' bụ ijeri naịra iri ise na isii na ụma asaa (N56.77 billion) nke pụtara pasentị iri atọ na itoolu na ụma ise (39.5%) nke bọjeetị ahụ.

  17. Maradona wara akpụ n'ụbụrụisi

    Ọkpankọ ama ama n'egwubọọlụ bụ Diego Maradona awaala akpụ ụbụruisi.

    Ndị dọkịnta na-elete ya anya sị na-emere ya n'udo.

  18. Atọhapụla mmadụ 17 ndị ntọ ji na Nasarawa steeti

    Ozi ọma pụtara taa bụ na ihe karịrị mmadụ isi na asaa atọọrọ izu gara aga na Nasarawa steeti enwerela onwa.

    Otu onye n'ime ndị ahụ gwara ndị nta akụkọ na ha kwuru nde Naịra abụọ na ụma abụọ maka ịtọhapụ ha.

  19. Dịka ana agụ mpụtara ntuliaka mba Amerịka, Twitter amachiela onyeisiala Trump izisa ozi gbasara ya

    Dịka ndọrọndọrọ ọchịchị onyeisiala mba Amerịka na-akpọtụ, Joe Biden na Donald Trump ekwuola na obi kara ha n'ogogo mpụtara na steeti nke akpọpụtagoro.

    Ka ọ dị ugbua, Twitter amachiela Trump izipu ozi ọbụla gbasara nrụrụaka na ya bụ ntuliaka.

  20. 'Kamera dị na Lekki 'tollgate' anyụọlarị ka ọkụ kemgbe elekere asatọ nke abalịụbọchị ahụ' - LCC

    Ị nụkwara na camera dị na Lekki Toll gate kwusiri ịrụ ọrụ n'elekere asatọ nke abalị ụbọchị ahụ agbara ụmụmmadụ na-eme ngagharịiwe Endsars egbe?

    Onyeisi ndị Lekki Concession Company bụ Abayomi Omomuwasan gwara ndị kọmitii na-elebe anya na ya bụ okwu ụbọchị Tuzde n'ọgbakọ nke anọ ha mere bụ nke ha ji elebe anya na ndị kpara arụ site n'ịgba egbe n'ụbọchị ahụ.

    Ihe karịri izuụka abụọ ndị ana eche na ha bụ ndị agha Naịjirịa gbachara ya bụ mkpam mkpa, ya bụ kọmịtịị ka na etịnye anya ịchọpụta onye sị ha gbaa ya bụ egbe.

    Ndị agha Naịjirịa na ekwusi ike na ọbịghị ha gbara ya bụ egbe agbanyeghị na ahụrụ ndị ya akwa ndị agha n'ihe onyonyo na-efegharị ka ha na-agba ya bụ egbe.

    Ọ kwa eziokwu na ha mechere kweta na Gọvanọ Legọs ziri ha ga mee ka udo lọhachie ebe ahụ mana na-ọbụgị ha gbara ya bụ egbe. dịka onyeis ha na 81 divishọn bụ Osoba Olaniyi siri kwuo.